radheef.info
ރަދީފު


ތޮޅި
ނ (1) ގަސްގަހާއި ވެޔޮވެލުގައި އަޅާހިމަދިގުކޮށް ހުންނައެއްޗެއް (2) ކަނޑާއި ފަރުތަކުގައި ދިރިއުޅޭ ހިމަދިގު މަހެއް
ކަފުރުތޮޅި
ނ ކާފޫރުތޮޅިފާޑަށް އެއަށްވުރެ ބޮޑެތިކޮށް ހުންނަ ތޮޅިއެއް. މީގެ ގަސްހުންނަނީ ކަރަންކާގަސްހެން އެއަށްވުރެ ބޮޑެތިކޮންނެވެ
ކަލިޔާބިރިންޖީ
ނ ބާވަތެއްގެ ބަތެއް. މިއީ ފިޔާ ފެނާއި ފޮނިތޮށި ކާފޫރުތޮޅި ފެނާއި ލޮނުލައިގެން ގިތެލާއި ކާށިތެލާއި މީރުކޮށްފައި އޭގެތެރެއަށް ހަނޑޫއަޅައި ރަނގަޅަށް ފެން ހިނދި ހަނޑޫގަނޑު ހަނާވީމާ ކާށިކިރާއި ދިރިޔާ އިނގުރާ އަދި ކުރިން ފެނުއެޅި ތަކެތީގެ ބާކީ ހުރި ފެނާއިއެކު އެތަކެތި އަޅައިގެން ކައްކާ ބަތެކެވެ
ކަސްތޫރި
ނ ކާމަރަނގައެއް ހެން އަރިއަރިއަށް ހުންނަ ތޮޅިއެއް މީގެ އޮށުގައި މީރުވަހެއް ދުވައެވެ
ކާފަރުތޮޅި
ނ )ޅ ( ކަށިނޫތޮޅި
ކާފޫރުމެޓާ
ނ އެތެރެއަށް ކާފުރު ތޮޅިއޮށެއްކަހަލަ އޮށެއްލާފައި ބޭރުގައި އުންހުންނަ ލާގުޅައެއްވަރުގެ މެޓައެއް މިގެނެސް އުޅުނީ ބަންގާޅުންނެވެ
ކާފޫރުތޮޅި
ނ ކާފޫރުތޮޅި ގަހުގެ ވަކި. މިއީ ތިން އަރިޔަށް ފުއްޕުން ހުރެފައި މަޑު ބޯތޮށްޓެއްގެތެރޭގައި ތިންބަރިޔަށް ކުދިކުދި ކަޅުއޮށްތަކެއް ހުންނަ ކުޑަކުޑަ ތޮޅިޔެކެވެ. މިތޮޅިއަކީ ވަހާއި ރަހައިގައި އާވިގޮތް ހުންނަ މީރުއެއްޗެކެވެ. މިއީ ބޭހަށާއި ކާބާވަތްތަކުގެ ރަހަމީރުކުރަން ބޭނުންކުރާ އެއްޗެކެވެ
ކުރަފަތްފިލާ
ނ ފަތްޕިލާ ވެލީގެ ބާވަތެއް މީގެ ފަތާއި ތޮޅި ހުންނަނީ ކުރަފަތް ތިލައެއް ހެންނެވެ މީގެ މަލުގެ ކުލައަކީ ރީނދޫކުލައެވެ މަލުގެ ފިޔަތައް ހުންނަނީ އެއްފަޅިއަކަށެވެ
ކުރެހިތޮޅި
ނ ކުރެހުން އަޅައިފައި ހުންނަ ދިގުތޮޅިއެއް މިއީ ހިމެރީގެ ބާވަތެކެވެ
ކުޅަނދިލިމާ
ނ (1) އެތެރޭގައި ވައްތަރަކު ކަރުގަނޑެއް ހުރެފައި ކުކުޅުބިސްބުރަށް އެއްކޮޅަށް ދިގުކޮށް ހުންނަ ރީތިމަލެއް މިއީ ކުރަފަތްތޮޅި ވެލުގެ މަލެވެ މީގެ ދެކުލައެއް ހުރެއެވެ (2) ނަންރީތިމާ (3) ނޫމާ
ކުދިންކުޅޭކަރަންފޫ
ނ ނަނުބެއްދިގަހުގެތޮޅި
އަންމަލްތާސް
ނ ރީނދޫކުލައިގެ ބޮޑެތި ދިގު މައުކޯޅިތައްނުކުންނަ ބިޔަވާގަހެއް. މިގަހުގެ ތޮޅިޔަކީ ޖުއްލާބުވާ މޮޅުބޭހެކެވެ
