radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
ޠަވާފުކުރުން
މ (1) ކަޢުބަތުﷲގެފުޅު ވަށައިގެން ހަތްފަހަރު ހިނގުން (2) މަޖާޒު: ތަނެއްގެ ވަށައިގެން ބުރުޖެހުން
ޝަފާޢަތްފުޅަށްޖެހުން
މ އިހުގައި ޞަލަވާތްފުޅަށް ވަތްކޮށްފައި ވަލީވެރީންގެ ފާތިޙާފުޅަށް ވަކިން ބަތްކޮޅެއް ވަތްކުރުން. މިކަން ކުރާގޮތަކީ ލާހި ބޯތައްޓަކަށް ބަތްއަޅައި ބާރުކޮށްފައި ޞަލަވާތްފުޅުތަށީގެ އެއްއަރިމައްޗަށް ބޯތަށި ބަންޑުން ޖަހަނީއެވެ ދެން ބޯތަށި ނަގާއިރު ހުންނާނީ ބޮނޑިބަތެއް ހެންނެވެ
ޤަދަރު
ނއ (1) ޝަރަފު (2) ޢިއްޒަތް (3) އިޙުތިރާމު (4) ޚާއްޞަ މަތިވެރި އިޙްތިރާމް (5) އުޅުމާއި އަޚްލާޤުގައި ހުންނަ މާތްކަން
ޤަދަރުއުފުލުން
މ (1) ޝަރަފުއިތުރުވުން (2) ޢިއްޒަތް ބޮޑުވުން (3) އިޙްތިރާމް ބޮޑުވުން (4) އުޅުމާއި އަޚްލާޤުގައި ހުންނަމާތްކަން އެހެން މީހުން ބޮޑަށް ބަލައިގަތުން
ޤަދަރުވެރިން
މ (1) ޝަރަފުވެރީން (2) ޢިއްޒަތްތެރީން (3) އިޙްތިރާމްކުރެވޭ މީހުން (4) ޚާއްޞަމަތިވެރި އިޙްތިރާމް ލިބިފައިވާ މީހުން (5) އުޅުމާއި އަޚްލާޤުގައި މާތްގޮތް ހުންނަ މީހުން (6) ބޮޑުން
ޤަދަރުވެރިކަން
ނއނ (1) ޝަރަފުވެރިކަން (2) ޢިއްޒަތް ތެރިކަން (3) އިޙްތިރާމް ލިބިގެންވާކަން (4) އުޅުމާއި އަޚްލާޤުގައި މާތްކަން ހުންނަކަން
ޞަލީބު
ނ (1) ޢީސާއީން )ކްރިސްޓިޔަނުން( ގެ މުޤައްދަސް ނިޝާން. (2) މީހުން އަރުވައި މޮހޮރު ޖަހައިފައި ބަހައްޓައިގެން މަރަން ބޭނުންކުރާ ކާލިގަނޑެއް
ޝަޚްޞިއްޔަތު
ނ (1) މީހެއްގައި ހުންނަ މީސްވަންތަކަން (2) އިންސާނެއްގައި ހުންނަ އިންސާނީ ވަންތަ ކަމުގެ ސިފަތައް
ޤާބިލިއްޔަތު
ނ މީހެއްގެ ކިބައިގައި ހުންނަ ކަމެއް ކުރުމުގެ ކުޅަދާނަކަން
ޢާއިލާ
ނ (1) ތިމާގެ މީހުން (2) ދަރިކޮޅު (3) ތިމާގެ މައްޗަށް އެމީހުންގެ ނަފަޤާތް ދިނުން ވާޖިބުވާ މީހުން
ޝާއިޢުކުރުން
މ (1) ލިއުމެއް ޗާޕުވެގެން މީހުންގެ ތެރެއަށް ނެރުން (2) ލިއުމެއް މީހުންގެ ތެރެއަށް ނެރެ ހާމަކުރުން
ޝާއިޢުވުން
މ (1) ލިއުމެއް ޗާޕުވެގެން މީހުންގެ ތެރެއަށް ޢާންމުވުން (2) ލިއުމެއް މީހުންގެ ތެރެއަށް ނެރެވި ހާމަވުން
ޤިބުލަބެލި
ނ ޤިބުލަވީ މިސްރާބު ހޯދުމަށްޓަކައި ތައްޔާރުކޮށްފައި ހުންނަ އާލަތެއް. މިހުންނަނީ އެކި ގައުމުތަކަށާއި އެކި ހިސާބު ހިސާބަށް ނަންބަރުތަކެއް ދީފައި އެމީހަކު ބޭނުންވާ ނަންބަރަކާ ދިމާއަށް ކަށި ހުއްޓައިލުމުން ޤިބުލަވީ މިސްރާބު ތީރަކުން ދައްކާގޮތަށެވެ
ޞިއްޙަތު
ނ (1) ދުޅަހެއި (2) ގަދަވެ ސަލާމަތުން ހުންނަ ހުރުން
ޤިޔާމަތްދުވަސް
ނ (1) މަޙްޝަރު ދުވަސް )އެދުވަހުން މަރުވެފައިތިބޭ އެންމެން ދިރުއްވައި އެމީހުންގެ ޢަމަލުތަކުގެ ހިސާބު ބައްލަވާނެއެވެ ( (2) މާތްﷲ އަޅުތަކުންގެ ޢަމަލުތަކުގެ ހިސާބު ބައްލަވާނެ ދުވަސް (3) ދުނިޔެ ހުސްވާ ދުވަސް
ޤުރައިޝުން
މ ޤުރައިޝް ވަންހައިގެ މީހުން
ޝުކުރުކުރުން
މ (1) އަނެއް ފަރާތަކުން ކޮށްދޭ ހެޔޮކަމެއް ޤަބޫލުކުރާކަން ފާޅުކުރުން (2) މިންވަރު ފުޅަށް ރުހުން
ޤުދުސު
ނ ޖުރޫސަލަމް މިއީ ފަލަސްތީނުގެ ރަށެއްގެ ނަމެވެ މަސްޖިދުލް އަޤްޞާހުންނަނީ މިރަށުގައެވެ
ޝޮކުދިނުން
މ ކަރަންޓުން ޝޮކުދީގެން ދޭ ފަރުވާދިނުން މިއީ ސިކުނޑި ހަމަނުޖެހޭ މީހުންނަށްދޭ ފަރުވާއެކެވެ
ޝޯރޫމު
ނ ތަފާތު ވައްތަރުގެ މުދާ މީހުނަށް ދެއްކުމަށްޓަކައި ބަހައްޓައިފައި ހުންނަތަން