radheef.info
ރަދީފު


ނަ
އކ (1) ނަފީކުރަން ބޭނުންކުރާ އަކުރެއް މިއަކުރު އާއްމުކޮށް އަންނާނީ ބަހުގެ ކުރިޔަށެވެ މިސާލު ނަހަމަ (2) ނޫން
ހިތްސާފުވުން
މ (1) ހިތުގައިވާ ރުޅިވެރިކަން ފިލުން (2) ހިތުގައިވާ ހަސަދަފިލުން (3) ހިތުގައިވާ ފޫހިކަމާއި ނަފުރަތުނެތުން
ހިލަ
ނ (1) ޤުދުރަތީގޮތުން ބިމުގައި އުފެދޭ މަޢްދަނީ ހަރުއެއްޗެއް މީގެ ކިތަންމެ ބާވަތެއް ހުރެއެވެ ގިނަބާވަތް ބާވަތް ގަލަށްވުރެން ހަރުވެފައި ބަރެވެ މީގެ ބައެއް ޒާތްޒާތަކީ ނުހަނު އަގުބޮޑު އެއްޗިއްސެވެ ބާވަތްބާވަތުގެ ޖަވާހިރަކީވެސް ހިލައިގެ ތެރެއިން ހިމެނޭ އެއްޗެއްސެވެ (2) ބައެއް ފަރުބަދަ އުފެދިފައި ހުންނަ މާއްދާ (3) ހަށިގަނޑުގެ ތެރޭގެ ގުރުދާފަދަތަންތާގައި އުފެދޭ ކަށިނޫން ހަރުއެތިކޮޅުކޮޅު
ހިލަނބަށްދިއުން
މ ފިރިހެނަކު ބޭރު ރަށަކުން މީހަކާ އިނދެފައި ރަށަށްއައިމާ އެފިރިހެނެއްގެ ޢާއިލާގެ މީހުން )މައިންބަފައިން ފިޔަވައި( އެއަންހެނަކުބަލައި އެމީހެއްގެ ރަށަށް ދިއުން
ހިލަކަރުދާސް
ނ ލަކުޑިއާއި މަޢުދަނީ ތަކެއްޗާއި އެނޫންވެސް ބައެއް ތަކެތި އޮމާންކުރަން ގެންގުޅޭ އެއްފުށް ރާޅުކޮށް ހަދައިފައި ހުންނަ ކަރުދާހެއް
ހިލަކިހުނު
ނ ބައްޔެއްގެ ނަން. މިބަލީގައި ކުޑަކަމުދިއުން ދަތިވެ ބަނޑުގައިރިހި ކުރިމަތި ފަރާތުން ހިލަ ނުވަތަ ވެލިކަހަލަ އެއްޗެއް އަންނާނެއެވެ. އަޞްލުގައި ކިހުނުބައްޔާއި ހިލަ އުފެދޭ ބައްޔާއި މާބޮޑުގުޅުމެއް ނޯވެއެވެ ނަމަވެސް ދެބަލީގައިމެ އަވަސް އަވަހަށް ކުޑަކަމުދާން ޖެހިފައި ކުޑަކަމުދާއިރު ތަދުވާގޮތްވާތީ ހިލަކިހުނޭ ކިޔާފައިވަނީއެވެ
ހިލަވާލި
ނ )މ ( ވާލީގެ ބާވަތެއް މިމަހުގެ ބޯކޮޅު އޮންނަނީ ވަށްކޮށެވެ މިމަސް ދިރިދިރި އޮންނައިރު ބޯކޮޅުން ފެށިގެން ބަނޑުދަށް ފަރާތުން މެދަށްވުރެ ތިރިޔަށް ރަންކުލަޔަށްދާ ކުލަޔެއް ހުންނާނެއެވެ ދެފަރާތުގައި ހުންނަ ދެކޮތަރި ހަނދީގެ ކޮތަރިއަށްވުރެ ދިގުވެފައި ކަންފަތުން ބުރިކައްޓާ ގުޅިފައި ހުންނަބައިގެ އެތެރޭގައި ހިލައެއްހެން އޮންނަ ކަށިކޮޅެއް ހުންނާނެއެވެ
