radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ހެޑުފޯނު
ނ ރޭޑިޔޯއާއި ކެސެޓާއި ތެލެފޯނު ފަދަ އަޑުގެނެސްދޭ އިލެކްޓްރޯނިކް ތަކެތި އަޑުއެހުމަށް ބޭނުންކުރާ އާލަތެއް މިތައްޔާރުކޮށްފައި ހުންނަނީ ދެކަންފަތުގައި ތިއްބޭގޮަތަށެވެ
ހެޓު
އ (1) ހެސް (2) ޖަނަވާރު ދުއްވައިގަނުވާން ބުނާބަހެއް (3) މަސައްކަތްކުރުމުގައި ހުންނަ ޖޯޝާ ފޯރީ ބަޔާންކުރުމުގެ ގޮތުން ބުނާބަހެއް މިސާލު: މިވެނިމީހަކު މިވެނިކަމެއް ހެޓުކިއައިފައި އެބަކުރެއެވެ
ހެޔޮ
ނއ (1) ރަނގަޅު (2) އޯގާވެރި (3) ނުބައިގެ އަނެއްކޮޅު (4) ފުދިއްޖެ (5) ފުދޭވަރުވެއްޖެ
ހެޔޮނުބައި
ނ (1) ހެޔޮކަންތަކާއި ނުބައިކަންތައް (2) ރަނގަޅު ނުރަނގަޅު (3) ލަފާނުލަފާ (4) ކޮންމެ މުސްލިމަކަށް ދީނީގޮތުން ކޮންމެހެން އެނގެންވާ މިންވަރު
ހެޔޮބަސްބުނުން
މ (1) ރަނގަޅު ވާހަކަ ދެއްކުން (2) އޯގާވެރިކަމުގެ ބަސްތައް ދުލުން ފާޅުކުރުން (3) ފައިދާހުރި ނަސޭހަތްދިނުން
ހެޔޮކަމެއްގެ ބަދަލުގައި ތެޔޮހަމެއް
މިސާލު: ހެޔޮކަމެއް ކޮށްދިނީމާ އެކަމަށް ޝުކުރުވެރިވުމުގެ ބަދަލުގައި ދެރައެއް ދިނުމުން ބުނެއުޅޭ ބަހެއް
ހެޔޮކޮށްދިނުން
މ ހެއުކޮށްދިނުން
ހެޔޮވަރުމީހާ
ނ ތަޢުރީފާއި މަލާމާތުގެ ގޮތުން ބުނެއުޅޭ ބަހެއް މިސާލު: ގިނަކަންތައްތައް ކުރާނޭގޮތް ދަންނަ ހުޝިޔާރު މީހެއްގެ ވާހަކަ ބުނުމުގައި "އޭނާއަކީ ހެޔޮވަރު މީހެކޭ" ބުނެއުޅެއެވެ މީހަކަށް ވެވުނު ދެރަކަމެއްގެ ވާހަކަ ބުނުމުގައި "އޭނާއަކީ ހެޔޮވަރު މީހެއްތާއޭ" ބުނެއުޅެއެވެ
ހެޔޮފޯރުވުން
މ އެހީދިނުން
ހޭ
ނ (1) ވާނުވާ އެނގުމުގެ ބާރު. (2) ބުއްދި. (3) ދެވަނަ ފަހަރަށް ސުވާލު ކުރުމުގެ ޖުމްލައިގެ ފަހަތަށް ގެންނަ އަކުރު. މިސާލު: މިބުނި އެއްޗެއް ވިސްނިއްޖެހޭ. (4) މީހަކު ތިމާޔާ ކުޅަ ސުވާލެއް އަނެކާގާތު ބުނާއިރު ޖުމްލައިގެ ފަހަތަށް ގެންނަ އަކުރު މިސާލު: އަބްދުﷲ އަހަރެން ކުރެން އެއްސޭ އިބްރާހީމް ނާދޭހޭ (5) ހުޅަނގު މޫސުމުގެ ނަކަތްތަކުގެ ތެރެއިން ފަނަރަވަނަ ނަކަތް (6) ކަނޑުގެ އަޑި ކިރިޔަކިރިޔާ ފެންނަ (7) )ޏ ސ ( ދުރުން ކިރިޔަކިރިޔާ ފެންނަ ފެނުން (8) " އޭތް" މިބަސް އަންހެނުންނަށް ގޮވުމަށް ބޭނުންކުރާގޮތް
ހޭހަންކުރުން
މ (1) ބަލިވެއުޅޭމީހާއަށް އޯގާވެރިކަމާއެކު ޚިދުމަތްކުރުން (2) ބަލިމީހާއަށް ފަރުވާތެރިކަމާއެކު އެހީވެ ދިނުން (3) ހާލުގައި ޖެހިފައިވާ މީހަކަށް އެހީވުން (4) މަޖާޒު: މީހެއްގެ ގާތުގައި ވަފާތެރިކަމާއެކު އަބަދު ޚިދުމަތް ކޮށްކޮށް ހުރުން
ހޭހުރުން
މ (1) ވާނުވާ އެނގުމުގެ ބާރު ހުރުން (2) ބުއްދި ފިލައި ނުގޮސް ހުރުން
ހޭނައްތާމީހާ
ނ ބަލިމީހަކަށް ޞިއްޙީ ފަރުވާއެއް ދިނުމަށް ހޭނައްތަން ޖެހިގެން ހޭނެއްތުމުގެ ކަންތައްކުރާ ޑޮކްޓަރު
ހޭނުން
މ (1) ފިލަޔާއި ދަނޑިފަދަ ތަކެތި ބޭނުންގޮތަކަށް މަޑުމަޑުން ލެނބުން (2) އިންސާނުންނާއި ފުރާނަހުރި ތަކެތި ވަކި ގޮތަކަށް ފަރިތަކުރުވައި އާދަކުރުވުން (3) ތެޔޮ ހުންނަތަކެތި ކައްކައިގެން ތެޔޮ ނެރުން (4) ހަށިގަނޑުގެ ތަންތަނަށް ފަރުވާކުރުމުގައި ވަކިގޮތަކަށް ޙަރަކާތްދިނުން (5) މަޖާޒު: އޮޑިދޯނިފަހަރު ދަތި ތަންތަނުން ނުބީއްސައި ގެންދިއުން
ހޭނެއްތުން
މ (1) ޚަބަރު ހުސްކޮށްލުން (2) ވާނުވާ އެނގުމުގެ ބާރު ކަނޑުވައިލުން
ހޭނެތުން
މ (1) ޚަބަރުހުސްވުން (2) ވާނުވާ އެނގުމުގެ ބާރުނެތުން (3) ހޭބަލިވުން
ހޭރުން
މ (1) ސޫފާސޫފިގޮވުން (2) ދަށް ބަހުރުވައިގައި އިންސާނުން ރުއިމަށް ބުނާގޮތް
ހޭރޭމިޔަރު
ނ ބާވަތެއްގެ މިޔަރެއް މީގެ ބުރިކަށިމަތީގައި އެހެންމިޔަރަށްވުރެ އެއްއުރަހަ ގިނަވާނެއެވެ މި މިޔަރު ބޭނުމަށްފަހު ހޭރޭނެއެވެ
ހޭބަލިވުން
މ (1) ނިދުމަކާ ނުލައި ހުރިހައި ޙިއްސުތައް ބަންދުވުން (2) ވާނުވާނޭނގުން
ހޭބުއްދި
ނ (1) ވިސްނުން (2) ބުއްދި