radheef.info
ރަދީފު


ބޭކަލުން
ނ ފިރިހެނުންގެ ޖަމާޢަތަށް މާތްކޮށް ބުނާގޮތް
ކަކާކަން
ނއނ އަރިހުބޭކަލުންގެ ސަރުދާރުކަން
ކައްކާބަދިގެ
ނ އިހުގައި ގަނޑުވަރުތެރޭގައި ހުރި ބަދިގެއެއް. ގަނޑުވަރުތެރޭގައި ކައްކާ އަހަރުމައްޗާއި މަސްމައްޗާއި ސަމާތެރޭގައި ޒިކުރުވެރީންނާއި ބެރުދުންމާރިވެރީންނާއި ކޮށީ މީހުންގެ ކޮއްތާއި އަރިހު ބޭކަލުންނާއި އަތަރުގޭ މީހުންގެ ކޮއްތު ކައްކަނީ މިތާނގައެވެ
ކައްޗޭ
ނ (1) އިހުޒަމާނުގައި ހަނގުބޭކަލުން ބޮލުގައި އަޅާން ހަނިދިގުކޮށް ރާއްޖޭގައި ވިޔުނު ފޭރާމެއް. (2) މޫދުގައި އުޅޭ ހިމަދިގު ދެކޮޅުއެއްވަރު ދިރޭ އެއްޗެއް (3) މޫދުކައްޗޭ
ކަފަ
ނ (1) ގަހެއްގައިއަޅާ ވަކެއްގެތެރޭގައި ހުންނަ ކެހެރިވައްތަރުގެ ހުދުކުލައިގެ ހާވިޔާއެއްޗެއް. މީގެ ދެވައްތަރެއްހުރެއެވެ. އެއްވައްތަރު ބޭނުންކުރަނީ ފޭރާން ވިޔުމަށާއި ރޮދިއުފެއްދުމަށެވެ. އަނެއްވައްތަރެއް ބޭނުންކުރަނީ ބާލީހަށާއި ގޮދަޑިފަދަތަކެއްޗަށް ލެއްވުމަށެވެ. (2) ބައެއްމޭވާ ފީވެގެންޖަހާ ކަފަހެން ހުންނަފޫ (3) ދަންޑެހެލު ބޭކަލުންނަށް ވީއްލިފައި ހުންނަ ކަލާސީމީހާ (4) ހަވަރުގެ އެކިއެކި މަސައްކަތް ކުރަންވީމާ ދޮށިމޭނާބޭކަލަކު ބޮޑުބޭކަލުންނަށް އަންގާ ފޮނުއްވުމަށް ހުންނަމީހާ (5) މަޖާޒު: ޖަމާޢަތެއްގެ ނުވަތަ ގެއެއްގެ މީހުންކުރެ އެންމެ ބަސްނުވިކޭމީހާ
ކަފަހަނޑޫ
ނ ދަންޑެހެލު ބޭކަލުންނަށް ވީއްލިފައި ހުންނަ ކަލާސީ މީހާއަށާއި ހަވަރުގެ އެކިއެކި މަސައްކަތް ކުރަންވީމާ ދޮށިމޭނާ ބޭކަލަކު ބޮޑުބޭކަލުންނަށް އަންގާން ފޮނުއްވުމަށް ހުންނަ މީހާއަށް ދީއުޅުނު ބަނޑު ހަނޑޫ
ކުއްލާބުތެލި
ނ އިހުގައި ރޯދަމަހު ކޮންމެ ދުވަހަކު އިރު އޮއްސޭއިރަށް ގަނޑުވަރުތެރޭ ކުއްލާބުގެއަށް ފޮނުވާ ކަލިޔާ ބިރިންޖީތެލި. މިތެލީގައި ވިހިނާޅި ހަނޑުލުގެ ބަތާއި އެޔާވާނެ ގުޅަމަހާއި ހަކުރާއި ލޮނުލުނބޯ ހުންނާނެއެވެ. މިއީ އަތޮޅު އަތޮޅު ދެއްވައިފައި ތިއްބަވާ ބޭކަލުންނާއި ބޮޑެތި ފަޅު ރަށްރަށް ދެއްވައިފައި ތިއްބަވާ ބޭކަލުން ފޮނުވަންޖެހޭ ކެއުމެކެވެ. މިފޮނުވާނީ އެކިދުވަހު އެކި ބޭކަލުންނެވެ. މިއީ ގަނޑުވަރުތެރޭގައި އުޅޭ މީހުންނަށް