radheef.info
ރަދީފު


ގަނޑު
ނ (1) އެއްޗެއް ދެރަކޮށްލުމުގެ ގޮތުން ބުނާބަހެއް. މިސާލު: މުންޑުގަނޑު. (2) މުޅި އެތިކަން އެންގުމަށް ބުނާ ބަހެއް. މިސާލު: ކެޔޮގަނޑު. (3) އަންހެނުންނާއި ޅަދަރިންނަށް ލޯބިން ވަކިނަމަކާ ގުޅުވައިގެން ކިޔާ ނަމެއް. މިސާލު: )ހ( ލޯބިގަނޑު. )ށ( ކުއްޖާގަނޑު. (4) ހަށިގަނޑުގެ ލޭ ނުބައިވުމުގެ ސަބަބުން ދުޅަވާ މުލިހި ފާޑުގެ ތަނެއް. މިސާލު: އޭނާގެ އުކުޅުވަޅުގައި ގަނޑެއް ނަގައިފިއެވެ. (5) ލަކުޑިން ހަދައިފައިވާ އެއްޗެއް މަރާމާތު ކުރުމަށާއި އަދި މިނޫންވެސް ގޮތަކުން ލަކުޑިގަނޑަކަށް ގުޅާލާ ލަކުޑީގެ ބައި. (6) ވަކި ސަރަހައްދެއް ކަނޑަ އެޅުމުގެ ގޮތުން ބުނާ ބަހެއް. މިސާލު: ތަންގަނޑު މީހުން. (7) އެއްޗެއްގެ ބައެއްކަން ދޭހަކޮށްދިނުމަށް ބުނާ ބަހެއް. މިސާލު: މަސްގަނޑު. (8) ތަގަރި. (9) ފިނިވެގެން ގޮސް ވާހަރު. )01( ގަނޑުފިއްލާ ކުޅޭއިރު ފިލުވައި ނިވާކޮށްފައި އޮންނަމީހާ (11) ބައެއް ކުޅިވަރު ކުޅުމަށް ބުނެއުޅޭ ބަހެއް މިސާލު: )ހ( ރާޒުވާ ގަނޑެއް ޖަހައިލުން )ށ( ތާސްގަނޑެއް ޖަހައިލުން (21) ކަރުދާސްއަރި މިސާލު: ކަރުދާސްގަނޑު
ކޭޓޫ
(1) އާގުބޯޓު ފަހަރުގައި ބައްތެލިނަގާން ކޮޅުލަނބާލައިފައި ހުންނަދަގަނޑު އަދިމިނޫނަސް މިގޮތަށްހުންނަ އެއްޗިއްސަށް މިހެންކިޔައެވެ (2) ނައުފަހަރުގެ ފަނާމަތީގައި ދެފަރާތު ދެކަންކަށި މައްޗަށް ނެރެފައި އޮންނަ ގުޑުގުޑަ
ކޮށާރު
ނ ހަބިތް ނިރޮޅުން ނުވަތަ ގަސްވަކަރުން ހަދައިފައި ހުންނަ ބަނޑަހަގެޔެއް. މީގެ ދޮރުހުންނާނީ އެއް މަޅުގަނޑަށްފަހު އަނެއް މަޅުގަނޑު ނަގައިގެން ހުޅުވޭ ގޮތަށެވެ
ކޮށާވަޅި
ނ ލަކުޑިއާއި ނާށި ފަދަ ތަކެތި ކޮށައި މަށަން ގެންގުޅޭ ތުނޑު ތޫނު އަތްމަތީ ވަޅިޔެއް. މީގެ ތިލަ ހުންނާނީ ބޯކޮށް އެއްފަރާތުގައި މިޔައަޅައިފައެވެ މުށްގަނޑު ވަށްވާނެއެވެ އޮންނާނީ މެދަށް ހިމަކޮށް ފުލަށް ފަލަކޮށެވެ
