radheef.info
ރަދީފު


ހީ
ނ (1) ޝައްކު (2) ކަށަވަރުކަމެއްނެތި ހިތަށްއަރާ އެއްޗެހި (3) ފިނިކަމުން ހަށިގަނޑަށް ލިބޭ އުނދަގޫ
ތަލިޔާމާރު
ނ (1) ފުރާދުއްވާ އެއްޗެހީގެ މައްޔަލާއި މަޑޫތަކާ ދުރުވެދާނެތީ އެތެރޭގައި ފުރައިފައި ހުންނަ ކުސަގަނޑު (2) މައްޔަލާ އެއްކިއްސަރަށް އެތެރޭގައި އަޅައިފައި އޮންނައެތިގަނޑު މިއޮންނާނީ އޮޑިޔާއެއްކޮށް ކަބީލާޖަހައި ހަރުކޮށްފައެވެ
ތަޤުވާވެރި
ނއ މާތްﷲގެ ކޯފާއަށް ބިރުވެތިވެ އެކަލާނގެ އަމުރުކުރެއްވި ކަންތައްކޮށް ނަހީކުރެއްވި ކަންތަކުން ދުރުހެލިވާ
ތަޤުވާވެރިން
ނ މާތްﷲގެ ކޯފާއަށް ބިރުވެތިވެ އެކަލާނގެ އަމުރުކުރެއްވި ކަންތައްކޮށް ނަހީކުރެއްވި ކަންތަކުން އެއްކިބާވާމީހުން
ތަޤުވާވެރިކަން
ނއ މާތްﷲގެ ކޯފާއަށް ބިރުވެތިވެ އެކަލާނގެ އަމުރުކުރެއްވި ކަންތައްކޮށް ނަހީކުރެއްވިކަންތަކުން ދުރުހެލިވާކަން
ތަޤުވާވެރިވުން
މ މާތްﷲގެ ކޯފާއަށް ބިރުވެތިވެ އެކަލާންގެ އަމުރުކުރެއްވި ކަންތައްކުރުމާއި ނަހީކުރެއްވިކަންތަކުން ދުރުހެލިވުން
ތާހިލުން
މ )ސ ( ނިކަމެތިންނާއި އެހީވުން
ތާޅަފިއްޔާދިއުން
މ އިހުގައި ކޮންމެ ހުކުރުވިލޭރެއަކު ފަތިހު ހަތަރެއްޖެހީމާ ތާޅަފިލިވެރިއަކު މާލޭގެ ކޮލި ހިނގާމަގުގައި ތާޅަފިލި ފުމެމުންހިނގުން
ތާފަތް
ނ (1) މަސްމަހާމެހީގެ ބޮލުގެ ދެފަރާތުގައި ހުންނަފަތްގަނޑު މިއީފެނުގެތެރެއިން ބޭނުންވާ އޮކްސިޖަން ލިބިގަތުމަށް ޙަރަކާތްކުރާއެއްޗެވެ (2) ރުއްރުކުގައި ގަންނައެއްޗެހީގެ ތަނޑު އެއެއްޗަކާގުޅިފައިވާބައި
ތާޒާކަން
ނއނ (1) އާރޯކަންހުރިކަން (2) ކާއެއްޗެހީގައި އާކަންހުރިކަން (3) ޚަބަރާއި ވާހަކަޔަށް ނިސްބަތްކުރާއިރު އާކަން (4) ވަރުބަލިކަން ފިލައި ހަށިގަނޑަށް އަރާމު ލިބިފައިވާކަން (5) މަޢުލޫމާތާއި ތަޖުރިބާ ތަކުގެ ހަނދާން އާވެފައިވާކަން (6) ފައްކާވެފައިހުރިކަން
ތިންފުޅިދުމާދިއުން
މ އިހުގައި ކޮންމެރެޔަކު ނުވައެއްޖެހީމާ ގަނޑުވަރުތެރެއިން މުޖުމަރާއަކަށް އަލިފާނާއިދުމާ އަޅައިގެން ކުދިބޭކަލަކު އެމުޖުމަރާ ހިފައިގެން މެދުޒިޔާރަތްދޮށަށް ދުޢާވެރިކަން ކިޔެވުމަށް ގެންދިއުން
ތިންފުޅިޔަށްޖެހުން
މ އިހުގައި ރޭގަނޑު ނުވައެއްޖެހީމާ ދަމުއަށީގައި ހުންނަ ލޯގަނޑުގައި މުގުރުގަނޑުން ތިންފަހަރުޖެހުން
ތިންފުޅީބެރު
ނ (1) އިހުގައި ހުކުރު ދުވަހު ނުވައެއްޖެހީމާ ނާބުސްޚާނުންޖަހާ ބެރެއް މިބެރުޖަހާނީ ދުންމާރިއާއި ތާޅަފިލި ފުމެމުންނެވެ (2) ހަތްފިޔަވަޅުބެރު
ތިރޮނަ
ނ )ބދ ( (1) ތިންއިރުވަރު (2) )ސ ( ހީނލީމާ ކޮޅުގައި ހުންނަ އަޑިކޮޅު
ތިމާހާމީހަކުނެތިގެންއުޅުން
ގބ ތިމާވަރުގެ މޮޅުމީހަކުނެތްކަމަށް ހީކޮށްގެން އުޅޭމީހުނާ މެދު ބުނެއުޅޭ ބަހެއް
ތިލަ
ނ (1) ފުނުގެ އިދިކޮޅު (2) ފުންކަންކުޑަ (3) ވިސްނައިގަތުމަށް ފަސޭހަ (4) ތޫނުއެއްޗެހީގެ ކެނޑެންހުންނަބައި (5) ބައެއްކަހަލަ މަސައްކަތްކުރަން ގެންގުޅޭ އާލާތުގެ ކަނޑައި ބުރިކޮށް ކޮށައިހެދޭބައި މިސާލު: )ހ( ދުނިކީސްތިލަ )ށ( އުދަލިތިލަ )ނ( ފުރޯތިލަ )ރ( ގުރޭންޑަރުގެތިލަ
ތިލަފަށަށްއަރައިގެންއުޅުން
މ މަޖާޒު: (1) ހިފިނުހުރެގެން އުޅުން (2) ތިމާހާމީހަކު ނެތްކަމަށް ހީކޮށްގެން އުޅުން
ތިލަފިހިއެޅުން
މ ރަންރިހީގެ މަސައްކަތް ކުރުމަށް އެކަމާބެހޭ ސާމާނު އަތުރައިގެން ވަކި ތަނެއްގައި ތިބުން
ތިލަފިހިގެ
ނ (1) ތިލަފިހީގެ މަސައްކަތްކުރާގެ (2) ތިލޭރު އަތްކަންކުރަން އިންނަގެ
ތުހުމަތުކުރުން
މ ކުށެއް ކުރިކަމަށް ނުވަތަ ކުރާކަމަށް ހީކުރުން
ތުހުމަތުވުން
މ ކުށެއް ކުރިކަމަށް ނުވަތަ ކުރާކަމަށް ހީވުން