ހިލަމާދިއުން
މ )ބ ( (1) ބޭރުރަށްރަށުގައި ނުވަތަ ރަށުގެ އެހެން އަވަށެއްގައި ކާވެނިކުރުމުން އަންހެންމީހާގެ ގެނައުމަށް އެރަށަކަށް ނުވަތަ އެއަވަށަކަށް ބަލައިދިއުން (2) ބޭރުރަށްރަށުގައި ކުރާ ބޮޑެތި މަސައްކަތުގެ ޚަބަރުއިވިގެން ނުވަތަ އެހެން އަވަށެއްގައި ބޮޑުމަސައްކަތް ކުރާތީ އެކަމަށް ތަރުޙީބު ދިނުމަށް ހުރި އޮޅު ނުވަތަ ކޭން ހިފައިގެން ދިއުން
ހިލަފުއްޕުން
މ (1) ހަށިގަނޑުގެ އެކިތަންތާނގެ މަސްގަނޑަށް އަރުވާ ބާރަކުން އާދަޔާ ޚިލާފަށް އެތަންތަން ހަރުކުރުން. (2) ފުލޯކުވާހަކައިގައި އަންނަ ޞިހުރުވެރީން އެއުރެންގެ ހަށިތައް ހަދާގޮތެއް އެހެން ހެދުމަށްފަހު ކަނޑިއެއް ލޮންސިއެއް ނުވަންނަކަމަށް ބުނެވެއެވެ
ހިލަފޮތި
ނ ހިލަކަރުދާސްހެން ހުންނަ ފޮއްޗެއް
ހިލަގައު
ނ (1) ގަލުގެތެރޭގައި ހުންނަ އެންމެ ހަރުވައްތަރު (2) ކަނޑުގެ އާނުގެ އަޑީގެ ހަރު ހުދު ގައު
ހިލާ
އތ (1) ކަމެއް ނުކުރުމުގެ މައްޗަށް ނުވަތަ ވިޔަނުދިނުމުގެ މައްޗަށް ހުރި ގަދަކަން ދެއްކުމަށް ބުނާބަހެއް މިސާލު: )ހ( ހިލާނުދާނަން )ށ( ހިލާތިއަހެނެއްނުވާނެ (2) ހިލުން މިބަހުގެ އަމުރު
ހިލާލީދަރިކޮޅު
ނ ރާއްޖޭގައި ރަސްކަން ކުރި 7 އާއިލާގެ ތެރެއިން 3 ވަނަ އަށް ރަސްކަންކުރި ދަރިކޮޅު މިދަރިކޮޅަށް "ބަދުރުއްދީން" ދަރިކޮޅޭވެސް ކިޔައެވެ މިދަރިކޮޅުގެ ފުރަތަމަ ރަސްކަލަކީ ހުޅުލޭ ހިލާލީކަލޯއާއި ގޯލާވެހި ކަނބުލޯގެ އައްސުލްތާން ޙަސަނުލް ހިލާލީއެވެ މިދަރިކޮޅަކީ ރާއްޖޭގައި އެންމެ ގިނަރަސްކަލުން ރަސްކަން ކުރެއްވި އެކަމަކު ހަމަޖެހުން ކުޑަދަރިކޮޅެވެ
ހިލިބޭސް
ނ ވިހައިގެން އުޅޭ މީހުންނަށް ދިވެހި ފޫޅުމައިންދޭބޭހެއް މިއީ ބައެއްބޭހާއި އަސޭމިރުހާއި ދިވެހި ހަކުރު އަޅައިގެން ކައްކާ ހަރު ބޮނޑިބަތެކެވެ
ހިލިކުސަ
ނ (1) ފޮނިކާއެއްޗެއް (2) މަޖާޒު: ކައްކާންއުޅެ ރަނގަޅަށް ނުކެކިގެން ދެން އެހިލައި ރޯފިލުވީމާ ކިޔާނަން
ހިލިފުށް
