radheef.info
ރަދީފު


ކާ
ނ (1) ކާފިޔާ ހަމަކޮށް ހަދައިފައި ހުންނަ ވަޒަން ބަހުރުވައިގެ ބާވަތެއް މިއީ ހަބަސް ރައިވަރުގެ ކުރީ ހަތަރުބަހާ އެއްގޮތަށް އެއްވަޒަނަކަށް ހަތަރު ބަހުން ފިލިކޯޅި ހަމަކޮށް ހަދައިފައި ހުންނަ އެއްޗެކެވެ މީގައި ހަބަސް ރައިވަރުގެ ކުރިން ފެށޭ ބަސްނެތިފައި އަނެއް ތިން ބަހުގެ ވަޒަނަށް ހަދައިފައި ހުންނަ ބާވަތެއްވެސް ހުރެއެވެ (2) ބިލެތުވައް (3) ބައްތެލިފަހަރާއި ނާފަހަރުގެ ކަވަރުނާތަކުން ބޯރުދުވަށް އަރައިފައި ހުންނަތަން
ބަށި
ނ (1) ތަރުކާރީގެ ބާވަތެއް. މީގެ ކިތަންމެ ބާވަތެއް ހުރެއެވެ. މިސާލު: ދަނބުބަށި ހުދުބަށި ދިގުބަށި (2) ފަނުން ހައަރިޔަށް ވިޔެގެން ތައްޔާރުކުރާ އެއްޗެއް )މިއީ އިހުޒަމާނުގައި އަންހެނުންގެ ޚާއްޞަ ކުޅިވަރެއް ކުޅުމަށްޓަކައި ފަނުން ވިޔާއެއްޗެކެވެ ( (3) ދިވެހި އަންހެނުން ކުޅެއުޅޭ ކުޅިވަރެއް
ބަށިގަން
ނ ބަށީގައި ކައްކާ ފޮނި ހިކިރިހައެއް. މިހަދަނީ ބަށި މުޅިން ވަކިނުކޮށް ހަތަރުފަޅިއަށް ފަޅާ ވަކި ވަރަކަށް މަޑުކޮށްލުމަށްފަހު އޭގެ ތެރޭގައި ހުރި އޮށްތަކާއެކު ކަރުގަނޑުނަގާ މަސްކޮޅެއްމޮޑެ އޭގެ ތެރެއަށް ލޮނުމިރުސް ހަވާދުކޮޅަކާ ބަށިން ނެގި ބަޔާ އަޅައިއެއްކޮށް މޮޑެ އެއިން އެއްބައި ބަށީގެ އެތެރެއަށް އަޅައި ރޮދިން ބަށިބަނދެލާ ގިތެޔޮފޮދެއްގައި ބާކީ ހުރި ހަވާދުކޮޅު އަޅައިގެން ފުށްފުށަށްޖަހައި ރަނގަޅަށް ރޯފިލުވައިގެންނެވެ
އިނދަ
ނ (1) ޅިނދުކަށިގަނޑު ޖެހޭގޮތަށް ފުރަގަހަށްގޮސް ވެއްޓުމަށް ކިޔާނަން މަޖާޒު: (2) ނާކާމިޔާބު
އިނގިލިމެޅުން
މ (1) އިނގިލި ލެއްޕުން. (2) ސިހުރުކޮށްފައި ނުވަތަ ރުޅިއައިސްގެން މީހަކާ ދިމާއަށް ނުވަތަ އެއްޗަކާ ދިމާއަށް ޝަހާދަތް އިނގިލިން އިޝާރަތްކުރުން ބައެއްފަހަރަށް ސަމާސާގެ ގޮތުންވެސް މިހެން ހަދައެވެ
އިނގުރު
ނ ރިހަ ކަވާބުފަދަ ކާއެއްޗިއްސަށް ލާން ގެންގުޅޭ ކުޅިރަހަލާ މަޝްހޫރު ގޮނޑިއެއް މިއީ ބިމުތެރޭ ފެތުރެމުން ދުވާގޮނޑިއެކެވެ
އިނުން
މ (1) އިށީނދެގެން ލަސްވުން (2) މޭވާ މައުފަދަތަކެތި ގަސްގަހުގައި ހަރުލައިހުރުން (3) ދޫނިތަންތާ ފައިމައްޗަށް ތެދުވެތިބުން (4) ކާވެނިވުން (5) އަންހެނަކު ގެއެއްގައި ހުރުން (6) މީހަކު ވަކިތާކު އަތްކަމުގެ މަސައްކަތް ކުރުން
އިންކާރު
ނ (1) އަނެކާ ބުނާ ބަހަށް ދެކޮޅު ހެދުމަށް ކިޔާނަން (2) އިޤްރާރުގެ އިދިކޮޅު
އިންކާރުކުރުން
މ (1) އަނެކާ ބުނާ ބަހެއްގެ ޤަބޫލުނުކުރުން (2) އިޤްރާރު ނުވުން
އިންތިޒާރީ
ނ ކަމަކަށްޓަކާ ބަލަބަލައިހުންނަ ހުރުން
އިންތިޒާރު
ނ ކަމަކަށްޓަކާ ބަލަބަލައިހުންނަ ހުރުން
