radheef.info
ރަދީފު


އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
ވިދުވަރު
ނ (1) ގުގުރުމާއެކު ކަނޑައިގެންދާ އަލިފާނުގެ އަލިން ގުގުރުމުގެ އަޑަށްވުރެ ކުރިން ދުނިޔެއަށް ފޯރާ އަލިކަން (2) ބެބުޅުން ހުރި އަލިކަން
ވިދުފިލާގަނޑު
ނ )ސ ( )ނަރުދަމާ ފިލާގަނޑު( މޮހޮރުގެ ބޯ ހެދުމަށްޓަކައި ބޭނުންކުރާ ލޯވަޅު ތޮރުފި ދަގަނޑު ފިލާގަނޑު މިއަށް ބޯޖަހާ ފިލާގަނޑުވެސް ކިޔައެވެ
ވިލާތުއަލުވި
ނ ބިމުއަޑިއަށް ފައިބާ ތަރުކާރީއެއް
ވިލާގަނޑެއްގައިޖެހުން
މ ގަދަ ވިއްސާރަ ގަނޑެއްގެ ތެރެއަށް ވަދެވުން
ވިލޭރޭ
ނ ދުވަސްވަންނަރޭ. )ދުވަހަށްފެށޭރޭ( މިސާލު: ހުކުރުވިލޭރޭ ހޯމަވިލޭރޭ އަދި ޚާއްޞަ ރޭރެއަށްވެސް މިހެން ކިޔައެވެ މިސާލު: ހިތިވިލޭރޭ
ވިޔަކުރާކޭން
ނ އިހުގައި ސަރުކާރުން ވާރު ނެންގެވިއިރު އެކަމުގެ ހިސާބުކުރުމަށް ރާއްޖެތެރެއަށް ފޮނުައްވާ ބޭކަލުންނަށް ރައްޔިތުންގެ ފަރާތުން ކައްކާ ކޭން
ވީހަރު
ނ (1) ތަނެއްގައި ނުލައްގައި ބައިސްކަލް ބަހައްޓާއިރު ވެއްޓުނަ ނުދީ ހިފޭއްޓުމަށްޓަކައި ބައިސްކަލުގައި ހަރުކޮށްފައިވާ ދެފައިކަށިލީ ހަރު (2) )ގ ( ފަށް ކަނޑައިދޭ މީހާއަށް ދޭއެއްޗެއް
ވުރެ
އ އެކަތިއަނެކެއްޗާ އަޅާބެލުމުގައި ބޭނުންކުރާ އަކުރެއް މިސާލު: މިއަށްވުރެއެރީއްޗެވެ
ވެހުން ގަނޑު
ނ (1) ގަބުޅި ހުނީގައި ދިވެހިހަކުރު އަޅައިގެން ހިލައި އެތެރެއަށް ހަނޑުލު ފުށާއި ހަކުރާ އެއްކޮށް ހިލައިގެން ވަށައިފައި ހުންނަ ގުޅަތަކެއް އަޅައި ބޭރުގައި ފަތްލައި ވެހައިފައި ހުންނަ ކާ އެއްޗެއް މިގުޅަތައް އެތެރެއަށް ނާޅާވެސް ހަދައެވެ ގިނައިން މިހަދަނީ ދެކުނު މީހުންނެވެ (2) އެއްޗެއް ވެހާން ބަނދެފައިވާ ބަނުން
ވެށުން
މ (1) ބޮނބިނަރުން ލީލި އަޅައިގެން ރޯނަށް ވާނޭހެން އެނބުރުން (2) ހަށިގަނޑުގެ ބޭރުގައި ތެތްއެއްޗެއް )ބޭސްފަދަ އެއްޗެއް( ހޭކުން (3) އުއި ކަސަބު ފަދަ ތަކެތި ފިރޯއްޓަށް އޮޅުން (4) ފުނޑައިފައި ހުންނަ ތަކެއްޗާއި ނުފުނޑާ ހުންނަ ތަކެތި އަތުން ގުޅަގުޅައަށް ހެދުން (5) )ޏ ސ ( ގަބުޅި ހުނީގައި ދިވެހި ހަކުރު އަޅައިގެން ހިލައިފައި ހުންނަ ކުދި ބޮނޑި
ވެރިއްސީ
ނ ދަލާ ދިމާއަށް ލަވަމުން ބޯދި ގެންނަމީހާ
ވެރިވެގަތުން
