radheef.info
ރަދީފު


ބަލި
ނ (1) ހަށިގަނޑުގެ ހިނގުމަށް ބުރޫއަރާ ސަބަބު (2) ޞިއްޙަތަށް ގެއްލުން ލިބޭގޮތުން ހަށިގަނޑަށް ހުށަހެޅޭ ކަންތައް (3) ބާރުދެރަ (4) ވަރުދެރަ (5) ދުޅަހެއިކަމުގެ އިދިކޮޅު (6) ވަރުގަދަ ކަމުގެ އިދިކޮޅު (7) ވައިބާރުކަމުގެ އިދިކޮޅު
ނާރުގޮށްޖެހުން
މ ރާއްޖެބަލިޖެހިގެން ނާރުތައް ކުރުގެޅުން
ނިކަމެތި
ނއ (1) ހާލުދަތި (2) ހަށިގަނޑުގެ ޟަޢީފު (3) ބަލިކަށި (4) ފަޤީރު
ނިކަމެތިކަން
ނއނ (1) ހާލުދަތިކަން (2) ހަށިގަނޑު ޟަޢީފުކަން (3) ބަލިކަށިކަން (4) ފަޤީރުކަން
ނިކަމެތިވުން
މ (1) ހާލުދަތިވުން (2) ހަށިގަނޑު ޟަޢީފުވުން (3) ބަލިކަށިވުން (4) ފަޤީރުވުން
ނިދިންހޭލުން
މ ހިތާއި ސިކުނޑިއާއި ހަޑިގަނޑަށް ލިބޭ ވަރުބަލިކަން ފިލުވައި އަރާމު ދިނުމަށްޓަކައި ތަބަޢީގޮތުން ހަށިގަނޑަށް އަންނަ ވަގުތީ ބަދަލު އައުމަށްފަހު އިހުހުރި ޙާލަތަށް ރުޖޫޢަވުން
ނިދުން
މ (1) ހިތާ ސިކުނޑީޔާ ހަށިގަނޑަށް ލިބޭ ވަރުބަލިކަން ފިލުވާ ޠަބިޢީ ގޮތުން އަރާމު ލިބިދިނުމަށްޓަކައި މުޅިހަށިގަނޑަށް އަންނަ ވަގުތީ ބަދަލުއައުން (2) ހޭލާހުރުމުގެ އިދިކޮޅު (3) މަޖާޒް: ހަރަކާތެއްނެތި ހިމޭނުންވުން
ނުކުޅެދުން
މ (1) ބުއްދީގެ ގޮތުން ނުވަތަ ޖިސްމާނީ ގޮތުން އުނިވެފައިވުން (2) ގުނަވަނަކަށް ލިބިފައިވާ ގެއްލުމަކުން ދާއިމީ ގޮތުގައި ބަލިވުން މަޖާޒު: (3) ކަމެއް ވެވޭނޭގޮތްނެތުން (4) ކަމެއްގެ ލަޔާޤަތާއި ޤާބިލިއްޔަތު ނެތުން
ނުކުޅެދޭމީހާ
ނ (1) ބުއްދީގެގޮތުން ނުވަތަ ޖިސްމާނީ ގޮތުން އުނިވެފައިވާމީހާ (2) ގުނަވަނަކަށް ލިބިފައިވާ ގެއްލުމަކުން ދާއިމީ ގޮތުގައި ބަލިވެފައިވާމީހާ މަޖާޒު: (3) ކަމެއް ވެވޭނޭގޮތް ނެތްމީހާ (4) ކަމެއްގެ ލަޔާޤަތާއި ޤާބިލިއްޔަތު ނެތްމީހާ
ނުކެރިއިނުން
މ ބަލިވެއިނުން
ނުކެރުން
މ (1) ޖެހިލުންވުން (2) )ހ ( ބަލިވެއުޅުން
ރަށްބަންދުކުރުން
މ (1) ވަކިމުއްދަތަކަށް ރަށަށް މީހުންއަރާ ފޭބުން މަނާކުރުން (2) ރޯގާބަލިމަޑުކަމުން ރަށް ސަލާމަތް ކުރުމަށް ފަންޑިތަ ހެދުން
ރަށްމެދަށް ބަލިވެއިނުން
މ ނަހަލާލަށް ބަލިވެ އިނުން
ރަކިސްއެރުން
މ )ނ ( ވެއްޓޭބަލި ޖެހުން
ރަވޯ
ނ ކުޑަކުދިންނާ ފޮށިގަންނަކަމަށް ބުނާ ދެތްވެއް މީގެ އުނދަގޫ ޖެހުމުން ކުއްޖާ ބަލިވެއުޅެން ފަށައެވެ މަތިބަލައި ރޮއިހަދައެވެ ބޮޑުވުން ހުއްޓި ކަޅުކަޅީގެ ކުލަ ހުދުވެއެވެ ބޯބޮޑުވެ ގާތުން ކިރު ނުބޯންއުޅެއެވެ މިބަލިޖެހިފައިތިބޭ ކުދިންނަށް ރަވޯ ކައިފައިތިބޭ ކުދިންނޭ ކިޔައެވެ
ރަވޯވުން
މ ރަވޯބަލި ޖެހުން
ރަމަންނެގުން
މ (1) ބިރުގަނެގެން ނުވަތަ ދެހާ ތަޅައިގެން ބަލިވާ ހައު ކެޔޮފޮތީގެ ފަހަތުގައި ހުންނަ ފަތްކޮޅު އުފުލުން އެހެންވެސް ޖަނަވާރު އެއަށްވުރެ ގަދައެއްޗެއް ފެނުނީމާ ބިރުން ދިއުމަށްވެސް ކިޔަނީ މިހެންނެވެ (2) މަޖާޒު: މީހަކު މާމޮޅު މީހަކަށް ހެދިގެން އުޅެނިކޮށް މޮޅުމީހަކު އައީމާ ހެދިގެން އުޅޭ މީހާ ދެރަވުން
ރަތްފަށަލަ
ނ ލޮލުގެބައްޔެއް މިބަލިޖެހެނީ ފުރަތަމަ ބޮލުގެމެދުގައި ވަރަށް ގަދަޔަށް ރިއްސާފައެވެ މިބަލިޖެހުނީމާ ލޮލުގެ ކޮއި ބޮޑުވެ މުޅިލޯ ވަރަށް ރަތްވާނެއެވެ
ރަތްފިތަލި
ނ ހަމުގެ ބައްޔެއް މިބަލިހުންނަނީ ރަތްކޮށް ބޯކޮށްނަގައިފައިހުންނަ ބިހިގަނޑުގަނޑަށެވެ
ރަތްދުވަނި
ނ ދުވަނީގެ ރަތްބާވަތް މި ބަލި ގިނައިން ޖެހެނީ ޅަކުދިންނަށެވެ
ރަސްދޯނގި
ނ ދޯނގީގައި ނަގާ ބައްޔެއް. މިބަލި ނަގަނީ ގަނޑެއްގެ ގޮތަށެވެ. މިގަނޑު ނެގުމަށްފަހު ކުޑަކަޅުވާމަހާއި ފަލަމަސްގަނޑާ ހަމައަށްވެސް އެބަލީގެ އަސަރު ފެތުރިގެންދެއެވެ ދޮސްގަނެ އުމަގުވެއެވެ