radheef.info
ރަދީފު


ކަށް
ނ (1) މަރުވެފައި އޮތް މީހާ (2) މުޅަ
އަޖައިބު
ނ (1) ފިކުރު ހުސްވެ ބުއްދިއަށް އޮޅުން އަރާފަދަ ކަންތައް ނުވަތަ ތަކެތި (2) ނާދިރުކަމެއް ފެނިގެންވާ ޙައިރާން (3) އ ކުރަންވާ ގޮތްނޫން ގޮތަކަށް ކަމެއް ކުރެވުމުން ނުވަތަ ހީކުރިގޮތާ ޚިލާފަށް ކަމެއްވުމުން ނުވަތަ ނޭދެވޭ ގޮތަކަށް ކަމެއްވުމުން ބުނެއުޅޭ ބަހެއް
އާށު
ނ (1) ހިސާބުކުރާއިރު އެއްކޮށް ގުނަކޮށް ގެއްލުމުގައި އަށަކަށް ކިޔާ ގޮތެއް (2) އަށެއް
އާނޅެޔޯ
އ މީހަކު ރަށަކަށް އައިމާ ނުވަތަ ކަމެއްގައި ކާމިޔާބު ވީމާ މަރުޙަބާގެގޮތުގައި ގޮވައިލާ ބަހެއް ސާބަހުގެ މާނައިގައި ވެސް މިބަސް ބޭނުންކުރެއެވެ
އާވިނެގުން
މ (1) ބައެއްތަކެތީގެ އަރަގު ނެގުން (2) އެތެރެހައްޓަށް ވާގޮތަކުން ހަށިގަނޑުގެ ތާކަށް ހޫނުވާހެން ހީވުން (3) އުދާސްނެގުން
އާމަނަކަ
ނ ގަހެއްގެ ނަން މީގެ އޮށުން ހާނާތެލަކީ ވަރަށް މޮޅު ޖުއްލާބެކެވެ މީގެ ފަތް ހުންނާނީ ފަޅޯފަތް ހުންނަކަހަލަ ގޮތަކަށް އެއަށްވުރެ ކުދިކޮށެވެ
އާދަ
ނ (1) ވަކިޤަވާޢިދަކަށް ހިނގަމުން އަންނަކަމެއް (2) ބައެއްކަންތައް ކުރާތަނަށް ބޭރުމީހުންވަނީމާ ދޭންޖެހޭ ދަރަނި (3) ރަސްމީ ބައެއްތަންތަނަށް ވަނުން ހުއްދަކުރުމަށްޓަކައިދޭ ފައިސާ (4) ކުރަމުން އަންނަކަމެއް
އާދަވުން
މ (1) ކަމެއްކޮށްކޮށް އެކަމެއްތިމާގެ އާދަޔަކަށްވުން (2) ކަމަކަށް ހޭނުން
އާދޭސް
ނ އެއްޗަކަށް ކަމަކަށް ނުވަތަ މާފަކަށް އެދިގެން ތިމާ ނިކަމެތިވުމާއެކު ބުނާ ބުނުން
އާލާތްނެތިކެޔޮޅެއްނުވާނެ
)މުސްކުޅިބަހެއް( މަސައްކަތަށް ކިތަންމެ މޮޅުމީހެއް ކަމުގައިވިޔަސް އެމަސައްކަތެއްގެ އާލާތްނެތި އެމީހަކަށް އެކަމެއް ނުކުރެވޭނެކަން އެންގުމަށް ބުނެއުޅޭބަހެއް
އިހަކު
ނ އިހަކަށް
އިހިކަނދުރާ
ނ ކަނދުރާ ރީތިކަމުގެ މައްޗަށް ދޭ މިސާލެއް މިބާވަތުގެ ކަނދުރާ ހުންނަ މީހުންގެ ކަރުދޮށުގައި ވަރަށް ރީތި ގޮތަކަށް ހުރަހަށް ދެތިން ރޮނގު ހުންނާނެއެވެ
އިންސާފުމަގު
ނ (1) ވަކިފަރާތަކަށް ބޮޑުނުވެ ދެމީހެއްގެ ދެމެދުގައި ކަންތައް ކުރާންވީގޮތް (2) ޝަރީއަތުގައި ކަނޑައެޅިފައި އޮންނަގޮތް
އިންޒާރު
