radheef.info
ރަދީފު


އަދަ
ނ (1) ހުޅަނގުގެ ހަވަނަނަކަތް (2) މިނަކަތުގެ ތަރިތައް
އަކަޖެހުން
މ (1) އަކަޔަށް ވާނޭހެން ރޮނގުދެމުން (2) ފަންޑިތަވެރީން ވަކި އަދަދަކަށް ހަތަރެސްކަން ގޮޅިތަކެއް ޖެހުން މީގައި ހުންނާނީ ޤަވާޢިދެއްގެ މަތީން އަކުރުތަކެއް ނުވަތަ ޢަޒީމާތަކެއް ޖަހައިފައެވެ
އަދަބުވެރިކަން
ނއނ "އަދަބުވެރި" ގެ ނއނ
އަތްގަނޑުލީގޮނޑި
ނ (1) އަތްބާއްވާތަން ހުންނަ އަދަރާދަ ގޮނޑި (2) ދެކޮޅުގައިއަތް ބާއްވާކަހަލަ ދެތަންލާފައި ހުންނަ ދިގުގޮނޑި
އަތްޖޯޑުކުރުން
މ (1) ސަލާމްކުރުމަށް އަތުގައި ހިފުން (2) ދެއަތްތިލާގެބަނޑުފުށް ޖައްސައި މޫނާ ދިމާއަށް އަތުކުރި އުފުލައިލުން މީއަދަބު ވުމުގެ ގޮތުންކުރާކަމެކެވެ
އިދިއަދަދު
ކއ ބޮޑުއަދަދަކުން ކަނޑާން އޮންނަ އަދަދު މި އަދަދު އޮންނާނީ ކަނޑާ ފާހަގަޖަހައިފައި އޭގެ ކަނާތް ފަރާތުގައެވެ މިއީ ހިސާބު ޢިލްމުގެ އިޞްޠިލާޙެކެވެ
އުދައެރުން
މ އަދަމޫސުމުގައި އާދަޔާ ޚިލާފަށް ބޮޑެތިރާޅު އެރުން
އުލުއިންދާފައި އިރަށްދޮންކުރުން
މ (1) އަދަބުގެ ބޮޑުކަން ދެއްކުމަށް ބުނާގޮތެއް (2) އުލުއިންދާފައި އަވީގައި ބޭންދުން
އެއްކުރުން
މ (1) ޖަމާކުރުން (2) އެތައް އެއްޗެއް އެކައްޗަކަށް ވާނޭހެން ހެދުން (3) އެކަކަށްވުރެ ގިނައަދަދެއްގެ ޖުމްލަ ހޯދުން
އެއްލަންބަރު
ނ (1) އެއްވަނަ އަދަދު (2) އެއްވަނަ ދަރަޖަ (3) އަދަދުތަކެއްގެ ތެރެއިން ފުރަތަމަ (4) މަޖާޒު: އެންމެ މޮޅު
އެވްރޭޖް
ނ (1) އެކިވަރަށްހުރި އަދަދުތަކެއް އެއްކޮށް އެއްކުރި އަދަދުތަކުގެ އަދަދުން ގެއްލީމާ ނިކުންނަ އަދަދު. މިސާލު: ދިހަޔަކާ ނުވަޔަކާ ދޭކާ މިތިން އަދަދު އެއްކޮށްލީމާ އަންނަ ޖުމްލައަކީ އެކާވީހެވެ މިއެއްކުރެވުނީ ތިން އަދަދެވެ ވީމާމިޖުމްލަ ގެއްލާންވީ ތިނަކުންނެވެ ތިނަކުން ގެއްލީމާ ނިކުންނާނީ އެތިންއަދަދުގެ އެވްރޭޖެވެ އެއީ ހަތެކެވެ (2) މެދުމިން
އޯ
އ (1) ކީކޭހޭ އެހުމުގެ ބަދަލުގައި ބުނާ އަދަބުވެރިގޮތް (2) އޯތްޔޭ ބުނުމުގެ ބަދަލުގައިވެސް މިއަކުރު ބޭނުން ކުރެވެއެވެ
އޯޑަރު
ނ (1) އަމުރު. (2) ވިޔަފާރީގެގޮތުން ނުވަތަ އެހެންވެސް ބޭނުމަކަށްޓަކައި އަދަދާއި ބާވަތް ކަނޑައަޅައި އެއްޗެއް ފޮނުވުމަށް އަންގާއެންގުން
ވަތްކަހާލުން
މ (1) ދިޔަވަތުގައި ހުރި ދިޔަގަނޑު ހިއްކައި މުޅިން ހުސް ކޮށްލުން (2) މަޖާޒު: ތަނެއްގައި ހުރި ހުރިހައި އެއްޗެހި ނުވަތަ އޭގެ ތެރެއިން ވަރަށް ގިނަ އަދަދެއް ވަގަށް ނުވަތަ އެނޫންވެސް ގޮތަކުން އެއްފަހަރާ ގެންދިއުން
