radheef.info
ރަދީފު


އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
އަންބަލަން
ނ (1) ރޯދަމަހު ހިފައި އޮޅުލައި އުޅުނު ޒަމާނުގައި އެކަމަށްޖަހާ ވެލިފުނި މިހުންނާނީ ދޮންވެލީން ނުރޫޅޭ ވަރަށް ހަރުކޮށްފައި ބާވަތްބާވަތުގެ މޭވާ އާއި މައުމެލާމެލީން ކުރަހައިފައެވެ މިތަން ރޫޅަނީ ރޯދަޔަށް ހަނދުފެނުނީމައެވެ ރޫޅައި ލުމަށްފަހުވެސް މިތަނަށް ކިޔަނީ އަންބަލަމެވެ (2) ހަތަރު ކައިރީގައިލަކުޑި އަޅައިފައި މެދަށް ދޮންވެލި އަޅައިގެން ހިފާންތައްޔާރުކުރާ ތަން (3) ކިޔެވެލި ކިޔަވާއިރު ތަނބެއްގައި ކަށިމަލު ފިޔައިން ހަތަރު ކައިރިހަދައިފައި އެތެރެއަށް މައުއަޅައިގެން ހަދާތަން
އަންގަދަ
ނއ (1) އަނގަގަދަ (2) ބޭނުންނެތްވާހަކަ ގިނައިން ދެއްކުން
އަންގަދަކުރުން
މ (1) އަނގަގަދަ ކުރުން (2) ބޭނުންނެތްވާހަކަ ގިނައިންދެއްކުން
އަންގަދަވުން
މ (1) އަނގަގަދަވާގޮތް ހުރުން (2) ބޭނުންނެތްވާހަކަ ގިނައިންދައްކާ ގޮތް ހުރުން
އަންޑޯސާ
ނ (1) ހިމާރުގެ ފިރިހެން ހަށި. (2) މަޖާޒު: އިންސާނުންގެ ބޮޑެތި ފިރިހެން ހަށި މިއަށް "އަނޑޯސާ" ވެސް ކިޔައެވެ
އަރަބިހެދުން
ނ ދިގުލިބާހާއި ދިގުހަރުވާޅާއި ޖުއްބާއާއިއެކު ޢިޤާލު ނުވަތަ ފަގުޑި ބޭނުންކުރާ ހެދުން ޢިޤާލަކީ ބަދަވީން ބޮލުގައި އަޅާ ރުމާލާއި އޭގެ މަތީން އޮޅައިފައިން އޮންނަ އެއްޗެކެވެ
އަރަފާތު
ނ މައްކާއިން ބާރަ މޭލު ދުރުގައިވާ މުޤައްދަސް މައިދާނެއް މިއީ ތިރި ފަރުބަދައެކެވެ މިތާނގައި އިރުކޮޅަކު ތިބުމީ ޙައްޖުގެ ރުކުނެކެވެ
އަރަފާތުކޮތަރު
ނ ޅިނދުމަތީގައި ކަޅުކުލައިގެ ބަންދެއް ހުންނަ ކަރުދޮށަށް ރީނދޫ ދިހުން ކުލައަރާ އަޅިކުލައިގެ ކޮތަރެއް މިކޮތަރު ގިނައިން އުޅެނީ މައްކާ ޙަރަމްފުޅު ތެރޭގައެވެ
އަރުވައިބާލާލަވަ
ނ ދަނޑިބެރުގައި ޖަހާ އާދައިގެ ލަވައެއް ނަމަވެސް މިލަވަޖަހަނީ ރަދުން އިންނަވައިގެން ބެރުޖަހާ ތަންތާނގައެވެ
އަރުވާޖެހުން
މ އަނދެގެން ހުންނަ އެއްޗެއް ކޮށިކުރުން މިކަން ގިނައިން ކޮށް އުޅެނީ ކޮންމެވެސް މަސައްކަތެއް ކުރާންވެގެން އަނދެގެން ހުންނަ އެއްޗަކުން ދަތިވަންޏާއެވެ
އަރުމާޒުލަވަ
