radheef.info
ރަދީފު


ވަކަ
ނ (1) ބައެއްގަސްގަހުގެ ބޭރުތޮށީގެ އެތެރެފަރާތުގައި ހުންނަ ފަށްފަށަށް ނެގޭ ތޮއްޓެއް (2) ނއ މުރަނަކަން ކެނޑި ތަތްވުމާއެކު މަޑުވާ މަޑުވުން (3) މަޖާޒު: ކަންތައް ކުރުމުގައި ވާންވީ ވަރަށް ވުރެ ލަސްލަހުން ކުރެވޭ ތަތްގޮތް
ކުރުކަނި
ނ ފަތްފޮށީ ވަކަރު މައްޗަށް އިންދައިފައި ހުންނަ ކުރުވަކަރު ބުރިއެއް
ކުރުކަނިމަތީވަކަރު
ނ )މ ( ގޭގެ ކަނިތަކު މަތީ އަރިޔަށް އޮންނަ ވަކަރު
ކުކުޅުވަހި
ނ (1) ދެފުރާޅަށް ހިޔާކުރާ ތަންތާނގެ ކޮޅުން ހުރަސްވަކަރާއި ފައިދޮށާ ދެމެދު. (2) ތެދު ބިމެއް ނަމަ ފުރާޅަށް ކަތިކޮށްފައިވާ ހިސާބު
ކޮށާރު
ނ ހަބިތް ނިރޮޅުން ނުވަތަ ގަސްވަކަރުން ހަދައިފައި ހުންނަ ބަނޑަހަގެޔެއް. މީގެ ދޮރުހުންނާނީ އެއް މަޅުގަނޑަށްފަހު އަނެއް މަޅުގަނޑު ނަގައިގެން ހުޅުވޭ ގޮތަށެވެ
ކޮށުން
މ (1) ވަޅި އާއި ފުރޯ ފަދަ އެއްޗަކުން އެއްޗެއް ކުދިކޮށް ކަނޑައި އުނިކުރުން. މިސާލު: )ހ( ފޯއްކޮށުން. )ށ( ދަރުކޮށުން. )ނ( ވަކަރުކޮށުން. (2) ދޫނި ސޫފާސޫތްޕާއި މަސްމަހާމެހި އެއްޗެހީގައި ތުން ތެޅުން ނުވަތަ ތުނބުގެކުރިން ކުއްލިޔަކަށް ހިފުން (3) )ޏ ސ( ވިކައިގަތުން
އަނގުނު
ނ އުނދޯލީގެ ދެކޮޅުގައި ދަށުން އަޅައިފައި އޮންނަ ދެވާލު އުނދޯލިއެލުވައިފައި ހުންނަނީ މީގެދެކޮޅަށް ދެވައު ލައްވައިފައެވެ (2) ފިލާ ވަކަރު ފަދަ އެއްޗެހި ބަހައްޓާން ހުރަހަށް ބަންނަ ތަކެތި
އަރުދު
ނ ތިންމައިގަނޑު ވިޔަ ހަދާއިރު ހަމައެކަނި ގުނަކޮށްގެން ޖަވާބު ހޯދާ ގޮތަކަށް ކިޔާނަމެއް މިސާލު: ފަސްލާރިއަށް ދެވައްކެޔޮ އަގުން ބާރަވަކަށް ވާނޭ އަގު ހޯދާނަމަ ފަންސަވީހާއި ބާރަޔާއި ގުނަކޮށް ނިކުތް އަދަދު )ތިންސަތޭކަ( ކަނާތް ފަރާތުން އެއް އަކުރު ކަނޑާލީމާ އޮންނާނީ )ތިރީސްލާރިއެވެ ( މިއީ ބާރަ ވަކަށް ވާނޭވަރެވެ
އެތެރެވަކަރޮ
ނ )ސ ( ހުރަސް ވަކަރު
ވަހުތޮނަ
