radheef.info
ރަދީފު


ކުޅިވަރު
ނ މުނިފޫހި ފިލުވުމަށް ނުވަތަ ހަށިގަނޑަށް ކަސްރަތު ހޯދުމަށް ވަކި ހަމައެއްގެ މަތިން ކުރާ ބައެއް ކަހަލަ ކަންތައްތައް މިސާލު: މިޔުޒިކްކުޅުން ފުޓްބޯޅަކުޅުން
ކާސިމަޖާ
ނ ބޮޑުބެރުޖަހައި ލަވަކިޔަމުން ބޮލި މަލާފަތް ހިފައިގެން ނަށައިފައި ކުޅޭ ކުޅިވަރު
ކާސިމަޖާކުރުން
މ ކާސިމަޖާ ކުޅިވަރުކުޅުން
ކިރިކެޓު
ނ ދަނޑުގައިކުޅޭ ކުޅިވަރެއް މިކުޅިވަރުގައި ބައިވެރިވާނީ ދެޓީމެވެ ޓީމެއްގައި 11 ކުޅުންތެރީންނެވެ އެއްބަޔަކު ބޯޅަ ހޮވަން ތިބޭއިރު އަނެއްބައިގެ ދެކުޅުންތެރީން ކުޅެން އަރާތިބެއެވެ ބިމަށް ޖަހާފައި ހުންނަ ތިންދަނޑީބުރީގެ ކުރިމަތީގައި ކުޅޭމީހާ އޮވެގެން ހޮވާޓީމުގެ މީހަކު އެއްލާބޯޅައިގައި ފިލާގަނޑަކުންޖަހައި ލަނޑު ހަދައެވެ ނުވަތަ ދުވެގެން ލަނޑު ހަދައެވެ ދަނޑިބުރިތައް ޖަހައިފައި ހުންނަނީ މެދުރިއަޅައިފައި އޮންނަ ތަނެއްގައި ދެކޮޅުގައެވެ
ކުޅި
ނ (1) އެއްގަމުގައި ހެދިފައި ހުންނަ ފެންގަނޑު. (2) ހެވިކަން ފަރިތަ ކުރުމަށް ކުރާކަންތައް މީގެ ކިތަންމެ ބާވަތެއް ހުރެއެވެ. (3) ބައެއްކުޅިވަރު ތަކުގައި ވަކި ހަމަތަކެއްގެ މަތިން ބަދަލުކުރަމުން ގެންދާ ފިޔަވަޅުތަކުގެ ތެރެއިން ފިޔަވަޅެއް މިސާލު: ލަނގިރި ޖެހުމުގައި މާފަތިން ކުޅިހަދައި ނިމިގެން ކުރުދަނޑިއަށް ބަދަލުކުރުން. (4) ރާޒުވާއާއި ފަޗިސްފަދަ ކުޅިވަރުކުޅޭން ހަދައިފައި ހުންނަ އެއްޗެހީގެ ތެރެއިން އެކަތި (5) އެކި ބާވަތުގެ ބަޑިކުޅި ހަދާން ތައްޔާރުކޮށްފައި ހުންނަ ބޭސްގަނޑު (6) ނއ މިރުހުގައި ހުންނަ ރަހަ
ކުޅިވަރުދެއްކުން
މަޖާޒު: ލިބިހުރި ބާރު ދައްކައިލާނަމޭ ބުނުމަށް ނުރުހިގެން ބުނާ ބަހެއް މިސާލު: ނިކަން ދެކެން ހުންނާށެވެ ރަށަށް ދެވުނީމައި ކުޅިވަރު ދައްކައިލާނަމެވެ
ކުޅިގަނޑު
ނ (1) ރާޒުވައާއި ތިންހަމައާއި އޮށްވަޅުފަދަ ކުޅިވަރުގައި ކުޅޭން އަތުރާ ކުޅުންގަނޑު (2) މަޖާޒު: ނުބައެއް އުފައްދާން ރާވާރޭވުން (3) ބޭޒާރުނުވެ ހިނގާ ނޭދެވޭ ކަންތައް
ކުލަބު
ނ (1) ޚާއްޞަ މަޤުޞަދަކަށްޓަކައި އެކުވެރިވެފައިވާ ޖަމާޢަތް (2) ޖަމާޢަތެއްގެ މީހުން ކުޅިވަރުކުޅެ ޚިޔާލުބަދަލުކޮށް ހަދާން ބައްދަލުކުރާ ގެ
ކެރަމްބޯޑު
ނ ކެރެމް މިކުޅިވަރުކުޅޭ ބޯޑު
ކެޕްޓަން
ނ (1) ކައްޕިތާނު. (2) ކުޅިވަރުޓީމެއްގެ ކުޅުންތެރިންގެ ތެރެއިން އެންމެއިސްކޮށް ހުންނަމީހާ. (3) ސިފައިންގެ މަޤާމެއްގެނަން މިއީ ލެފްޓިނަންޓުގެ މައްޗަށް ހުންނަ މީހެއްގެ މަޤާމެވެ (4) އިސްކޫލެއްގެ އެންމެ އިސްކޮށްހުންނަ ދަރިވަރު
ކެޕްޓަންކަން
ނ (1) ކައްޕިތާނުކަމުގެ ވަޒީފާ (2) ކުޅިވަރުޓީމެއްގެ ކުޅުންތެރިންގެ ތެރެއިން އެންމެއިސް ކުޅުންތެރިޔާގެ މަޤާމު (3) ސިފައިންގެ އިސް މަޤާމެއްގެނަން (4) އިސްކޫލެއްގެ އެންމެ އިސްކޮށްހުންނަ ދަރިވަރުގެ މަޤާމް
