radheef.info
ރަދީފު


އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
ކުނބުރު
ނ (1) ކަޅުރަތް ކުލައިގެ ފަތިކޮށް ވައްކޮށް ހުންނައޮށެއް. މީގެ މަދު ބޭހަށް ބޭނުންކުރެއެވެ. މިއީ ވެލެއްގައި އަޅާ އެއްޗެކެވެ. މިވެލުގެ ފަތް ހުންނަނީ ވަށްކޮށް ގޮނިކޮށެވެ. މިފަތް ބޯވާނެއެވެ. (2) ސިފައިންނާ މަގު ހިނގާމީހުން ފެން އަޅައިގެން ގެންގުޅޭ ވަށްކޮށް ފަތިކޮށް ހުންނަ ކަންވާރެއް (3) އިހުގައި ބަޑިބޭސް އަޅައިގެން ކަރައިން ގެންނަ ކަންވާރެއް (4) ފެންއަޅަން ގެންގުޅޭ ކަޅުމުށީގެ މުޑުކާ
ކުނބުކޮށި
ނ އޮޑިދޯނިފަހަރުގެ ކުނބު ނެގުމަށްޓަކައި ކުނބުވަތުގެ ދެތަލުގެ ދޭތެރޭ މެދުގައި ކުނބު އިންނަފަތާއެކު ތިން ފަރާތުގައި ފިލާޖަހައިގެން ހަދައިފައި ހުންނަކޮށި. މިއީ ކުނބުގެ ފޫ ވަނޮޅަށް ފައްތައި ކުނބުނަގާއިރު ފަރާތް ފަރާތަށް ކަސިޔާރުވެގެން ދިޔަ ނުދިއުމަށްޓަކައި ހަދައިފައި ހުންނަ އެއްޗެކެވެ
ކުނބުއިންނަފަތް
ނ ކުނބު އިންނަ ފަތްބައިގައި އެންމެ މަތީ އިންނަ ފަތްގަނޑު
ކުނބުތަން
ނ ކުނބު ވައްގަނޑާއި ކުނބު އިންނަފަތާއި ދޭތެރޭގެ އިހިބައި
ކުނބޯ
ނ (1) ހުދުކުލަޔާއި އަޅިކުލައިން ކުކުޅު ހާލުގައި އެޅިފައި ހުންނަ ކުރެހުމެއް (2) ކޮވެލި
ކުނޑިކޭވާހަކަ
ނ މަޖާޒު: މީހާގެ ކިބައިން ވެފައިއޮންނަ ދެރަކަމެއްގެ ވާހަކަ
ކުނަހަނގާލި
ނ ބޭހަށް ބޭނުންކުރާ ފަތްޕިލާވެއްޔެއް މީގެފަތް ހުންނާނީ ހުސްނުހީނާ ގަހުގެ ފަތާ ވައްތަރުކޮށް އެކަމަކު ރޫޖެހިފައެވެ ގަސްގަނޑުގެ ފަލަމިން ތިންއިންޗި ވަރުވާނެއެވެ އުސްމިން ހުންނާނީ ގާތްގަޑަކަށް 6 ފޫޓު ވަރަށެވެ މިގަހުގެ އޮށްތައް ހުންނާނީ ބޮނޑި ބޮނޑިޔަށެވެ މިއަށް ނިތުބަޑި ކިޔައެވެ އެއީ ނިތުގައި ޖައްސައިގެން ފެޅޭއިރު އަޑު ގޮވާތީއެވެ އަދި ވަލުކުރަދިވެސް މިގަހަށް ކިޔައެވެ
ކުނާ
ނ (1) ވަކައާއި ސުތުލިފަދަ އެއްޗެއް ދިގަށް ފުރައިގެން ހައިން ނުވަތަ އެފަދަ އެހެން އެއްޗެހީން ވިޔާތަކެތި (2) ގަދަ އަލި ބަލަން ނުކެރިގެން ލޮލަށް ހަދަންޖެހޭ ގޮތް
ކުނިމިލަ
ނ (1) ހަމުގައި ހުންނަ މިލައާއި އެމިލައިގައި ތަތްލައިފައި ހުންނަ ހިރަފުސް (2) ގައިން ހިއްލާދަލާއި އެކުވެގެން ހަމުގައި ހުންނަ ހަޑިތަކެތި
ކުންނު
