radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ރައިވަރު
ނ ދިވެހިޅެމުގެ ބާވަތެއް. މިހެދިފައި ހުންނަނީ ތިންބަހުންނާއި ހަބަހުންނެވެ މީގެކުރީން މިއަށްވުރެ ގިނަބަހުންވެސް ރައިވަރު ހަދައި އުޅެއެވެ
ރައިވަރުފުރޭތަ
ނ (1) ރައިވަރު ހަދަން ދަސްކޮށްދޭ ކަމަށް ހީކުރާ ޚިޔާލީ ފުރޭތައެއް (2) ރައިވަރުގެ ޚިޔާލީ އެދުރު (3) މަޖާޒު: ގިނަރައިވަރު ދަންނަމީހާ
ރައްކާބައިން
ނ (1) ފަލީގެ ދުލުން މެއްކަށް އައްސައިފައި ހުންނަ މާރު (2) ހުންގާނުގައި އޮޅައިފައި ދެފަރާތުންގެނެސް އައްސައިފައި ހުންނަ މާރު (3) މީހަކު ގެއްލުމަކުން ސަލާމަތްކުރުމަށްޓަކައި ރައްކައުތެރިކުރުވުމުގެ ގޮތުންއަޅާ ކަމަރު (4) ގޮނޑީ ކަމަރު
ރައްދު
ނ (1) ފޯރާފޯރުން (2) މީހަކު މީހަކަށް ދޭންދިން އެއްޗެއް އެމީހަކަށް ދޭދިނުން
ރައްދުކުރުން
މ (1) ފޯރުކުރުން (2) މީހަކު މީހަކަށް ދޭން ހަވާލުކުރިއެއްޗެއް ލިބެންވީ މީހާ އަށް ދިނުން
ރައްދުވުން
މ (1) މީހަކު މީހަކަށް ދިންއެއްޗެއް އެ މީހަކަށް ލިބުން (2) މަޖާޒު: ޒިނޭކުރުން (3) )ސ ( އަތުންހެލުން
ރައްޔިތުން
ނ ޤައުމެއްގެ ނުވަތަ ރަށެއްގެ މީހުން
ރަވާ
ނ ގޮދަނުގެފުށުން ރެވިއޮށެއްހާ ވަރަށް ހަދައިފައި ހުންނަ ފުއްތަކެއް މިހުންނަނީ ހުދުކުލައިގައެވެ މީ ޢާންމުގޮތެއްގައި ސޫޖީ ކައްކަން ބޭނުންކުރާ އެއްޗެކެވެ
ރަވާބީނާ
ނ އެސްފީނާ ގަދަމީހާ
ރަވޯ
ނ ކުޑަކުދިންނާ ފޮށިގަންނަކަމަށް ބުނާ ދެތްވެއް މީގެ އުނދަގޫ ޖެހުމުން ކުއްޖާ ބަލިވެއުޅެން ފަށައެވެ މަތިބަލައި ރޮއިހަދައެވެ ބޮޑުވުން ހުއްޓި ކަޅުކަޅީގެ ކުލަ ހުދުވެއެވެ ބޯބޮޑުވެ ގާތުން ކިރު ނުބޯންއުޅެއެވެ މިބަލިޖެހިފައިތިބޭ ކުދިންނަށް ރަވޯ ކައިފައިތިބޭ ކުދިންނޭ ކިޔައެވެ
ރަމަންނެގުން
މ (1) ބިރުގަނެގެން ނުވަތަ ދެހާ ތަޅައިގެން ބަލިވާ ހައު ކެޔޮފޮތީގެ ފަހަތުގައި ހުންނަ ފަތްކޮޅު އުފުލުން އެހެންވެސް ޖަނަވާރު އެއަށްވުރެ ގަދައެއްޗެއް ފެނުނީމާ ބިރުން ދިއުމަށްވެސް ކިޔަނީ މިހެންނެވެ (2) މަޖާޒު: މީހަކު މާމޮޅު މީހަކަށް ހެދިގެން އުޅެނިކޮށް މޮޅުމީހަކު އައީމާ ހެދިގެން އުޅޭ މީހާ ދެރަވުން
ރަމަލުވެރިން
ނ ރަމަލުބަލާމީހުން
ރަތަބަޑި
ނ ދޮންދޫނީގެ ބާވަތެއް މީގެ ހަށިގަނޑު ހުންނާނީ ކަޅުރަތްކުލައިގައެވެ ތިރީދެފިޔައިގެ ބުޑުދޮށުގައި ދޮންރަތްކުލައިގެ ލަކެއް ހުންނާނެއެވެ
ރަތަކަޅޯއް
ނ )މ ( ކަޅުއޮށުގެ ބާވަތެއް: މީގެ ނިގޫ ފަތާއި ކަންފަތާއި އުރަހައާއި ތުނބުގައި ހުންނާނީ ރީނދޫ ކުލައެވެ
ރަތްބަގީޗާ
ނ ބަގީޗާގަހުގެ ބާވަތެއް މީގެ ފަތްތައް ހުންނާނީ ކަޅު ރަތްކުލައެއްގައެވެ ފަތުގައި ބޮޑެތިލައްތަކެއް ގޮތަށް ކުލަ ތަފާތު ވެލައިފައިހުރެއެވެ މިގަހުގެ މާ ވެސް ހުންނާނީ ކަޅުރަތް ކުލައެއް ގައެވެ
ރަތްކަށިމާ
ނ ކަށިމަލުގެ ބާވަތެއް މިބާވަތުގެ މަލުގައި އާދައިގެ ކަށިމަލުގައި ހުންނަ ކަހަލަ މީރު ވަހެއް ނުހުންނާނެއެވެ
ރަތްކަނދޮޅު
ނ ކަނދޮޅުގެ ބާވަތެއް. މީގެ ފަތްތައް ވަރިބޯވެފައި ހިމަދިގުވާނެއެވެ. މިއީ ފަތްތަކުގެ މަތީފުށް ގަދަފެހިކުލައިގައި ދަށްފުށް ރަތްދަނބުކުލައިގައި ހުންނަ ގަހެކެވެ. ހެދެމުންދަނީ ފީނިވަމުން ވަރުގަދަކޮށެވެ. މާ ނިކުންނާނީ ކޮންމެ ފަތެއްގެ ބުޑުންނެވެ. މާ ހުންނާނީ ރިނދައްޔާ ވައްތަރު ތޫރިއެއް ތެރޭގައެވެ. މީގެތެރޭގައި ހުންނަނީ ހުދުކުލައިގެ ތިންފިޔަލީ ވަރަށް ކުޑަކުޑަ ދެތިންމަލެވެ
ރަތްމިރިހި
ނ މިރިހީގެ ބާވަތެއް މީގެ ތަނޑުގަނޑު ހުންނަނީ ރަތްކުލައިގައެވެ
ރަތްމުރަނގަ
ނ )މ ( މުރަނގައިގެ ބާވަތެއް މީގެފަތަުގެ ތަނޑުތައް ހުންނާނީ ރަތްކުލައިގައެވެ
ރަތްފުރެއްދެއަލި
ނ ފުރެއްދެއަލައިގެ ތެރޭގައި ހިމެނޭ ބާވަތެއް މިއަލަގަހުގެ ފަތުގެ ތަނޑާއި ނާރުތައް ހުންނާނީ ރަތްކުލައެއްގައެވެ އަލަގަނޑުގެ ބޭރާއި އެތެރޭގައި ރަތްކުލައެއް ހުންނާނެއެވެ މީގެ ގިނައަލައިގައި ކަހާގޮތް ހުރެއެވެ