radheef.info
ރަދީފު


އެއަ
ނ އެކަނބުލޭގެ
ބޮޑުފިނިހައް
ނ ފިނިހަކުގެ ބާވަތެއް. މިހުންނަނީ ފޫއެނބުރި ފާޑަށް އެއަށްވުރެ ފަލަކޮށްނެވެ. މިއީ ގަސްގަހަށް ގެއްލުންދޭ އެއްޗެކެވެ. މިފިނިހަކައަކީ ވަރަށް އަވަހަށް ގިނަވާ ވިހަ އެއްޗެކެވެ މީގެ ތޮށިގަނޑު އާދައިގެ ފިނިހަކުގެ ތޮށިގަނޑަށްވުރެ ތުނިވާނެއެވެ މިފިނިކަމުގެ ތޮށިގަނޑުގައި ހުންނަނީ ގަދަމުށިކުލައެވެ ތޮށިގަނޑުގައި ފަނޑު މާޒާން ކުރެހުމެއް ހުރެއެވެ
ބޮޑުފެހި
ނ އިހުގައި ބޯވަޅު އެޅި ލިބާސް ލައިއުޅުނު ފޭރާމެއް މިއީ ކަޅު ފެހިކުލައިގެ ފޮއްޗެއްގައި ހިމަރޮނގު ބަޔެއްގެ މެދުތެރޭގައި އެއަށްވުރެ ކުޑަތަންކޮޅެއް ފުޅާ ރޮނގެއްހެން ހުންނަ ފޮއްޗެކެވެ ރޮނގުބައި ހުންނާނީ ކަޅުފެއްސަށްވުރެ އަޅި ފެހިކުލައެއްގައެވެ މިގޮތަށް ރޮނގު ހުންނަ ރަތްކުލައިގެ ފޮތިވެސް ހުރެއެވެ އެއަށް ކިޔަނީ ބޮޑުފެހީގެ ރަތެވެ
ބޯޓުދެލި
ނ ބިންކޮނެގެން ނަގާ ކަޅުކުލައިގެ ހަރުއެއްޗެއް މިއީ އެއަންދައިގެން އިންޖީނު ހިންގާ އެއްޗެކެވެ އަދި ފިނި ތަންތާނގައި ގެދޮރު ހޫނުކުރަންވެސް މީގެ ބޭނުން ކުރެއެވެ މި އެކިގޮތްގޮތަށް ބޭނުންކޮށްގެން ވަރަށްގިނަ ބާވަތް ބާވަތުގެ ކެމިކަލާއިބޭސް ހަދައި އުޅެއެވެ
ޅޮސް
ނ ލަކުޑި ދެރަ އަވަހަށް ބޮޑުވާ ގަހެއް މީގެ ފަތްހުންނާނީ އަހިފަތާ ގާތްގޮތަކަށް އެއަށްވުރެ ބޮޑެތި ކޮށެވެ
ކަށިކައްޓަލަ
ނ ތިންފަތް ކައްޓަލަ ޒާތަށްހެދޭ އެއަށްވުރެ ކުދިކައްޓަލައެއް
ކަނދިލިކެޔޮ
ނ މިއީ ފަތްކޭލުގެ ބާވަތެއް. މިއީ ބޮންތިރަތްކެޔޮ ފާޑަށްހުންނަ އެއަށްވުރެ ވަކުގެ އެތެރެހުދު ފަތްކޭލެއް މީގެ ގަހުގެ ދަޅިވެސް ހުދުވާނެއެވެ
ކަނޑާ
ނ (1) ހިނީގެ ސިފައިގައި އެއަށްވުރެ ބޮޑެތިކޮށް ހުންނަ ދިރޭ އެއްޗެއް މިކަޅުކުލައިގައާއި ރަތްކުލައިގައި ހުރެއެވެ (2) ކެނޑުން މިބަހުގެ އަމުރު
ކަނޑޮހޮޅި
ނ މާކަނާ ތަޅުދަނޑިފާޑުގެ އެއަށްވުރެ ފަލަ ހުދުކުލައެއްގައި ހުންނަ ހޮޅިއެއް މީގެ ބައެއް އެއްޗެހީގެ ބޭރު ކަޅުކުލައެއްގައިވެސް ހުރެއެވެ މިހުންނަނީ މޫދުގައި ހުންނަ ގައުކޮޅުކޮޅުގައި ތަތްވެފައެވެ މިއީ ބޭހަށް ބޭނުންކުރާ އެއްޗެކެވެ
ކަންނެލި