މ (1) އަމުރުވެރިއަކަށްވެގަތުން (2) އަމިއްލައަށް ކަމަކަށް އިސްވެގަތުން (3) ކަމެއް ނުވަތަ އެއްޗެއް ނުވަތަ ތަނެއްގެ މައްޗަށް އަމިއްލައަށް ބާރު ހިންގުން
ވެރުން
މ (1) އެއްޗިހިތަކެއް ފޭބުން (2) ގަސްގަހުން މޭވާފަދަ ތަކެތި އަމިއްލައަށް ފޭބުން (3) އޮހުން (4) މަނިބޭރުވުން
ވެއްފިލާ
ނ )ވެއްޕިލާ( ބޭހަށް ގެންގުޅޭ ފަތްޕިލާ ވެއްޔެއް. މިއީ ހުނިގޮނޑިފިލާހެން އެއަށްވުރެ ފަތްކުދިކޮށް ފަތުގައި ތުނޑުނެތި ވެލަށް ދުވާ ފިލާވެއްޔެކެވެ
ވެއްދުން
މ (1) އެކައްޗެއްގެ ތެރެއަށް އަނެކައްޗެއް ބޭނުން. (2) އެއްޗެއްގެ ތެރެއަށް އެއްޗެއް ލެއްވުން. (3) މީހަކު ވަޒީފާއަކަށް ނުވަތަ ތަނަކަށް ލެއްވުން. (4) ތަނަކަށް އެއްޗެއް ވަންނާނެގޮތް ހެދުން. މިސާލު: އަލިވެއްދުން ގޮންޏަށް މަސްވެއްދުން
ވެއްޓުން
މ (1) އެއްޗެއް ހަރުލާ ހުރުމުގެ ބާރު ނުވަތަ މައްޗަށް އާރާބާރު ހުސްވެގެން ތިރިއަށް އައުން މަޖާޒް: (2) މީހަކު ހުރި ދަރަޖައިން ދަށަށް ދިއުން (3) ވާދަކުރަމުންގޮސް ދެރަވުން (4) އެއްޗެއްގެ އަގު ދަށަށް ދިއުން
ވެދުން
ނ ސަލާމާ ހަދިޔާއަށް އެންމެ މާތްކޮށް ކިޔާގޮތް
ވެދުންކުރުން
މ (1) އިހުގައި ރަދުން ދެއްވާ ޢިއްޒަތަށް ނުވަތަ ބައެއް ޚާއްޞަ ވަޒީފާއަށްޓަކައި ރަދުންގެ ހިރިޔާ ފާތުރާ ދަށުން އެކަމެއް ހަމަޖެހުމާ ގުޅިގެން އެމީހަކު ރަސްމީގޮތުން ރަދުންގެ އަރިއަހަށް ހަދިޔާކުރުން (2) ރަސްކަމަށް ކޮލިލުން ފަދަ ކަންކަމާ ގުޅިގެންއެކިއެކި ޖަމާޢަތްތަކުންނާއި ފަރާތް ފަރާތުން ބަންޑާރައިންގެ އަރިއަހަށް ހަދިޔާކުރުން (3) ނާބަ އާއި ދަންބެރު ޖަހަންވާ ގަޑިއަށް ނުޖެހުމުން ކީރިތި މަހާރަދުންގެ ފަރާތްޕުޅުން ނާބަޖަހާ ބެރާއި ދަނޑިގަނޑު ދެގެ ދޭތެރެއަށް ގެނައުމުން އަލުން ބެރުޖެހުމަށްޓަކައި ދޭންޖެހޭ އާދަ ދިނުން
ވެދުންފޭލި
ނ (1) އޮޅުދޫކަރައަށް ޖިޒީ ފޮނުވާ އުޅުނު ދުވަސްވަރު ދިވެހިރާއްޖޭގެ ރަދުން އެތާނގެ ގަވަރނަރ އަށްފޮނުއްވާން ރާއްޖޭގައި ވިއުއްވާ އަންނަ ފޭލި (2) ރަދުންގެ ފައިވާންފުޅު ދެކެންދާ މީހުން ކުރުނީސްކޮށް އަދަބުވެފައި އެމީހުންގެ އަތުން ރަސްގެފާނުގެ ފައިވާންފުޅު ދަށަށް ދޫކުރާ ފޭލި
ވެތުރުން
މ )ގ ( ގަދައަށް ރުޅިއައިސްގެން ބާރަށް ހަޅޭއްލަވައި އަރާރުންވުން