radheef.info
ރަދީފު


ފުރަތަމަ
ނއ (1) އެއްވަނަ (2) ކުރިން މިސާލު: ފުޅިބައްތި އެންމެ ފުރަތަމައަށް ހެދީ ކުނިމަސް ދޮންމޫސާފުޅެވެ (3) އިހަށް
ޅިޔައަކުރު
ނ ފައިކޮޅުތައް ދިގުކޮށް ހުންނާނޭހެން ލާމަހަމުން ލިޔެފައިހުންނަ ޢަރަބި ލިޔުމެއް މިބަލަލާއިރު ފުރަތަމަ ފެންނާނީ ކުރެހުމެއް ހެންނެވެ އިހުގެ ބައެއް މިސްކިތް މިސްކިތުގެ ބެރީގައްޔާއި ބައެއް މަހާނަގަލުގައި މިލިޔުން ލިޔެފައި ހުރެއެވެ
ކަށިނެތްމިޔަރު
ނ މިޔަރުގެ ބާވަތެއް. މިއީ ކަށިމިޔަރާވަރަށް އެއްގޮތް މިޔަރެކެވެ. ނަމަވެސް މި މިޔަރުގެ އުރަހަ ކައިރީގައި ކަށްޓެއްނުހުރެއެވެ. ބުރަކަށިމަތީގައި ދެވަނަ އަށް ހުންނައުރަހަ ފުރަތަމަ އުރަހައަށްވުރެ ބޮޑުވާނެއެވެ. މަތީތަލީގައި ހުންނަނީ ހިމަ ކުދި ތިނޯސް ކަހަލަ ދަތްތަކެކެވެ ދަށުތަލީގައި ހުންނަނީ ފުޅާ ދަތްތަކެކެވެ
ކަނުވުން
މ (1) ލޮލަށް ނޭނގޭ ގޮތްވުން (2) އާދައިގެ އޮށްވަޅު ކުޅޭއިރު ފުރަތަމަ ކުޅިގަނޑަށްފަހު އެމީހަކަށް ލިބޭ ފުއްތައް ވަޅުވަޅަށް އަޅަމުންދާއިރު ވަޅަށް ފުއް ހަމަނުވެގެން ވަޅުހުސްވުން (3) މަޖާޒު: ހިތަށް ނުވިސްނޭގޮތްވުން
ކައިވަތުއިލޮށިނެގުން
މ ހުނަރުވެރިކަމުގެ ކުޅިވަރެއް. މިކުޅިވަރުގައި ކައިވަތެއްގެ ދިގުމިނުގެ ތިންއިލޮށިކޮޅު ކޮންމެ ދެއިލޮށިކޮޅު ދޭތެރޭ ކައިވަތެއްގެ ދުރުމިން ހުންނާނޭހެން ހަމަތާކު ބާއްވާފައި ފުރަތަމަ އިލޮށިކޮޅުގެ ދެކޮޅުގައި ދެފައިގެ ބޮޑުވާއިގިލިކުރި ޖައްސައިގެން އުޑަފައިން އިށީނދެ ދެއަތް ދެފައިގެ ދޯނގިދޮށުން ކުރިމައްޗަށްނެރެ މެދުގައިއޮތް އިލޮށިކޮޅުގެ ދެކޮޅުގައި ދެއަތުގެ ބޮޑުވައި އިނގިލި އެޅުމަށްފަހު ކުރިމަތީގައި އޮތްއިލޮށިކޮޅު އަނގައިން ނެގުން
ކައްޗާދަވާދު
ނ ދަވާދުލާ ތަންތާނގައި ފުރަތަމަ ބަތާނަޔަށްލާ ދަވާދު
ކަވަރު
ނ (1) މަޑައިގެ ވައްތަރެއް. މީގެ ކަނިފަށުގެ މެދުގައި ހުންނާނީ ހުޅުލާފައެވެ. ޖަހައިފައި ދަމައިގަތީމާ ކަނިފަށް ހުރަސްވާނެއެވެ. (2) އޮޑިދޯނިފަހަރު ބަންނައިރު މައްޔަލާއި ފަށަނާއި ވަވަތާއި އެއްކޮށްޖަހާ ފުރަތަމަ ތުނޑ ު (3) ފޮތުގެ ބޭރުން ލާ ގަނޑު
