radheef.info
ރަދީފު


ކަލަ
ނ (1) ޒަމާން. މިސާލު: މިކަލަކަށް އައިސް. (2) ތިމާ އަނެކަކަށް ކޮށްދީފައި ހުންނަ ހެޔޮކަންތަކުގެ ވާހަކަ ހިތާނުވެގެން އެމީހާއަށް އިއްވާން ދައްކާ ދެއްކުން (3) )ސ ( ފަހަރު
ފަސްމުދިންބޭކަލުން
ނ (1) މިޙްރާބުގޭ މުދިން ބޭކަލުން. (2) ބޮޑު ކިއެވެނިން. )އިހުގައި ހުކުރުދުވަހު ހުކުރު މިސްކިތުންނާއި މުންނާރުން ބަންގިގޮވައި ގަނޑުވަރުތެރެއިން ރަދުންގެ ސުއްޖާދުކޮޅު ހުކުރުމިސްކިތުގެ ކޮޓަރިކޮޅަށް ގެންގޮސް ކަތީބު ބޭކަލަކު ބަލާގޮސްހަދަނީވެސް އެމީހުންނެވެ
ފަސްފުޅިދުމާދިއުން
މ އިހުގައި ގަނޑުވަރު ތެރޭގައި ހުންނަ ދަމުއަށީގެ ލޯގަނޑުން ފަސް ފުޅިޔަށް ޖެހީމާ )ރޭގަނޑު އެގާރަޖެހީމާ( އަލިފާން އަޅައިފައި ހުންނަ މުޖުމަރާއަކަށް ދުން އަޅައިގެން ކުދިބޭކަލަކު އެހިފައިގެން ހިއްތަން ދޮރާށިން ނުކުމުގެން މެދުޒިޔާރަތް ދޮށަށްގޮސް އެތާނގައި ދުޢާވެރިކަން ކިޔަވަން ތިބޭ މީހުންގެ ގާތުގައި ބެހެއްޓުން
ފިރުޢައުނު
ނ (1) މޫސާގެފާނު ދުނިޔޭގައި އުޅުއްވި ޒަމާނުގައި މިޞުރުގައި އަމިއްލައަށް ކަލަކު ކަމުގައި ހެދިގެން އުޅުނު ނުބައި ރަސްކަލެއް (2) އެއްޒަމާނެއްގައި މިޞުރުގައި އުޅުއްވި ރަސްރަސްކަލުންނަށް ދީފައިވާ ލަޤަބެއް (3) މަޖާޒު: ނުބައި ނުލަފާކަމާއި އަނިޔާވެރިކަން ހައްދު ފަހަނަޅައިފައިވާ މީހާ
ފުރައަންމަވުން
މ )ބދ ( ރަސްކަލަކު އަވަހާރަވުން
ފޯރިޔަށްހުރުން
މ (1) ތަނެއްގެ ރައްކަލަށްޓަކައި އެތަން ބެލެހެއްޓުމަށް ހުރުން (2) ފާރަޔަށް ހުރުން
ދަންބެރުބޭލުން
މ ދަންބެރު ޖަހާންވާވަގުތު ދަންބެރު ނުޖެހިއްޖެނަމަ ދަންބެރު ޖަހާން އޮންނަ ބެރާއި ދަނޑިގަނޑު ނާބުސްޚާނުން ބާލައިގެން ދެގެދޭތެރެއަށް ގެންދިއުން މިހެންހަދަނީ ދަންބެރުޖަހާ މީހާ ޖޫރިމަނާ ކުރުމަށެވެ ދަންބެރު ބާލައިފިނަމަ ބެރުލިބޭނީ ބޮޑުބޭކަލަކު މެދުވެރިކޮށް ރަދުންނަށް އަށްލާރިން ވެދުން ކޮށްގެންނެވެ
ދަރުމަހަނޑޫ
ނ އިހުގައި ވަޒީފާއެއްނެތި ދެއްވާ ހަނޑޫ. މިހަނޑޫ ދެއްވަނީ ބަނޑުހަނޑޫ އޮންނަ ހަނގު ބޭކަލަކު މަރުވެއްޖެނަމަ އެމީހާއަށް އޮންނަ ހަނޑޫ އެމީހެއްގެ އަނބިދަރީންނަށް ވަޒީފާއަކާ ނުލައެވެ
ދީދި
ނ (1) ބޭފުޅުންގެ ދެވަނަ ދަރަޖަ. މިއީ ފިރިހެން ދަރިކޮޅުން ރަސްކަލަކަށް މުނިކާފާފުޅު ވިދާޅުވާ ބޭފުޅުންގެ ބޭފުޅުންނެވެ. )ރަސްކަލަކަށް ހޫރު ކާފާފުޅު ވިދާޅުވާ ބޭފުޅުން.( (2) އަންހެން ދަރިކޮޅުންނަމަ ރަސްކަލެއްގެ ފިރިހެން ބޭފުޅެއްގެ އަންހެން ބޭފުޅަކަށް ނުވަތަ ރަސްކަލެއްގެ އަންހެން ބޭފުޅަކަށް މާމާފުޅު ވިދާޅުވާ ބޭފުޅުން (3) ދީދީކިޔާ ބޭފުޅުންގެ ބޭފުޅުން
