radheef.info
ރަދީފު


ޖެހުން
މ (1) މީހެއްގެ ނުވަތަ ޖަނަވާރެއްފަދަ އެއްޗެއްގެ ގައިގައި ބޮނޑި ޔެއް އެޅުން. (2) ދެމީހެއްގެ ދެމެދުގައި އަރާރުން ނުވަތަ ދެކޮޅު ވެރިކަން އުފެދޭގޮތްވުން (3) ބައެއްކަހަލަ ތަކެތި ހެދުން މިސާލު: )ހ( ބުޅިޖެހުން )ށ( ހުޅިޖެހުން )ނ( ގޮނޑިމޭޒުފަދަ ތަކެތި ޖެހުން (4) މިޔުޒިކުގެ ބައެއްކަހަލަ ތަކެތި ކުޅުން މިސާލު: )ހ( ބެރުޖެހުން )ށ( ތަބުލާޖެހުން (5) ދެމީހަކު ނުވަތަ ދެއެއްޗެއް އައިސް ލައިގަތުން (6) ބައެއްކަހަލަ އެއްޗެހި ވެއްދުން މިސާލު: )ހ( ބަސްތާ އަށް ބަންބުޑި ޖެހުން )ށ( މޮހޮރުޖެހުން (7) ކިޔުމުގައި ނުވަތަ ޓައިޕުން ލިޔުމުގައި ކުށެއްވުން މިސާލު: )ހ( އޭނާ އަލްޙަމްދު ކިޔެވިއިރު ވަރަށް ގިނަ ކުށްޖެހުނެވެ )ށ( މިލިޔުން ކުށް ނުޖަހައި ޓައިޕް ކުރެވޭތޯ ބަލާށެވެ (8) ބައެއް ކަހަލަ ކަންތައްކުރުން މިސާލު: )ހ( ކުޅުޖެހުން )ށ( ދަނޑިޖެހުން )ނ( ބަޑިޖެހުން )ރ( ފަލިޖެހުން (9) ބައެއް ހާލަތުތައް މެދުވެރިވުން މިސާލު: )ހ( ބަނޑަށް ޖެހުން )ށ( ބިތްޖެހުން )ނ( ލޯބިޖެހުން )01( ދަތީގައި ނުވަތަ މަޅިފަތީގައި ތިބުން މިސާލު: )ހ( ދަތީގައި ޖެހުން )ށ( މަޅިފަތީގައި ޖެހުން (11) ތަތްކުރުން މިސާލު: )ހ( ސިމެންތިޖެހުން )ށ( މުށިޖެހުން
ހޮރަޖެހުން
މ )ސ ( ފަހައިގަތީމާ ދުވެފައިގޮސް ތަނަކަށްވަދެ ފިލުން
ހޮރޮ ޖެހުން
މ )ޏ ސ ( ބޯކޮޅު ބަލަމުން ފަހަތުން ދިޔުން
ރަނގަބީލުޖެހުން
މ ރަނގަބީލުން އަޑުއިއްވުން
ކަރިމައުޖެހުން
މ )ސ ( ކަރުފޮޅުޖެހުން
ކޯފުއްޕިޖެހުން
މ ކޯފުއްޕީގެ ބަލިއެރުން
ކޯޑިޖެހުން
މ (1) "ކޯޑި" ކުޅުމޭ ކިޔާކުޅިވަރުގައި އަންހެނެއްގެބޮލުގައި ކޯޑިޖައްސައިލުން (2) "ކޯޑި" ކުޅުން
އަހާދިޖެހުން
މ ގައިގެ ތަންތަންކޮޅުގައި އިނގިލިކުރިން އާހަދިހޭކުން
ހޯޅޮވާންޖެހުން
މ )ޏ ( ގުޅަމަތިހިފުން
ހޯއްޖެހުން
މ )ސ ( ހޯއްގޮވުން
ނަންބަރުޖެހުން
މ (1) ޢަދަދުޖެހުން (2) އެއްޗެހިތަކެއް ތަރުތީބު ކުރުމަށްޓަކައި އެކަކުން ފަށައިގެން ޢަދަދު ޖަހަމުން ގިނަކުރަމުން ގެންދިއުން
ނަކަތްރާހިޖެހުން
މ ނަކަތާއި ރާހީން ވީދުވަސްބަލާން ހިސާބުޖެހުން
ނަކަތްޖެހުން
މ )ސ ( ނަކަތް ލައިގަތުން
ނައްކާރަޖެހުން
މ އިހުގައި ރޯދަމަހު ހާރުދަން ވެއްޖެކަން އިޢުލާން ކުރުމަށްޓަކައި ޖަހާބެރު ޖެހުން
ނަދުރަށް ސަލާންޖެހުން
މ އެތައްގެއަކަށް ސަލާންޖަހާން ނަދުރުބުނެގެން ކޮންމެގެއެއްގެ ދޮރުމައްޗަށް އަރައިފައި "އައްސަލާމް ޢަލައިކުމް ނަދުރަކަށް" މިހެންބުނުން މިގޮތަށް ސަލާންޖަހާއިރު ގެއަކުން އެއްޗެއް ދޭކަށް ނުޖެހޭނެއެވެ އަދި އެއްޗެއް ދިނަސް އެއެއްޗެއްގައެއް ނުހިފާނެއެވެ
ނަޣަރާޖެހުން
މ )ސ ( ލަވަކިޔައި ކުޅި ސަމާސާކޮށް ބެރުޖެހުން
ނާށިޖެހުން
ނ މިއުޒިކުގެ ހަމައަށް ދެނާށި ދެނާށްޓަށް ތަޅަމުން ވަކިސިފައަކަށް ނަށަމުން ލަވަކިޔައިފައި ކުޅޭ ކުޅިވަރެއް
ނާރުގޮށްޖެހުން
މ ރާއްޖެބަލިޖެހިގެން ނާރުތައް ކުރުގެޅުން
ނާރުޖެހުން
މ ކޮންމެވެސް ބައްޔަކަށްޓަކައި ތޫނުއެއްޗެއް ހަރައިގެން ލޭހޮޅިޔަކުން ލޭނެރުން
ނާބަޖެހުން
މ "ނާބަ" ލަވަ ބެރުގައި ޖެހުން
ނިއުޅުންޖެހުން
މ ނިއުޅުންކޮށްފައި ކާށި ކުކުޅުބިސް ކިހަވައްފަދަ ތަކެތި ކޮންމެވެސް ތާކު ޖަހައި މުގުރައިލުން މިސާލު: މަސް ނުބޭވިގެން ދޯނި ބާލާއިރު ވަށާމަތި ކަންމަތީގައި ކާއްޓެއް ޖައްސަމުން ހިނގާފައި ދެން އެކާށި ތާކު ޖަހައި މުގުރައިލުން