radheef.info
ރަދީފު


ތެޔޮ
ނ (1) ބައެއްޒާތުގެ އޮށް އޮށާއި މަސްމަހުގެ ހަމާއި ސަރުބީއާއި މޭގަނޑުންހޭނޭ ފެނަށްވުރެ އޮލަ ދިޔާއެއްޗެއް (2) ބިމުގެ ތެރެއިން ނެގޭ އޮލަ މާއްދާއެއް މިމާއްދާއިން ޑީސަލާއި ކަރާސީނާއި އެކިވައްތަރުގެ ޕެޓްރޯލް އުފައްދައެވެ
ކުރެހުން
ނ (1) ހަމައެއްގެ މަތީން އެއްޗަކަށް ވާނޭހެން އަޅައިފައި ހުންނަ ރޮނގުތައް މ (2) ވަކި ޤަވާއިދެއްގެ މަތިން ރޮނގުއެޅުން (3) ވަކިޤަވާއިދެއްގެ މަތިން ބިންވަޅު ނެގުމާއި ފޫވެއްޓުން (4) ތަސްވީރުފަދަ ތަކެތި ފެވުން (5) އެއްވެސް އެއްޗަކަށް ނުވާނޭގޮތަށް ރޮނގުތަކެއް އެޅުން (6) ގައިގެ ހަމުގައި ކޮންމެވެސް އެއްޗަކުން އެޅިގެން ކިރިޔާ ތެޔޮހަން ކެޑުން (7) ފޮޓޯނެގުން
ކުލާތި
ނ (1) ކުނބު ކުރީގައި ގަދަކުރަން އަޅާ ބަންދު އަދި އެކަމަށް ބަންނަ ބަނުން (2) )ގ ( ގޮނޑުދޮށަށް ލައްވާ ތާރުވައްތަރުގެ ތެޔޮގުޅަގުޅަ
ކޮޅުފިލާގޮނޑި
ތެޔޮފޮށިގަނޑުގެ ކޮޅުބިތުގެ ތިންގަނޑުފިލައިން ޖަހައިއުޅުނު ގޮނޑި
އަނދުން
ނ (1) ގަލަދުން (2) ތެޔޮބައްތީން އެއްޗަކަށް އަރުވައިފައި ހުންނަ ދުން
އަނދުންއެރުވުން
މ ކާށިތެޔޮ ބައްތިއަކުން ކޮންމެވެސް އެއްޗަކަށް އަނދުން އަރާނެގޮތް ހެދުން
އަސާރަ
ނ އަނބު ބިލަމަގު ކަދުރު ފަދަ އެއްޗެހީގައި ބައެއްހަވާދުލައިގެން ހުތް ނުވަތަ ތެޔޮއަޅައިގެން ތައްޔާރުކުރާ ކާނާއެއް ގިނައިން މިތައްޔާރުކުރަނީ ނުކައްކައެވެ
އާރޮސް
ނ ކަށިކޭލުގައި ހިލާ ބާވަތެއްގެ ގިތެޔޮނުލައި ހަލުވާއެއް. މިބަބުކޭލާއި އަލާގައިވެސް ހަދައެވެ. މިހުންނަނީ ހިކި ކެޔޮފަތަށް ލައިފައެވެ. މިގިނައިން ހަދަނީ ހުވަދު އަތޮޅު އައްޑު އަތޮޅު ފުވައްމުލައް މިތަންތާގައެވެ
އާމަނަކަތެޔޮ
ނ އާމަނަކަ ގަހުގެ އޮށުން ހާނައިފައި ހުންނަ ތެޔޮ މިއީ ވަރަށް މޮޅު ޖުއްލާބެކެވެ
އިންޖީނުއުނދުން
ނ ގުންބާ އުދުން ކަރާސީނުތެޔޮ އަޅައި ގުންބާކޮށްގެން ރޯކުރާ ލޯ އުނދުނެއް
އިންޖީނުތެޔޮ
ނ އިންޖީނަށް ޖަހާތެޔޮ
އުށް
