radheef.info
ރަދީފު


ކުރާ
ނ (1) ބިންބިއާއި އުރައާއި ކުދިބަތްފަދަ ގަސްގަހާއި އަދި މިގޮތަށް ހެދޭ ބައެއް ވިނަގަސްގަހުގެ އޮށް ހުންނަ މާގަނޑު (2) މިސްކިތު ލާގެ ފަދަ ތަންތާނގައި ނަމޫނާ ކުރައެއްގެ ސިފައިގައި ވައްގަޑު ނެތި ލިޔެފައި ހުންނަ ކުޑަ ތަނބެއް (3) ވައްގަޑުން އެއްޗެހި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު މިސާލު: )ހ( ނަމޫނާކުރާ )ށ( ސައިކުރާ
ކޮންޓްރެކްޓްކުރުން
މ (1) ކުރާވަކި ކަމެއްގެ ބަދަލުގައި އަގެއް ނުވަތަ ޚިދުމަތެއް ދިނުމަށް ދެފަރާތެއްގެ ދެމެދުގައި އެއްބަސްވުމެއް ލިޔެ ސޮއިކޮށް އެއްބަސްވުން (2) ދެމީހެއްގެ ދެމެދުގައި ނުވަތަ ދެމީހުންނަށްވުރެ ގިނަބައެއްގެ މެދުގައި އެއްބަސްވުން )މިއެއްބަސްވުމަކީ ޤާނޫނު ޤަބޫލުކުރާ ނުވަތަ ޤާނޫނު ބާރުދޭ އެއްބަސްވުމަކަށް ވާންވާނެއެވެ
ކޮރުނެގުން
މ (1) ކޮންނަ ރޮންދާއަކުން ލަކުޑިގަނޑެއްގެ ހަނިއަރީގެ މެދުތެރޭން ހަނިދިގުކޮށް ކޮނުން. މިއީ ދޮރުފަތްފަދަ އެއްޗެހި ޖެހުމުގައި ފިލާ ލެއްވުމަށް ކުރާ ކަމެކެވެ. (2) ކުޅި ޖެހުމުގައި އެއްފައިތިލަ އަނެއް ފައިގެ ކުޑަކަޅުވާމަހުގައި ކާއްތަމުން ދޯނތްގާ ހަމައަށް ނަގައިފައި މައްޗަށް ފުންމައިގަތުން (3) ރުޅި އައިސްގެން އެއްޗެހިގޮވުމުގެ ތެރޭގައި ވައްތަރު ޖައްސަމުން އެގޮތް މިގޮތަށް ފުމުން (4) ބާވަތެއްގެ ފުމުމެއް މިއީ ފަންޑިތަ ހެދުމުގައި އަޖިދައަށް ޖައްސާ ވައްތަރެކެވެ މިވައްތަރަށް އަޖިދައަށް ކޮރުނެގުން ވެސް ކިޔައެވެ
ކޮރުދަން
ނ (1) ބަޑިރޯކުރާ ފޮލިސާއަށް ލައްވާން ފޮތީން ނުވަތަ ކަފައިން ދެއުޅިޔަށް ޅަކޮށް އަނބުރާ އެއްޗެއް (2) ބަޑިރޯކުރާ ފޮލިސާއަށް ލައްވާން ފޮތީން ނުވަތަ ކަފައިން ކުރުފަލަކޮށް ޅަކޮށް އަނބުރާ އެއްޗެހި
ކޮރުދެމުން
މ ކުޅިޖެހުމުގައި ފައިން ހަދާގޮތެއް. މިކަން ކުރާގޮތަކީ ތިރިވެ ދާނޑުގައި އޮވެފައި ފަހަތުލައި ކުރިއަށް ގެންނަމުން ތެދުވެ ކުރީގައި ހުރި ފައިގެ އިނގިލިތައް ވަށައިލައި ރޮނގެއް އަޅައިފައި އިހުއޮތް ގޮތަށް ފަހަތަށް ގެންދަނީއެވެ
ކޮބާ
