radheef.info
ރަދީފު


ކުރާ
ނ (1) ބިންބިއާއި އުރައާއި ކުދިބަތްފަދަ ގަސްގަހާއި އަދި މިގޮތަށް ހެދޭ ބައެއް ވިނަގަސްގަހުގެ އޮށް ހުންނަ މާގަނޑު (2) މިސްކިތު ލާގެ ފަދަ ތަންތާނގައި ނަމޫނާ ކުރައެއްގެ ސިފައިގައި ވައްގަޑު ނެތި ލިޔެފައި ހުންނަ ކުޑަ ތަނބެއް (3) ވައްގަޑުން އެއްޗެހި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު މިސާލު: )ހ( ނަމޫނާކުރާ )ށ( ސައިކުރާ
އާށު
ނ (1) ހިސާބުކުރާއިރު އެއްކޮށް ގުނަކޮށް ގެއްލުމުގައި އަށަކަށް ކިޔާ ގޮތެއް (2) އަށެއް
އާނ
އ (1) ހޫން (2) އާނއެކޭ (3) ބިރުވެރި ކަމެއް ނުވަތަ ނުރައްކަލެއް އޮވެގެން އަންގައިލާން ބުނާ ބަހެއް (4) ބަޔަކުމީހުން މަސައްކަތެއް ކުރާއިރު އެންމެން އެއްފަހަރާ ބާރުލުމަށްޓަކައި އަންގައިލާން ގޮވާގޮތެއް މިގޮތުގައި "އާނ" ގޮވާނީ ދަމާލައިފައެވެ (5) އެހެންތަ؟ މިގޮތުގައި މިބަހުގެ މާނަ ދޭހަވާނީ އެމާނަ ގަސްދުކޮށްގެން ބުނާ ރާގުންނެވެ
އާރުކާޓީ
ނ ދަތުރުކުރާ އެއްޗެތި ބަނދަރަށްވަދެ ނިކުމެވާ މަގު ދައްކާން އަރާމީހާ
އާއޮޑިކުރުން
މ (1) ދޯނިފަހަރު މަސްބޭނުން ދަށްވީމާ އެހެލައިފައި ދޯނި ބަނދެގެން އަލަށް ބާލާއިރު ކުރާ ކަންތައް ކޮށްފައި ބޭލުން (2) މަޖާޒު: އަނބިމީހާ ވަރިކޮށްފައި އަނެއްކާ އިނުން
އާދަ
ނ (1) ވަކިޤަވާޢިދަކަށް ހިނގަމުން އަންނަކަމެއް (2) ބައެއްކަންތައް ކުރާތަނަށް ބޭރުމީހުންވަނީމާ ދޭންޖެހޭ ދަރަނި (3) ރަސްމީ ބައެއްތަންތަނަށް ވަނުން ހުއްދަކުރުމަށްޓަކައިދޭ ފައިސާ (4) ކުރަމުން އަންނަކަމެއް
އާދޭ
އ އައުމަށްކުރާ އަމުރު
އިހަށްއެދުރު ދެއްކިގޮތަށްފަހުން އެދުރުކަން ކުރުން
)މިސާލުބަހެއް( ކުރިން ހުރިމީހާކަންތައް ކުޅަގޮތަށޭ ފަހުން ހުންނަމީހާ ކަންތައްކުރާނީ މިބަސް ގިނައިން ބުނެއުޅެނީ ކުރީގައި ހުރި މީހާކޮށްފައި އޮތް ނޭދެވޭ ކަމެއް ފަހުން ހުރިމީހަކު ހަމައެގޮތަށް ކޮށްގެން އުޅޭ ވަގުތުގައެވެ
އިންސާފުމަގު
ނ (1) ވަކިފަރާތަކަށް ބޮޑުނުވެ ދެމީހެއްގެ ދެމެދުގައި ކަންތައް ކުރާންވީގޮތް (2) ޝަރީއަތުގައި ކަނޑައެޅިފައި އޮންނަގޮތް
އިންޖީނުއުނދުން
ނ ގުންބާ އުދުން ކަރާސީނުތެޔޮ އަޅައި ގުންބާކޮށްގެން ރޯކުރާ ލޯ އުނދުނެއް
އިންޖެހުން
މ ތަރަޙައްދު ވަކިކުރާން ފާހަގަޖެހުން
އިރުވަރު
ނ ކަމެއްކުރާން ބަލާ ހެޔޮ ވަގުތު
އިރުވަރުބެލުން
މ (1) ކަމެއްކުރާނެ ހެޔޮވަގުތު ހޯދުން (2) މީހަކު ވަކިކަމަކަށް ކަނޑައަޅައިފައިވާ ވަގުތު ހޯދުން
އިރުވައިބަތް