ނ (1) ވަސްކަނި (2) ފުރާޅުގެ ވަސް ބާއްވަން ތާވަކަރަށް ނުވަތަ ހުރަސް ބެރިއަށް ޖަހައިފައި ހުންނަ އެއްޗެތި
ވަކަނަނު
ނ ވަކައިން އަޅާނަނު
ވަކަރަހަޖެހުން
މ )ޏ ( ވަކަރަށް ޖެހުން
ވަކަރުކޮށުން
މ ނިރޮޅުގަނޑެއް ކޮށައި ވަކަރަށް ހެދުން
ވަކަރުފުށް
ނ ނިރޮޅު ވަކަރުގެ ތޮށި ހުންނަ ފަރާތް ނުވަތަ އާރު ހުންނަ ފަރާތް
)މުސްކުޅިބަހެއް( މިހެން ބުނެއުޅެނީ ޝަރިޔަތުގައި ކޮންމެ އެއްފަރާތަކަށް ބުރަވާގޮތަށް ނިޔާ ކަނޑައެޅިއްޖެކަމަށް ހީވީމައެވެ ވަކަރުގަނޑު މާވަޑިޔާ ހިތެކެވެ ނިޔާ ފަނޑިޔާރާ ހިތެކެވެ
ވަކަރުގެ
ނ އިހަށް ކުޑަލާމިގަސްދޮށު އަތިރިމަތީގައި ފަހުން މާރުކޭޓާ ދިމާއިން ދެކުނުގައި ކުރީގެ އަތިރިމަތީގައި ސަރުކާރުގެ ވަކަރު ރައްކާ ކުރާން އަޅައިފައި ހުރި ގެއެއް މިގޭގައި ސަލާންޖަހާ ކުދީން ނިދާއުޅުނެވެ އޭގެފަހުން ބަނޑޭރިގެއާ ދިމާއިން އަތިރިމަތީ ފާރު ކައިރީގައި އޭރު އެތާހުރި ހެލެބެނލިގަސްދޮށު ދޮރޯށީގެ ހުޅަނގުން ސަލާންދޭ ކުދީން ނިދާ އުޅޭން ދައުލަތުން އަޅުއްވައިފައިހުރި ގެއަކަށްވެސް ކިޔައިއުޅުނީ ވަކަރުގެއެވެ
ވަކަރުގޭކުދިން
ނ (1) ސަލާންޖަހާ ކުދީން )ސަލާންޖަހައިގެން އެއްޗެހި ހޯދައި އުޅޭ ނިކަމެތި ފަޤީރުކުދިން މިކުދިން ނިދާއުޅުނީ ވަކަރުގޭގައެވެ ( (2) އެންމެ ދެރަ ހުތުރު އުޅުން އުލޭ ވިޔާނުދާ ކުދިން
ވަކަރުޖެހުން
މ (1) ރުއްކަނޑާންވެގެން ވަކަރުލާތޯބަލާން ފުރޮއިން ހޮނދުޖަހައިލުން (2) މަޖާޒު: މީހާގައިހުރި ހަރުދަނާކަމެއް ބަލައިލުން
ވަކަރޮ
ނ )ޏ ( ވަކަރު
ވަކަމަހިކުރުން
މ ވަކަނަގާ ގަސްގަހުގެ ރޯދަނޑި މިލުވައި ނުވަތަ މޫދުއަޅައިގެން ނަގައި އޭގެ ވަކަތައް ވަކިކުރުން
ވަކަދަނޑި
ނ (1) އެކިވަރުގެ ނަނު ނުވަތަ ވާ އަޅާން ވަކަނަގަން ގަސްގަހުން ކަނޑާދަނޑި. މިކަމަށް ބޮޑަށް ބޭނުންކުރާނީ ދިއްގާގަހުގެ ދަނޑިއެވެ. (2) މުރަނަކަންނެތް ގޮތްގޮތަށް ލަބާ ހަދަން ފަސޭހަ ރޯދަނޑި