ދޭ ކެއުމެކެވެ މިކެއުން ގެންދާއިރު ލިބުނު އެންމެ ބޮޑު ކުރުނބާ އިހަލެއް ގެންދާނެއެވެ މިކުރުނބާއިހާ ދަނޑި މާރުލައިގެން ގެންދަނިކޮށް ފަގީރުކުދިން މިއިހާ ކަނޑައިލައިގެން ބަހައިލުމީ ހުއްދަކަމަކަށްވާތީ ވަރަށް މަދު އިހަލެއްނޫނީ ގަނޑުވަރުތެރެޔަށް ގެންދެވޭ ކަމަކަށް ނުވެއެވެ
ކުދިހަނދުބޭކަލުން
ނ ހަނގުހަނޑޫ ލިބިފައިތިބި ކުދިބޭކަލުން
ކުދިހަނގުން
ނ ކުދިހަނގުބޭކަލުން
ކުދިރާޅުފަށް
ނ ސާލު ނުވަތަ ސާލުރުމާ ބަންނަވަރުގެ އެދުރުބޭކަލުންގެ އައްޑަނައިގެ ބޭރުކައިރީގައި އަޅާ ކުރެހުމެއް
ކޭންމަތީކޭން
ނ ބޮޑުބޭކަލުންނާއި އަސްކަރު މުސްކުޅިން ފަދަ ބޭކަލުންނަށް ކޭން ގެންދާ ކުދިބޭކަލުންނަށް ހުންނަ ކުދި ކޭން
ކޮއިބޮނޑި
ނ އިހުގައި ހަނގުބޭކަލުންގެ އަނބިން ވިހޭމާ އެމީހަކު އަށީބޭކަލުންނަށް ދޭންޖެހޭ ކެއުމެއް. ނުވަރޭ ފެނުން ނުކެނޑެނީސްދޭނަމަ ކޮންމެވެސް ކާއެއްޗެއް ދެނިކޮށް ފުދުނީއެވެ. އޭގެ ފަސްވެއްޖެނަމަ ދޭންވާނީ ހަތަރުނާޅި އަވެއްޔާއި އެޔާވާނެ އެހެން އެއްޗެއްސެވެ
އަނގަރަކާ
ނ ބޮޑުމުސްކުޅި ބޭކަލުންގެ ޚާއްޞަ ރަސްމީ ލިބާހެއް މިއީ ކަކުލަށްވުރެ ތަންކޮޅެއް މައްޗަށް ހުންނަ ބަނޑުފެޅި ލިބާހެކެވެ މީގެއަތުކުރީގައި އޮންނާނީ ސަންޖާބު އަޅައިފައެވެ
އަރާރިހި
ނ ދަނޑިޔާ ދާ ހަނގުބޭކަލުން ރަށްރަށަށް އެރީމާ ދޭންވާ ލާރި މިއީ އިހުގައި ކުރާ ކަމެކެވެ
އަބާރަނަ
ނ (1) އަންހެނުންގެ ކަރުގައި އަޅާމޮޅުގަހަނާ (2) ދަނޑިބެރުގައި ޖަހާ ލަވައެއް (3) ދަނޑިބެރުގެ ބޮޑެތި ލަވަތަކުގެ ތެރެއިން ލަވައެއް މިލަވަ ޖަހައިއުޅެނީ ޢީދުދުވަހާއި ހުކުރުދުވަހު ރަދުން އަބާކޮޅު ތުރުކުރައްވާން އުތުރުގެކޮޅަށް ވެދެވަޑައިގަތުމުންނެވެ ބަންގި ބެރުޖަހަމުންގޮސް މުދިން ބޭކަލުން ފީކުމުއްޞަލާތި ގޮވައިފައި ގަނޑުވަރަށްދުރުވެ ސުއްޖާދުހިފައިގެން ނުކުމެއްޖެނަމަ ފުމޭނީ އަބާރަނައެވެ ސުއްޖާދުނުލައި ނިކުމެއްޖެނަމަ ބަންގިބެރުހުއްޓާނީއެވެ ދެންމިލަވަޖަހާނީ ސަމާކުޅިހުއްޓާރޭރެއަށް ރަނަހަމައިދިކޮށިން ތިންދަނޑިޔާއި އެއްލާން ނިކުތީމައެވެ މިއިންކޮންމެތާކުވެސް މިލަވަފުމޭނީ ރަދުން ނުކުމެވަށައިގެންނަވަންޏާއެވެ
އަމީރު
