radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ހީނާފަތްއެޅުން
މ (1) ހިމުންކޮށްފައި ހުންނަ ހީނާފަތް އަތްފައިގައި އަޅައި ބަނުން މިކަންކޮށްއުޅެނީ ބޭހަށް ނުވަތަ ޒީނަތަށްޓަކައެވެ (2) މިފަތްމުގުރައިގެން ތުނބުޅި މަތިމަހުގައި އުނގުޅުން
ހީރަސް
ނ ފޮތުގެ ގަނޑުތައް ހިފެހެއްޓުމަށް ބަނދެފައި ހުންނަ ބަނުން
ހީރަސްދަތި
ނ އެއްޗެހީގައި ހީރަސްޖެހުމަށް ބޭނުންކުރާ އާލަތެއް
ހީރަސްޖެހުން
މ ފޮތުގެ ގަނޑުތައް ނުވަތަ ގަނޑުތަކެއް އެއްކޮށް ހިފަހައްޓާން ބުރަކަށި ފަރާތުން ފެހުން ނުވަތަ ބަނުން ނުވަތަ ނަރުޖެހުން
ހީރާންސި
ނ ފައްތުފިލާގެ ދަށުން ބޮޑުފަށްގަނޑުގެ ފަހަތުކޮޅުގައި ހުރަހަށް ކަނޑައި ފައްތާފިލާ މިއީ ބޮޑުފަށްގަނޑު ފޭވިޔަނުދޭން ހަރުކުރާ ފިލައެވެ
ހީބިހި
ނ ބިރުގަތީމާ ނުވަތަ ހީކަރުވައިގަތީމާ ބިހިތަކެއްހެން އިސްތަށިބުޑުތައް އުފުލޭއުފުލުން ހީލިކެރުވީމާވެސް މިހެންވެއެވެ
ހީބިހިނެގުން
މ ހީކަރުވައިގަތީމާ ނުވަތަ ބިރުގަތީމާ ބިހިތަކެއްހެން އިސްތަށިބުޑުތައް އުފުލުން
ހީކިރިލި
ނ (1) )ޅ ( މަސްއައިނުގެ ތެރެއަށް އެނބުރެމުން ތިރިވާ ކިރުދޫނި ކަހަލަ ކުޑަ ދޫންޏެއް (2) ފީކިރިލި
ހީވަނީ ރެވިތާޔޮވަށައިގެން އުޅޭހެން
(މިސާލުބަހެއް) މާއަވަސް އަރައިގަނެގެން އެއްތަނެއްގައި ހިމޭނުންނީދެވިގެން ނުވަތަ ނުހުރެވިގެން އުޅެން ފެށީމާ ބުނާބަހެއް
ހީވަނީ ބަނޑުފުރިއަރައިދާނެހެން
(މިސާލުބަހެއް) ދުވާވަހެއްގެ މީރުކަން ދޭހަކޮށް ދިނުމަށް ބުނެއުޅޭ ބަހެއް
ހީވަނީކަފުލޯދުންމާރިއެއްގެ އަޑުހެން
(ގބ) (މިސާލުބަހެއް) އަޑުގެ ހިމަކަމާއި ރީތިކަމާއި ތޫނުކަން ދައްކައިދޭން ބޭނުންކުރާ ބަހެއް
ހީވާހީވުން
ނ ހިތަށްފެންނަ ފެނުން
ހީވީމެޔަށް ފެންއެއްޗެއް އަޅައިލިހެންނެވެ.
(މިސާލުބަހެއް) މާބޮޑަށް ސިހޭގޮތްވުމުން ނުވަތަ ބިރުގަތުމުން ބުނެ އުޅޭ ބަހެއް
ހީފިލުން
މ (1) ހަށިގަނޑަށް ލިބުނު ފިނިކަން ފިލައިހަމަ ޖެހުން (2) ފިނިކަމުން ހަށިގަނޑަށް ލިބުނު އުނދަގޫކަން ކެނޑުން
ހީލި
ނ (1) ގިލިގިލި ކޮއްޓީމާ ހަށިގަނޑަށް އެވާގޮތް (2) އުޅަނބޮށީގެ ހީލިކަށިގަނޑުތަނަކު ޖެހުނީމާވާގޮތް (3) ނުރައްކައު އުސްތަންތާގައި މީހުން ހިނގާތަން ފެނުނީމާ ބައެއް މީހުންގެ ދަށްފަޔަށް އެވާގޮތް (4) ހަރުދެއެތިގަނޑު ކޭރުވީމާ އިވޭ ބާވަތެއްގެ އަޑަކުން ބައެއް މީހުންގެ ދަތަށް އެވާގޮތް (5) ޖިންސީ އެދުންވެރިކަން އައުމުން އަންހެނުންގެ ކުރިމަތި ފަރާތަށް އެވާ އިޙްސާސް
ހީލިކޮއްޓުން
މ ހީލިކަރުވާ ތަންތަން އިނގިލިކުރިން ނުވަތަ އެފަދަ އެއްޗަކުން ކޮއްޓުން
ހީލިއެރުން
މ މަޖާޒު: އަންހެނުންގެ ޝަހުވާނީ އެދުން ހިލުން
ހީގޮވުން
މ )މަލިކު( ހުނުން
ހީޓަރު
ނ އެއްޗެއް ނުވަތަ ތަނެއް ހޫނުކޮށް ބަހައްޓައިދޭ އާލަތެއް
ހުހިވައް
ނ މޫދުގައި އުފެދޭ ނުހަނުލުއި މަޑުއެއްޗެއް. މީގެ އެތެރޭގައި ވަރުވަރުގެ ލޯވަޅުތައް ތޮރުފިފައި ހުންނާނެއެވެ. ބޭރުގައި ހުންނަ ކުރަކި ކަމަކާއި ތޫނުކަމަކުން އެއްޗެހި އުނގުޅައި ސާފުކުރުމަށާއި ގައި އުނގުޅުމަށް ގެންގުޅެއެވެ