radheef.info
ރަދީފު


އެކަކު
ނ އެންމެ މީހަކު
އެކަކު
ނ އެންމެ މީހަކު
ހަށަވާދަ
ނ (1) ލަދުގަންނަ ޒާތުގެ ޒުވާބު (2) ހިތާވާ މީހުނާ ސަމާސާ ގޮތުން ދައްކާ ލަދުގަންނަ ޒާތުގެ ވާހަކަ (3) ދެމީހަކު އެކަކު އަނެކަކަށްވުރެ ތިމާ މޮޅުކަމަށް ބުނެ ކުރާ ޒުވާބާއި ވާ އަރާރުން (4) )ސ ( ވައްބަހުން ދައްކާ ވާހަކަ
ހަށަވާދަކިޔުން
މ (1) ލަދުގަންނަޒާތުގެ ޒުވާބުކުރުން (2) ހިތާވާ މީހުނާ ސަމާސާ ގޮތުން ލަދުގަންނަ ޒާތުގެ ވާހަކަ ދެއްކުން (3) ދެމީހަކު އެކަކު އަނެކަކަށްވުރެ ތިމާ މޮޅު ކަމަށްބުނެ ވާހަކަދައްކައި ޒުވާބުކޮށް އަރާރުންވުން (4) )ސ ( ވައްބަހުން ވާހަކަ ދެއްކުން
ހަމަލަ
ނ ދޭދޭ މީހުން ނުވަތަ އެކަކުގެ މައްޗަށް އަނެކަކު ދެކޮޅުވެރި ކަމުގައި ކުރާދިމާ
ހަތަރު ބީރުންގެ ވާހަކަ
(މިސާލުބަހެއް) ހަތަރުބީރުން ދެއްކިކަމުގައި ބުނެވޭ ވާހަކައެއް. މީގައި އެކަކު ކިޔާ އެއްޗެއް އަނެކަކަށް އޮޅުން ނުފިލައިގެން އެކި މީހުން ދެއްކީ އެކި ވާހަކައެވެ. ބައަކު މިބާވަތަށް ވާހަކަ ދައްކަންޏާ މިސާލަކަށް ބުނެއުޅެނީ "އެ ދައްކަނީ ހަތަރު ބީރުންގެ ވާހަކަ" އެވެ.
ހަތަރުކަޅިހަމަވުން
މ (1) އެކަކު އަނެކަކަށް އެއްފަހަރާ ލޯފެންނަގޮތަށް ބަލައިލެވުން (2) ހަތަރުކަޅި ބައްދަލުވުން
ހިމަބިހި
ނ ހުންއައިސްފައި ގައިގެ ހަމުން ނުލާހިކު ގިނައިން ކުދިކުދި ބިހިތަކެއް ނަގާ ބައްޔެއް މިއީ ވަރަށް ފަސޭހައިން އެކަކުގައިން އަނެކަކު ގަޔަށް އަރާ ބައްޔެކެވެ މިބަލި ގިނައިން ޖެހެނީ ކުޑަކުދީންނަށެވެ
ރަނގަބީ
ނ ރަނގަބީ ފުޓްބޯޅަ މިއީ ދެޓީމުގެ ދެމެދުގައި ދަނޑުގައި ކުޅޭ ކުޅިވަރެކެވެ ގެންގުޅޭ ބޯޅައަކީ ކުކުޅުބިސްބުރަށް އޮންނަ ބޯޅައެކެވެ މިބޯޅައިގައި ފައިންވެސް ޖެހެއެވެ އަތުން ހިފައިގެންވެސް ގެންދެވިދާނެއެވެ އަދި އެކަކު އަނެކަކުގެ އަތަށް ދެމުން ގެންދެވެއެވެ
ނަންބަރުޖެހުން
މ (1) ޢަދަދުޖެހުން (2) އެއްޗެހިތަކެއް ތަރުތީބު ކުރުމަށްޓަކައި އެކަކުން ފަށައިގެން ޢަދަދު ޖަހަމުން ގިނަކުރަމުން ގެންދިއުން
ރަންގުލީރަޙުމަތް
ނ (1) އެކަކު އަނެކަކާ ބަހައްޓާ މަތިމަތީގެ ރަޙުމަތްތެރިކަން (2) އަވަހަށް ފިލައިގެންދާ ރަޙުމަތްތެރިކަން