ނ ބޮޑެތި ގަލުން ނުވަތަ ފަރުބަދައިން ބޭރަށް ނުކުމެފައި ހުންނަ މުލި
ކުންފަތެ
ނ )ގ ( ކުނބު އިންނަފަތް
ކުރަފަތްއެޅުން
މ (1) އަމިއްލައަށް މަރުވުމުގެ މަޤްޞަދުގައި ކުރަފަތުން ގައިގެ ތަނެއް ކަފައިލުން (2) ނުރުހުމާއެކު އިންސާނެއްގެ ގައިގެ ތަނެއް ކުރަފަތަކުން ކަފައިލުން
ކުރި
ނ (1) ކޮޅަށްހުރި އެއްޗެއްގެ މަތީކޮޅު. (2) ގަސްގަހާއި އޮފީގެ މަތީކޮޅުގެ ޅަތަން. (3) ގަސްގަޑުން ފަޅާ ޅަނިރު. (4) މޫނުހުރި ދިމާ. (5) އަންނަން އޮތްތަން. (6) ވޭތުވެދިޔަތަން. )ނއ.( (7) ކަންތަކަށް މޮޅު. (8) ދަރަޖައިން މަތިވެރި. (9) ކުރުން މިބަހުގެ ނިމިނިމުނުކަން
ކުރިބައި
ނ )ޅ.( މަސްއައިނުގައި ކުދިމަސް ބާނަން ގެންގުޅޭ އެންމެ ހިމަ ކުދިދޮށި މަސްއައިނުގައި ދަހިކޮށް ކުދިމަސް ބާނައިއުޅެނީ ކުރިބައިންނެވެ
ކުރިގަނޑު
ނ (1) ރުއްރުކުގެ ފަން ހުންނަ ހިސާބު (2) ދިވެހިރުކުގެ ކުރީގެ ކާން ކަމުދާ ޅަތަން (3) ޕޫލްކޮޕީގަހުގެ ފަތްބޮނޑި (4) އިންދަން ގެންދާ ކައްޓަލަކުރީގެ ބޮނޑިވަރު
ކުރިޖެހިބަތް
ނ ޅަކޮށް ކައްކައިގެން ކެޔޮފަތު ހޮޅިޔަށް އަޅައިފައި ހުންނަ ބޮނޑިބަތް. މިހޮޅީގެ ދެކޮޅު ފަތްގަނޑު ހުންނާނީ ބޮނޑިބަތް ރޯލުގެ ކޮޅަށް ވައްދާ ލައިފައެވެ. މީގައި ހުންނާނީ އަށެއް ނުވައެއް އިންޗީގެ ދިގުމިނެވެ. ފަލަ މިނަކީ މެދުމިނު މީހެއްގެ އަތުކުރީގެ ފަލަމިނެވެ. މިއީ އޮލީފަދަ ރަސްމީ ކަންތަކުގައްޔާއި ރަށްރަށުގެ މައުލޫދުގައި ޅެންކިޔާ މީހުންނަށް ހުންނަ ބަތެކެވެ
ކުރިޖެހުން
މ ކައްޓަލަ ވެޔޮ ބުރިބުރިކޮށްގެން އިންދުން
ކުރީކޮޅު
ނ (1) ފެށޭކޮޅު (2) ފަހަތުކޮޅުގެ އިދިކޮޅު (3) ހިނގަމުންދާ ކަމެއްގެ ފެށުނު ހިސާބު (4) ކޮޅަށް ޖަހައިފައި ހުންނަ އެއްޗެއްގެ މަތީކޮޅު (5) ދުއްވާ މީހާ ދުއްވަން އިންނައިރު ކުރިމަތިލައިގެން އިންނަ ދިމާއިން އެ އެއްޗެއްގެ ކުރި
ކުރުހިނގުން
ނ ކުޑަތަން ކޮޅެއްގެ ތެރޭގައި ދެކޮޅަށް ދެކޮޅަށް ގިނައިން ހިނގުން
ކުރުނބާފުޅާދިއުން
މ ދޮށުން ތިބި ޒަމާނުގައި ރަމަޞާންމަހު ކޮންމެ ދުވަހަކު ހަވީރު ގަނޑު ވަރުތެރޭގެ ބޭފުޅުން ތިއްބަވާ ތަންތަނަށް ކުރުނބާފުޅު ހިފައިގެން އެމީހުން ރަސްމީ ހެދުމުގައި ދިއުން މިއީ ދައުލަތުގެ ފަރާތުން އެ ބޭފުޅުންނަށް ކަނޑައަޅައިފައިވާ ކަންތަކުގެ ތެރެއިންކަމެކެވެ