radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
އަނެއް
ނއ ތިޔަނޫން. މިބަސްބޭނުންކުރަނީ އެނގިފައިވާ އެހެން އެއްޗަކަށް ނުވަތަ އެހެން ކަމަކަށް އިޝާރާތްކުރުމަށެވެ. މިސާލު: އަނެއްފޮތް އަނެއް ފަހަރު
އަންނައުނު
ނ (1) އަންނަލާތަކެތި (2) އަނުމަށް ނުވަތަ ގަޔަށްލާން ބޭނުންކުރާ ތަކެތި
އަރަބިހެދުން
ނ ދިގުލިބާހާއި ދިގުހަރުވާޅާއި ޖުއްބާއާއިއެކު ޢިޤާލު ނުވަތަ ފަގުޑި ބޭނުންކުރާ ހެދުން ޢިޤާލަކީ ބަދަވީން ބޮލުގައި އަޅާ ރުމާލާއި އޭގެ މަތީން އޮޅައިފައިން އޮންނަ އެއްޗެކެވެ
އަރާއިރު
ނ (1) އަރައަރާ ހުންނަ އިރު (2) އިރުއެރީއްސުރެ ނުވައެއް ޖެހުމާ ދެމެދު (3) )ސ ( އިރުމަތީ ފަރާތް
އަރުވައިލުން
މ ކުރާބައެއް ބާވަތުގެ ކުށަށް ޝަރީޢަތުގެ ފަރާތުން ނުވަތަ ސިޔާސަތުގެ ފަރާތުން އެކުށް ކުރި މީހާގެ ވަޒަން ނޫން ރަށަކަށް ފޮނުވައިލުން އަރުވައިލުން ހުންނަނީ ކިތަންމެ ދަރަޖައަކަށެވެ
އަރުމާޒުލަވަ
ނ ބޭފުޅުން ކަނޑުބޭރުފުޅުކުރާ ދުވަސްދުވަހު ނުވަތަ ބޭފުޅަކު ޢިއްޒަތުގައި ދަތުރަށް ނުވަތަ ދަތުރުން އަރާވަޑައިގަންނަވާ ދުވަހު އޮޑިކޮޅުގައި ފުމޭ ލަވަތަކެއް މިލަވަތައް ފުމޭނީ ކަނޑިންމައާއި ބަނދަރާއި ދޭތެރޭ އޮޑިކޮޅު ޖަހައި ހަތްހޭރިޔާއިން ކޮންމެ ދެހޭރިޔާ ދޭތެރޭ " ހޭރިޔާ" އެވެ ކިޔާ ލަވައަކަށް ފަހުގައެވެ
އަރުގޯލަ
ނ އެއްކޮޅުގައި ބޮޅެއްލައިފައި އަނެއްކޮޅު ލަކުނޑި ގަނޑަކަށް ހަރުކުރެވޭނެ ހެން މައުދަނަކުން ހަދައިފައި ހުންނައެއްޗެއް. މިސާލު: އުނދޯލި އަރުގޯލަ އެކިއެކިބުޅި ނުވަތަ ދަގަނޑު އަޅުވާން ހަދައިފައި ހުންނަ އަރުގޯލަ ދޮރުފަތުގައި ހުންނަ އަރުގޯލަ
އަބު
ނ (1) ލަކުޑީން ނުވަތަ މަޢުދަނުން އެއްކޮޅު ފަތިކޮށް ހަދައިފައި އޮންނަ އެއްޗެއް މިޖަހައި އުޅެނީ ކިހާއެއްޗެތި ނުވަތަ ފަޅާލަކުޑި ގަނޑެއް ދުރުކުރުމަށެވެ (2) ބައެއް ބައެއްތަކެތި ފޭކުރާން ނުވަތަ ބާރުކުރާން ޖަހާއެތި ކޮޅު މިސާލު: އިލީގެ ކޮޅަށްޖަހާއަބު
އަބުރާބެހުން
މ (1) މީހެއްގެ އަބުރަށް އުނިކަންލިބޭފަދަ ބަހެއް ބުނުން (2) ނުވަތަކަމެއް ކުރުން
އަބުޖަދުކުރުން
މ ލަފުޒެއް ނުވަތަ ޖުމްލައެއްގެ އަކުރުތައް އަބުޖަދުގެ އަކުރުތަކުންބަލައި އޭގެ ޖުމްލަ ހޯދުން
އަޅައިގަތުން
މ (1) އެއްޗެއް އެއްޗެއްގައި އެޅޭ ގޮތްވުން (2) އެއްޗެއް ތާކު ދަތިވުން (3) މަޖާޒު: ލޯބިން ނުވަތަ ރުޅިއައިސްގެން މީހަކާ ނުވަތަ އެހެންވެސް އެއްޗަކާ ބެހިގަނެގެން އުޅުން
