radheef.info
ރަދީފު


ޓ
ނ ތާނައިގެ ވިހިވަނަ އަކުރު
ކުރިގަނޑު
ނ (1) ރުއްރުކުގެ ފަން ހުންނަ ހިސާބު (2) ދިވެހިރުކުގެ ކުރީގެ ކާން ކަމުދާ ޅަތަން (3) ޕޫލްކޮޕީގަހުގެ ފަތްބޮނޑި (4) އިންދަން ގެންދާ ކައްޓަލަކުރީގެ ބޮނޑިވަރު
ކުރިޖެހުން
މ ކައްޓަލަ ވެޔޮ ބުރިބުރިކޮށްގެން އިންދުން
ކުރުކުރު
ނ ފަލަމަޑީގެ ބާވަތެއް މިއީ މަތިވައް ފަތްހެން ފަތްހުންނަ ވެލެއްގެ ގޮނޑިއެކެވެ މީގެ ބޭރުހުންނަނީ ކަޅު މުށިކުލައެއްގައެވެ ތޮށިގަނޑުގައި ނަރުވާތަކެއް ފަޅައިފައިހުރެއެވެ މިވެލުގައި އަޅާ އެއްޗެއްސަށް ކިޔައި އުޅެނީ ކުރުކުރުކައްޓަލައެވެ އެ ހުންނަނީ ކުދި ކޮންނެވެ
ކުރުއްޕި
ނ ކޮށިކޮށީގެ ބަޑިޖަހާ މީހުން ލައި އުޅުނު ލިބާހެއް މިލިބާސް ހުންނާނީ ބަނޑު ފަޅައިލައިފައި ކޯޓެއްގެ ސިފައިގައެވެ
ކުރުދޮށްޓަށްއެރުން
މ (1) މަސްއައިން ދަހިވެގެން ކުރުދޮށީގައި ހިފާވަރުވުން (2) މަޖާޒު: ކަމެއް ނުވަތަ މަސައްކަތެއްގައި އަތް ހުއްޓައިލާހާ ތަންވަޅުނުވުން (3) އަވަސް އަވަހަށް ކެއުން ނުވަތަ ބުއިން
ކުރެހުން
ނ (1) ހަމައެއްގެ މަތީން އެއްޗަކަށް ވާނޭހެން އަޅައިފައި ހުންނަ ރޮނގުތައް މ (2) ވަކި ޤަވާއިދެއްގެ މަތިން ރޮނގުއެޅުން (3) ވަކިޤަވާއިދެއްގެ މަތިން ބިންވަޅު ނެގުމާއި ފޫވެއްޓުން (4) ތަސްވީރުފަދަ ތަކެތި ފެވުން (5) އެއްވެސް އެއްޗަކަށް ނުވާނޭގޮތަށް ރޮނގުތަކެއް އެޅުން (6) ގައިގެ ހަމުގައި ކޮންމެވެސް އެއްޗަކުން އެޅިގެން ކިރިޔާ ތެޔޮހަން ކެޑުން (7) ފޮޓޯނެގުން
ކުރޮޅި
ނ (1) ހިކިގެން ނާށިގަނޑުގެ ތެރެއިން އަމިއްލައަށް ނެއްޓިފައި އޮންނަ ކާށި މި ކާށި ބޮނބިގަނޑާ ނާއްޓާ އެކީއޮތަސް ކިޔަނީ މިހެންނެވެ (2) ހަރުލައިފައި އޮންނަ ތޮށީން ހިކިގެން މަދުނެއްޓިފައި އޮންނަ އޮށް ނުވަތަ ބަދަން (3) ލަނބުރާނު ކޮޅުގައި ހަރުކޮށްފައި ހުންނަ ތިންލޯވަޅު ހުންނަ ގޮއްލަ (4) ތިން ފުރޮޅުލީ ދުއްވާ އެއްޗެއް މީގައި ދަތުރު ކުރެވޭނީ ދުއްވާމީހާގެ އިތުރަށް ދެމީހުންނަށެވެ މީގައި ހުންނާނީ ސައިކަލް އިންޖީނެކެވެ
ކުރޮޅިވުން
މ (1) ހިކިގެން ނާށީން ކާށިގަނޑު ނެއްޓުން (2) ހިކިގެން ހަރުލައިފައި އޮންނަ ތޮށީން މަދު ނެއްޓުން (3) އޭގެ ޒާތުގައި ހުންނަ ތެތްކަން ކެނޑިގެން ގޮސް މާބޮޑަށް ހިކުން
ކުރޮޅިފިލާގަނޑު
ނ ކުރޮޅީން ހުނިގާނަން ތަންތަންކޮޅުން ލޯވަޅު ތޮރުފައި ކަށިކޮށް ހަދައިފައި އޮންނަ ޓިނުގަނޑު ނުވަތަ ލޯގަނޑު މިފިލާގަނޑެއްގައި ލޯނަރު ޖަހައި ގެންވެސް ހަދައެވެ