ކޮއްޓުން
މ (1) މީހެއްގެ ގައިގައި ނުވަތަ އެއްޗެއްގައި އިނގިލިން ނުވަތަ އެއްޗަކުން ކުއްލި ޙަރަކާތަކާއެކު ޖައްސައިލުމަށްފަހު ނައްޓައިލުން (2) ބިއްސާއި މުލިއްސާއި ފޮޅުފަދަ އެއްޗެހީގެ ތުން ތުއްވުން (3) އުކުނޑި ކޮއްޓުން (4) ފުޓުބޯޅައާއި ހޮކީފަދަ ކުޅިވަރު ކުޅޭއިރު ދުރަށް ބޯޅަ ފޮނުވައިނުލައި ގާތުގައި ބާއްވައިގެން މަޑުމަޑުން ޖަހަމުން ޖަހަމުން ގެންދިއުން (5) )ޏ ސ ( ކޮރުން (6) މަޖާޒު: މީހެއްގެ ހަވާލުގައި އޮތްކަމެއް އަވަސް ކުރުމަށް އުޅުން
އަންބާ
ނ މަސައްކަތުގައްޔާއި ކުޅިވަރުގައި ފޯރިގެންނާން ޒުވާބު ކިޔަމުންކިޔާ ކުރުލަވަ
ލަނޑެއްކޮކާ އަތްޖަހާ" އަކުންބަކުން
ނ ކުޑަކުދިންކުޅޭ ކުޅިވަރެއް. މިކުޅިވަރުކުޅޭގޮތަކީ ބިންމަތީގައި އެއްކުއްޖަކު ހިމަދިގުކޮށް ވެލިފުންޏެއް އެއްކޮށް އޭގެ ތެރޭގައި ކުޑަގައުކޮޅެއް ފަދައެއްޗެއް ވަޅުލަނީއެވެ. މިވަޅުލާނީ ބަންޖެއް ކިޔަމުން އަނެއްކުއްޖާއަށް ފޮރުވައިގެންނެވެ. ދެން އެކުއްޖަކު އޮށް އޮތްކަމަށް ހީވާތާނގައި އަތް ޖަހަނީއެވެ. އަތް ޖަހާއިރު އަތްދަށުގައި އޮށްވެއްޖެނަމަ އެކުއްޖާ މޮޅުވީއެވެ. މިކުޅޭއިރު ކިޔާބަންޖަކީ "އަކުންބަކުންމާލެ ބަކުން އަތްޖެހަތަޅެބަތް ޖަހަތަޅެ
އައިނަކަށްމަހެއް
ނ )ހ.( މޫދުގައި ކުޅޭކުޅިވަރެއް. މިކުޅިވަރު ކުޅޭގޮތަކީ ދެކުދިންގެ ހަތަރު އަތުން އަށިގަނޑެއްހެން ހަދައި އޭގެމައްޗަށް އެހެން ކުއްޖަކު އެރީމާ އެއްލައިލަނީއެވެ
އައްތަވާޅި
ނ (1) ކާށި ކިބައިގެ އެތެރެ ދާރަފަށް (2) ހަތް އައްތަވާޅިން ގާނެގުމުގެ ކުޅިވަރުގައި ގައު އަޅައިފައި ހުންނަ މުގޯލި
އަލިހޮޅި
ނ ބަޑިބޭހުން ހަދާ ކުޅިވަރުގެ އެއްޗެއް މިއީކަރުދާހުން ހޮޅިއެއްހަދައި އެތެރެއަށް ބަޑިބޭސް އަޅައިގެން އަތުން ހިފަހައްޓައިގެން ރޯކުރާވަރަށް އަލިގަދަ އެއްޗެކެވެ
އަލިނަރު
ނ ބަޑިބޭހު ކުޅިވަރުތެރޭގައި ގެންގުޅޭ ރޯކުރީމާ ރީތިހުދު އައްޔެއްވާ ހިމަނަރެއް މީގެ ދެބާވަތެއް ހުރެއެވެ އެއީ މާޖަހާނަރާއި މާނުޖަހާނަރެވެ މާޖަހާނަރު ހުންނާނީ ނަރުފަށެއްގެ އެއްބުރީގައި ބަޑިބޭސް ލާފައެވެ މާނުޖަހާ ނަރުހުންނާނީ ބާދަލާފަށެއް ހެންނެވެ
އަލިފާނުކުޅިވަރު
ނ (1) ބަޑިކުޅި ހަވާ އަލިދަނޑި މިބާވަތުގެ ކުޅިވަރު (2) ބަޑިބޭހުން ހަދައިގެން ރޯކުރާން ގެންގުޅޭ ކުޅިވަރުގެ ތަކެތި
އަލިފާނުކުޅިވަރު
ނ ބަޑިބޭހު ކުޅިވަރު
އިސްޓޭޖް
ނ (1) ކުޅިވަރު ކުޅުންފަދަ ކަންތައްތަކަށް ހަމަބިމަށްވުރެ އުސްކޮންތައްޔާރު ކޮށްފައި ހުންނަތަން. )މިފަދަތަންތަން ގިނައިން ހަދައިފައި ހުންނަނީ ފިލައިންނެވެ.( (2) ތަގުރީރުކުރުން ފަދަ ކަންތަކުގައި ގިނަމީހުންނަށް ފެނުން ފަސޭހަވުމަށްޓަކައި އެކަމެއް ކުރާމީހާ އަރައިހުރުމަށް ހަދައިފައި ހުންނަ އެއްޗެއް. (3) ތަޢުލީމު ކުޅިވަރު ބަލިބަލިފަދަ ކަންތަކުގެ އެކިއެކި ދަރަޖަ