radheef.info
ރަދީފު


ގާ
ނ (1) ކެލްސިޔަމް ކާބަނޭޓުން ކަނޑުގެ މާހައުލުގައި އުފެދިގެން ބޮޑުވާ ހަރުއެއްޗެއް. މިއީ އޭގެ އަމިއްލަ ޒާތުގައި އުފެދި ގިނަވާ އެއްޗެކެވެ (2) ރާތަލެއްގެ ހަތަރުބައިކުޅަ އެއްބައި (3) ބައެއްކަހަލަ ތަކެތި ހިކިގެންވާހަރު މިސާލު: އުވަތައް ހުރީ ގާވެފައެވެ (4) ގަސްގަހާ ގެހި ކުރިލަމުން ހެދޭގޮތް ހުއްޓޭ ހުއްޓުން މިސާލު: އެމިރުސްގަސް މިހާރު ގާވެއްޖެއެވެ (5) މަޖާޒު: ކުދިން އުމުރާ އެއްވަރަށް ބޮޑުނުވެ ވާހަރު މިސާލު: އެކުއްޖާއެހެރީ ގާވެފައެވެ (6) ހިތްކޮށި މިސާލު: އެއީ ވަރަށް ހިތްގާ ކުއްޖެކެވެ
މޯހިރުންކެއުން
މ (1) މަސްއައިނުގައި ދުއްވާއިރު ހުންގާނު މޮއިގެ ފަހަތުން މަސް އައިސް އެންކެއުން މަޖާޒު: (2) އެމީހަކަށް އެނގުމަކާ ނުލައި އެމީހެއްގެ އެއްޗަކުން ފައިދާހޯދުން (3) އެހެންމީހުންގެ ތައްޕާހުން އުޅުން
މޯގޭޖް
މ ދަރަންޏަށް ތަކެތި ނަގާއިރު ގެދޮރާއި މުދައު ބަހައްޓާ ބެހެއްޓުން މިގޮތަށް ބަހައްޓަނީ ދަރަނި އަނބުރާ ދެއްކީމާ އެތަންތަނަށްލިބޭ ގޮތަށެވެ
މޯޓަރު
ނ ކަރަންޓް ދިނުމުން ނުވަތަ ތެޔޮއަޅައިފައި ހިންގުމުން އަމިއްލައަށް ހިނގާ ކުޑައިންޖީނެއް ކަރަންޓް އުފައްދައި ދިނުމަށާއި ވަކި މަސައްކަތްތަކުގައިވެސް މީގެ ބޭނުން ކުރެވެއެވެ
ފ
އ (1) ތާނައިގެ އެގާރަވަނަ އަކުރު (2) ދިވެހި ހިސާބު އަކުރުގެ ދެވަނަ އަކުރު
ފަހަރި
ނ (1) ގާތްތިމާގެ މީހެއްގެ އަނބިމީހާ (2) ފިރިމީހާގެ ނުވަތަ އަނބިމީހާގެ ތިމާގެ އަންހެނާ
ފަހަތަހަބެލުން
މ )ޏ ( (1) ހިނގާއިރު ފަސްބެލުން (2) މަޖާޒު: ޚަރަދުކުރުމުގައި ބަލައިގެން އުޅުން
ފަހަތަށްދިއުން
މ (1) މަގާމުގެ ގޮތުން ނުވަތަ ކުރާ ކަމަކުން ދަށަށް ދިއުން (2) ކުރީގައިވާ އެއްޗަކަށްވުރެ ފަހަތަށްދިއުން މ (3) ހުރި ހިސާބަށްވުރެ ނުވަތަ އިން ހިސާބަށްވުރެ ފަހަތަށް ދިއުން
ފަހުން
ކއ (1) "ކުރިން" މިބަހުގެ އިދިކޮޅު. (2) އެކަމެއް ހިނގީ ނުވަތަ ހިނގާނީ ފަހުގެ ވަގުތެއްގައިކަން އެންގުމަށް ބުނާގޮތެއް މިސާލު: މައްކާ ފަތަޙަކުރެއްވީ ހިޖުރައިގެ ފަހުންނެވެ (3) ލަހުން
ފަށުފޫ
ނ ކަރުގާ އަޅާ ފަށުގެ ފުލުގައި އޮންނަ އެތި
ފަށް
