radheef.info
ރަދީފު


މާނު
ނ )ބދ ( މީހާ
ކަނޑިންމާއުޅާގަނޑު
ނ (1) މާލޭކަނޑިންމާ ބަންދުކޮށް ހުޅުވައިއުޅުނު ޒަމާނުގައި ދެފަރާތު ފައިކަށީގައި ޖަހައިފައި ހުރި އަރުގޯލައިގެ އުޅައްގަނޑު (2) މަޖާޒު: އަބަދު އަނގަ ގަދަކުރާމީހާ
ކަނޑިކޮޅުހިފާކަން
ނ އިހުޒަމާނުގައި އޮގަރު ކަނޑި އައްޑަނަ ހިފުމުގެ ވަޒީފާ
ކަންފަތް
ނ (1) އަޑުއިވޭގުނަވަން. (2) އިހުޒަމާނުގެ ބޮޑުބަޑީގެ މެދަށްވުރެ ފަހަތުގައި ފޯލިކޮށް ދެފަރާތަށް ނެރެފައި އޮންނަތަން. (3) ކަންފަތް ތާކިހަލުގައި ކަންފަތް ނިވާކުރާން ދެފަރާތުގައި އެލިފައި އޮންނަ ފޮތިގަނޑު
ކަންޒަށްލުން
މ ހަނގުބޭކަލުންނާއި އަވަށުމީހުންފަދަ މީހުންކުރެ މަސައްކަތަށް ކުށް ކުރާ މީހުނަށާއި މަސައްކަތަށް ނުނުކުންނަ މީހުންނަށް އަދަބު ދިނުމުގެ ގޮތުން ކޮންމެވެސް ގަނބާ ކިސަޑު ގަނޑަކަށް އެރުވުން ގަނޑުވަރުތެރެ ވަށާ މިކަންޒު އޮތް ޒަމާނުގައި އެފަދަ މީހުން އަރުވަނީ އެކަންޒަށެވެ
ކައްޗޭ
ނ (1) އިހުޒަމާނުގައި ހަނގުބޭކަލުން ބޮލުގައި އަޅާން ހަނިދިގުކޮށް ރާއްޖޭގައި ވިޔުނު ފޭރާމެއް. (2) މޫދުގައި އުޅޭ ހިމަދިގު ދެކޮޅުއެއްވަރު ދިރޭ އެއްޗެއް (3) މޫދުކައްޗޭ
ކަފުއޮޑި
ނ ކަލާސީން ދަތުރުކުރާން އަތޮޅު އަތޮޅުން ގެންނައޮޑިއެއް. މިއީ ވާރު ނެގި ޒަމާނުގައި ވާރުގެ ތެރެއިން ހިމެނިގެންވާ އެއްޗެކެވެ
ކަތިރިޔާ
ނ އެއްކަނަށް ދިގުކޮށް ތިންކަނަށް ހުންނަރިޔާ ފަރުމާނުގައި ހަރުކުރަނީ މީގެއެންމެދިގު ކައިރިއެވެ
ކަލިވަތް
ނ (1) ގޯއްޗެއްގެ ތެރޭގައި މީހުންނަށް އުޅެވޭގޮތަށް ހަދައިފައި ހުންނަ ކުދި ކުދި ތަންތަންކޮޅު (2) ފޮއްޓެއް ނުވަތަ ދަބަހެއްގެ ތެރޭގައި އެއްޗިހިލާން ހަދައިފައި ހުންނަ ބައިބައި (3) މަތިންދާ ބޯޓު ތެރޭގައި މީހުންގެ އަތްމަތީ ސާމާނު ލާން ހަދައިފައި ހުންނަ ވަތްވަތްގަނޑު
ކަސިޔާރު
ނ (1) އެކަތި އަނެކެއްޗާ ދިމާވާންޖެހޭ ދޭއްޗެއް ދިމާނުވާ ދިމާނުވުން (2) ސީދާނުވާ ނުވުން
ކަސިޔާރުވުން
މ (1) އެކަތި އަނެކައްޗާ ދިމާވާންޖެހޭ ދޭއްޗެއް ދިމާނުވުން (2) ސީދާ ނުވުން
ކަޓު
ނއ ޒަމާނުގެ ތަހުޒީބާއި އިދިކޮޅު
ކަޓުކަން
ނއނ ޒަމާނުގެ ތަހުޒީބާއި އިދިކޮޅު ޚިޔާލު ހުންނަކަން
ކަޓުވުން
މ ޒަމާނުގެ ތަހުޒީބާއި އިދިކޮޅު ޚިޔާލުހުރުން
ކަޓުމުއްލާ