ނ އިހުގައި ދެއްވާ ރަސްމީ ބޮނޑިބަތެއް. މިކަން އޮންނަނީ އިރުވައި ފެށުނީމައެވެ. މިކަން ކުރާނީ ފުރަތަމަ ރޭ އިސްދެވަރަށް ދޮށިމޭނާ ބޭކަލަކު ދެވަނަ ރޭ ހަކުރާދެވަރަށް ހަކުރާ ބޭކަލަކު ތިންވަނަރޭ ވެލާނާ ދެވަރަށް ވެލާނާ ބޭކަލަކު ހަތަރުވަނަރޭ އިސްދެވަރަށް މާފަތް ބޭކަލަކު ފަސްވަނަ ރޭ ހަކުރާ ދެވަރަށް ފާމުދޭރި ބޭކަލަކު ހަވަނަރޭ ވެލާނާ ދެވަރަށް ދަހަރާ ބޭކަލަކު މިޤަވާއިދުންނެވެ. ބަތެއްގައި ހުންނާނީ ނުވަ ގައު ބައެވެ. ހުންނާނީ ހަތަރުމަލާފަތުގައި މަލާފަތެއްގައި ފަންސަވީސް ބަތެވެ. ބަތް ބަލާދާ ކަލާސީއަކަށް ބަތެއް ބުރުޒު ބަނޑޭރިއަކަށް ދެބަތް އޮންނާނެއެވެ. އެގެންދާ ބަތުގެ ތެރެއިން އެކިއެކި ބޭފުޅުންނަށާއި ދައުލަތުގެ މަތީ މަޤާމުތަކުގައި ތިއްބަވާ ބޭބޭކަލުންނަށް ފޮނުވާނެއެވެ. މިބަތް ކައްކާނީ ބޮޑު ބޭކަލުންގެ ގޭގޭގައެވެ. ބޮޑުބޭކަލަކު ނެތްނަމަ ބަނޑޭރިގޭގައެވެ. އަދި މިބަތް ކައްކާނީ ވަރަށް މޮޅަށް ކިރާ ހަނޑުލުގައި ފޮނިތޮށި ކާފޫރުތޮޅި އަޅައިގެންނެވެ
އިރުވައިކޮލި
ނ ކޮންމެ އަހަރަކު މުލަ ނަކަތް ލައިގަތީމާ ހެޔޮ އިރުވަރެއް ބަލައި ބަޑިހެލުމަށްފަހު ރަދުން ގަނޑުވަރަށް ވަދެވަޑައިގަތީމާ ލައި އުޅުނު ކޮލި. މިއީ ދެބަނޑޮސް ދޭތެރެއިން އޮޑިއެއް ދޯންޏެއް ނުވަނުމަށާއި ފާރުދޮށްކޮށައޮ ދަމަށް އަރާން ކުރާ އަމުރުގެ ކޮއްޔެވެ
އިރުވައިމައުލޫދު
ނ އިރުވަޔަށް ބަޑިހެލީމާ ބޮޑުދުންދޭ ފަންސަވީސް ޒިޔާރަތްދޮށުގައި ފަންސަވީސްރޭ ވާދެން ރެޔަކު ޒިޔާރަތެއް ދޮށުގައި ފޭލިގެ ޖަހައިހެން ކިޔައި އުޅުނު މައުލޫދު. މައުލޫދު ކިޔާނީ ޒިކުރުވެރީންނެވެ. މިމައުލޫދު ފަށައި މައުލޫދު ބުނެހަދާނީ ފަނޑިޔާރުގޭ ނައިބު ބޭކަލެކެވެ. މައުލޫދު ހުއްޓޭއިރަށް ބޮޑު ބަދިގެއިން ފާރުދޮށު ކޭމުގެ ދެކޭން ގެންނާނެއެވެ. މިކަން ކުރާނީ ސިއްކަގޭ ހަނގު ބޭކަލުންނެވެ. ބަޑިހެލީމާ މާބަނޑޭރި ބޭކަލަކު ސިއްކަގެއަށާއި ޒިކުރުވެރީންގެ މުރީދުގެއަށް އިރުވައި މައުލޫދު ކިޔުމުގެ ޚަބަރާ ފޮނުއްވާނެއެވެ
އިބިލީސް
ނ ކީރިތި ﷲ ގެ ކިބަޔަށް އުރެދިފައިވާ އަބަދުމެ ނުބައިކަންތައް ނޫން އެހެން ކަމެއްނުކުރާ ނުބައި ކަންތައް ކުރުމަށް މީހުންނަށް ވަސްވާސްދޭ ޝައިޠާން
އިއްދަ
ނ ފިރިމަރުވެގެން ނުވަތަ ވަރިވެގެން ދުވަސް ހަމަކުރާން އަންހެނުން ތިބެންޖެހޭ ދުވަސްވަރު
އިދިކީލި
ނ (1) އިދިކޮޅަށް ހުންނަކީލި (2) މަޖާޒު: މީހުންގައި ހުންނަ ދޫނުކުރާގޮތް
އިދިކީލިކަން
ނއނ މަޖާޒު: ދޫނުކުރާކަން
އިލި
ނ ދެއެއްޗެއް ހަރުކުރާއިރު މޮހޮރުގެ ބަދަލުގައި ޖަހާން ލަކުޑީން ފޯލިކޮށް އެއްކޮޅަށް ހިމަކޮށް ހަދާ އެއްޗެއް އޮޑިދޯނިފަހަރު ބަންނައިރު ގިނައިންޖަހައި އުޅެނީވެސް މިއެވެ