ކޮށިކުރުން
މ (1) ތޫނުކަން ކުޑަކުރުން. (2) އަނދެގެންހުރި އެއްޗެއް ނުވަތަ ލާފައިވާ ލިބާސް މައްޗަށް އުފުލައި ބޮނޑިކޮށްލުން (3) ދަމާފައި ހުންނަ ފޮތިގަނޑު އުފުލައިލުން ނުވަތަ އެއްފަރާތް ކޮށްލުން (4) ދިރޭ އެއްޗެހިތަކެއް އެއްތަނަކަށް ބޮނޑިވާގޮތަށް އެއްކުރުން
ކޮނޑުކެނޑުން
މ (1) ބަދަނުން ލިބާހުގެ އަތްގުޅާތަން ކެފުން (2) ޏ މަތިވަޑާންގަނޑުގެ ފައިދޮށުގެ ވަހަށް ލައްވާ ކޮޅުން ކެނޑުން
ކޮނޑެލިހައް
ނ ކަނިވާގަނޑު މަހާން ކޮނޑަލީގައި ހަރުކޮށްފައި އޮންނަ ހައް
ކޮނޑެލިބައިން
ނ ކޮނޑެއްޔާއި ކޮނޑެލިހަކާ ގުޅުވާފައި އޮންނަ ކުސަގަނޑު
ކޮނޑެލިއިލާ
ނ ކޮންމެ ކޮނޑެއްޔަކާއި ދިމާގައި ކުރެތްވަށް އަރުވައި އޭގެ ތެރެޔަށް ދިގުކޮށް ހަރުކޮށްފައި އޮންނަ އިލާގަނޑު
ކޮރު
ނއ (1) ޅެންހެދުމާއި އިބާރާތްކުރުމުގައި އޮމާންކަންނެތް (2) އެއްފައިކުރު (3) ހަމައަށް ނުހިނގޭ (4) ވަޑާންކަށީން ކޮންނަވަޅު (5) ކަންފަތުގެ ލޯވަޅު (6) ނ )ސ ( އަލަމާރިއާއި މޭޒުފަދަ އެއްޗެހީގެ ވަތްގަނޑު
ކޮރޮފިރޮނޑޮ
ނ )ޏ ( ރޮނޑުގެ ބާވަތެއް މިވައްތަރުގެ ރޮނޑުގެ ކަރުތާފަތްގަނޑުގެ ތެރޭގައި ކުރަތްޕެއް ކަހަލަ ކުދިކުދި ދިރޭ އެއްޗެހިތަކެއް ހުރެއެވެ ބާނާއިރު ބައެއް އެއްޗެހީގެ ކަރުތާފަތްގަނޑުން ބޭރުގައި މަރުވެގެން ތަތްވެފައިވެސް ހުރެއެވެ ކުލައަކީ ކަޅުކުލައެވެ ވައްތަރުވާނީ ކަޅު ރޮނޑާއެވެ
ކޮޅަލި
ނ (1) ދެގަނޑެއްޗެއް ގުޅުވުމަށްޓަކައި ކަނޑާ ކެނޑުން ވަޅަށް ފައްތާން ބޭނުންވާ އެތިގަނޑުގެކޮޅުން ކަނޑަމުންގޮސް ކެންޑުންވަޅަށް ފައްތައި ހަރުލެއްވުމަށްޓަކައި ނުކަނޑައި ބާއްވާ ތަންކޮޅު (2) )ޅ ( އައްޕަތް
ކޮޅިގަނޑު
ނ ވަޔާއި ވާރެޔާއި އެކުލެވިގެން އަންނަ ވިއްސާރަގަނޑު
ކޮޅުވަން
ނ (1) ފުޅަފުގައި ނުވަތަ ބިތުގައި ކޮޅަށް ޖަހަން ފަންތޮށިގަނޑު ބުރިކޮށްފައި ހުންނަ ހިކިފަން (2) ކޮޅުފަން
ކޮޅުމަތި
