radheef.info
ރަދީފު


ފޮނު
ނ (1) ދިޔާ އެއްޗަކަށް އަންނަ ބަދަލަކުން ނުވަތަ އަންނަ ހަރަކާތަކުން އެއެއްޗެއްގެ މަތީގައި އުފެދޭ ކުދިކުދި ބޮކިތަކަކުން އެކުލެވިފައިވާ ހުދު ކުލައިގެ އެއްޗެއް. (2) އަނގައިގެ ތެރޭގައި ކުޅުން އުފެދޭ ކުދިކުދި ބޮކިތަކެއްހެން ހުންނަ އެއްޗެއް. (3) ރާޅު މުގުރާ އިރާއި ރާޅުޖަހާއިރާއި ބިންދާއިރު އަރާވައިގެ ބޮކި ތަކަކުން އުފެދޭ ހުދުކުލައިގެ އެއްޗެއް. (4) އަލިފާން ނިއްވުމަށްޓަކައި އުފައްދައިފައި ހުންނަ ލޮލަށް ނުފެންނަހާ ކުދިކުދި ބޮކިތަކަކުން އެކުލެވޭ ހުދުކުލައިގެ އެއްޗެއް. (5) ސައިބޯނި އޯމޯ ފަދަ ތަކެތި ފެނާ އެކުވުމުން އަރާވައިގެ ބޮކިތަކެއް
ކޮންސެލްކަން
ނ (1) ދަށުދަރަޖައިގެ ސަފީރުކަން. (2) އެއްދައުލަތަކުން އަނެއް ދައުލަތަކަށް ފޮނުވައިފައި ހުންނަ އެފޮނުވި ދަޢުލަތުގެ ރައްޔިތުންގެ ވިޔަފާރިއާއި އެހެނިހެން ކަންތައް ބަލަހައްޓާ ވަކީލުކަން
ކޮއްޓުން
މ (1) މީހެއްގެ ގައިގައި ނުވަތަ އެއްޗެއްގައި އިނގިލިން ނުވަތަ އެއްޗަކުން ކުއްލި ޙަރަކާތަކާއެކު ޖައްސައިލުމަށްފަހު ނައްޓައިލުން (2) ބިއްސާއި މުލިއްސާއި ފޮޅުފަދަ އެއްޗެހީގެ ތުން ތުއްވުން (3) އުކުނޑި ކޮއްޓުން (4) ފުޓުބޯޅައާއި ހޮކީފަދަ ކުޅިވަރު ކުޅޭއިރު ދުރަށް ބޯޅަ ފޮނުވައިނުލައި ގާތުގައި ބާއްވައިގެން މަޑުމަޑުން ޖަހަމުން ޖަހަމުން ގެންދިއުން (5) )ޏ ސ ( ކޮރުން (6) މަޖާޒު: މީހެއްގެ ހަވާލުގައި އޮތްކަމެއް އަވަސް ކުރުމަށް އުޅުން
ކޮއްޕުން
މ (1) ކުރިއަށް ފޮނުވާން ބާރުލުން (2) ވައްޓައިލާން ބާރުލުން (3) އެއްޗެއްގެ ތެރެއަށް އެއްޗެއް ބޭނުން ނުވަތަ ވެއްދުން
ކޮތުވާލު
(1) ފުލުހުމީހާ. (2) މަގުމަތި ބަލަހައްޓާ މީހާ. (3) ރޭގަނޑަށް ރަށުތެރެ ބަލަހައްޓާ މީހާ. (4) ރާއްޖޭގެ ރަށްރަށުގައި ރުކުއަޅަންދާ މީހާއާއެކު ވެރިންގެ ފަރާތުން ފޮނުވާ މީހާ
އަރުވައިލުން
މ ކުރާބައެއް ބާވަތުގެ ކުށަށް ޝަރީޢަތުގެ ފަރާތުން ނުވަތަ ސިޔާސަތުގެ ފަރާތުން އެކުށް ކުރި މީހާގެ ވަޒަން ނޫން ރަށަކަށް ފޮނުވައިލުން އަރުވައިލުން ހުންނަނީ ކިތަންމެ ދަރަޖައަކަށެވެ
އަތޮޅުހިނގުން
މ އަތޮޅުވެރިން ނުވަތަ އަތޮޅުވެރިން ފޮނުވާ މީހަކު އަތޮޅުގެ ހުރިހައި ރަށަކަށް އަރަމުން ދިއުން
އަތޮޅުވެރިޔާ
ނ އޮތޮޅުގެ ކަންތައް ހިންގުމަށް ދައުލަތުން ފޮނުއްވާފައި ހުންނަ ވެރިޔާ
އަސްކަރު