ރަޙުމަތްތެރި
ނއ އެކަކުއަނެކަކު އުފަލާއި ހިތާމައިގައި ބައިވެރިވެ އެކަކު އަނެކެއްގެ ހާލުއަހުވާލުބަލައި އެހީތެރިވެދީ އުޅޭ
ރަޙުމަތްތެރިން
ނ އެކަކު އަނެކަކަު އުފަލާއި ހިތާމައިގައި ބައިވެރިވެ އެކަކު އަނެކެއްގެ ހާލުބަލައި އެހީތެރިވެދީ އުޅޭ މީހުން
ރަޙުމަތްތެރިކަން
ނއނ އެކަކު އަނެކެއްގެ އުފުލާއި ހިތާމައިގައި ބައިވެރިވެ އެކަކު އަނެކެއްގެ ޙާލު އަޙުވާލުބަލައި އެހީތެރިވެދީ އުޅޭކަން
ރަޙުމަތްތެރިވުން
މ އެކަކު އަނެކެއްގެ އުފަލާއި ހިތާމައިގައި ބައިވެރިވެ އެކަކު އަނެކެއްގެ ޙާލު އަޙުވާލު ބަލައި އެހީތެރިވެދީ އުޅުން
ރިލޭރޭސް
ނ ޓީމުތަކުގެ މެދުގައި ބޭއްވޭ ދުވުމުގެ ރޭހެއް މީރޭހުގައި އެމީހަކު ދުވާނީ އެކަކު އަތުން އަނެކަކު އަތަށް ބަދަލުވާ ދަނޑި ބުރިއެއް ހިފައިގެން އެމީހަކަށް ކަނޑައެޅިފައިވާ ތަންކޮޅެއްގައެވެ
ރޭސް
ނ (1) އެކަކު އަނެކަކަށްވުރެ ނުވަތަ އެއްބަޔަކު އަނެއްބަޔަކަށްވުރެ ކުރި ހޯދުމަށް ކުރާ ވާދަ. މިސާލު: ހަތިޔާރުގެ ރޭސް. (2) ދުވުމުގެ ނުވަތަ ދުއްވުމުގެ މުބާރާތް. މިސާލު: ކާރުރޭސް ރިލޭރޭސް އަސްރޭސް ދޯނިރޭސް (3) ބާރުދުވެލި މިސާލު: ދުވެލިބާރު ނުކުރާށެވެ
ބައިތުބާޒީ
ދެމީހެއްގެ ނުވަތަ ދެބައެއްގެ ދެމެދުގައި ވާދައަށް ޅެންބައިތު ކިއާކިއުން. އެކަން ކުރާ ގޮތަކީ އެއްކޮޅުން އެކަކު ޅެންބައިތެއް ކިއުމުން އެބައިތު ހުއްޓުނު އަކުރަކުން އަނެއްކޮޅުން އަނެކަކު ޅެންބައިތެއް ފަށައިގެން ކިޔަނީއެވެ
ބައްދަލު
ނ (1) އެކަކު އަނެކަކާ އެއްތަންވާ ވުން (2) އެކަކު އަނެކަކާ ދިމާވާވުން (3) ދޭއްޗެއް އެއްތަންވާވުން (4) ކަމަކާ މަޝްވަރާ ކުރާން ބަޔަކު އެއްތަނަކަށް އެއްވާ އެއްވުން
ބައްދަލުކުރުން
މ (1) އެކަކު އަނެކަކާ އެއްތަން ކުރުން (2) އެކަކު އަނެކަކާ ދިމާ ކުރުން (3) ދޭއްޗެއް އެއްތަން ކުރުން (4) ކަމަކާ މަޝްވަރާކުރާން ބަޔަކު އެއްތާކަށް އެއްކުރުން
ބައްދަލުވުން
މ (1) އެކަކު އަނެކަކާ އެއްތަންވުން (2) އެކަކު އަނެކަކާ ދިމާވުން (3) ދޭއްޗެއް އެއްތަންވުން (4) ކަމަކާ މަޝްވަރާ ކުރާން ބަޔަކު އެއްތާކަށް އެއްވުން
ބާލީކޭން
ނ އެކަކު ނުވަތަ ގިނަބަޔަކު ކައިގެން ބާކީވާބައި