ނ ދީނުގެ ކަންތައް މާބޮޑަށް ދަންނަކަމަށް ހެދިގެން ދީންވެރިކަން ދައްކައިގެންއުޅޭ ޒަމާނުގެ ތަހުޒީބާ އިދިކޮޅު ޚިޔާލުތައް ފާޅުކުރާމީހާ
ކާޑުމަސްބައި
ނ ކާޑުގެޒަމާނުގައި )ދެވަނަބޮޑު ހަނގުރާމައިގެ ދުވަސްވަރު( ރަށްރަށުގެމީހުން ކާޑުގެއަށް އަޅައި އުޅުނު މަސްބައި މިއީ އިހުގައި ކޮންމެ ދޯންޏަކުންވެސް ފަޅުވެރިޔަކާ އެއްވަރަށް ނަގައިއުޅުނު މަސްބައެކެވެ. މި މަސްބައިނަގައި އުޅުނީ ރައްޔިތުގެއިން ކުރަންޖެހޭ ޚަރަދުތައް ކުރުމަށެވެ. މިސާލަކަށް: ރަށުގެރައްޔިތުން ދަރަންޏަށްގެންނަ ކާޑުގެބާވަތްތަކުގެ އަގުހަމަޖެއްސުމާއި މަދަރުސާ މަކްތަބު ފަދަ ތަންތަނަށް ޚަރަދުކުރުމާއި ބަންޑާރަދަތުރުގެ ކޮއްތުދިނުންފަދަ ކަންތައް ކުރުމަށެވެ
ކިރުރިހަބަތް
ނ އިހު ޒަމާނުގައި މުލަ ރޯދަ ދުވަހު ޣާޒީ ބަންޑާރައިންގެ އަހަރުމަތިފުޅަށް ކައްކައިއުޅުނު ކޭމެއް މިކޭމުގައި ހުންނަނީ ބަރަބޮލު ރިހައާ ބަތާއި ކިރެވެ
ކުނބުކޮޅު
ނ (1) ހަންޖާލައްވާ ފުރޮޅުހަރުކުރާން ކުނބުކޮޅުގައި ހުންނަ ބުރިވަރު (2) ނާފަހަރުގެ ފަރުމާނުތަކުގެ ވާވެލާވެލި
ކުރުނބާފުޅާދިއުން
މ ދޮށުން ތިބި ޒަމާނުގައި ރަމަޞާންމަހު ކޮންމެ ދުވަހަކު ހަވީރު ގަނޑު ވަރުތެރޭގެ ބޭފުޅުން ތިއްބަވާ ތަންތަނަށް ކުރުނބާފުޅު ހިފައިގެން އެމީހުން ރަސްމީ ހެދުމުގައި ދިއުން މިއީ ދައުލަތުގެ ފަރާތުން އެ ބޭފުޅުންނަށް ކަނޑައަޅައިފައިވާ ކަންތަކުގެ ތެރެއިންކަމެކެވެ
ކުކުޅުކާށި
ނ ވާރުނެގި ޒަމާނުގައި ވާރަށް ނަގާ ކުކުޅަށް ކާންދިނުމަށްޓަކައި ކޮންމެ ކުކުޅަކަށް ބާރަކާށިމަގުން ރަށްރަށުން ނަގާ އުޅުނުކާށި
ކުޑަހިތި
ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަކުރި ދެދުވަހާއި އެދެދުވަހުގެ ރެއަށް ކިޔާއުޅުނު ނަމެއް. ރަމަޟާންމަހުގެ 26 ވަނަ ދުވަހަކީ ހޭންވޭރު ކުޑަހިތި ދުވަހެވެ. އެދުވަހުގެރެއަކީ ހެންވޭރު ކުޑަހިތިވިލޭރެއެވެ. ހެންވޭރު ކުޑަހިތިވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ މެދުޒިޔާރަތްދޮށަށް ޒިޔާރަތްކުރައްވައި ފާތިޙާ ވިދާޅުވާށެވެ. ދެން އަންނަނީ މާފަންނު ކުޑަހިތިދުވަހެވެ. އެއީ ރަމަޟާންމަހުގެ 28 ވަނަ ދުވަހާއި އެދުވަހުގެރޭ 29 ވިލޭރެއެވެ. މިރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ފަޤީހުސުލައިމާނުގެ ޒިޔާރަތްދޮށަށް ޒިޔާރަތްކުރައްވައި ފާތިޙާ ވިދާޅުވާށެވެ. (2) ކ އަތޮޅުގެ ފަޅުރަށެއް