ނ ހުންޏާހަކުރާ އަޅައިގެން ހިލައިގެން ހިލައިފައި ހުންނަފުށް
ހިލުން
މ (1) ހަލަމުން ކައްކައި އޮލަކުރުން ނުވަތަ މިގޮތަށް ކައްކައި ހިއްކުން މިސާލު: )ހ( މެޓާހިލުން )ށ( ހަކުރުހިލުން (2) މީހާ އާދައިގައި ހުންނަ ވަރަށްވުރެން އަނގަގަދަވެ ސަމާސާ ބޮޑުވުން (3) ބަޔަކު ސިހިގެން ގޮތްގޮތަށް އުޅެގަތުން (4) ބަޔަކު ޤަވާޢިދާ ޚިލާފަށް ނުކުމެގެން އުޅެގަތުން (5) ނަގިއްޔާއި ފަނާފަދަ ބުރަތަކެތި އޮތްތަނުން ގުޑައިލުން (6) ފާޅުވެގަތުން މިސާލު: )ހ( ލޭނާރު ހިލުން )ށ( ރޯގާ ހިލުން )ނ( ކުރަފިހިލުން (7) ދިރޭބޮލި ފަޅުތެރޭން ހޮވުން (8) އޮށްވަޅު ކުޅުމުގައި ގޮނޑީގެ ވަޅެއް ހުސްކޮށްނެގުން
ހިލޭޖެހުން
މ (1) ފުޓުބޯޅަ އާއި ހޮކީފަދަ ކުޅިވަރުގައި ކުށްކުރާބަޔާއި އިދިކޮޅަށް ދޭޖެހުމެއް މީގައި ސީދާ ހިލޭޖެހުމާ ނުސީދާ ހިލޭޖެހުން ހުރެއެވެ (2) އެއްޗަކަށް ނުވަތަ ތަނަކަށް ކުރިޚަރަދު އަނބުރާލިބި އަގުހަމަވުން
ހިސް
އ ޖަނަވާރު ފައްސައިލަން އިއްވައިލާ އަޑެއް
ހިސްޓީރިޔާ
ނ ސިކުނޑީގެބައްޔެއް މިބަލީގައި އެކިއެކި އަސަރުކުރުމުގައި ނަފްސާނީގޮތުން ހިފެހެއްޓުން ކުޑަވެއެވެ އޭގެ ސަބަބުން ހިސްޓީރިޔާޖެހިފައިވާ މީހާގެ ކިބައިން ޖިސްމާނީ ބަލިބަލީގެ އަލާމަތްވެސް ފެނުން އެކަށީގެންވެއެވެ ނަމަވެސް މިގޮތުން ފެންނަ އަލާމަތް ގިނަފަހަރަށްވެފައި އޮންނަނީ ބަލިމީހާއަށް ކުރެވޭހީތަކެއްގެ ސަބަބުން ކޮޕީކުރެވޭ ކަންތައްތަކެއް ކަމުގައެވެ
ހިޔަނި
ނ (1) އަލީގައި ހުންނަ އެއްޗިއްސާއި ގުޅިގެން އެއެއްޗެއްގެ ސިފައިގާ ހުންނަ އަނދިރިފަށް މިހުންނާނީ އަލިހުންނަ ފަރާތްނޫން އަނެއް ފަރާތުގައެވެ (2) ކޮންމެ އެއްޗެއްމެ އަވީގައި ނުވަތަ އަލީގައި ހުރީމާ އެއެއްޗަކުން އަނެއްފަރާތަށް ގޮސްފައި ހުންނަ އަދިރި (3) މޫނުބަލާ ލޯގަނޑުފަދަ ތަކެތީން އެފެންނަ ސޫރަ (4) އެންދަމާދަލުގެ ވަށައިގެން ކައިރީގައި ތަންކޮޅެއް ގޮޅިބޮޑެތިކޮށް ބަނދެފައި އޮންނަތަން (5) ލޯގަނޑެއްފަދަ އެއްޗަކަށް އަލިއެޅުނީމާ އެއިން އަނބުރާ ފޮނުވައިދޭ އަލި