އކ (1) ނުފެނިގެން އުޅޭ އެއްޗެއް ވީތަނެއް އެނގޭތޯ ނުވަތަ ކަމެއް އޮޅުން ފިލުވާން ސުވާލުކުރުމަށް ބޭނުންކުރާ އަކުރެއް. މިސާލު: )ހ( މަގޭރުމާ ކޮބާ؟ )ށ( ކަލެއާ ޙަވާލުކުރި ކަންތައް ކޮބާ؟ (2) މީހަކު މިވެނި ގޮތަކަށް ކަމެއް ވެދާނެޔޭ ބުނެފައި އޮއްވާ އަނެކަކު އެބަސް ނާހައި އެކަންތައް ކޮށްގެން ކުރީގައި ބުނިމީހާ ބުނިގޮތަށް ކަންތައްވީމާ އެކަމެއް ކުރިމީހާއާއި ދިމާއަށްބުނެ އުޅޭ ބަހެއް މިސާލު: ކޮބާ މަބުނިގޮތަށް ނޫންހޭވީ (3) ނިކަން މިސާލު: ކޮބާދީބަލާ
ކޮޅި
ނ (1) ވިއްސާރަވިލާ (2) ގޮވާން ގަހުގެ ކުރާ
ކޮޅު
ނ (1) އެއްޗެއް ނުވަތަ ކަމެއްގެ ނިމޭތަން ނޫނީ ފެށޭތަން (2) ކުޑަކަމާއި މަދުކަމުގެ މާނައިގައި ބޭނުންކުރާ ބަހެއް މިސާލު: )ހ( ގާކޮޅެއް )ށ( އެތިކޮޅެއް (3) ބައެއް އެއްޗިއްސަށް މާތްކުރުމަށްޓަކައި އެތަކެތީގެ ނަމުގެ ފަހަތަށް ގެންނަބަހެއް މިސާލު: )ހ( ހަށިކޮޅު )ށ( ގެކޮޅު )ނ( ފަތްކޮޅު
ކޮޅުވެއްޓި
ނ މީހުންނާއި މުދައު އެއްތަނުން އަނެއްތަނަށް ގެންދާން ބޭނުންކުރާ އިންޖީނުލީ އުޅަނދެއް މީގެ ދިރުބާކޮޅު ހުންނަނީ ހަމައަށެވެ މިތަން ވައްޓައި ނަގާ ހެދެއެވެ
ކޮޅުމާ
ނ (1) އޮޑި ދޯނިފަހަރުގެ ހެރި ކުރާއިރު ދިރުނބާކޮޅުން ނުކުންނާން އޮންނަތަނާއި އެތަން ނިވާކުރާން އެލުވާފަން (2) އޮޑިހަރުގޭގެ ވައިމައްޗަށް ހުންނަކޮޅު ބައްދާންޖަހާ ބިތްގަނޑު
ކޮޅުމުގުލަށް އެރުން
މ (1) ވަލުގެ ކޮޅަށް ދިއުން (2) ދޫކުރާނެ ތަންހުސްވުން (3) ކޮޅުންލުން (4) މައްސަލައެއް ނުވަތަ ކަމެއް އެންމެ މައްޗަށް ދިއުން (5) މަޖާޒު: ހަދާނެ އެއްވެސް ގޮތެއް ނެތުން
ކޮޅުފައި
ނ (1) ދަށްފައި (2) ފައިގެ ކުރީކޮޅު ]މިބަސް ކިޔައި އުޅެނީ ފައިގެ އެ ހިސާބުން ކުރާއަމަލަކާ ގުޅުވައިގެންނެވެ މިސާލު: )ހ( ކޮޅުފައިން ޖެހުން )ށ( ކޮޅުފައިލުން
ކޮޅުދާލި
ނ (1) ވަޑާން ކުރާއިރު އެއްޗެހި ހަދައިފައި އިތުރުވާ ލަކުޑީގެ އެތިއެތިކޮޅު (2) ބައެއްކަހަލަ އެއްޗެހިން ހަދައިފައި އިތުރުވާ ތަކެތި މިސާލު: ކޮޅުދާލި ކަރުދާސް
ކޮކޯ
ނ (1) ކޮކޯގަހުގެ އޮށް މުގުރައިގެން ތައްޔާރުކުރާ ފުށެއް މިފުށް ހުންނަނީ މުށިކުލައިގައެވެ (2) ކޮކޯ އޮށުގެ ފުށުން ތައްޔާރުކުރާ ބުއިމެއް
ކޮއްމަސްބުރި