ނ މީހަކަށް ނަސޭހަތްދީ އަންނާންއޮތް ނުރައްކައުތެރިކަމާއި ދޭތެރޭ ހޭއެރުވުމަށް ބިރުގެންނެވުމާއިއެކު އަންގާ އެންގުން
އިންޒާރުކުރުން
މ މީހަކަށް ނަސޭހަތްދީގެން އަންނާންއޮތް ނުރައްކައިތެރި ކަމާއިމެދު ހޭ އަރުވައި ބިރުގެންނެވުން
އިންޤިލާބު
ނ (1) އެއްގޮތުން އަނެއްގޮތަށް ބަދަލުވާ ބަދަލުވުން (2) ތަނެއްގެ ވެރިކަމަށް ބުންޔާދީގޮތުން ކުއްލިއަކަށް އަންނަ ބަދަލު (3) އެއްދައުރަކުން އަނެއް ދައުރަކަށްވާ ބަދަލު
އިރަމައު
ނ ބޮނޑިޔަކަށް ހުންނަ ހުދުމަލެއް. މީގައި މަޑު މީރުވަހެއް ދުވައެވެ. މިއަށް ހާނީއްކައެއް ލިބިއްޖެނަމަ ދުވާނީ ވިހަވަހެވެ މީގެ ގަސް ހުންނާނީ ފަތްބޮޑެތި ކޮންނެވެ މިއީ މުލުން ގަސްފަޅައިގެން ވަރަށް ގިނަވާ އެއްޗެކެވެ
އިރުބަނުން
މ (1) މާކަނާ ތޮށިމަތީ އިންނަ ގޮތަކަށް ކިޔާ ނަމެއް (2) މަޖާޒު: މީހަކު ފިކުރު ބޮޑުވެ ޙައިރާންވެފައި ޖެހިގަލަކަށް އިންނަ އިނުން
އިރުވަރުބެލުން
މ (1) ކަމެއްކުރާނެ ހެޔޮވަގުތު ހޯދުން (2) މީހަކު ވަކިކަމަކަށް ކަނޑައަޅައިފައިވާ ވަގުތު ހޯދުން
އިރުވައިބަތް
ނ އިހުގައި ދެއްވާ ރަސްމީ ބޮނޑިބަތެއް. މިކަން އޮންނަނީ އިރުވައި ފެށުނީމައެވެ. މިކަން ކުރާނީ ފުރަތަމަ ރޭ އިސްދެވަރަށް ދޮށިމޭނާ ބޭކަލަކު ދެވަނަ ރޭ ހަކުރާދެވަރަށް ހަކުރާ ބޭކަލަކު ތިންވަނަރޭ ވެލާނާ ދެވަރަށް ވެލާނާ ބޭކަލަކު ހަތަރުވަނަރޭ އިސްދެވަރަށް މާފަތް ބޭކަލަކު ފަސްވަނަ ރޭ ހަކުރާ ދެވަރަށް ފާމުދޭރި ބޭކަލަކު ހަވަނަރޭ ވެލާނާ ދެވަރަށް ދަހަރާ ބޭކަލަކު މިޤަވާއިދުންނެވެ. ބަތެއްގައި ހުންނާނީ ނުވަ ގައު ބައެވެ. ހުންނާނީ ހަތަރުމަލާފަތުގައި މަލާފަތެއްގައި ފަންސަވީސް ބަތެވެ. ބަތް ބަލާދާ ކަލާސީއަކަށް ބަތެއް ބުރުޒު ބަނޑޭރިއަކަށް ދެބަތް އޮންނާނެއެވެ. އެގެންދާ ބަތުގެ ތެރެއިން އެކިއެކި ބޭފުޅުންނަށާއި ދައުލަތުގެ މަތީ މަޤާމުތަކުގައި ތިއްބަވާ ބޭބޭކަލުންނަށް ފޮނުވާނެއެވެ. މިބަތް ކައްކާނީ ބޮޑު ބޭކަލުންގެ ގޭގޭގައެވެ. ބޮޑުބޭކަލަކު ނެތްނަމަ ބަނޑޭރިގޭގައެވެ. އަދި މިބަތް ކައްކާނީ ވަރަށް މޮޅަށް ކިރާ ހަނޑުލުގައި ފޮނިތޮށި ކާފޫރުތޮޅި އަޅައިގެންނެވެ
އިބިލީސްކަށިޖެހުން
މ ގައިގެތަނަކަށް ހިމަހިމަ ލޯލިފަށެއްހެރިފައި ހުންނަހެން ހީވެފައި އެހެރުނު އެއްޗެއް ފެންނާންނެތުން