ނ އައްސުލްޠާނުލް ޣާޒީ މުޙައްމަދު ތަކުރުފާނުލް އަޢުޒަމް ސިރީސަވާދީއްތަ މަހާރަދުން ރާއްޖެ އިސްލާމު ކުރެއްވުމަށްފަހު ބައެއް ރަށްރަށު މީހުން ނުކިޔަމަންތެރިވެގެން އެކަން ހަމަޖައްސަވާން ހަވަރުގެ ތެރެއިން އެކިބައިމީހުން އެކިރަށްރަށް ފޮނުއްވިއިރު އުތުރުގެ ރަށްރަށަށް ފޮނުއްވި މީހުންެ. އެމީހުން ދިޔަ ރަށްރަށް އެމީހުންނަށް ދެއްވީއެވެ. އަސްކަރުންގެ އޮންނަނީ ދޮށިމޭނާގެ ހަކުރާގެ މާފަތްގެ ވެލާނާގެ ދަހަރާގެ މިފަސްގެއެވެ ފަސްގެ އެކުގައިނަމަ ކިޔަނީ "ފަހޮޅި" އެވެ ވަކިވަކީންނަމަ "ގެ" އެވެ އެހެނިހެން އޮޅިމެދެކޭ އެއްފަދައިން އަސްކަރުންނަށްވެސް މާލޭގައި ކުރަންޖެހޭ ވަކިވަކި ކަންތައްތައް ހުރެއެވެ
އަޖިދައިގެއައިން
ނ (1) އިރުވަރު ވަގުތު ތިލަވާ މަސްއައިން (2) އިރަށް އަޅުކަންކުރާ މީހުން ޚިޔާލުކުރާ ގޮތުގައި އިރާގުޅައިދޭ ޖިންނިފޮނުވާ މަސްއައިން
އިރުވައިބަތް
ނ އިހުގައި ދެއްވާ ރަސްމީ ބޮނޑިބަތެއް. މިކަން އޮންނަނީ އިރުވައި ފެށުނީމައެވެ. މިކަން ކުރާނީ ފުރަތަމަ ރޭ އިސްދެވަރަށް ދޮށިމޭނާ ބޭކަލަކު ދެވަނަ ރޭ ހަކުރާދެވަރަށް ހަކުރާ ބޭކަލަކު ތިންވަނަރޭ ވެލާނާ ދެވަރަށް ވެލާނާ ބޭކަލަކު ހަތަރުވަނަރޭ އިސްދެވަރަށް މާފަތް ބޭކަލަކު ފަސްވަނަ ރޭ ހަކުރާ ދެވަރަށް ފާމުދޭރި ބޭކަލަކު ހަވަނަރޭ ވެލާނާ ދެވަރަށް ދަހަރާ ބޭކަލަކު މިޤަވާއިދުންނެވެ. ބަތެއްގައި ހުންނާނީ ނުވަ ގައު ބައެވެ. ހުންނާނީ ހަތަރުމަލާފަތުގައި މަލާފަތެއްގައި ފަންސަވީސް ބަތެވެ. ބަތް ބަލާދާ ކަލާސީއަކަށް ބަތެއް ބުރުޒު ބަނޑޭރިއަކަށް ދެބަތް އޮންނާނެއެވެ. އެގެންދާ ބަތުގެ ތެރެއިން އެކިއެކި ބޭފުޅުންނަށާއި ދައުލަތުގެ މަތީ މަޤާމުތަކުގައި ތިއްބަވާ ބޭބޭކަލުންނަށް ފޮނުވާނެއެވެ. މިބަތް ކައްކާނީ ބޮޑު ބޭކަލުންގެ ގޭގޭގައެވެ. ބޮޑުބޭކަލަކު ނެތްނަމަ ބަނޑޭރިގޭގައެވެ. އަދި މިބަތް ކައްކާނީ ވަރަށް މޮޅަށް ކިރާ ހަނޑުލުގައި ފޮނިތޮށި ކާފޫރުތޮޅި އަޅައިގެންނެވެ
އިރުވައިމައުލޫދު
ނ އިރުވަޔަށް ބަޑިހެލީމާ ބޮޑުދުންދޭ ފަންސަވީސް ޒިޔާރަތްދޮށުގައި ފަންސަވީސްރޭ ވާދެން ރެޔަކު ޒިޔާރަތެއް ދޮށުގައި ފޭލިގެ ޖަހައިހެން ކިޔައި އުޅުނު މައުލޫދު. މައުލޫދު ކިޔާނީ ޒިކުރުވެރީންނެވެ. މިމައުލޫދު ފަށައި މައުލޫދު ބުނެހަދާނީ ފަނޑިޔާރުގޭ ނައިބު ބޭކަލެކެވެ. މައުލޫދު ހުއްޓޭއިރަށް ބޮޑު ބަދިގެއިން ފާރުދޮށު ކޭމުގެ ދެކޭން ގެންނާނެއެވެ. މިކަން ކުރާނީ ސިއްކަގޭ ހަނގު ބޭކަލުންނެވެ. ބަޑިހެލީމާ މާބަނޑޭރި ބޭކަލަކު ސިއްކަގެއަށާއި ޒިކުރުވެރީންގެ މުރީދުގެއަށް އިރުވައި މައުލޫދު ކިޔުމުގެ ޚަބަރާ ފޮނުއްވާނެއެވެ