ނ (1) މުންޑުގެ މެދުތެރޭގައި އެހެން ކުލަކުލައިގެ އުއިން ހަދައިފައި ހުންނަތަން (2) ފޭލީގެ ދެކޮޅުގައި ކަސަބުން ހަދައިފައި ހުންނަތަން (3) ވިޔެފައި ހުންނަ ހަރުވާޅު ދާގަނޑުގެ ދެކޮޅުގައި ކަސަބާއި ފަށުވިން ހަދައިފައި އޮންނަތަން (4) ކުޅިޖަހާއިރު ލައިއުޅުނު ހަރުވާޅުގެ ކުރިމަތީގައި އެލުވާން ކަސަބާއި ފަށުވިން ހަދައިފައި އޮންނަ އެތި (5) މަޖާޒު: ކަމެއްގެ ނުވަތަ ވާހަކައެއްގެ ފެށުމުގެ ނުވަތަ ނިމުމުގެ އަލާމާތް
ކޮޅުމަތިހެދުން
މ (1) ވިޔެފައި ހުންނަ ހަރުވާޅު ދާގަނޑުގެ ދެކޮޅުގައި ކަސަބާއި ފަށުވިން އެހުންނަ ތަން ތައްޔާރުކުރުން (2) ކުޅިޖަހާއިރު ލައިއުޅުނު ހަރުވާޅުގެ ކުރިމަތީގައި އެލުވާ ކަސަބާއި ފަށުވީގެ ކޮޅުމަތި ތައްޔާރުކުރުން (3) ވިޔެފައި ހުންނަ އެއްޗެހީގެ ކޮޅު ހެދުން
ކޮޅުމަތިލުން
މ (1) މުންޑާއި ފޭލިފަދަ ތަކެތީގެ ކޮޅުމަތި ވިޔުން (2) އިހުގައި ވިޔެގެން ގެންގުޅުނު ހަރުވާޅު ދާގަނޑު ދެކޮޅުގައި ކަސަބާއި ފަށުވިން އެހަދާ ގޮތްތައް ހެދުން (3) ކުޅިޖަހާ ހަރުވާޅުގެ ކުރިމަތީގައި އެލުވާން ކަސަބާއި ފަށުވިން ހަދާ ކޮޅުމަތި ހަރުކުރުން
ކޮޅުމާ
ނ (1) އޮޑި ދޯނިފަހަރުގެ ހެރި ކުރާއިރު ދިރުނބާކޮޅުން ނުކުންނާން އޮންނަތަނާއި އެތަން ނިވާކުރާން އެލުވާފަން (2) އޮޑިހަރުގޭގެ ވައިމައްޗަށް ހުންނަކޮޅު ބައްދާންޖަހާ ބިތްގަނޑު
ކޮޅުފަހުލަގޮނޑި
ނ މަސްއޮޑިފަހަރުގެ ކޮޅުފަހުގައި ތިލަގަނޑު ޖަހާން ނެރެފައި ހުންނަ ތަން
ކޮޅުފިލާގޮނޑި
ތެޔޮފޮށިގަނޑުގެ ކޮޅުބިތުގެ ތިންގަނޑުފިލައިން ޖަހައިއުޅުނު ގޮނޑި
ކޮކާ
ނ (1) ހަށިގަނޑު ކުޑަ ފިޔަގަނޑުބޮޑު އުދުހޭ ސޫތްޕެއް މިއުޅެނީ މާމަލުގެ ފޮނިބޮއިގެންނެވެ މީގެ ވަރަށް ގިނަ ވައްތަރު ހުރެއެވެ މީގެ ފިޔަގަނޑު ތަފާތު ކުލަކުލައިގައި ހުރެއެވެ (2) މޫދުގައި އުޅޭ ފަތިމަހެއް (3) ކޮކާލުގެ ސިފައިގައި ހަދައިގެން އެއްލާން ގެންގުޅޭ ބާވަތެއްގެ ގުޑިޔެއް (4) ބާވަތެއްގެ ބޮއްޔެއް