އިންތިޒާރުކުރުން
މ ކަމަކަށްޓަކާ ބަލަބަލައި ހުންނަ ހުރުން
އެލަންގަލަން
ނ ކުޑަކުދިންކުޅޭ ކުޅިވަރެއްގެނަން. މިކުޅިވަރު ކުޅެދޭވެރިޔަކަށް އިންނަ މީހަކަށް ކިޔަނީ "މުނި" މިހެންނެވެ. ދެން އެއްކުއްޖަކު އިލޮށްޓެއް ހިފައިގެން މުނީގެ ކުރިމަތީގައި ހުންނާނީއެވެ. އެ އިލޮށްޓަށް ކިޔަނީ "ކަނޑި" އެވެ. އެހެންކުދިން ކައިރީގައި ވަށްކޮށްލައިގެން ތިބޭނީއެވެ. ދެން މުނި ކިޔައިދޭނީ ބަންޖެކެވެ. މިއޮންނާނީ ދެބަޔަކަށެވެ. ކުރީބަޔަކީ "އެލަންގަލަން މިލަންގަލަން ސުދުންޏާ ފާހަގަލަން އަބުސީލަން ނުމަސްލަނޑާ ހިކާކުރުބުޅި ވަލަށްފިލަން ދާންދޭ" މިހެންކީމާ އިލޮށި ހިފައިގެން ހުންނަ ކުއްޖާނޫން ހުރިހާ ކުދިން ފިލަންދާނީއެވެ. ދެންކިޔާނީ "އަލީލާން ބަލީލާން ހަތް ދެގޮބޮޅި ފަތީލާން ފަތިގެންގޮސް މޫދުލާން އަރިޔަށްދޫ ގަހުރަތްމާ އަދިނުފޮޅޭ ކުދިރަތްމާ މާލެމަތިންގޮވާލިހާ ރަތްދަނޑި ރަތްކަކާކޯ އަލިވިލޭތަ ރޭވިލޭތަ ހާލެއްތާ ކުކުޅެކޭ؟" ތަކާކޮށީ އެންމެން ކަތިލާ މަރަން ދާންދޭ ފަހުންމިއަންނަ ދެސުވާލަށް ފިލަންދިޔަ ދެކުދިން ޖަވާބުދޭންވާނެއެވެ ދެންއެއިލޮށީން ނުޖެހި މުނިކައިރިއަށް އާދެވުނު ކުއްޖަކު މޮޅުވީއެވެ މިކުއްޖާ އައިސް މުނިގައިގައި އަތްލާފައި "މުންޏޯތް" މިހެން ގޮވާން ވާނެއެވެ އިލޮށި ޖެހިއްޖެނަމަ ކަތިލެވުނީއެވެ
އެލުން
މ (1) އެއްޗެއްގެ މަތީކޮޅު ތާކު ހަރުވެފައި އަނެއްކޮޅުތިރިއަށް ވީއްލިފައި އޮތުން. (2) ގަސްގަހުގެ ގޮފީގެ ކުރީކޮޅު ހުންނަންވީ ވަރަށްވުރެން ތިރިޔަށްޖެހިފައި އޮތުން. (3) ތެދަށް އޮންނަންވީ އެއްޗެއްގެބައެއް އޮންނާންވީ ވަރަށްވުރެ ތިރިޔަށް ޖެހިފައި އޮތުން. (4) މަޖާޒު: ނާކާމިޔާބުވެގެން ދެރަވުން. )އެލުނު ނނކ އެލިއްޖެ ނކ އެލެނީ ވވ އެލޭނެ ވނ އެލޭ! އމ
އެގާރަ
ނ (1) އެއްދިހައެކެއް (2) (11) ދިހަޔަކާ ބާރަޔާ ދެމެދުގެ ޢަދަދު
އެގްރީމެންޓް
ނ (1) ދެމީހަކު ނުވަތަ ދެބަޔަކު ނުވަތަ ދެދައުލަތެއް ކަމަކާމެދު އެއްބަސްވެފައި ލިޔެ ދެފަރާތުން ސޮއިކުރާ ލިޔުން (2) މުޢާހަދާ (3) އިޤްރާރުނާމާ
ވަރަޢަވެރިކަން
ނއނ (1) ދީންވެރިކަން (2) ތަޤްވާވެރިކަން (3) ފާފަތަކުން ރައްކާތެރިވެގެންވާކަން
ވަރި
ނ (1) ކާވެނީގެ ގޮށް މޮހޭމޮހުން (2) ފަހަރު (3) ޒަމާން (4) ފޯވަހި (5) ތޮށި ނުވަތަ ނާށި ހުންނަ ވަކިވަކި ތަކެތީގެ ކާން އޮންނަ ތަނަށް ކިޔާ ނަމެއް
ވަރިބަސް
ނ ކާވެނި ރޫޅުމަށް ފިރިމީހާ ބުނާ ބަސް
ވަރިބޯވުން
މ ތޮށި ނުވަތަ ނާށި ހުންނަ ބައެއް ކާތަކެތީގެ ކާތަން ބޯވުން
ވަރިކުރުން
މ ކާވެނި ރޫޅައިލުން