radheef.info
ރަދީފު


އެކަކު
ނ އެންމެ މީހަކު
އަޅައިގޮވުން
މ (1) ވައްލަފަދަ ބައެއްދޫނި އެކަތި އަނެއްކައްޗަށް ރައްޓެހިވެގެން އެކަތި ގޮވައިލީމާ އަނެކަތި ގޮވައިލުން (2) ދެޖިންސުގެ ދެމީހުން ރައްޓެހިވެގެން އެކަކު އެއްޗެއް ބުނީމާ އެޔާއަޅައި އަނެކަކު އެއްޗެއް ބުނުން (3) މަޖާޒު: ލާދީގޮވުން
އަތާއަތްގުޅާލުން
މ (1) އެކަކު އަނެކަކުގެ އަތުގައި ހިފައިގެން ތިބުން (2) މަޖާޒު: ނުހަނުބޮޑަށް އެކުވެރިވުން
އަތުންއަތަށް
ކއ މެދުވެރިއެއްނެތި އެކަކު އަތުން އަނެކަކުއަތަށް ހަމަ އެ ތަންވަޅު އަގު ދިނުމަށް ބުނާ ގޮތެއް
އަތުބާރުއެޅުން
މ ދެމީހުން ދެފަރާތުގައި ތިބެގެން ދެމީހުންގެ އަތުގެ އުޅަނބޮށި ހަމަތާކުޖައްސައިގެން އެކަކު އަނެކަކުގެ އަތްތިލާގައި ހިފައިގެން އަތްތިލަގެންގޮސް އެތާ ޖައްސާފައި ހިފަހައްޓާން އުޅުން
އަތްތޮޅުވުން
މ ބާރުގަދައީ ކާކުތޯ ބަލާން އެކަކު އަނެކަކުގެ އަތުގައި ހިފައިނައްޓުވައިހެދުން ދެމީހުން އޮޅުލައިގަތުމުގެ ކުރީގައިވެސް މިހެން ހަދައިއުޅެއެވެ
އަތްތޮޅުވުން
މ ހިފާން ނުކުންނަ ދެމީހުން ހިފަންފަށައިގަންނައިރު އެކަކު އަނެކަކުގެ އަތުކުރީގައި ހިފަމުން ނައްޓަމުން ގެންދިއުން
އަތްގުޅުން
މ (1) އެކުވެރިކަމުގެގޮތުން އެކަކު އަތުގައި އަނެކަކު ހިފުން (2) ލިބާހު ބަދަނުގައި އަތް ހަރުކުރުން (3) މަޖާޒު: އެކުވެރިވުން
އުފުލާގޯނި
ނ (1) މަޖޫރީން އުފުލަން ގެންގުޅޭގޯނި މަޖާޒު: (2) އެކަކުގެބަސް އަނެކަކަށް ގެންގޮސްދޭމީހާ (3) ކުޓުވާމީހާ
އެޅުން
މ (1) އެއްޗެއްގެ ތެރެއަށް އެއްޗެއް އޮއްސުން މިސާލު: ކުރަޔަށްފެން އެޅުން (2) އެއްޗެއްގައި އެއްޗެއް ބެހެއްޓުން މިސާލު: ތައްޓަށްބަތްއެޅުން (3) ކާށިކުރުނބާފަދަ ތަކެތި ރުކުން ބިނުން (4) އެކަތި އަނެކައްޗަށް ފުށުއަރައި ނިވައުވުން (5) ފުރާދުއްވާ އެއްޗެތި ބަނދަރެއްގައި ނުވަތަ ފަޅެއްގައި ދުރަށް ނުދާނޭގޮތަށް ހަރުކުރުން (6) ގަސްގަހާގެހީން މަލާއި މޭވާނުކުތުން (7) އެއްޗެއްގެ ބައެއް އަނެކައްޗެއްގައި ޖެހި ހަރުލާނޭގޮތްވުން (8) ބޭސްފަދަތަކެތި ގައިގާ ބޯކޮށް ތަތްކުރުން (9) އަދުންފަދަ ތަކެތި ލޮލުގެ ރަވައިގާ ކާއްތައިލުން )01( ތަވީދުފަދަ ތަކެތިގައިގާ ބަނުން (11) ހަށިގަނޑުގެ ގުނަންތަކުގައި ގަހަނާ ފަދަ ތަކެތި ހަރުލާގޮތް ހެދުން (21) ހެދުން ގަޔަށްލުން )31( ތާކިހާ ރުމާފަދަ ތަކެތި ބޮލުގައި ބެހެއްޓުން )41( ފާފަވެރިވާ ގޮތުން އެކަކު އަނެކަކާ ޝަހުވާނީ އެދުމުގައި ކަމެއް ކުރުން މިބަސް ގިނައިން ބޭނުންކުރާނީ އެއްޖިންސްގެ ދެމީހުން މިބާވަތުގެ ކަމެއް ކުރީ މައެވެ