ނ ބޭފުޅުން ކަނޑުބޭރުފުޅުކުރާ ދުވަސްދުވަހު ނުވަތަ ބޭފުޅަކު ޢިއްޒަތުގައި ދަތުރަށް ނުވަތަ ދަތުރުން އަރާވަޑައިގަންނަވާ ދުވަހު އޮޑިކޮޅުގައި ފުމޭ ލަވަތަކެއް މިލަވަތައް ފުމޭނީ ކަނޑިންމައާއި ބަނދަރާއި ދޭތެރޭ އޮޑިކޮޅު ޖަހައި ހަތްހޭރިޔާއިން ކޮންމެ ދެހޭރިޔާ ދޭތެރޭ " ހޭރިޔާ" އެވެ ކިޔާ ލަވައަކަށް ފަހުގައެވެ
އަބާރަނަ
ނ (1) އަންހެނުންގެ ކަރުގައި އަޅާމޮޅުގަހަނާ (2) ދަނޑިބެރުގައި ޖަހާ ލަވައެއް (3) ދަނޑިބެރުގެ ބޮޑެތި ލަވަތަކުގެ ތެރެއިން ލަވައެއް މިލަވަ ޖަހައިއުޅެނީ ޢީދުދުވަހާއި ހުކުރުދުވަހު ރަދުން އަބާކޮޅު ތުރުކުރައްވާން އުތުރުގެކޮޅަށް ވެދެވަޑައިގަތުމުންނެވެ ބަންގި ބެރުޖަހަމުންގޮސް މުދިން ބޭކަލުން ފީކުމުއްޞަލާތި ގޮވައިފައި ގަނޑުވަރަށްދުރުވެ ސުއްޖާދުހިފައިގެން ނުކުމެއްޖެނަމަ ފުމޭނީ އަބާރަނައެވެ ސުއްޖާދުނުލައި ނިކުމެއްޖެނަމަ ބަންގިބެރުހުއްޓާނީއެވެ ދެންމިލަވަޖަހާނީ ސަމާކުޅިހުއްޓާރޭރެއަށް ރަނަހަމައިދިކޮށިން ތިންދަނޑިޔާއި އެއްލާން ނިކުތީމައެވެ މިއިންކޮންމެތާކުވެސް މިލަވަފުމޭނީ ރަދުން ނުކުމެވަށައިގެންނަވަންޏާއެވެ
އަބާބީލުދޫނި
ނ ކަޅުކުލައިގައި ބަނޑުދޮށް ހުދުކޮށްތިބޭ ކުދިދޫންޏެއް މިގިނައިންއުޅެނީ މައްކާ ޙަރަމްފުޅުގެ ތެރޭގައެވެ
އަޅު
ނ (1) ކޮންމެ އިންސާނަކީ ﷲގެ އަޅެއް (2) މީހަކަށް މިލްކުވެފައިވާ މީހާ (3) މިނިވަންކަން ލިބިގެންނުވާމީހާ (4) ދުޢާކުރާއިރު ނިކަމެތިކަމުގެ ގޮތުން "އަހަންނޭ" ބުނާބަސް
އަޅުވެރި
ނއ އަޅުކަންތައް ގިނައިންކުރާ
އަޅުވެރިޔާ
ނ ގިނައިން އަޅުކަންތައްކުރާމީހާ
އަކުރު
ނ (1) އެއިން ބަސްތައް ހެދިފައިވާ ބައިތައް. މިސާލު: އަލިފު ބާ ތާ ހ ށ ނ ރ އޭ ބީ ސީ ޑީ. 1 2 3 4. (2) އެހެންބަހަކާ ގުޅިގެންނޫނީ އޭގެ މާނަ ދޭހަނުވާބަސް. މިސާލު: އަދި އަށް
އަކޫލަ
ނ ރޭގަނޑު ދަންވަރު ބަޔަށް ކައްކައިގެން ކާކެއިން
އައިނުމަހާއޮޑިޔާވުން
މ (1) އައިންދަހިވެ ރަނގަޅަށް މަސްބޭނޭ ގޮތްވުން (2) މަސް އައިން އޮޑިޔާ އެކުލެވުން (3) މަޖާޒު: ތިމާބޭނުން މީހާ ތިމާޔާހިތާވުން
އައިންހިފައިގެންވައިމައްޗަށްއެރުން
މ (1) މަސްއައިނެއްގައި އެތައް ދޯންޏެއް އޮއްވާ އެތަނުން ވަކިދޯންޏެއް އެންކަވައިގެން އެހެން މީހުންނަށް ކެހިދިނުމަށް އައިން ގޮވައިގެން ވައިމައްޗަށް ދިއުން (2) މަޖާޒު: އަނެކަކަށް ލިބޭން އަންނަމޮޅެއް ނުވަތަ ރީއްޗެއް އެފަރާތަކަށް ލިބުނަނުދީ ތިމާ އަތުލުން