އިރުވައިބަތް
ނ އިހުގައި ދެއްވާ ރަސްމީ ބޮނޑިބަތެއް. މިކަން އޮންނަނީ އިރުވައި ފެށުނީމައެވެ. މިކަން ކުރާނީ ފުރަތަމަ ރޭ އިސްދެވަރަށް ދޮށިމޭނާ ބޭކަލަކު ދެވަނަ ރޭ ހަކުރާދެވަރަށް ހަކުރާ ބޭކަލަކު ތިންވަނަރޭ ވެލާނާ ދެވަރަށް ވެލާނާ ބޭކަލަކު ހަތަރުވަނަރޭ އިސްދެވަރަށް މާފަތް ބޭކަލަކު ފަސްވަނަ ރޭ ހަކުރާ ދެވަރަށް ފާމުދޭރި ބޭކަލަކު ހަވަނަރޭ ވެލާނާ ދެވަރަށް ދަހަރާ ބޭކަލަކު މިޤަވާއިދުންނެވެ. ބަތެއްގައި ހުންނާނީ ނުވަ ގައު ބައެވެ. ހުންނާނީ ހަތަރުމަލާފަތުގައި މަލާފަތެއްގައި ފަންސަވީސް ބަތެވެ. ބަތް ބަލާދާ ކަލާސީއަކަށް ބަތެއް ބުރުޒު ބަނޑޭރިއަކަށް ދެބަތް އޮންނާނެއެވެ. އެގެންދާ ބަތުގެ ތެރެއިން އެކިއެކި ބޭފުޅުންނަށާއި ދައުލަތުގެ މަތީ މަޤާމުތަކުގައި ތިއްބަވާ ބޭބޭކަލުންނަށް ފޮނުވާނެއެވެ. މިބަތް ކައްކާނީ ބޮޑު ބޭކަލުންގެ ގޭގޭގައެވެ. ބޮޑުބޭކަލަކު ނެތްނަމަ ބަނޑޭރިގޭގައެވެ. އަދި މިބަތް ކައްކާނީ ވަރަށް މޮޅަށް ކިރާ ހަނޑުލުގައި ފޮނިތޮށި ކާފޫރުތޮޅި އަޅައިގެންނެވެ
އިސްކުރުތޮޅި
ނ ފޮނި ހެލެނބެލި މީގެ ތޮޅި ހުންނާނީ އިސްކުރެއްހެން އެނބުރިފައެވެ
އޫނާޑެތޯޅު
ނ )ގ ( ތުންދިގު ތޮޅި
އޮނުގަނޑުތޮޅި
ނ ތުންގަނޑު އޮނުގަނޑެއްހެން އޮންނަ ތޮޅިއެއް
އޮޅުންސުވާލި
ނ (1) ބޭހުގެ ބާވަތެއް މިއީ ވަކިފޫފާޑަށް އެޔަށްވުރެ ތަންކޮޅެއް ދިގުކޮށް ދަށްފަށަށް އޮޅިފައި ހުންނަ ތޮޅިއެއް (2) އޮޅުން ސުވާލީގެ ސިފައިގައި ފުށުންހަދައި ތެލުލައިފައި ހުންނަފޮނިކާއެއްޗެއް
ވާތޮޅި
ނ (1) ނަނުގަނޑު ތޮޅި. (2) ވާކަތޮޅި. މިއީ ދެތުންގަނޑު އެއްވަރު އެހެން ތޮޅިއަށްވުރެ ހިމަ ބުރިކަށިމަތީގައި ތަންކޮޅެއް ކޮތަރި ގިނަ ތޮޅިއެކެވެ
ވިހަގިގުނި
ނ ކުޑަވަރެއްގެ ގަހެއް މީގެހިކިތޮޅިތެޅުވީމާ ގިގުންޏެއް ފަދައިން ތޮށިގަނޑުގެ ތެރޭން އޮށްތައް ތެޅޭއަޑު އިވޭނެއެވެ މީގެ ދެވައްތަރެއް ހުރެއެވެ
ވިޔަމަހަ
ނ )ޏ ( މާތޮޅި
ވެނުބަނޑޭރި
ނ ތުންދިގު ތޮޅިއެއްހެން ހުންނަ މޫދުގައި ދިރިއުޅޭ ކުޑަމަހެއް މީގައި ހުންނާނީ ގަޅި ކަނޑައިފައެވެ