radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ނަރުކޮއްޓި
ނ ކޮއްޓާފޮށި. މިއީ ފުރައިފައި ހުންނަ ނަރުތަކެއްގައި ތުނިއެތިކޮޅަކުން ކޮއްޓަމުން ނަންބަރު ޖަހައިފައި ހުންނަ އަޑުތަކަކަށް އޮބަމުން ރާގުއަޅުވާ ހަނި ދިގު ފޮއްޓެކެވެ އަޑުތައް ހުންނާނީ ދެބަރިޔަށެވެ
ނަރުވާ
ނ (1) ބުޅަލާއި މީދާފަދަ ތަކެތީގެ މިޔަކަން ކައިރީގައި ފަލަކޮށް ދިގުކޮށް ހުންނަ ކެހެރި. (2) ކުރަފި ގާހުލި ފަދަ ތަކެތީގެ މޫނުމަތީގައި މާދިގުކޮށް ހުންނަ ދެނަރު (3) މަތިމަހުގެ ދެކޮޅު
ނަރުދޭވާނި
ނ )ޅ ( ލަކުޑީގައި އަޅާ ފަންޏެއް މިއީ ފައި ގިނަ ކަޅުރަތްކުލައިގެ ފަންޏެކެވެ މިފަނީގައި ކޮއްޓާލުމުން ބަޅުވެ ދެކޮޅުޖެހޭ ވަރަށް އޮޅިގަނެއެވެ އަދި އޮޅިފައިވާ ވަގުތު ވަރަށް ހަރުކަށި ވާނެއެވެ
ނަރުގަނޑު
ނ (1) އިނގިލީގައި އަޅާ ތަނޑިގަނޑު (2) އަތްފައިގައި އަޅާން ވަށްބޮޅެއްހެން ހަދައިފައި ހުންނަނަރު (3) އެކިކަހަލަ މަޢުދަނީ ނަރުގެ ވަރުވަރުގެ ބުރިވަރު
ނަރުގަނޑުފާނޫޒު
ނ (1) ދުންހޮޅިއެއް ޖަހައިފައި ހުންނަ ކަރާސީނު ބައްތިއެއް. މީގައި ހިފުމަށާއި އެލުވުމަށް ނަރުގަނޑެއް ހުރެއެވެ. (2) ފާނޫޒުބަލާ!
ނަކަސްތެޅުން
މ ޖިމާޢުވުމުގައި ފިރިހެންމީހާއަށް އެދުންފުދުމަށްފަހުގައިވެސް ޖިމާޢުވުމުގެ ހަރަކާތް ހުއްޓާނުލައި ކުރިޔަށް ގެންދިއުމަށް މަސައްކަތްކުރުން ތިޔަކުރަނީ ތާކުންތާކު ނުޖެހޭ ކަންތަކޭ ބުނަންވެސް މިހެން ބުނެއުޅެއެވެ
ނަކީރު
ނ ކައްވަޅުގައި ސުވާލު ކުރައްވާ ދެމަލާއިކަތުން ކުރެ އެއްބޭކަލެއް
ނައި
ނ (1) މޫދުގައި ހަރުކޮނެގެން އިންނަ އިހިފާޑުގެ ކުޑައެއްޗެއް މިކަށި ޖަހައިފިނަމަ ވަރަށް ދިލަ ނަގާނެއެވެ (2) )ޅ ( މަސްކާށި ދޫންޏެއް ކަހަލަ ފެހިކުލައިގެ ކުޑައެއްޗެއް
ނައިބު
ނ (1) ވެރިއެއްގެ ބަދަލުގައި ކަންހިންގާން ހުންނަމީހާ (2) ރާއްޖެތެރޭގެ ރަށްރަށުގައި ޝަރީޢަތް ކުރަން ހުންނަމީހާ (3) ފުށުން ހަދާފައި ހުންނަ ފޮނިހެދިކާއެއް މިބޮޑަށް ވައްތަރުވާނީ ފޮނިރޮށްޓާއެވެ
ނައިބުހަކުރު
ނ އިހުގައި ރާވެރިންގެ އަތުން ނާއިބުންނަށް ނެގިހަކުރު
ނައިބުބޮލި
ނ ދިވެހިރާއްޖޭގައި ފައިސާގެ ގޮތުގައި ބޮލި ގެންގުޅުނު ޒަމާނުގައި ރަށްރަށުގައި ތިއްބެވި ނައިބުންނަށް ނަގާ އުޅުނު ބޮލީގެބައި )މިނަގަނީ ބައިހަރަކުން އަތްގެކެވެ
ނައިބުކަން