ކުބާ
ނ )ޏ ( (1) ކާއްޓާއި ލުނބޯފަދަ ތަކެތީގެ ދެބުރިކޮށް އެއްބުރި (2) މަހާއި އަދި މިނޫންވެސް ބައެއް ތަކެތީގެ ދެފަޅިކޮށް އެއްފަޅި
ކުޅިބަލާގެ
ނ (1) އިހުގައި އަންހެނުން މަގުމަތި ބަލާން އަރައި ތިބުމަށް މަގުމަތީ ފާރުކައިރީގައި ތަންކޮޅެއް އުސްކޮށް ހަދައި ހިޔާކޮށްފައި ހުންނަތަން (2) ކުޅިބެލުމަށްޓަކައި އިށީނދެ ތިބުމަށް ހަދައި ހިޔާކޮށްފައި ހުންނަތަން
ކުޅިކޮށި
ނ (1) ކޭއެއްޗެހީގެ ރަހަޔާއެކު އަންނަ ވަޔަކުން އަރާކޮށްޓެއް މިކޮށިއެރުމުން ބައެއް ފަހަރަށް ކޭއެއްޗެހިވެސް އާދެއެވެ (2) ކަނޑިއާއި އައްޑަނައާއި ލޮންސިފަދަ ތަކެތީގެ ހެވިކަން ދަސްކޮށްދީ ފަރިތަކުރާތަނާއި މިކަމުގެ ޙަރަކާތްތައް
ކުޅިވަރު
ނ މުނިފޫހި ފިލުވުމަށް ނުވަތަ ހަށިގަނޑަށް ކަސްރަތު ހޯދުމަށް ވަކި ހަމައެއްގެ މަތިން ކުރާ ބައެއް ކަހަލަ ކަންތައްތައް މިސާލު: މިޔުޒިކްކުޅުން ފުޓްބޯޅަކުޅުން
ކުޅިވަރުހުރުން
މަޖާޒު: ކަންތަކެއް ހުއްޓޭ ބުނުމަށް ބުނާގޮތެއް
ކުޅިސަމާ
ނ (1) ކުޅިޖަހާ ސަމާ. މިއީ ސަމާގެ މަތީ ދަރަޖައެވެ. އާދަކާދައިގެ ގޮތުން ކުޅިހުއްޓާރޭ ކުޅި ޖައްސަވާނީ ކޮށިކޮށީގެ ވެރިންނަށް ތިއްބަވާ ބޭފުޅުންނާއި ކޮށިކޮށީގެ މަތީ ދަރަޖައިގެ ބޭފުޅުންނެވެ (2) މަޖާޒު: ކުޅިވަރާ މަޖަލުގެ ފޯރިގަދަކަން ބަޔާންކުރުމަށް ބޭނުންކުރާ ބަހެއް މިސާލު: އެގޭގައި މިރޭ ކުޅިސަމާ އެބަހުއްޓެވެ
ކުކުޅުކާށި
ނ ވާރުނެގި ޒަމާނުގައި ވާރަށް ނަގާ ކުކުޅަށް ކާންދިނުމަށްޓަކައި ކޮންމެ ކުކުޅަކަށް ބާރަކާށިމަގުން ރަށްރަށުން ނަގާ އުޅުނުކާށި
ކުފީރު
ނ (1) ދަތިތަންތަން ސާފުކުރާން ބޮނބިނަރުން ބަނދެގެން ގެންގުޅޭ ފިހި (2) އެކިއެކ ބޭނުމަށްޓަކައި ބަނދެފައި އޮންނަ ފިހިގަނޑު
ކުފުރުބޮނޑި
ނ (1) ގަބުޅި ހުނި ދިވެހި ހަކުރު އަޅައިގެން ހިލައި ހިކެންފެށީމާ ހިއްތަލަފުށްއަޅައި ރަނގަޅަށް ހިލުނީމާ ކުރުއްޕަތަށް އަޅައި ބަދަބަދައަށް ވާގޮތަށް ބަނދެ ފެނުކައްކާފައި ދުމަށްޓަށްލައި ހިއްކައިފައި ހުންނަ ބޮނޑި (2) މަޖާޒު: ފާޑެއްނެތި ބަނދެފައި އޮންނަ ފޮތިބޮނޑި
ކުފުރުވަޅު
ނ ޤުރުއާން ކިޔެވުމުގައި މަޖުބޫރުވެގެން މެނުވީ ހުއްޓައިގެން ނުވާނެ ތަންތަން
ކުދިމަގޫ
ނ ކުދިމަގޫފަތާ ވައްތަރުކޮށް ފަތްހުންނަ ގަދަވައި ލެޓުކުލައިގެ މަލެއްއަޅާ ޅަކޮށްހެދޭ ކުޑަގަހެއް މިގަހުގެފަތް ކައިއުޅެއެވެ