ނ (1) ކޮންމެވެސް ތެޔޮމާއްދާއަކުން ގަނޑުގަންނަވައި ގެންހަދާއެއްޗެއް މިއީ ދިއްލާށާއި އެއްޗެތި ތެޔޮކުރާން ބޭނުންކުރާ އެއްޗެކެވެ (2) ބޭސްއުށް (3) ބައެއް އެއްޗެތީގެ މަތިގަނޑުގެ މެދުގައި ހިފާށާއި ރީއްޗަކަށް ޖަހައިފައި ހުންނަ ކުޑަގޮބު ނުވަތަ އުސްތަންކޮޅު (4) މަރުވަޅީގައި ފައިގެ ދެއިނގިލި ދޭތެރެއިން ހިފާން ހުންނަ ކުޑަގޮބު
އުށްތެޔޮ
ނ ބޭސްއުށުން ނަގާތެޔޮ
އުނދުންކޮށި
ނ އޮޑިދޯނިފަހަރުގައި ކައްކާން ކަރާސީނުތެޔޮ ހުސްކުރި ޑަބިޔާއަކުން ހަދައިފައިހުންނަ އުނދުނެއް
އުމަގުތެޔޮ
ނ އުމަގުފާރު ހިއްކުމަށް ގުންބާއިން ދުއްވާތެޔޮ
އެއްތެޔޮ
ނ ވައުކޮށް ވެލަށް ހެދޭ ގަހެއް. މީގެ ގަސްގަނޑު ހުންނާނީ ދުރުދުރުގައި ބަދަ ޖަހައިފައެވެ. މިއީ ވަރަށް ދިގުވާ މަޑު އެއްޗެކެވެ އަދި ވަރަށް ތަތްކޮށް ހުންނަ ގަދަ އެއްޗެކެވެ އެއްތެޔޮވަށި ހަދައި ގޮނޑީގައި އެއްތޮޔަ ފުރާ ހަދަނީ މިއިންނެވެ މީގެ އެތެރޭގައި ބަނބުކެޔޮ މުލުގައި ހުންނަހެން ލޯވަޅު ހުންނާނެއެވެ
އެއްތެޔޮކަހާވަޅި
ނ އެއްތެޔޮ ކަހާން ގެންގުޅޭ ބާވަތެއްގެ ވަޅިއެއް މިއީ އެއްދާރައަށް ހަނުލާފައި އޮންނަ ތިން އަރިފީރެކެވެ
އޮބި
ނ (1) މަހެއްގެ ސިފައިގައި ދެފައިކަށްޓަށް ލަކުޑިން ހަދައިފައި އޮންނަ ދައްޗެއް. މިގިނައިން ގެންގުޅެނީ ތެޔޮހާނާއިރު ކައްކައިފައި ހުންނަ ކުނޑި ގަނޑުފެލާށެވެ. (2) ފަންދަމާ ބިތުގައި ބޭރުން ފަންތަކުގެ ދިގަށް އަޅާފަތިގަނޑު. (3) ބައެއް ތަންތަން އޮއްބައި ހިފެހެއްޓުމަށްޓަކައި އަޅާފަތިގަނޑު ނުވަތަ ދަނޑިގަނޑު
އޮބިއެޅުން
މ (1) ތެޔޮފެލާއިރު އޮބީން ފިއްތުން (2) ފަންޖަހާ ބިތުގެފަންތައްއޮއްބައި ހިފަހައްޓާން ފަތިގަނޑެއް ނުވަތަ ދަނޑިގަނޑެއްއެޅުން
އޮއިކޮއްޓި
ނ ތެޔޮފާން ހެދިފައި އޮންނައިރަށް ކަނޑުގައި ޖެހެމުން ޖެހެމުން އުދުހޭކުޑަ ދޫންޏެއް
ވަށި
ނ ފަން ރުކުފަތި އެއްތެޔޮ ފަދަ ތަކެތީން ވިޔެފައި ހުންނަ އެއްޗެއް މިއީ ތަކެތި އަޅާން ބޭނުންކުރާ އެއްޗެކެވެ