radheef.info
ރަދީފު


ދި
ނ އަންހެންދަރި
ނަރުދޭވާނި
ނ )ޅ ( ލަކުޑީގައި އަޅާ ފަންޏެއް މިއީ ފައި ގިނަ ކަޅުރަތްކުލައިގެ ފަންޏެކެވެ މިފަނީގައި ކޮއްޓާލުމުން ބަޅުވެ ދެކޮޅުޖެހޭ ވަރަށް އޮޅިގަނެއެވެ އަދި އޮޅިފައިވާ ވަގުތު ވަރަށް ހަރުކަށި ވާނެއެވެ
ނަރުގިސް
ނ ފިޔާގަހުގެފަތް ކަހަލަ ހިމަފަތްތަކެއް ހުންނަ ތަނޑިދިގުމަލެއް އަޅާގަހެއް މިއީ އަޑިއަށް ގޮނޑިފައިބާ ލިލީއާއިލާގެ ބާވަތެކެވެ
ނަރެއްހާތަން ދޫކޮށްލިއްޔާ ކެނބެއްހާތަން ދަމައިގަންނާނެ
(މުސްކުޅިބަހެއް) ޤާނޫނާއި ގަވާއިދުފަދަ ކަންކަމަށް ކިތައްމެކުޑަ ލުޔެއް ދިނަސް ލިބުނު ލުޔަށްވުރެ ބޮޑަށް އެލުއީގެ އެކަށީގެންނުވާ ފައިދާ ނަގާނޭ ބުނުމަށް ބުނެއުޅޭ ބަހެއް
ނަކަލުކުރުން
މ (1) އަސްލާ އެއްގޮތަށް އެއްޗެއް ހެދުން ނުވަތަ ލިއުން (2) ލިޔެފައިވާ ލިޔުމެއް އެހެން އެއްޗަކަށް ނެގުން (3) ހެދިގެން އުޅުން މިސާލު: އޭނާ އުޅެނީ އަހަރެން ނަކަލުކޮށްގެންނެވެ
ނަކަސްތެޅުން
މ ޖިމާޢުވުމުގައި ފިރިހެންމީހާއަށް އެދުންފުދުމަށްފަހުގައިވެސް ޖިމާޢުވުމުގެ ހަރަކާތް ހުއްޓާނުލައި ކުރިޔަށް ގެންދިއުމަށް މަސައްކަތްކުރުން ތިޔަކުރަނީ ތާކުންތާކު ނުޖެހޭ ކަންތަކޭ ބުނަންވެސް މިހެން ބުނެއުޅެއެވެ
ނައި
ނ (1) މޫދުގައި ހަރުކޮނެގެން އިންނަ އިހިފާޑުގެ ކުޑައެއްޗެއް މިކަށި ޖަހައިފިނަމަ ވަރަށް ދިލަ ނަގާނެއެވެ (2) )ޅ ( މަސްކާށި ދޫންޏެއް ކަހަލަ ފެހިކުލައިގެ ކުޑައެއްޗެއް
ނައިށިއާވި
ނ )ސ ( ނާށިދިލަ
ނައިށިގުދު
ނ )ސ ( ޅަކަށިމިޔަރު )ކަށިމިޔަރުގެ ކުދިމިޔަރު
ނައިބު
ނ (1) ވެރިއެއްގެ ބަދަލުގައި ކަންހިންގާން ހުންނަމީހާ (2) ރާއްޖެތެރޭގެ ރަށްރަށުގައި ޝަރީޢަތް ކުރަން ހުންނަމީހާ (3) ފުށުން ހަދާފައި ހުންނަ ފޮނިހެދިކާއެއް މިބޮޑަށް ވައްތަރުވާނީ ފޮނިރޮށްޓާއެވެ
ނައިބުބޮލި
ނ ދިވެހިރާއްޖޭގައި ފައިސާގެ ގޮތުގައި ބޮލި ގެންގުޅުނު ޒަމާނުގައި ރަށްރަށުގައި ތިއްބެވި ނައިބުންނަށް ނަގާ އުޅުނު ބޮލީގެބައި )މިނަގަނީ ބައިހަރަކުން އަތްގެކެވެ