އެކިއެކި
ނއ އެކެއް އެކެއް މިބަސް ބޭނުންކުރަނީ ގިނަބައެއްގެ ތެރައިން ނުވަތަ ގިނައެއްޗެހި ތަކެއްގެ ތެރައިން އެކަކުން ވަކިކޮށް ބުނުމަށެވެ
އޮޑުވުން
މ )ޏ.( (1) އެކަކުގެ ވާހަކަ އަނެކަކުގާތުގައި ނުބައިކޮށް ދެއްކުން. (2) ކުޓުވުން. (3) ވަކިފަރާތަކަށް އެނބުރިގެންހުރެ ހަތަރެސް ފަޔާއި މޫނަށް ވައްތަރު ޖެއްސުން
ވާހަކަ
ނ (1) ބަޔާން (2) ޚަބަރު (3) ރިވާޔަތު (4) އެކަކު އަނެކަކަށް މޮށެއުޅޭ ބަސްތައް
ވާގަނޑުކުޅުން
މ އެކަކު އިށީނދެ އިނދެގެން ވަށައިގެން އެބުރޭނޭހެން ބޯމަތިން ވާގަނޑެއް ހޫރާއިރު އެކަކު އޭގައި ނުޖެހި އޭގެމަތިން ތަކުރާރުކޮށް ފުފެމުން ކުޅޭ ކުޅިވަރެއް
މަކުނު ފިނދުން ވަލެއް ހުހެއް ނުވާނެ
)މުސްކުޅިބަހެއް( އެކަކުބުނާ ކޮންމެ އެއްޗަކަށް އެއްޗެއް ބުނެ ދޫނުކޮށް ޒުވާބުކުރަންފެށީމާ ބުނެ އުޅޭ ބަހެއް
މަތިތަޅާލުން
މ މަޖާޒު: (1) ބަޔަކު ކަމެއް ކުރުމަށް ރާވައިފައި ވަނިކޮށް އެކަމަކަށް ގަސްދުކޮށްފައިވާ ވަގުތުގެ ކުރިން އޭގެ ތެރެއިން އެކަކު ނުވަތަ އެކަން ދެނަހުރި އެހެން މީހަކު އެވާހަކަ ދެއްކުން (2) ކަމަކަށް ދޭންވާ ސަމާލުކަން ނުދީ މަތިމަތީން އެކަމެއް ކޮށްލުން
މަޑިދާތާކަށްކަށިދާނެ
ނ )މިސާލުބަހެއް( ދެމީހަކު އަބަދުހެން އެކުގައި އުޅޭނަމަ އެކަކު ދާތާކަށް އަނެކަކު ދާނެކަން އަންގައިދިނުމުގެގޮތުން ބުނެއުޅޭ ބަހެއް
މާފޮޅުވުން
ނ މަޖާޒު: ހިތާވެގެންއުޅޭ ދުވަސްވަރު އެކަކު އަނެކަކު ގާތުގައި ފޮނިވާހަކަ ދެއްކުން
މިލުން
މ (1) ހޫނު މޫސުމުގެ ސަބަބުން ގަސްގަހުގެ ފަތާއި މަލަން އަންނަ މޯޅިކަން (2) މަޖާޒު: ހިތަށްކުރާ އަސަރެއްގެ ސަބަބުން މޫނުމަތީގެ ތާޒާކަން ކެނޑުން (3) އެކަކު އަނެކަކާ އެކުލެވުން
މީދަލުހަތްތީންވާފެންބުއިން
މިސާލު: އެކަކު ކުޅަ މަސައްކަތަކުން އަނެކަކު ފައިދާ ހޯދުން
މުއާޞަލާތު
ނ (1) ގުޅުން އުފެއްދުމުގެ ޢަމަލު. (2) އަނގަބަހުން ބުނާ ނުވަތަ ލިޔެގެން އަންގާ ވާހަކަ. (3) އެކަކު އަނެކަކަށް ދޭހަވާ ބަހުރުވައަކުން ނުވަތަ ޙަރަކާތަކުން ނުވަތަ އިޝާރާތަކުން ނުވަތަ ނިޝާނެއްގެ ބޭނުން ކޮށްގެން ވާހަކަ ދެއްކުމަށް ކުރާ ޢަމަލު. (4) މަޢުލޫމާތު ބަދަލު ކުރުމަށް ކުރާ ޢަމަލު. (5) ދަތުރު ފަތުރު ކުރުމުގެ ނިޒާމް. (6) ވާހަކަ ދެއްކުމާއި ސިޓީއާއި މެސެޖް ބަދަލުކުރުމުގެ ނިޒާމު