ނ (1) ރަށްރަށުގައި ޝަރީޢަތް ކުރުމުގެ އަމުރުވެރިކަން (2) ވެރިޔާގެ ބަދަލުގައި ނުވަތަ އޭނާގެދަށުން ކަންހިންގާން ހުންނަ މީހާގެ މަގާމު
ނައިބުކަމާ ހިނގުން
މ ރަޖަބުމަހު ހަވަނަދުވަހު ދައުލަތުން ބޮޑު ރަސްމީ ޖަމާއަތެއް ފޮނުވައިގެން ހަތަރުއަވަށު މައިޒާންގޭދޮށުގައި ދީނުގެ އަމުރު މަޢުރޫފު ކުރުން. މި ޖަމާއަތް އެކުލެވިގެންވަނީ ބޮޑުބޭކަލުން ޚަތީބު ބޭކަލުން ފަނޑިޔާރުގޭ ނާއިބު ބޭކަލުން މަލިން ބޭކަލުން އަސްކަރު މުސްކުޅިން މަޖިލީހަށް އަރާބޭކަލުން މުދިން ބޭކަލުން ދޭވާނީން މިބޭބޭކަލުންގެ މައްޗަށެވެ
ނައިބުފަތް
ނ (1) ނާއިބުކަން ރަށްރަށުގެ މީހުނާ ހަވާލުކުރާއިރު މަހުކަމަތުއް ޝަރުޢިއްޔާއިން ދޭފަތް މިފަތް އެރަށްރަށުގެ ރައްޔިތުންނަށް ކިޔައިދިނުމީ ލާޒިމް ކަމެކެވެ (2) އިހުގައި ކޮންމެ އަހަރެއްގެ ރަޖަބުމަހު 6 ވަނަ ދުވަހު ފަޑިޔާރު މަނިކުފާނުގެ ފަރާތްޕުޅުން ދީނީ އަމުރު މަޢްރޫފު ހިންގުމަށް އަންގަވާ އެންގެވުން ލިޔެފައިވާ ކަރުދާސް
ނައިބޮލި
ނ ބޮލީގެ ތެރޭގައި ހިމެނޭ ބާވަތެއް މިއީ މާކަނާ ތަޅުދަނޑިއެއްގެ ފާޑަށް އެއްކޮޅު އެތެރެއަށްލައި އޮޅިފައި ފަޅިބުރެއްގެ ސިފަޔަށް އޮންނަ ބޮއްޔެކެވެ ބޮލީގެ ބޭރު ހުދުކޮށް ހުންނައިރު އޭގެދެބައިކުޅަ އެއްބައިހާތަނުން ފެށިގެން ފަހަތަށް ހުންނަބައިގައި ހުރަސް ގަޅިތަކެއްހެން ހުދާއި ދޮންމުށި ކުލައިން ނުވަތަ ގަދަމުށި ކުލައިން ހަނދުފަޅި ބުރަށް ކަހަލަ ގޮތަކަށް ފަލަ ފަށްތަކެއްހެން ރޮނގު ހުރެއެވެ އޭގެ ތޮށިގަނޑުން ސަމުސާ ހަދައި އުޅެއެވެ
ނައިބޮލިކަނޑާހަނު
ނ ނައިބޮލިކަނޑާން ވަކިގޮތަކަށް ހަދާފައި ހުންނަހަނު މިގިނައިން ހުންނަނީ އެއްދަނޑީގައި ދެބުރު ލާފައެވެ މީގެ އެއްބުރުން ނައިބޮލި ކަނޑައި އަނެއް ބުރުން ކަރުނަގަނީއެވެ
ނައިބޮލިކަރު
ނ ނައިބޮލިތެރޭގައި ހުރަހަށް ހުންނަ ބައިތައް މިއިން ވައްތަރު ވައްތަރުގެ ފޮތި ހަދައިގެން ފަންޑިތައަށް ކުދިންގެ ކަރުގައި އަޅައި އުޅެއެވެ
ނައިކަ
ނ މާލޫދުހަރުގެފަދަ ތަންތާނގައި ދަމައިފައި ހުންނަ ބޮޑެތި ދަމާ ފޮތިގަނޑުގެ މެދުގައި ލައިފައި ހުންނަ ސީޓުފޮތިގަނޑު )މި ފޮތިގަނޑުގެ ވަށައިގެން ކަޅު ދެހިރު ހުންނާނެއެވެ
ނައިކަލުން
މ ދަމާފޮތިގަނޑުގައި ނައިކަ ހަރުކުރުން
ނައު
ނ ޗާނދާލައިފައި ހުންނަ ހަތަރެސްކަން ރިޔާ ނުވަތަ ގޯސީ ނަގައިގެން ދުއްވާ އުޅަނދު