radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ލާންސްކޯޕްރަލް
ނ ސިފައިންގެ އޮފިސަރުންގެ މަޤާމުތައް ފެށޭ ދަރަޖަ މި މަޤާމުގައި ހުންނަ މީހެއްގެ ޔުނިފޯމުގެ އަތަށް އެއްފަށް އަރައިފައި ހުންނާނެއެވެ
ލާރި
ނ (1) ފައިސާގެ ގޮތުގައި ދިވެހިރާއްޖޭގައި ގެންގުޅޭ ސިއްކައެއް ސަތޭކަލާރިއަކީ އެއްރުފިޔާއެވެ (2) މަޖާޒު: ފައިސާ
ލާރިވެރިޔާ
ނ )ސ ( ފައިސާވެރިޔާ
ގބ މަޖާޒު: ކިތަންމެ ހިކި އަންހެނަކަށް ކިތަންމެ ފަލަ ވަރުގަދަ ފިރިހެނަކާ އިންނަން ދިމާވިޔަސް އެކަމަކާ ޖެހިލުމެއް ނުވާނެކަން ދޭހަކޮށްދިނުމަށް ބުނެއުޅޭ ބަހެއް ލާއުފުލާ އެތީގެ ބަރެއް ނުފެންނާނެއެވެ
ލާފުރާފުރިހަމަކުރުން
މ ޢިލްމާއި ހުނަރުތައް ރަނގަޅަށް ދަސްކޮށްދީ ރަނގަޅަށް ތަރުބިއްޔަތު ކުރުން
ލާފުރާފުރިހަމަވުން
މ ޢިލްމާއި ހުނަރުތައް ދަސްވެ ރަނގަޅަށް ތަރުބިއްޔަތުވުން
ލާފެންކުރުން
މ (1) ކުލަ އަޅައިގެން ތަޅައިފައި ހުންނަލާ ލާޖަހަން ބޭނުން އެއްޗެއްގައި ހޫނުކޮށްފައި ޖަހަމުން ފަތުރައި އޮމާންކޮށް އޮފު އެރުވުން. (2) އެއްޗެއްގައި ލާހިންގައި އޮފުއެރުވުމަށްފަހު ތަފާތު ކުލަކުލައިން ތައްޔާރު ކޮށްފައިވާ ލާ ހޫނުކޮށް އޭގެ ހިމަފަށްތައް ބޭނުން ވަރަކަށް ދަމައިފައި އެ އެއްޗެއްގައި އަތުރައި ލަކުޑި ވަޅިއަކުން އެފަށްތަކުގައި ކުރެހުން އުފައްދައި ކެޔޮފަތުން އޮފު އެރުވުން
ލާދަތި
ނ ކުނާފަދަ ތަކެތި ވިޔާއިރު ދުޅަނަގަން ބޭނުންކުރާ ރޮދިލައްވައިފައި އޮންނަ ހިމަދިގުކޮށް ވަށްކޮށް އޮންނަ ދަނޑިއެއް
ލާދީގޮވުން
މ (1) އަޅުވައިކިޔުން (2) ދެމީހަކު އެކަކު އަނެކަކާ ހިތާވެގެން އުޅޭކަމަށް އެމީހުންނަށް އިވޭގޮތަށް ވާހަކަދެއްކުން
ގބ )މުސްކުޅިބަހެއް( ދެމީހަކު އަޅުވައި ކިޔުމަކީ އެ ދެމީހުން ހިތާވާ ކަމެއްކަން އަންގައިދިނުމަށް ބުނާބަހެއް ލާދީގޮވުމަކީ އިސްތިރެއެކެވެ
ލާތަނޑު
ނ ދެއިންޗި ދޮޅުއިންޗި ހުންނަވަރުގެ ދެކޮޅު އެއްވަރު އެމެއް މީގައި ދޮންކުލައިގެ ރޮނގެއްގެ ތިރިން ހިޔަނި ކަޅުރޮނގެއް ހުންނާނެއެވެ
ލާގައްފަލި
ނ )ޏ ސ ( ދިހަފަލި ހުންނަ ދޯނި ފަހަރުގެ ކޮޅުފައްޔާ ޖެހިގެން ކޮޅުފަހަށް ހުންނަ ފަލި ދިހަފަލި ހުންނަ ދޯނިފަހަރުގެ ފަލިތަކަށް ޏސ ގައި ކިޔައި އުޅެނީ: )ހ( ކެޑެފެލި )ށ( ލާގައްފަލި )ނ( ސާރިމަތި )ރ( ކާނހައް )ބ( ބަނޑޮފަލި މިނަންނަމެވެ )ފަލިތަކުގެ ނަން ތަރުތީބު ކުރެވިފައިވަނީ ދިރުނބަލުން ފެށިގެން ކޮޅު ފަހަށެވެ
ލާގެ
ނ (1) މައުލޫދު ހަރުގޭގައި ބޮޑެތި މީހުން ތިބުމަށް ހަމަޖެހިފައިވާ ދިމާގައި ދަމައިފައި ހުންނަ ކުޑަ ސަނދުވާ. (2) ބައެއް މިސްކިތުގެ މެދުތެރެއިން މަތިވަޑާން ގަނޑުގެ ދަށުގައި ލަކުޑީގެ އެތިކޮޅުތަކަކުން ވަށްކޮށް ނުވަތަ އަށް އަރިއަށް ނުވަތަ ހަތަރު އަރިއަށް ހަދައިފައި ހުންނަ ތަނެއް މިތަން ހުންނާނީ ވަރަށް ރީތިކޮށް ލިޔެލާޖަހައިފައެވެ
ލާޔާޖެހުން
މ ހޭނެތިފައި އޮންނަ މީހަޔަށް ފަންޑިތަ ހަދައިފައި އެނދު ކައިރީގައި އަސައެއް ފަދަ ދަނޑިޔެއް ޖެހުން
ލާޖެހުން
މ (1) މަލާއި ލަކުޑިން ހަދައިފައި ހުންނަ ފަތާއި. ނާޅިއާއި ލާއްސާއި ފުރޯދަނޑި ފަދަ އެއްޗެހީގައި ލާހިންގުން ނުވަތަ ލާ ދުއްވުން. (2) އޮޑިދޯނި ފަހަރު ފަޅުގައި އަޅައިފައި ހުއްޓައި ދިޔަވަރު ހިކެމުން އަންނައިރު ރާޅާ އުފުލަ އުފުލައިފައި ވެލިގަނޑުގައި ފަށަން ޖެހުން
ލިހިލިހި
ކއ ނޭވާ ހޮޅިއަށް އެޅިފައި މިސާލު: އޭނާއޮތީ ނޭވާޔަށް އުނދަގޫ ވެގެންގޮސް ލިހިލިހިއެވެ
ލިބާސްބޭލުން
މ (1) ލައިގެންހުރި ލިބާސް ގަޔާވަކިކުރުން (2) މަޖާޒް: އޮރިޔާންވުން
ލިބާސްކޮޅު
ނ ލިބާހަށް އެންމެ މާތްކޮށް ކިޔާގޮތް
ލިބާސްލެއްވުން
މ ލިބާހަށް އައިބުވެފައިވާ ކުދީންނަށް ތައްޔާރުކުރާ ހެދުން އެޅުވުން
ލިކަމިލިއްސަގެނހެ
ނ )ގ ( (1) ނިކަބިލިއްސަ (2) ބޮޑެތިބިޔަގަސް