radheef.info
ރަދީފު


އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
މަޅިމަތިވުން
މ (1) އެއްޗެއް ހިފަންވެގެން ޖަހައިފައި މަޅިއެއްގެ ތެރެއަށް އެއްޗެއްވަނުން (2) މަޖާޒު: ބޮނޑިއެއް ދިނުމުގެގޮތުން މީހަކު ރާވައިފައިވާ ރޭވުމެއްގައި ބެދޭގޮތްވުން
މަޅިގަނޑު
ނ (1) އެއްޗެހި އެލުވައިފައި ބެހެއްޓުމަށްޓަކައި ނުވަތަ ތަންޑުގަނޑު ފަދަ އެއްޗެހި ލެއްވުމަށްޓަކައި އެއްވަރެއްގައި ގިނަދުވަހު ހުންނާނޭހެން ހަރުކުރާ ނުވަތަ އެކުލަވާމަޅި. (2) އަމިއްލައަށް ފުޅަލި ހުޅުވިގެން ދިޔަނުދިނުމަށްޓަކައި އަޅުވަން ހުންނަ މަޅި. މިމަޅި ފިލާ ދަގަނޑު ރޯނު އަދި މިނޫންވެސް އެއްޗެހިން ހަދައިފައި ހުރެއެވެ
މަކުޑި
ނ (1) އެއްޗެއް ހިފެހެއްޓުމަށްޓަކައި ނުވަތަ ހުޅުވުނަ ނުދިނުމަށްޓަކައި ލަކުޑިން ހަދައި ހަރުކޮށްފައި ހުންނަ އެއްޗެއް. މިސާލު: ދޮރުފަތްލައްޕާފައި އަޅުވާ ލަކުޑި ދޮރު ހިފެހެއްޓުމަށް ދޮރުކަނީގައި ޖަހާފައި ހުންނަ މަކުޑި. (2) އެއްޗެހި ހިފެހެއްޓުމަށާއި ހަރު ކުރުމަށްޓަކައި ފާރަށް ލައްވައިފައި ހުންނަ ލަކުޑި (3) ތަނބުގެ މައްޗަށާއި ފުލަށް ލައްވާ ލަކުޑި (4) ޓިނުޖަހާއިރު ފަތިގަނޑާއި ޓިނުގަނޑާ ދޭތެރެއަށް ލައްވާ ލަކުޑިކޮޅު
މައިކަނބަލުން
ނ މަންމައަށް މާތްކޮށް ބުނެއުޅޭ ގޮތެއް
މައިކަނި
ނ ހަތެރެސްކަން ރިޔަލުގެ ތިރީކޮޅުން ދިރުނބާއަށް ހަރުކުރާ ކަނި
މައިމޫ
ނ (1) ބައެއް ގަސްގަހުގެ މައިގަސް ގަނޑާ އެއްސީދަލަށް އަޑިއަށް ހުންނަ މޫ (2) ބައެއް ވައްތަރުގެ ގަސް ހިފެހެއްޓި ހުރުމުގެ ބާރު ލިއްބައިދޭމޫ (3) މަޖާޒު: ކަމެއްގައި ނުވަތަ ތަނެއްގައި ވެރިއެއްގެ ގޮތުން އެންމެ އިސްވެހުރިމީހާ
މައިފިއްލުން
މ (1) ކުކުޅު ހަލުގެ ޅައެއްޗެހި ވަކި ވަރަކަށް ބޮޑެތިވުމުން މައި އެއްޗާއި ދުރުކޮށްލުން މަޖާޒު: (2) ދަރިން ވަކި ވަރަކަށް ބޮޑެތިވުމުން މައިއެއްޗާއި ދުރުކޮށްލުން (3) ކުދިން ވަކި ވަރަކަށް ބޮޑުވެ އަމިއްލައަށް އުޅެވޭ ވަރުވުން
މައިދޮރު
ނ (1) ގެއަށް ވަދެ ނުކުމެވާން ހުންނަ ބޮޑުދޮރު (2) މަޖާޒު: ފުރަގަސް ފަރާތު ދޮރު
މައިތިރިވުން
މ (1) ހަމައިން ނެއްޓިގެން އުޅޭ ބަޔަކު ހަމަޔަކަށް އެޅުން (2) ހަރުކަށިކަން ކުޑަވުން (3) ބައްޔެއް އެހުރި ދަރަޖައަށްވުރެ ލުއިވުން (4) ކުރާގަދަ ވިއްސާރައެއް މަޑުވާގޮތްވުން (5) ރޯގާއެއްގެ ބާރުކެނޑުން
މައިލަގޮނޑިޔަށްކެތްނުވުން
މަޖާޒު: ދަރިޔަކަށް ކިތަންމެ ކުޑަވެސް ދެރަޔެއްލިބޭ ހިނދަކު މައިމީހާއަށް ލިބޭވޭން
މައިގެ
ނ (1) ގޭގެ ބޭރުގެއަށްވާބައި (2) ޢާއިލާ އުފެދުނުގެ
މައުލޫދު
ނ ކީރިތި ރަސޫލާއަށް ނިސްބަތްކޮށް ޅެމުން ނުވަތަ ވަކި ޚާއްޞަ ޢިބާރާތްތަކަކުން އެކުލަވާލާފައިވާ ސިޔަރަތު
)އަށާރަ މަޑުލުގެ ދޯންޏެއްނަމަ ސަތާރަވަނަ މަޑޫ( މައްކާރިމަޑޫ
ނ އޮޑިދޯނި ފަހަރުގެ ދޮޅިމަޑުލާއި ޖެހިގެން ތިރިއަށް ހުންނަމަޑޫ
މައްލަވަ
ނ މީހަކާ ދިމާއަށް މާބޮޑަށް ބެލުމާއެކު ހީނ އިޝާރާތްކޮށް ކުރާ ސަމާސާ
މައްލަވަކުރުން
މ މީހަކާދިމާއަށް މާބޮޑަށް ބެލުމާއެކު ހުނުމާއި ކުދިކުދި އިޝާރާތް ކުރުމާއި ބައެއްފާޑުގެ ކުދި ސަމާސާ ކުރުން
މަވުން
މ ތިމާއަށް ތިމާފެނި ބޮޑާވުން
މަދަޙަ
ނ (1) ތާރީފު (2) ކީރިތި ރަސޫލާއަށް ތާރީފުގެ ގޮތުން ހަދާފައި ހުންނަޅެން
މަތަރެސްމާ
ނ އިރަށް އެނބުރޭ މަލާ ވަރަށް އެއްވައްތަރު ސިފައެއްގައި އެއަށްވުރެ ފިޔަތައް ބޯކޮށްހުންނަމަލެއް މިމަލުގެ ބައެއް ވައްތަރުގައި އެއްބަރިއަށްވުރެ ގިނަ ބަރިޔަށްވެސް ފިޔަހުރެއެވެ
މަތިންބައިންޖެހުން
މ މަޖާޒު: ތިމާއާ ނުބެހޭ ކަމެއްގެ ތެރެއަށް އަމިއްލައަށް ވަދެގަތުން
)ފުރަވެރިއިހާ( މަތިވަރު
ނ (1) ދިވެހިރުކުގައި ގަންނަ އެއްޗެހި )ހުރިހާ ބާވަތެއްގެ ގަސްގަހާ ގެހީގައި އެއްވަރިއަށް އަޅާ އެއްޗެއްސަށްވެސް މިހެން ކިޔައެވެ ( (2) )ޏ ސ ( ރުކުގައި ގަންނަ ކޮންމެ އިހަލެއްގެ މަތީގައި އޮންނަ އިހާ