އަޅިބޮނޑި
ނ އަހިފަތަށް ނުވަތަ ޅޮސްފަތަށް ހޫނުއަޅި އަޅައިގެން ހަދާ ބޮނޑިއެއް މިއީ ބޭސްވެރިކަމުގެ ގޮތުން ގައިގެ ތަންތަން ހޫނުކުރުމަށްޓަކައި ގެންގުޅޭ ބޮނޑިއެކެވެ މިގެންގުޅެނީ ބޭރުން ފޮތިލައިގެންނެވެ
އަކަ
ނ (1) ހަތަރެސްކަންގޮޅި (2) އެތައް ޢަދަދަކަށް ޖަހައިފައި ހުންނަ ހަތަރެސް ކަންގޮޅިތައް މިސާލު: ނުވަގެވަޅުއަކަ ސޯޅަގެވަޅުއަކަ (3) ނއ ހަތަރެސްކަން
އަކަކުރުން
މ (1) ހަތަރެސްކަންވާގޮތަށް ބައިކުރުން (2) ފަންޑިތަވެރީންގެ އިޞްޠިލާޙުގައި ޖުމްލައެއް ނުވަތަ ޢިބާރާތެއް (3) އަކައެއްގެ ގޮޅިގޮޅީގައި ޤަވާޢިދެއްގެ މަތީން އެކިއަކުރު ވަކިވަކީން ނުވަތަ އަބުޖަދުކޮށްގެން ލިޔުން
އަކަޖެހުން
މ (1) އަކަޔަށް ވާނޭހެން ރޮނގުދެމުން (2) ފަންޑިތަވެރީން ވަކި އަދަދަކަށް ހަތަރެސްކަން ގޮޅިތަކެއް ޖެހުން މީގައި ހުންނާނީ ޤަވާޢިދެއްގެ މަތީން އަކުރުތަކެއް ނުވަތަ ޢަޒީމާތަކެއް ޖަހައިފައެވެ
އަކު
އކ ޔަޤީންކޮށް ދިނުމަށް ނުވަތަ ނަކިރާ ކުރުމަށް ގެންނަ އަކުރެއް މިސާލު: )ހ( އޭނާ ރަށަކުނެތް )ށ( ތިޔަ ވާހަކައެއް ފޮތަކުނެތް )ނ( މީހަކު އަތުވެއްޖެ
އަކުނިވައި
ނ ލޭމަދުވުމުގެ ސަބަބުން ހެދޭ ހޫނުވަޔަކުން އަރާ ބާވަތެއްގެ ތަދެއް މިތަދު އެރީމާ އެތަނެއްގައި ހުންނަމަހާއި ނާރުތައް އެއްފަރާތަކަށް ދެމި ހަރުވާގޮތްވެއެވެ
އަކުރުފިލިތާނަ
ނ ފިލިކަމުގައި އަކުރުލައިގެން ލިޔާތާނަ. މީގެ ފިލިކަމުގައިވަނީ "މަ ފި ދު ތެ ލޯ. ގަވިޔަނިސުން" "ނުވަތަ" އަ ހި މު ލެ ކޯ ސީނުސުކުން" މީގައި ފިލިމިހުރި ޤަވާޢިދެވެ
އައިންހިފައިގެންވައިމައްޗަށްއެރުން
މ (1) މަސްއައިނެއްގައި އެތައް ދޯންޏެއް އޮއްވާ އެތަނުން ވަކިދޯންޏެއް އެންކަވައިގެން އެހެން މީހުންނަށް ކެހިދިނުމަށް އައިން ގޮވައިގެން ވައިމައްޗަށް ދިއުން (2) މަޖާޒު: އަނެކަކަށް ލިބޭން އަންނަމޮޅެއް ނުވަތަ ރީއްޗެއް އެފަރާތަކަށް ލިބުނަނުދީ ތިމާ އަތުލުން
އައިސްއަލަމާރި
ނ (1) ބައްތިއެއް ދިއްލައިގެން ނުވަތަ އިލެކްޓްރިކާ ގުޅައިގެން އެތެރެ ފިނިކޮށްފައި ހުންނަ ދަގަނޑު އަލަމާރިއެއް މިއީ ފެންފަދަ ކިރުފަދަ ތަކެތި ފިނިކޮށް ގަނޑުކުރުމަށާއި ބައެއް ތަކެތި ނުބައިނުވެ ފިނިކޮށް ބެހެއްޓުމަށް ތައްޔާރުކޮށްފައި ހުންނަ އެއްޗެކެވެ (2) ގަނޑުފެން އަލަމާރި