ނ (1) ކިލެގެ ބޭކަލުންނާއި ރަސްކަލުންގެ ފިރިހެން ބޭފުޅުންގެ ނަންފުޅުގެ ކުރިޔަށްލާ ލަޤަބެއް (2) އަމުރުކުރާމީހާ
އަސާ
ނ (1) ދޮށިމޭނާ ވެލާނާ ހަކުރާ ފާމުދޭރި މާފަތް ދަހަރާ މިބޭބޭކަލުންނާއި ފަނޑިޔާރުކަމާއި މީރުބަޙުރުކަމާއި ރަނަހަމާންތިކަމާއި ފުރަމާލޭގެ ދެޚަޠީބުކަމާއި މިކަންކަން ޙަވާލުކުރައްވާ ބޭބޭކަލުންނަށް ދެއްވާދަނޑި މިހުންނަނީ ކުރަހައި ލާފެންކޮށްފައެވެ (2) ހިފައިގެން ހިނގާ ލަޓިގަނޑު
އަސާހަނޑޫ
ނ ފުރަމާލޭގެ ދެޚަތީބުންނާއި މީރުބަޙުރާއި ރަނަހަމާންތި ބޭކަލަކާއި މިނޫން ދެންތިއްބެވި އަސާދެއްވާ ބޭބޭކަލުންެކުރެ ކޮންމެ ބޭކަލަކަށް ވީއްލަވައިފައިތިބޭ ހަނގުބޭކަލުންގެ ދެމީހުންނަށް އޮންނަހަނޑޫ މިއީ އެބޭކަލުން އަންގަވާ ކަމެއްކުރާން ތިބޭ ދެމީހުނެވެ މި މީހުނަށް ހަނގުކަމުގެ ތަކެތި އޮވެފައި ވަރުތެރޭގެ މަސައްކަތެއް ނޯންނާނެއެވެ
އަސީދާގުޅަ
ނ އިހު ޒަމާނުގައި ރޯދަވީއްލުމަށްޓަކައި ގަނޑުވަރުތެރޭގައި ހަދާގުޅައެއް މިގުޅަ ހަދާނީ ކުދި ބޭކަލުންނެވެ
އަޞްޙާބު
ނ (1) އެކީއުޅޭމީހުން (2) އަޞްޙާބު ބޭކަލުން
އިރުވައިބަތް
ނ އިހުގައި ދެއްވާ ރަސްމީ ބޮނޑިބަތެއް. މިކަން އޮންނަނީ އިރުވައި ފެށުނީމައެވެ. މިކަން ކުރާނީ ފުރަތަމަ ރޭ އިސްދެވަރަށް ދޮށިމޭނާ ބޭކަލަކު ދެވަނަ ރޭ ހަކުރާދެވަރަށް ހަކުރާ ބޭކަލަކު ތިންވަނަރޭ ވެލާނާ ދެވަރަށް ވެލާނާ ބޭކަލަކު ހަތަރުވަނަރޭ އިސްދެވަރަށް މާފަތް ބޭކަލަކު ފަސްވަނަ ރޭ ހަކުރާ ދެވަރަށް ފާމުދޭރި ބޭކަލަކު ހަވަނަރޭ ވެލާނާ ދެވަރަށް ދަހަރާ ބޭކަލަކު މިޤަވާއިދުންނެވެ. ބަތެއްގައި ހުންނާނީ ނުވަ ގައު ބައެވެ. ހުންނާނީ ހަތަރުމަލާފަތުގައި މަލާފަތެއްގައި ފަންސަވީސް ބަތެވެ. ބަތް ބަލާދާ ކަލާސީއަކަށް ބަތެއް ބުރުޒު ބަނޑޭރިއަކަށް ދެބަތް އޮންނާނެއެވެ. އެގެންދާ ބަތުގެ ތެރެއިން އެކިއެކި ބޭފުޅުންނަށާއި ދައުލަތުގެ މަތީ މަޤާމުތަކުގައި ތިއްބަވާ ބޭބޭކަލުންނަށް ފޮނުވާނެއެވެ. މިބަތް ކައްކާނީ ބޮޑު ބޭކަލުންގެ ގޭގޭގައެވެ. ބޮޑުބޭކަލަކު ނެތްނަމަ ބަނޑޭރިގޭގައެވެ. އަދި މިބަތް ކައްކާނީ ވަރަށް މޮޅަށް ކިރާ ހަނޑުލުގައި ފޮނިތޮށި ކާފޫރުތޮޅި އަޅައިގެންނެވެ