radheef.info
ރަދީފު


ހެން
އ (1) ކަހަލަ (2) ފަދަ (3) އެއްގޮތަށް މިސާލު "ކަލޭ ބައްޕަ އުޅޭހެން އުޅޭ" (4) ވައްތަރަށް
އެކަނި
ކއ (1) އެހެން މީހެއްނެތި (2) އެކަހެރީން
އެކަނިކަން
ނއނ (1) ތިމާނޫން އެހެން މީހަކު ނެތުން (2) އެހީތެރިޔަކުނެތުން
އެކަނިވެރި
ނއ (1) ތިމާނޫން އެހެން މީހަކު ނެތިފައިވާ (2) އެހީތެރިޔަކުނެތް
އެކަނިވެރިވުން
މ (1) ތިމާނޫން އެހެން މީހަކު ނެތުން (2) އެހީތެރިޔަކުނެތުން
އެކަތިކެހުން
މ ލެތްކުޅޭއިރު ފުރަތަމަ ކުޅެން އަރާމީހާ މައިދަނޑީގެ ކުރީގައި ހުންނަމުގޯލީގައި ފައި ޖައްސައި ކަހާލާފައި ދުވެގޮސް ލޮންޏަށް އެރުން މިދާދިއުމުގައި އެހެންމީހުން އެމީހާ އަތުލާކަށް ނޫޅޭނެއެވެ މިހެންގޮސް ލޮންޏަށް އަރާފައި އަނބުރައި އަންނާންވާނީ މީހަކަށް އަތުނުވެއެވެ
އެކޮޅުކޮޅުންނެގުން
މ (1) ދެއަތް ޖައްސައިފައި ދެފައި މައްޗަށް ދަމައިލުން (2) ދެފައިގައި މީހަކު ހިފައިފައި ބޯކޮޅު ތިރިޔަށް ވާނޭހެން އުފުލައިލުން
އެކޮޅުކޮޅުންއެއްލުން
މ ކުރިމައްޗަށް ވާނޭހެން ފުންމައިގެން ބުރެއް އަޅައިފައި ކޮޅަށްޖެހުން
އެކޮޅުކޮޅުންޖެހުން
މ (1) ބޯކޮޅުވަތަށް ވާނޭހެން ވައްޓައިލުން (2) އެއްޗެއްގެ މަތީކޮޅު ތިރިޔަށް ޖެހުން (3) މަޖާޒު: ކަމެއް އިދިކޮޅަށް އަނބުރައިލުން
އެއްނޭވާކުދިން
ނ ގިނަކަންތަކުގައި އެއްގޮތްކުދިން. އެއީ ޖިސްމާނީ ގޮތުންނާއި މަޢުނަވީ ގޮތުންނެވެ މިހެން ގިނައިންވަނީ އެއްމާބަނޑު ނުވަތަ އެއްބަނޑު އެއްބަފާ ކުދިންނަށެވެ
އެއްކުރުން
މ (1) ޖަމާކުރުން (2) އެތައް އެއްޗެއް އެކައްޗަކަށް ވާނޭހެން ހެދުން (3) އެކަކަށްވުރެ ގިނައަދަދެއްގެ ޖުމްލަ ހޯދުން
އެއްކުލަ
ނއ (1) އެއްމެކުލައެއްނޫން އެހެން ކުލައެއްނުވާ
އެއްފަރާތަށްލުން
މ ނުރައްކާތެރި ބައްޔެއްގެ ސަބަބުން އެހެން މީހުންނާ ވަކިކުރުން
އެއްތެޔޮ
ނ ވައުކޮށް ވެލަށް ހެދޭ ގަހެއް. މީގެ ގަސްގަނޑު ހުންނާނީ ދުރުދުރުގައި ބަދަ ޖަހައިފައެވެ. މިއީ ވަރަށް ދިގުވާ މަޑު އެއްޗެކެވެ އަދި ވަރަށް ތަތްކޮށް ހުންނަ ގަދަ އެއްޗެކެވެ އެއްތެޔޮވަށި ހަދައި ގޮނޑީގައި އެއްތޮޔަ ފުރާ ހަދަނީ މިއިންނެވެ މީގެ އެތެރޭގައި ބަނބުކެޔޮ މުލުގައި ހުންނަހެން ލޯވަޅު ހުންނާނެއެވެ
އެއްލުން
މ (1) އަތުން އެއްޗެއްގައި ހިފާ އެ ދުރަށްދާނޭހެން އަތުން ދޫކޮށްލުން. (2) ގުޑި ތެލަނގަ ފަދަ ތަކެތި ހިފައިގެން ހުރެފައި ނަނުގައި ހުންނަ މީހާ ބުނީމައި މައްޗަށް އަރައިގެން ދާނޭހެން ދޫކޮށްލުން. (3) މަސްބޭނުމަށްޓަކައި ނަނުގެ އެއްކޮޅު ހޫރާލުމާއެކު މޫދަށް ދޫކޮށްލުން. މިހެން ހަދަނީ ނަނުގެ ކޮޅުގައި އޮންނަ ބުޅީގައި އެން އަޅައިފައެވެ. )އެއްލި ނނކ އެއްލައިފި ނކ އެއްލަނީ ވވ އެއްލާނެ ވނ އެއްލާ! އމ
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
އެއްޗަކަށްހެދުން
މ (1) އެއްވެސް ކަމަކަށް ބޭނުން ނުހިފޭނޭހެން ހީވާ އެއްޗަކުން ބޭނުން ހިފާކަހަލަ އެއްޗެއް ހެދުން (2) އެއްވެސް ތަރުބިއްޔަތެއް ނެތި ހުރި މީހަކު ކޮންމެވެސް ކަމެއްގައި ބޭނުން ހިފޭނެގޮތް ހެދުން (3) ބޭނުމެއް ނުހިފިފައި ހުރި މީހަކު ކަމެއްގެ ތެރޭގައި ގެންގުޅޭން ފެށުން (4) މީހަކު އެއްވެސް މަޤްޞަދެއްނެތި ބުނެލި ބަހަކުން ނުވަތަ ކުރިކަމަކުން ރަނގަޅުގޮތުގައި ނުވަތަ ނުބައިގޮތުގައި އަނެކަކު އޭގެ ނަތީޖާ ނެރުން ނުވަތަ ނެރޭން އުޅުން
އެއްޗަކަށްވުން
މ (1) ބޭނުން ނުހިފޭކަހަލަ އެއްޗެއް ބޭނުން ހިފޭގޮތްވުން (2) ތަރުބިއްޔަތު ނުވެވޭނޭހެން ހީވާ މީހަކު ކަމެއްގައި ބޭނުން ހިފޭގޮތްވުން (3) ކަމުދިއުން (4) ކުޅަސަމާސާއެއް ވިހަވުން (5) މަޤްޞަދެއްނެތި ކުޅަކަމަކުން އޭގެ ފޮނި ނުވަތަ ހިތި ނަތީޖާ ފެނުން
އެފަދަވަރު
ނ އެހެންވިއްޔާ
އެފުޅު
ނ އަނބިމީހާއަށް ކިޔާގޮތެއް މިހެންކިޔަނީ މަނިކެޔަށްވުރެ ދަށުދަރަޖައިގެ މީހުންނަށެވެ
އެދުރުބޭ
ނ ޤުރުއާން ކިޔަވައިދޭ ފިރިހެންމީހާ