ނ ކަނޑުމަހުގެ ބާވަތެއް. މިއީ ލައްޓިއާއި ވައްތަރު ލައްޓީގައި ހުންނަގޮތަށް ތިކިނުހުންނަ އެއަށްވުރެ ބޮޑެތިވާ މަހެކެވެ. މީގެ ދެތިންވައްތަރެއް ހުރެއެވެ. މީގެ ތެރޭގައި ލޯބޮޑުކަންނެއްޔާއި ނިގޫ ދިގުކަންނެއްޔާއި ރީނދޫ އުރަހަކަން ނެލިހިމެނެއެވެ
ކަޅުހުނބުޅު
ނ މާބުރުޒާތުގެ އެއަށްވުރެ ކުޑަ އުދުހޭ އެއްޗެއް
ކައިރުބޮލި
ނ ރިހާކުރުބޮލީގެ ސިފައަށް އެއަށްވުރެ ބޮޑުކޮށް ހުންނަ ގާތްގަނޑަކަށް 3 އިންޗިވަރުގެ ބޮއްޔެއް. މީގައި ހުންނާނީ ގަދަމުށި ކުލަޔާ ކިސުޑިކުލައިގެ ތިއްތިއްޖަހައިފައެވެ. ބަނޑުދަށް ފަރާތް ހުންނަނީ ރިހާކުރު ބޮއްޔާ އެއްގޮތަށެވެ
ކައްބާބު
ނ މަތިކަރާ ބޭހުގެ ބާވަތެއް މިއީ ގަހެއްގައި އަޅާ ކަޅުކުލައިގެ އޮށެކެވެ މިހުންނާނީ އަސޭމިރުހާ ދާދި އެއްބައްޓަމަކަށް އެއަށްވުރެ އޮމާންކޮށެވެ މީގައި ކުޑަ ތަނޑިއެއް ހުންނާނެއެވެ
ކަފުރުތޮޅި
ނ ކާފޫރުތޮޅިފާޑަށް އެއަށްވުރެ ބޮޑެތިކޮށް ހުންނަ ތޮޅިއެއް. މީގެ ގަސްހުންނަނީ ކަރަންކާގަސްހެން އެއަށްވުރެ ބޮޑެތިކޮންނެވެ
ކަލައިކުރުން
މ ދަގަނޑުން ހަދައިފައިހުންނަ އެއްޗެހީގައި ދަބަރުޖެހިޔަ ނުދިނުމަށް ތުތިޔާއަށް ލުން މިކަންކުރަނީ އެ އެއްޗެއް އަލިފާން އާވީގެ ތެރެއަށް ލައިގެން ސާފުކުރުމަށްފަހު މޫސަދަރު ހާކައި އެއަށްފަހު ކުޑަކޮށް ހޫނުކޮށްފައި ވިރުވައިފައިހުރި ތުތިޔާގެ ތެރެއަށް ލައިގެންނެވެ ތުތިޔައިން ނަގައި މޫސަދަރުކޮޅެއް އެއެއްޗެއްގެ މައްޗަށް އެޅުމުން ތުތިޔާ ހުންނާނީ އެއެއްޗެއްގައި ހަރުލައިފައެވެ
ކަސާރީކުރާ
ނ ނަމޫނާކުރާ ބައްޓަމަށް ފަތިކޮށް ކަރު އެއަށްވުރެ ހިމަދިގުކޮށް ހުންނަ ބޮޑު ކުރައެއް މީގެ ވައްގަނޑު ހުންނާނީ ގުޑުގުޑާ ދޫންޏެއްގެ ކަރާ އެއްވައްތަރު ގޮތަކަށެވެ
ކާސިންޖީ
ނ ލަންސިމޫ ގަސް ހެން ހެދޭ އެއަށްވުރެ ފަތްތުނި ފަތުގައި މީރުވަސްދުވާ ގަހެއް
ކިރިކިރި
ކއ ދެއަތަށް އެއަތަށް ހެލިހެލި
ކުންނާރު
ނ އެނބޫވައްތަރަކަށް ހުންނަ އެއަށްވުރެ އޮށްކުޑަ މޭވާއެއް މީގެ ކިތަންމެ ވައްތަރެއް ހުރެއެވެ އޭގެތެރޭގައި ހުތްކުންނާރާއި ފޮނިކުންނާރު ހިމެނެއެވެ
ކުރެދިފަނި
ނ މަދިރިހެން ލޭބޯ މެއްސެއް މިއީ ކުނަމެއްސެއްހައި ވަރުގެ އެއަށްވުރެ ތަންކޮޅެއް ފިޔަ ދިގު ބޯހުދު މެއްސެއް މި އުޅެނީ ރަށްރަށުގެ ގޮނޑުދޮށުގައެވެ
ކުދިމާ
ނ މަޑުމީރުވަހެއްދުވާ ކުޑަ ހުދު މަލެއް. މިއަޅަނީ އިރުދޭމާފާޑަށް ހެދޭ އެއަށްވުރެ ފަތްކުދި ވެލެއްގަ އެވެ