އިސްޓޭމްޕް
ނ (1) ޕޯސްޓުން ފޮނުވާ އެއްޗެހީގައްޔާއި ރަސްމީބައެއް ލިޔުން ތަކުގައްޔާއި އަދިވެސް އެފަދަ ބައެއް އެއްޗެހީގައި ހިއްޕަން ހަދައިފައި ހުންނަ އެއްޗެއް މިއީ އެއްފަރާތުގައި ތެރަސްލާފައި އަނެއްފަރާތުގައި ބައެއް ކުރެހުމާއި އަގުޖަހައިފައި ހުންނަ ޗާޕްކުރި ކަރުދާސްކޮޅެއް (2) އިސްޓޭމު
އީދުބޮނޑި
ނ އީދު ދުވަހު ގޭގެއަށް ހަދިޔާ ފޮނުވާން ފިހާ ބޯކިބަލެއް
އުތުރުން
މ (1) ބައެއްދިޔާތަކެތި ހޫނުވުމުގެ ސަބަބުން ނުވަތަ ދިޔާވުމުގެ ސަބަބުން ގިނަވެ ފޮނުލާ އެރުން. (2) ހަމަހިމޭންކަންކެނޑި ހައިޖާނެއް އައުން. މިސާލު: މީހުންތަކެއް އުތުރިގަތުން ހިނިއުތުރުން. ރނ. އުތުރުނު ނނކ އުތުރިއްޖެ ނކ އުތުރެނީ ވވ އުތުރޭނެ ވނ އުތުރޭ އމ
އެހެންތޯ
)ޖުމްލަ( (1) މީހަކު ބުނިވާހަކައެއްގެ ދޮގުތެދުބަލާން ފޮނުވާމީހާގާތު ބުނާގޮތެއް މިސާލު: އެބުނާ ކަންތައް ހިނގީ "އެހެންތޯ" ބަލާން ގޮސްބަލާށެވެ )ވބ ( (2) އެހެންތަ
އެރުވުން
މ (1) ތިރީން މައްޗަށް އެއްޗެއް ފޮނުވުން. މިސާލު: ގުޑިއެރުވުން ބެލޫނު އެރުވުން (2) މޫދުގައި ނުވަތަ ގޮނޑުދޮށުގައި އޮތް އެއްޗެއް އެއްގަމަށް ގެނައުން (3) އެއްޗެއްގެ ތެރެޔަށް އެއްޗެއް ބާރުކޮށް ވެއްދުން (4) މީހަކަށް އެއްޗެއް ދިނުމަށް މާތްބަހުން ބުނާގޮތް (5) ދުއްވާ އެއްޗަކަށް މުދާލުން (6) ބައެއް ޒާތުގެ ކެޔޮޅުކަން ކުރާން ބަރެއްލާފައި ނަނުފެއްތުން (7) މީހެއްގެ ނުވަތަ އެހެންވެސް ދިރޭއެއްޗެއް ފެންގަނޑަކަށް ބޭލުން
އެއްލައިލުން
މ (1) ތިމާގެ އަތުން ނުވަތަ ފައިން ބާރުލާ އެއްޗެއް ދުރަށް ފޮނުވައިލުން (2) މަޖާޒު: ގެންގުޅޭ މީހަކު ބޭނުންނެތިގެން ނިކަމެތި ގޮތުގައި ބޭރަށްލުން
އެމްބާސަޑަރް
ނ ދައުލަތުގެ ވެރިޔާގެފަރާތުން އަނެއް ދައުލަތަށް ފޮނުވައިފައި ހުންނަ ސަފީރު
އޮޑިއަށްލުން
މ އަރުވާލުމަށްޓަކައި ނުވަތަ ކުށްވެރި އެއްގޮތުގައި ފޮނުވާލުމަށްޓަކައި ފުރާދުއްވާ އެއްޗަކަށްލުން
އޯޑަރު
ނ (1) އަމުރު. (2) ވިޔަފާރީގެގޮތުން ނުވަތަ އެހެންވެސް ބޭނުމަކަށްޓަކައި އަދަދާއި ބާވަތް ކަނޑައަޅައި އެއްޗެއް ފޮނުވުމަށް އަންގާއެންގުން