radheef.info
ރަދީފު


ނައި
ނ (1) މޫދުގައި ހަރުކޮނެގެން އިންނަ އިހިފާޑުގެ ކުޑައެއްޗެއް މިކަށި ޖަހައިފިނަމަ ވަރަށް ދިލަ ނަގާނެއެވެ (2) )ޅ ( މަސްކާށި ދޫންޏެއް ކަހަލަ ފެހިކުލައިގެ ކުޑައެއްޗެއް
ތަންމުޑުކަން
ނއނ (1) ގޯތިގެދޮރާއި ފޭރާން ފަދަތަކެތި ހަޑިމުޑުދާރުވާކަން (2) ތެތްއެއްޗެހި ނުހިކި ހިޔަލުގައި ގިނައިރު ހުރުމުގެ ސަބަބުން ވަހަށް ބަދަލުއަންނަކަން
ތަންމުޑުވަސް
ނ (1) ގޯތިގެދޮރާއި ފޭރާން ފަދަތަކެތި ހަޑިމުޑުދާރު ވުމުގެ ސަބަބުން ދުވާވަހެއް (2) ތެތްއެއްޗެހި ނުހިކި ހިޔަލުގައި ގިނައިރު ހުރުމުގެ ސަބަބުން ދުވާވަސް
ތަޅުދަނޑިފަތި
ނ އެއްކޮށް އަމުނައިފައި ހުންނަ ތަޅުދަނޑިތައް
ތަމްރީނުދިނުން
މ ކަމެއް ދަސްކޮށްދީ އެކަމަކަށް ހާނައިދިނުން
ތަދުބީރު
ނ (1) ކަމެއްގެ މައްޗަށް ފުންކޮށް ވިސްނައި ރާވާރޭވުން (2) ޙިކުމަތް
ތަދުބީރުކުރުން
މ ކަމެއްގެ މައްޗަށް ފުންކޮށް ވިސްނައި ގޮތްތައް ކަނޑައެޅުން
ތަތްބޮނޑިބަތް
ނ ޅަހަނޑުލުގައި ގިނައިން ހަކުރު އަޅައިގެން ކައްކާ ބޮނޑިބަތެއް
ތަލަކަޅުބިބީ
ނ ފަރުފަރާއި ފަޅުފަޅުގައި ގިނައިންއުޅޭމަހެއް މިއީ އެހެނިހެން ބިބީތަކަށްވުރެ ބޮޑުވާ މަހެކެވެ މިމަހުގެ އަރިމަތީގެ ކުލައަކީ ހުދުކުލައެވެ މަހުގެ ތަލައިގައި ކަޅުކުލައިގެ ލަފެއް ފާޅުކޮށް ހުންނާނެއެވެ
ތަޢުލީމުދިނުން
މ ޢިލްމު އުނގަނައިދިނުން
ތާނގީ
ނ (1) ފެން ނުވަތަ ތެޔޮރައްކާކުރުމަށް ދަގަނޑުފިލައިން ހަދައިފައިވާއެތި (2) ދިޔާއެއްޗެހި އެއްތަނުން އަނެއްތަނަށް ގެންދިއުމަށް ޓަކައި އެއެއްޗެހި އަޅަން ހަދައިފައިހުންނައެތި މިމަޢުދަނުންނާއި ފައިބަރުފަދަ ތަކެތިންވެސް ހަދައިފައިހުރެއެވެ (3) ފެންރައްކާކޮށްފައި ބެހެއްޓުމަށްޓަކައި ރާނައިގެން ނުވަތަ ކޮންކްރީޓްކޮށްގެން ހަދައިފައިވާއެއްޗެއް
ތިންމަހުރޯދަހިފުން
މ ރަޖަބުމަހާއި ޝަޢުބާންމަހު ގިނައިން ރޯދަހިފުން
ތިންތިންމަޑޫ
ނ އޮޑިދޯނިފަހަރު ބަންނައިރުޖަހާ ތިންވަނަމަޑޫ
ތިކިޖެހިތާނަ
އަރަބި އަކުރުގެ އަޑުނެރުމަށްޓަކައި ތާނައިގައި ތިކިޖަހައިގެން އުފައްދައިފައިވާ އަކުރުތައް
ތިކިޖެއްސުން
މ (1) ލޮލަށް ނުވަތަ ނޭފަތަށް ނުވަތަ އެނޫންވެސް ތަނަކަށް ދިޔާބޭހެއް ތިކިތިކިންއެޅުން (2) ބަލިމީހަކަށް ނުވަތަ ކުޑަކުއްޖަކަށް ދިޔާއެއްޗެއް ތިކިތިކިންދިނުން (3) ތިކިޖެހުން މިބަސް ކުރުވުމުގެ މާނައިގައި ބުނާގޮތް
ތިލަ
ނ (1) ފުނުގެ އިދިކޮޅު (2) ފުންކަންކުޑަ (3) ވިސްނައިގަތުމަށް ފަސޭހަ (4) ތޫނުއެއްޗެހީގެ ކެނޑެންހުންނަބައި (5) ބައެއްކަހަލަ މަސައްކަތްކުރަން ގެންގުޅޭ އާލާތުގެ ކަނޑައި ބުރިކޮށް ކޮށައިހެދޭބައި މިސާލު: )ހ( ދުނިކީސްތިލަ )ށ( އުދަލިތިލަ )ނ( ފުރޯތިލަ )ރ( ގުރޭންޑަރުގެތިލަ
ތުނބުޅިކާށި
ނ ކާށިހެހެފައި އޮންނައިރު ކާށީގެ ކުރީކޮޅުގައި އޮންނަ ކިފުޅިގަނޑު ދަމައިނުގަނެ އޮންނަކާށި
ތުންބުރިކާޅަށްވެސް ކާންލިބޭދުވަސް
މަޖާޒު: ރަބީޢުލް އައްވަލްމަހުގެ ބާރަ ދުވަހާއި ދެއީދު ދެދުވަހާއި ބޮޑު މާލޫދު ދުވަސް ފަދަ ރަށުގައި ޢާއްމުކޮށް ގިނައިން ކައްކައި އުޅޭ ދުވަސްދުވަހު އެންމެ ނިކަމެތި މީހާއަށްވެސް ކާން ލިބޭނެކަން އެންގުމުގެ ގޮތުން ބުނެއުޅޭ ބަހެއް
ތުންފޯރުވި
ނ ފާނައިގެ ބާވަތެއް
ތުތިމަސް
ނ (1) ހަތަރެސްކަނަށްވުރެން އެއްދެކަން ދިގުކޮށް އަނެއް ދެކަން ކުރުކޮށް ހުންނައިރު ހުންނަގޮތް (2) ހަނޑުލު ފުށުން ނުވަތަ އަލަ ކައްޓަލަ ފަދަ އެއްޗެހީން ހަކުރު އަޅައިގެން ހިލައި ތުތިމަސްކޮށް ހުންނަ ތައްގަނޑަށް އޮބައިފައި ހުންނައެއްޗެހި
ތޫރި
ނ (1) ބައެއްގަސްގަހުގައި ފަތްނުކުންނައިރު ނުވަތަ މޭވާގަންނާންވީމާ ތޮޅި ނުވަތަ މާނުކުންނައިރު ބަނޑުފަތެއްގެ ގޮތުގައި ނިކުންނަ ބައި (2) ކަންފަތުގެ އަޑު އިވޭބައިގެ ބޭރުގައި ހުންނަ ދުލިފަށް