radheef.info
ރަދީފު


ކޮލި
ނ (1) ބޯޅައެއްހެން ބަނޑު ފުފިފައި ހުންނަ މަހެއް މިމަހުގެ ހަމުގައި ތޫނު ނުވަތަ ރާޅު އުންތަކެއް ހުރެއެވެ (2) އެއްޗެހީގެ އަރިމަތިންނާއި މެދުތެރޭން ފުފިފައި އޮންނަ ފުފުން ނުވަތަ ފުފިފައި އޮންނަ ތަން (3) އިހުގައި ރަސްމީ ބައެއް ލަގަބު އިއުލާނުކުރުމަށްޓަކައި ކުރާ ރަސްމީ ކަމެއްގެ ނަން
ގަންހިންގުން
މ އިހުގައި ބޮޑެތި ބައެއްކުށް ކުށުގެ އަދަބަކަށް ކޮލިހިނގާމަގުގައި ކުށްވެރިޔާ ހިންގުން މިކަންކުރަނީ ބުރަކަށީގައި ފަނެއްބަނދެ މޫނުގައި އަޅިދެލި ކުރަހައި އުނަގަނޑުގައި ދެވާ ޖަހައިގެންނެވެ ކޮންމެ ހަތަރު އަނގޮޅި އެއްގައި މަޑުކޮށް އެމީހާގެ ކުށް ބަޔާންކުރާ ޢިބާރާތް ކިއުމަށްފަހު "އަދަބުން އަދަބޯތް" މިހެން ގޮވައިލައި ތަޢުޒީރުކުރާނެއެވެ މިމީހާގެ ފަހަތުން ވަރަށް ގިނަމީހުންނާއި ތެއުޅުވާ ކުދިން ދާނެއެވެ
ގަދަހަމާންތިކަން
ނ (1) ކަންގަތި ކޮލީގެ ނަމެއް (2) އިހުގައި ރާއްޖެތެރޭގެ ބައެއް މީހުނަށް ކޮލިލައްވައިފައި ދެއްވާ ޢިއްޒަތުގެ ނަމެއް
ސިކަންތިދަނޑި
ނ ރަސްކަމަށް ކޮލިލާ ދުވަހު ކޮއްޔާއެކު ޢިއްޒަތް ފުރިހަމަ ކުރުމަށް ގެންދާ ތަކެތީގެ ތެރޭގައި ގެންދާ އެއްޗެއް މިއީ ނުވަ ފޫޓް ހުންނަވަރުގެ ކުރެހި އޮނެއްގެ މެދެއްހައި ތާނގައި ވަށްބުރެއް ހަރުކޮށް އެބުރުގެ ވަށައިގެން ލާބޮނދި އެލުވައި އެއޮނުގެ ކޮޅުގައި ކުރި ބޯއްޓެއް ލައިގެން ހަދައިފައި ހުންނަ އެއްޗެކެވެ މީގައި ހުންނާނީ ކުލަކުލައިގެ ވަރަނގު ކަރުދާސް ހިއްޕައިފައެވެ
ޙުޒާމު
ނ ރަސްކަމަސް ކޮލިލާ ދުވަހު ރަދުން ރަސްމީ ހެދުންކޮޅު ތުރުކުރައްވާއިރު އަބާކޮޅުންގެ އެތެރޭން ކަމަރުކޮޅުގެ ބަދަލުގައި ބަންނަވާ ފޮތިކޮޅި