ކިރުބުއިދަތް
ނ އެންމެ ފުރަތަމަ ފަހަރަށް ފަޅާދަތް
ކިމެރުއުއި
ނ އަލަށް އިން ދެމީހަކަށް ފުރަތަމައަށް ލިބޭ އަންހެންދަރި ކޮށާ އުއި
ކޭކުލި
ނ ދޫނި ސޫފާސޫފީގެ ކާތަކެތި ފުރަތަމަ އެޅޭ ގުނަވަން
ކޮނޑުމައު
ނ (1) ފުރަތަމަ ޤާނޫނު އަސާސީ ފާސްވެގެން ވަޒީރުން ތުރުކުރެއްވި ކިނާރީއެޅި ހެދުންކޮޅުގައި ކޮނޑުމަތީގައި ހުންނަ މަޚުމާފަށް ކިލެގެބޭކަލެއްނަމަ މަޚުމާފަށުގެ މެދުގައި ރަންކުލައިގެ ތަރިއެއްހުރެއެވެ މިއީ ރަތުލޮއިން ހަދައިފައިހުންނަ އެއްޗެކެވެ ކިލެގެބޭކަލެއްނޫންނަމަ ހުންނަނީ ހަމައެކަނި މަޚުމާފަށެވެ (2) ސިފައިންގެ ޔުނިފޯރމުގައި ކޮނޑުމައްޗަށް އަރާފައި ހުންނަ ނިޝާން
ކޮއިމަލާ
ނ ރާއްޖޭގެ ފުރަތަމަ އިސްލާންވެވަޑައިގަތް ކަމަށްބުނާ ރަސްގެފާނަށް އިސްލާންވެ ވަޑައިގަތުމުގެ ކުރީން ކިޔައި އުޅުނު ނަން
އަންގާލާ
ނ ހުކުރުބެރާއި ދަންބެރުޖަހަން ފުރަތަމަ ޖަހާ ދަނޑިވަޅުތައް
އަރާއިރުކޮޅު
ނ (1) ދުވާލުގެ ފުރަތަމަ ދަން (2) ހެނދުންކޮޅު (3) )ސ ( އިރުމަތީ ފަރާތް
އައްސިދަ
ނ (1) ހުޅަނގުގެ ފުރަތަމަ ނަކަތް ނަކަތް ކިޔަން ފަށަނީވެސް މިނަކަތުންނެވެ (2) މިނަކަތުގެ ތަރިތައް
އަލަށް
ކއ (1) ފުރަތަމަޔަށް (2) އައުކޮށް
އަލަތު
ނ (1) ފުރަތަމަ. (2) އައު. މިސާލު: )ހ( އަލަތު އަނބިމީހާ. )ށ( އަލަތު ފިރިމީހާ. )ނ( އަލަތު ދަރި މިބަސް ބުނެއުޅެނީ ޚާއްޞަކޮށް ފުރަތަމަ އަނބިމީހާއަށް ނުވަތަ ފުރަތަމަ ލިބޭ ދަރިއަކަށެވެ
އަލިފު
ނ (1) ހަށަނަރަބަޅައިގެ އަށްވަނަ އަކުރު (2) ޢަރަބި އަލިފުބާގެ ފުރަތަމަ އަކުރު
އަގި
ނ (1) ފަސްފުއްބޮލި (2) ބޮލިގުނުމުގެ ފުރަތަމަ ޢަދަދު
އަގުކެނޑުން
މ ފުރަތަމަ ކިޔާއަގަށްވުރެ އަގުކުޑަކުރުން
އާކޯރިޖެހުން
މ )ހ ( ހިތާންކޮށް ފަސޭހަވުމަށްފަހު ފުރަތަމަ އަންހެނަކާއެކު ނަހަމަ ގޮތުގައި އުޅުން