ތަޞްދީޤުކުރުން
މ (1) ތެދުކުރުން (2) ޤަބޫލުކުރުން (3) ރައްތިތުންގެ މަޖްލިހުން ފާސްކުރާ ބިލެއް ރަސްކަލަކު ނުވަތަ ރައީސަކު ޤާނޫނެއް ކަމުގައި ޤަބޫލުކުރެއްވުން
ތިންފުޅިދުމާދިއުން
މ އިހުގައި ކޮންމެރެޔަކު ނުވައެއްޖެހީމާ ގަނޑުވަރުތެރެއިން މުޖުމަރާއަކަށް އަލިފާނާއިދުމާ އަޅައިގެން ކުދިބޭކަލަކު އެމުޖުމަރާ ހިފައިގެން މެދުޒިޔާރަތްދޮށަށް ދުޢާވެރިކަން ކިޔެވުމަށް ގެންދިއުން
ތޮއްފިލާ
ނ އޮޑިދޯނިފަހަރުގެ އެތެރެފަރާތު ކައިރިފަށުގައި ހަފޮޅާ ޖައްސައިގެން އިންނަ ފަތްތަކުގެ މަތީގައި އެއްކޮޅުން އަނެއްކޮޅަށް އަޅާފިލައެއް މިއީ ފެތިގެން އަޑިއަށް ދިޔަނުދިއުމަށް )ރައްކަލަކަށް( އަޅާފިލައެކެވެ
ލޯގަނޑުކެނޑުން
މ ދަމުއަށީގައި އެލުވައިފައި ހުންނަ ލޯގަނޑުގައި ޖަހަންވާ ގަޑީގައި ނުޖެހުމުގެ ސަބަބުން ކުދި ބޭކަލަކު ލޯގަނޑު ނައްޓައިލައިގެން ގެންގޮސް ދެގެ ދޭތެރޭގައި ބޭއްވުން މިހެން ހަދައިފިނަމަ ދެން ލޯގަނޑު ގެންދެވޭނީ އަލުން އިޒުނަ ހޯދައިގެންނެވެ
ގޮށިމޫނުންބާނި
މ ޚާއްޞަ މުނާސަބަތު ތަކުގައި ރަސްކަލަކަށް ނުވަތަ ރަސްކަލެއްގެ އަނބިކަނބަކަށް ނުވަތަ ދަރިކަނބަލަކަށް އަންހެނުން ކުރާ ޚާއްޞަ ވެދުމެއް
ގޮށިމޫނުންބާންޏާދިއުން
މ ޚާއްޞަ މުނާސަބަތު ތަކުގައި ރަސްކަލަކަށް ނުވަތަ ރަސްކަލެއްގެ އަނބިކަނބަލަކަށް ނުވަތަ ދަރިކަނބަލަކަށް އަންހެނުންކުރާ ޚާއްޞަ ވެދުމެއް ކުރުން. މިވެދުން ކުރާނީ އެކިބައި ބަޔަށް ވަކިވަކީންނެވެ. މިވެދުންގެންދާނީ ރަންވަރަނގުހިއްޕައިފައިވާ ބޯކަރުދާހު ގޮށްޓެއްގައެވެ ރާއްޖެ ތެރޭގައިނަމަ ވިޔެފައިވާ ގޮށްޓެއްގައެވެ މިދިއުން ދާއިރު ކޮންމެ މީހެއްގެ އަތުގައި ގޮށްޓެއް އޮންނާނެއެވެ
ސަލާމަތްވެގަތުން
މ (1) ރައްކާތެރިވެގަތުން (2) ނުރައްކަލަކުން ދިނިގަތުން (3) މަޖާޒު: ކަމެއް ބޮލުން ނައްޓައިލުން
ސިންގަ
ނ (1) )ބދ ( ސިންގާ (2) ރާއްސެއްގެނަން މިރާހިކަލަންޑަރުގެ ގޮތުން ދިމާވަނީ ތޭވީސް އޯގަސްޓުން ބާވީސް ސެޕްޓެމްބަރާ ދެމެދަށެވެ
ސެޕްޓެމްބަރު
ނ މީލާދީ ކަލަންޑަރުގެ ނުވަވަނަ މަސް
ޑިސެންބަރު
ނ މީލާދީ ކަލަންޑަރުގެ ބާރަވަނަމަސް
ޑޯލާރަސްކަލުން
ނ ރަސްކަލަކަށް ޖިޒީދެއްވާ ރަސްކަލުން
ޒުލްޙިއްޖާ
ނ (1) ހިޖްރީކަލަންޑަރުގެ ބާރަވަނަމަސް (2) ޙައްޖުމަސް (3) ބޮޑުއީދުމަސް