ނ (1) ހަތަރެސްފައި ނެތް އިންސާނާ (2) ޚިޔާލީ ފުރޭތައެއް މިއީ ހަތަރެސްފައި ކަނޑައިލައިފައި އޮތް ހަށިގަނޑެއްހެން އޮންނަ އެއްޗެއް ކަމަށް ބުނެއުޅެއެވެ (3) މަޖާޒު: މަސައްކަތްނުކުރާ ކަންނެތްމީހާ
ކޮއްޗޭފަތް
ނ ހުވަނދުބޭހަށް ބޭނުންކުރާ ފަތެއް މިއީ ފަތުގެ ބޭރުގައި ކުދި ކެހެރިތަކެއް ހުންނަ މީރުވަސްދުވާ ފަތެކެވެ ފަތް ހުންނާނީ ތުނޑުތުނޑުލާފައެވެ މިފަތުގެ ތަނޑު ކުރުވާނެއެވެ
ކޮމާކޯޅި
ނ ލިޔުމުގައި ބޭނުންކުރާ ނިޝާނެއް މިނިޝާން ވައްތަރުވާނީ ޖެހިޖެހިގެން ޖަހާ ދެކޮމާއާއެވެ މިނިޝާން ބޭނުންކުރަނީ އެހެން މީހެއްގެ ޢިބާރާތެއް އޭނާ ބޭނުންކޮށްފައިވާ ގޮތަށް ލިޔުމުގެ ތެރޭގައި ބޭނުން ކުރާއިރުއާއި ލަފުޒަކުން ދޭހަވާމާނަނޫން މާނައެއްގައި އެލަފުޒު ބޭނުން ކުރާއިރު އެ ޢިބާރާތެއްގެ ނުވަތަ އެލަފުޒެއްގެ ފެށޭތަނުގައާއި ނިމޭ ތަނުގައެވެ
ކޮފުން
މ ކެއުން ދިއުން އައުން ވަނުން މިލަފުޒުތަކަށް އެންމެ ހުތުރުކޮށް ބޭނުންކުރާގޮތް
ކޮތަރި
ނ (1) މަހުގެ ބުރިކަށިމަތީގައްޔާއި މަހުގެ ބަނޑުދަށުން ފޫޅުދަނޑީން ތިރީގައި ހަނިކޮށް ތުނޑުތުނޑަށް އުފުއްލާފައި ހުންނަފަށް (2) ދުންމާރި އެދުރުމީހާގެ ދުންމާރީގެ މަތީފަރާތުގައި މަހުގެ ކޮތަރިފާޑަށް ގުދުކޮށް ހަރުކޮށްފައި އޮންނަ ތުނޑުބައެއް މިހަރުކުރާނީ ރަސްމީ ބޮޑެތި ދުވަސްދުވަހަށެވެ
ކޮލި
ނ (1) ބޯޅައެއްހެން ބަނޑު ފުފިފައި ހުންނަ މަހެއް މިމަހުގެ ހަމުގައި ތޫނު ނުވަތަ ރާޅު އުންތަކެއް ހުރެއެވެ (2) އެއްޗެހީގެ އަރިމަތިންނާއި މެދުތެރޭން ފުފިފައި އޮންނަ ފުފުން ނުވަތަ ފުފިފައި އޮންނަ ތަން (3) އިހުގައި ރަސްމީ ބައެއް ލަގަބު އިއުލާނުކުރުމަށްޓަކައި ކުރާ ރަސްމީ ކަމެއްގެ ނަން
ކޮލިލުން
މ އިހުގައި ރަސްމީ ބައެއް ލަޤަބާއި ރަސްމީ ބައެއް ޚާއްޞަ ކަންތައްތައް އިޢުލާން ކުރުން. މިކަންކުރާގޮތަކީ މިކަމަށް ޚާއްޞަވެފައިވާ މީހަކު ފުޅިދޮށުއަށީގެ ލޯގަނޑު ހިފައިގެން ކޮލިކިޔަން ކަނޑައެޅިފައިވާ ތަންތަނަށް ހުއްޓި ކޮލީގެ ޢިބާރާތްކިޔައި ޤަވާޢިދެއްގެ މަތިން ލޯގަނޑުގައި ޖަހަމުން ކޮލި ހިނގާމަގު ވަށައި ހިނގަނީއެވެ މިކަންކުރަނީ ކޮލިކަލޭގެއެވެ