radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ކޮޅު
ނ (1) އެއްޗެއް ނުވަތަ ކަމެއްގެ ނިމޭތަން ނޫނީ ފެށޭތަން (2) ކުޑަކަމާއި މަދުކަމުގެ މާނައިގައި ބޭނުންކުރާ ބަހެއް މިސާލު: )ހ( ގާކޮޅެއް )ށ( އެތިކޮޅެއް (3) ބައެއް އެއްޗިއްސަށް މާތްކުރުމަށްޓަކައި އެތަކެތީގެ ނަމުގެ ފަހަތަށް ގެންނަބަހެއް މިސާލު: )ހ( ހަށިކޮޅު )ށ( ގެކޮޅު )ނ( ފަތްކޮޅު
ކޮޅުހެދުން
މ (1) ފޮށާފަދަ ތަކެތީގެ ކޮޅުގައި ފޯގައިލައި މަޅި ގޮތްގޮތަށް ހެދުން (2) ނަނާއިވާފަދަ ތަކެތީގެ ކޮޅުހިމަކޮށްލުން ނުވަތަ އެކިއެކި ބޭނުމަށްޓަކައި ކޮޅު ނުނިއުޅޭނެހެން ހެދުން
ކޮޅުން
މ (1) ކަފައާއި އަލަނގުފަދަ ތަކެތި އައްޕަތުން ނުވަތަ ޕަޓޭމީން ހިންމިއަށް ވެއްދުން (2) މަޖާޒު: އެއްޗެއް ހޯދާން ތަންތަނަށް ބޯދީ އަތް ބާނައި ހާވައި ހެދުން
ކޮޅުވަން
ނ (1) ފުޅަފުގައި ނުވަތަ ބިތުގައި ކޮޅަށް ޖަހަން ފަންތޮށިގަނޑު ބުރިކޮށްފައި ހުންނަ ހިކިފަން (2) ކޮޅުފަން
ކޮޅުމަތި
ނ (1) މުންޑުގެ މެދުތެރޭގައި އެހެން ކުލަކުލައިގެ އުއިން ހަދައިފައި ހުންނަތަން (2) ފޭލީގެ ދެކޮޅުގައި ކަސަބުން ހަދައިފައި ހުންނަތަން (3) ވިޔެފައި ހުންނަ ހަރުވާޅު ދާގަނޑުގެ ދެކޮޅުގައި ކަސަބާއި ފަށުވިން ހަދައިފައި އޮންނަތަން (4) ކުޅިޖަހާއިރު ލައިއުޅުނު ހަރުވާޅުގެ ކުރިމަތީގައި އެލުވާން ކަސަބާއި ފަށުވިން ހަދައިފައި އޮންނަ އެތި (5) މަޖާޒު: ކަމެއްގެ ނުވަތަ ވާހަކައެއްގެ ފެށުމުގެ ނުވަތަ ނިމުމުގެ އަލާމާތް
ކޮޅުމުގުލަށް އެރުން
މ (1) ވަލުގެ ކޮޅަށް ދިއުން (2) ދޫކުރާނެ ތަންހުސްވުން (3) ކޮޅުންލުން (4) މައްސަލައެއް ނުވަތަ ކަމެއް އެންމެ މައްޗަށް ދިއުން (5) މަޖާޒު: ހަދާނެ އެއްވެސް ގޮތެއް ނެތުން
ކޮއި
ނ (1) ދަރިންނަށް ނުވަތަ ކުދިންނަށް ކިޔާ ނަމެއް (2) ލޮލުގެ ކަޅުކަޅީގެ މެދުގައި ވަށްކޮށް ހުންނަ ތަންކޮޅު ލޮލަށް އަލިވަންނަނީ މިތަނުގެ ތެރެއިންނެވެ މިބައި އަލިގަދަވާ ވަރަކަށް ކުޑަވެ އަނދިރިވާ ވަރަކަށް ބޮޑުވެއެވެ
ކޮއިބޮނޑި
ނ އިހުގައި ހަނގުބޭކަލުންގެ އަނބިން ވިހޭމާ އެމީހަކު އަށީބޭކަލުންނަށް ދޭންޖެހޭ ކެއުމެއް. ނުވަރޭ ފެނުން ނުކެނޑެނީސްދޭނަމަ ކޮންމެވެސް ކާއެއްޗެއް ދެނިކޮށް ފުދުނީއެވެ. އޭގެ ފަސްވެއްޖެނަމަ ދޭންވާނީ ހަތަރުނާޅި އަވެއްޔާއި އެޔާވާނެ އެހެން އެއްޗެއްސެވެ
ކޮއްތު
ނ (1) އިރަކަށް ވަކިވަރަކަށް ކަނޑައަޅައި މީހަކަށް ނުވަތަ ބަޔަކަށް ދޭކާބޯތަކެތި (2) މީހަކު ނުވަތަ ބަޔަކު އެއްފަހަރު ކާން ކައްކައިފައި ހުންނަ ކާނާ
ކޮއްޓުން