ނައިބުކަމާ ހިނގުން
މ ރަޖަބުމަހު ހަވަނަދުވަހު ދައުލަތުން ބޮޑު ރަސްމީ ޖަމާއަތެއް ފޮނުވައިގެން ހަތަރުއަވަށު މައިޒާންގޭދޮށުގައި ދީނުގެ އަމުރު މަޢުރޫފު ކުރުން. މި ޖަމާއަތް އެކުލެވިގެންވަނީ ބޮޑުބޭކަލުން ޚަތީބު ބޭކަލުން ފަނޑިޔާރުގޭ ނާއިބު ބޭކަލުން މަލިން ބޭކަލުން އަސްކަރު މުސްކުޅިން މަޖިލީހަށް އަރާބޭކަލުން މުދިން ބޭކަލުން ދޭވާނީން މިބޭބޭކަލުންގެ މައްޗަށެވެ
ނައިބުފަތް
ނ (1) ނާއިބުކަން ރަށްރަށުގެ މީހުނާ ހަވާލުކުރާއިރު މަހުކަމަތުއް ޝަރުޢިއްޔާއިން ދޭފަތް މިފަތް އެރަށްރަށުގެ ރައްޔިތުންނަށް ކިޔައިދިނުމީ ލާޒިމް ކަމެކެވެ (2) އިހުގައި ކޮންމެ އަހަރެއްގެ ރަޖަބުމަހު 6 ވަނަ ދުވަހު ފަޑިޔާރު މަނިކުފާނުގެ ފަރާތްޕުޅުން ދީނީ އަމުރު މަޢްރޫފު ހިންގުމަށް އަންގަވާ އެންގެވުން ލިޔެފައިވާ ކަރުދާސް
ނައިބޮލިކަރު
ނ ނައިބޮލިތެރޭގައި ހުރަހަށް ހުންނަ ބައިތައް މިއިން ވައްތަރު ވައްތަރުގެ ފޮތި ހަދައިގެން ފަންޑިތައަށް ކުދިންގެ ކަރުގައި އަޅައި އުޅެއެވެ
ނަވައި
ނ (1) ނުވަދިހަ (2) ނުވައެއްގެ ދިހަގުނަ 09
ނަމަ
އ ނަމަވުން މާނަކުރުމަށް ބޭނުންކުރާ އަކުރެއް. މިސާލު: ކަލޭއައިނަމަ އަހަރެން ދިޔައިމުސް
ނަމާދު
ނ ޚާއްޞަވެގެންވާ ޝަރުޠުތަކަކާއި ލައިގެން ތަކުބީރަކުން ފެށޭ ސަލާމު ދިނުމަކުން ނިމޭ ކަންތައްތަކަކާއި ދުލުން ކިޔޭ ކިޔުންތަކެއް ހިމެނޭ އަޅުކަމެއް
ނަމާދުކުރުން
މ ޚާއްޞަވެގެންވާ ޝަރުތުތަކަކާއި ލައިގެން ތަކުބީރަކުން ފެށޭ ސަލާމް ދިނުމަކުން ނިމޭކަންތައްތަކަކާއި ދުލުންކިޔޭ ކިޔުންތަކެއް ހިމެނިގެންވާ އަޅުކަމެއްކުރުން
ނަފަގާތްދިނުން
މ ލާޒިމުވެގެންދޭ ޚަރަދުދިނުން
ނަފީ
ނެތްކަން ނުވަތަ ނޫންކަން ނުވަތަ ނުވާކަން އަންގައިދިނުމަށް ބޭނުންކުރާ އަކުރެއް މިސާލު: )ހ( އެފޮތަކުނެތް )ށ( މުޙައްމަދެއް ނޫން )ނ( އެބައިގެ ތެރޭގައި އޭނާއެއް ނުވެއެވެ
ނަފީކުރުން
މ (1) ނުވާކަން ނުވަތަ ނެތްކަން ނުވަތަ ނޫންކަން އަންގައިދިނުމަށް ބޭނުންކުރެވޭ އަކުރެއްގެ ބޭނުން ކުރުން (2) ބާޠިލުކުރުން