ނ (1) ރޮދި ރޯނު ކަންވާރުފަދަ އެއްޗެއްގެ ދިގު އެތިކޮޅެއް (2) ކަރުގައި އަޅަން މަޢުދަނީ ތަކެތިން ހަދައިފައި ހުންނަ ފަށްވަރު (3) ތަކުރާރުވާގޮތަށް ހިނގާ ކޮންމެ ކަމެއްގެ ފަހަރެއް (4) ފޮތި ފަދަ އެއްޗެހި މަޅައިފައި ހުންނައިރު އެއިން ބައެއް (5) ތަންތަނުގައި ނުވަތަ އެއްޗެހީގައި ތަފާތު ކުލައަކުން ހިމަދިގުކޮށް ފަވައިފައި ހުންނަ ފެވުން (6) އުޅި
ފަށްގަނޑޮ
ނ )ޏ ސ ( (1) އޮޑިދޯނިފަހަރުގެ މަތީކަންމަތީގައި ޖަހާ ފަންގަނޑު (2) ކެއުގަހުގެ ފަތެއްގެ ބައެއް (3) ވަދު ދޯނިފަހަރުގައި ނަގާއެޅޭގޮތަށް ހުންނަ އިންނަފަތް
ފަނޑިޔާރު
ނ (1) ދެޚަޞްމެއްގެ ދެމެދުގައި ހިނގާ ކަންތައްތައް ބަލައި ނިންމާ މީހާ (2) ކަމަކާމެދު އިންސާފު ކުރާމީހާ (3) ޤާޟީ (4) ޙާކިމު (5) ނިޔާކަނޑައަޅާ މީހާ
ފަނޑިޔާރުގެ
ނ އިހުގައި ރާއްޖޭގައި ޝަރީޢަތުގެ ކަންތައް ހިންގާ އެންމެ އިސް މަރުކަޒު
ފަނައިގަލް
ނ )ޏ ( ފަނާގާ
ފަނާގައު
ނ (1) ފަނާގާ (2) ފަނާގަލެއްގެ ސިފައިގައި ހިލައިގެން ހަދާ ފޮނިކާ އެއްޗެއް
ފަނިކަސް
ނ ކުޑަކުދިންގެ އަތްތިލައިގެ ދެހަން ދޭތެރޭގައި އުފެދޭ ކަހެއް މިކަހުގައި ހުދުކުލައިގެ ފަންޏެއްވެސް ހުރެއެވެ މިކަހަށް ފަރުވާ ނުލިބި ގިނަދުވަސް ވެއްޖެނަމަ މުޅި ގައިންވެސް ނަގާގޮތް ވެއެވެ
ފަނިކޮނުން
މ (1) މަސްބޭނުމަށް އެންގަނޑުގެ ގޮތުގައި ބުޅީގައި އެޅުމަށް ބޭނުންކުރާ ފަންޏެއް ކޮނެގެން ނެގުން. މިފަނި ނަގާނީ ދިޔަވަރު ހިކިފައި އޮންނައިރު ގޮނޑުދޮށުން ނުވަތަ ފަޅުމަތީގައި ހިކިފައި ހުންނަ ތަންތަނުންނެވެ (2) ފަނި އޭގެ ހަރުކޮނުން
ފަންހާމަސް
ނ ފަރުފަރާއި ފަޅުފަޅުގައި މުރަކައާއި ގާތަކުގެ ތެރޭގައި އުޅޭ ބޮޑު ކޮތަރިބައެއް ހުންނަ މަހެއް. މީގެ ކޮތަރި ބައިގައި ވަރަށް ވިހަގަދަ ކަށިތަކެއް ހުންނާނެއެވެ ރުޅިއައުމުން ކޮތަރިބައި ފޮޅުވާލައެވެ މިއީ ވަރަށް ރީތި ތަފާތު ކުލަތަކެއްގައި ހުންނަ މަހެކެވެ
ފަންހިތި
ނ ގާތްގަނޑަކަށް ފޫޓެއްގެ އުސްމިނަށް ހެދޭ ރުކުގެ ފަނެއްހެން ފަތް ހުންނަ ގަހެއް މިގަހުގެ ފަތްތައް ހުންނާނީ ކުދިކޮށެވެ ކޮންމެ ފަތެއްގެ ބުޑުގައި ކުދި އޮށްތަކެއް ހުންނާނެއެވެ މީގެ އޮށެއްވާނީ ބޮޑު ރެވިފުކެއްވަރެވެ
ފަންކުޅުން
މ ދިވެހި އަންހެނުން ކުޅޭ ކުޅިވަރެއް މިއީ ކުޅޭ މީހުން ދެބަޔަށް ބަހައިލައިގެން ގިނަ ބަޔަކު ކުޅޭ ކުޅިވަރެކެވެ މިކުޅިވަރު ކުޅޭއިރު ކޮންމެ ކޮޅެއްގައިވެސް ފަނަކަށް ބަހައްޓާ މީހެއްގެ ގައިގާ ނުވަތަ އެއްޗެއްގައި އަތްލައިފައި "ފަނޯއި" މިހެން ގޮވުމުން ލަނޑެއް ދެވުނީއެވެ