މ (1) މީހެއްގެ ގައިގައި ނުވަތަ އެއްޗެއްގައި އިނގިލިން ނުވަތަ އެއްޗަކުން ކުއްލި ޙަރަކާތަކާއެކު ޖައްސައިލުމަށްފަހު ނައްޓައިލުން (2) ބިއްސާއި މުލިއްސާއި ފޮޅުފަދަ އެއްޗެހީގެ ތުން ތުއްވުން (3) އުކުނޑި ކޮއްޓުން (4) ފުޓުބޯޅައާއި ހޮކީފަދަ ކުޅިވަރު ކުޅޭއިރު ދުރަށް ބޯޅަ ފޮނުވައިނުލައި ގާތުގައި ބާއްވައިގެން މަޑުމަޑުން ޖަހަމުން ޖަހަމުން ގެންދިއުން (5) )ޏ ސ ( ކޮރުން (6) މަޖާޒު: މީހެއްގެ ހަވާލުގައި އޮތްކަމެއް އަވަސް ކުރުމަށް އުޅުން
ކޮއްޕުން
މ (1) ކުރިއަށް ފޮނުވާން ބާރުލުން (2) ވައްޓައިލާން ބާރުލުން (3) އެއްޗެއްގެ ތެރެއަށް އެއްޗެއް ބޭނުން ނުވަތަ ވެއްދުން
ކޮމާކޯޅި
ނ ލިޔުމުގައި ބޭނުންކުރާ ނިޝާނެއް މިނިޝާން ވައްތަރުވާނީ ޖެހިޖެހިގެން ޖަހާ ދެކޮމާއާއެވެ މިނިޝާން ބޭނުންކުރަނީ އެހެން މީހެއްގެ ޢިބާރާތެއް އޭނާ ބޭނުންކޮށްފައިވާ ގޮތަށް ލިޔުމުގެ ތެރޭގައި ބޭނުން ކުރާއިރުއާއި ލަފުޒަކުން ދޭހަވާމާނަނޫން މާނައެއްގައި އެލަފުޒު ބޭނުން ކުރާއިރު އެ ޢިބާރާތެއްގެ ނުވަތަ އެލަފުޒެއްގެ ފެށޭތަނުގައާއި ނިމޭ ތަނުގައެވެ
ކޮތަނބިރި
ނ ހަވާދުގެ ބާވަތެއް މިއީ އަސޭމިރުސް ފުކެއްވަރަށް ވައްކޮށް މަޑުރީދޫކުލައިގައި ހުންނަ ފުކެކެވެ މީގެ ގަހުގެ ފަތުގެ ކުލަ ހުންނަނީ މަޑުފިޔާތޮށި ނުވަތަ ހުދުކުލައިގައެވެ މިގަހުގެ މާ ހުންނަނީ ބޮނޑިކޮށެވެ
ކޮތަޅު
ނ (1) އެއްޗެހި އަޅަން ތިންފަރާތުން ބައްދައިފައި އޮންނަ ކުދިގޯނި ނުވަތަ އުރަ (2) )މ ( މޫދުގައިއުޅޭ ތަތުންފުޅި
ކޮލި
ނ (1) ބޯޅައެއްހެން ބަނޑު ފުފިފައި ހުންނަ މަހެއް މިމަހުގެ ހަމުގައި ތޫނު ނުވަތަ ރާޅު އުންތަކެއް ހުރެއެވެ (2) އެއްޗެހީގެ އަރިމަތިންނާއި މެދުތެރޭން ފުފިފައި އޮންނަ ފުފުން ނުވަތަ ފުފިފައި އޮންނަ ތަން (3) އިހުގައި ރަސްމީ ބައެއް ލަގަބު އިއުލާނުކުރުމަށްޓަކައި ކުރާ ރަސްމީ ކަމެއްގެ ނަން
ކޮޓަރި
ނ ގޭގެއާއި ޢިމާރާތް ޢިމާރާތުގައި ބިތްތަކަކުން ވަކިކޮށް އެކިބޭނުމަށް ޚާއްޞަކޮށްފައި ހުންނަ ގޮޅި ނުވަތަބައި
ކޮޓަފާޅި
ނ ގޭގެޔާއި ގުޅިގެން ފަނުން ނެރެފައިހުންނަ ތިރިކޮޓަރި ނުވަތަ ފިޔަފާޅިކޮޓަރި
ކޯނަރު
ނ ހޮކީ އާއި ފުޓްބޯޅައިގައި ދަނޑުގެ ކަނުން ޖަހަން ޖެހޭ ހިލޭޖެހުން. މިޖެހުން ޖަހަނީ ބައިގެ މީހެއްގެ އަތުން ނުވަތަ ބައިގެ މީހެއްގެ ގައިގައި ޖެހިފައި އޭނާގެ ކޮޅުން ބޯޅަ ބޭރުވުމުންނެވެ
ކޯނަރުނެގުން
މ ހޮކީއާއި ފުޓުބޯޅައިގައި ދަނޑުގެކަނުން ޖެހުން މިޖެހުން ޖަހަނީ ބައިގެ މީހެއްގެ އަތުން ނުވަތަ ބައިގެ މީހެއްގެ ގައިގައި ޖެހިފައި އޭނާގެ ކޮޅުން ބޯޅަބޭރުވުންނެވެ
ކޯރި
ނ (1) ލޮލަށް އަވިނުދޭނޭހެން ނިތާދިމާއިން ނެރެފައި އޮންނަ މައްޗަށް ހިމައެއްޗެއް މިއީ މަސްވެރިންނަށް ޚާއްޞަ އެއްޗެކެވެ (2) އެއްޗެހީގެ ކޮޅުގައި ނުވަތަ މަތީގައި އަޅުވާން ބިތްފަނުން މައްޗަށް ހިމަކޮށް ބަނދެގެން ހަދާގޮށްޓެއް (3) ފުރާޅު ފޫދުއްވާ އަރައިފައި ހުންނަ މުޑިފަދަ ތަކެތީން އެތެރެއަށް ވާރޭ ނީރައިފާނެތީ އޭގައި ފުރާޅުގެ މަތިން ބަންނަ ފަންގަނޑު