ވާރުފެތުރުން
މ ވާރުނެގި ޒަމާނުގައި ރަށްރަށު ރައްޔިތުންގެ އަތުންވާރު ނަގާންވީ އަދަދު ބޯބޯ މައްޗަށް މިންވަރު ކުރުން
ވެދުންފޭލި
ނ (1) އޮޅުދޫކަރައަށް ޖިޒީ ފޮނުވާ އުޅުނު ދުވަސްވަރު ދިވެހިރާއްޖޭގެ ރަދުން އެތާނގެ ގަވަރނަރ އަށްފޮނުއްވާން ރާއްޖޭގައި ވިއުއްވާ އަންނަ ފޭލި (2) ރަދުންގެ ފައިވާންފުޅު ދެކެންދާ މީހުން ކުރުނީސްކޮށް އަދަބުވެފައި އެމީހުންގެ އަތުން ރަސްގެފާނުގެ ފައިވާންފުޅު ދަށަށް ދޫކުރާ ފޭލި
މަތިވުން
މ (1) ކަމެއްގެ އިލްޒާމުއެޅުން (2) މަޖާޒު: ފެނުން ނުވަތަ އައުން މިސާލު: މިއަދަކު މިވެނި މީހަކު މައްޗެއް ނުވިއެވެ (3) ހަވާލުވުން މިސާލު: އެކުދިން ބެލުމާ މަތިވެގެން އުޅެންޏާ ކާންދީ ހަދަންވާނެއެވެ
މާފު
ނ (1) އަނެކަކު ބުނާ ބަހެއްގެ ނުވަތަ ކުރާ ކަމެއްގެ ސަބަބުން ތިމާގެ ހިތުގައި އުފެދުނު ނުރުހުން ފުހެލާ ފުހެލުން (2) އަދަބެއްގައި ހުއްޓާ މިނިވަންކުރުމުން އޭނާގެ އަދަބުން މިންޖުވާ މިންޖުވުން (3) ދައްކަންޖެހިފައި އޮތް ފައިސާއެއް ނުދެއްކިޔަސް އެންމެ ރަގަޅުކަމަށް ހަމަޖެހޭ ހަމަޖެހުން (4) ކުށެއްކުރުމުން އަދަބަކާ ހަމައަށް ނުގެންގޮސް ދޫކޮށްލުމުން އެކުށަށް ލިބެންވާ އަދަބުން ސަލާމަތްވާ ސަލާމަތްވުން
މާފުކުރުން
މ (1) އަނެކަކު ބުނާބަހެއް. ނުވަތަ ކުރިކަމެއްގެ ސަބަބުން ތިމާގެ ހިތުގައި އުފެދުނު ނުރުހުމެއް ފެހެލުން. (2) އަދަބެއްގައި ހުއްޓާ މިނިވަންކޮށް އަދަބުން ސަލާމަތްކުރުން. (3) ދައްކަން ޖެހިފައިއޮތް ފައިސާއެއް ނުދެއްކިއަސް އެންމެރަގަޅު ކަމަށް ހަމަޖެއްސުން. (4) ކުރެވުނު ކުށަކަށް އަދަބަކާ ހަމައަށް ނުގެންގޮސް ސަލާމަތްކަން ދިނުން
މާތްބަސް
ނ ދިވެހިބަހުގެ އަދަބު ނިޔާކުރާގޮތުން މާތްކޮށް ވާހަކަދައްކަން ބޭނުންކުރާ ބަހުރުވައެއް
ފަހަރު
ނ (1) ދަނޑިވަޅު. (2) ތަންވަޅު. (3) ދުވަސްވަރު. (4) ކަމެއްކުރި ނުވަތަ ކުރަންވީ ނުވަތަ ކުރާނެ ޢަދަދާ ގުޅިގެން ބޭނުންކުރާ ބަހެއް. މިސާލު: )ހ( ތިންފަހަރު ބޭސްބޮއިފި. )ށ( ކޮންމެ ދުވަހަކު އެއްފަހަރު އެގެއަށް ދާންވާނެ. )ނ( ދުވާލަކު ދެފަހަރު އޭނާ އަންނާނެ. (5) އަދަދެއްގައި އަނެއް އަދަދެއް ހިމެނިފައިވާ ބާރު. މިސާލު: ހައެއްގައި 2 ހިމެނިފައިވާ ފަހަރުގެ އަދަދު. (6) އުޅަނދު ގިނަކުރުމަށް ބޭނުންކުރާ ބަހެއް. މިސާލު: އޮޑިފަހަރު ދޯނިފަހަރު