radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ހައްޕު
އކ (1) އަނގައިން ނުބުނާން ޤަސްދުކޮށްގެން ހުރިކަން އަންގައިލުމަށް ބުނެއުޅޭބަހެއް. މިސާލު: އަހަރެން ހައްޕު ކިޔައިފީމޭ ބުނެފިނަމަ އެއީ އަހަރެން އަނގަޔަކުން ނުބުނާނަމޭ (2) މަޖާޒު: ކަމަކުން ދުރުވެހުރިކަން އަންގައިލުމަށް ބުނެއުޅޭބަހެއް މިސާލު: "ތިޔަކަމަށް ހައްޕު ކިޔައިފީމޭ" ބުނެފިނަމަ އޭގެމާނަޔަކީ ތިޔަކަމުން ދުރުވެގެން ފީމޭ
ހަވާސް
ނ ފަސްޙިއްސު. އެއީ ރަހަލުން ފެނުން އިވުން ވަސްދުވުން ގައިގައި ޖެހުނީމާ އެނގޭ އެނގުން މިއެވެ
ހަމަ
ނ (1) އިންސާފު (2) އެއްވަރު (3) ތިންހަމަ ކުޅޭއިރު އެއްކަހަލަ ތިންފުށްވާދިމާ (4) ބެރާލަވަޔާވާއެކު (5) އކ އެއްވެސް ބޭނުމެއްނެތް ކަމުގެ މައްޗަށް ދަލީލުކުރާ ބަހެއް މިސާލު )ހ( ހަމައައީ )ށ( ހަމައިނީ (6) ވުމުގެ މައްޗަށް ނުވަތަ ނުވުމުގެ މައްޗަށް ބަސްގަދަކުރުމަށްބުނާ ބަހެއް މިސާލު: )ހ( ހަމަނުފެނުނޭ )ށ( ހޯދީވިއްޔާ ހަމަފެންނާނެއޭ
ހަމައެކަނި
އ (1) އެނޫން އެހެން އެއްވެސް އެއްޗެއް ނުވަތަ ކަމެއް ނުވަތަ މީހެއް ނެތްކަން ބަޔާންކޮށް ދިނުމަށް ބުނެއުޅޭ އަކުރެއް މިސާލު: )ހ( ބުނީ ހަމައެކަނި އެހެން )ށ( އައީ ހަމައެކަނި އޭނާ )ނ( ބޭނުންވަނީ ހަމައެކަނި ގަލަމެއް (2) އެކަނި މިބަސް ގަދަކުރުމަށް ބޭނުންކުރާގޮތް
ހަފޮޅުން އެތެރެވެއްޖިއްޔާ ބަޔެއް އޮންނާނެ
(މުސްކުޅިބަހެއް) އެއްވެސްކަމެއް ނުވެވުނަސް މަހަށް ދިޔައީތީ ބައިދޭ މީހުނާމެދު ބުނެއުޅޭ މިސާލެއް މިސާލުދީ އުޅެނީ ކޮންމެވެސް ބައެއްގެ ތެރޭގައި އުޅޭ އެބަޔަކަށް ލިބޭ އެއްޗެއް ލިބިމެ އެއްވެސް ބޭނުމެއްނެތް މީހަކާ ދިމާއަށެވެ
ހަތަރުބޯފޮޅި
ނ ބޯފޮޅި ފިހެގެން މައްޔިތުންގެ މައްޗަށް ފާތިޙާ ކިޔަވައި އުޅުނު 4 ދުވަސް (އަހަރެއްގައި އަންނަނީ މިބާވަތުގެ ހަތަރު ދުވަހެވެ.) އެއީ (1) ރަޖަބު ބޯފޮޅި، ޖުމާދަލްއާ ޚިރާމަހު 29 ވަނަދުވަސް، (2) ހިޔަރަކާތްބޯފޮޅި، ޝަޢުބާންމަހު 14 ވަނަދުވަސް، (3) ރޯދަބޯފޮޅި، ޝަޢުބާންމަހު 29 ވަނަދުވަސް، (4) ހައްޖުބޯފޮޅި ހައްޖުމަހުގެ 8 ވަނަދުވަސް. ). މިގޮތަށް ފިހާފޮޅި އެދުވަސް ދުވަހުގެ ހަވީރު މިސްކިތަށް ގެންގޮސްގެން ހުރިހާ މައްޔިތުންނަށް ފާތިހާ ކިޔަވައި ހަދައެވެ. އިހުގައި މި ރާއްޖޭގެ ކޮންމެ ގެއެއްގައިމެ މި ފޮޅިފިހެ ފާތިހާ ކިޔަވައެވެ.
ހަތަރުކަންކަށި
ނ އޮޑިދޯނިފަހަރުގެ ދެމައްޔާ ކައިރީން ބޭރު ހަތަރު ފަރާތް އެއީ ދިރުނބާކޮޅުގެ މައްޔަލާއި ހުރަސްފިލަޔާ ދޭތެރެއެވެ ކޮޅުފަސްކޮޅުގެ ދަށްމަޅުގެ ކޮޅުފަސްކޮޅުން ފެށިގެން މައްޔަލާއި ދޭތެރެއެވެ
ހަތަރުއަވަށް
ނ މާލޭގެހަތަރުބައި އެއީ ހެންވޭރު މާފަންނު ގަލޮޅު މައްޗަންގޮޅި
ހަތަރުމަލާއިކަތުން
ނ ޖިބްރީލު މީކާއީލު އިސްރާފީލު ޢިޒްރާއީލު
ހަތަރުމަޛުހަބް
ނ ސުންނަތް ޖަމާޢަތުގެ މަޝްހޫރު ހަތަރު އިމާމުންގެ ފިޤްހީ އުޞޫލުތައް. )އެއީ ހަނަފީ ޝާފިޢީ މާލިކީ ހަންބަލީ މިހަތަރު މަޛްހަބެވެ
ހަތަރުމުރިނގު
ނ (1) އަރާމުރިނގު (2) އޮއްސޭމުރިނގު (3) މުރިނގު އީރާން (4) މުރިނގު އަސްތަމާން ބަސްބޭނުންކުރާ މިސާލު: ކަލެއަކީ ހަތަރު މުރިނގުވެސް ނުދަންނަމީހެކެވެ
ހަތަރުފައިޖެހިގޮނޑި
ނ (1) އިށީންނަތަން ވައްކޮށް ލިޔެލާޖަހައިފައި ކިއްސަރަކަށް އޮންނަ ހަތަރުފައިޖެހި ގޮނޑިއެއް: މީގެ އުސްމިނަކީ ގާތްގަނޑަކަށް ފޫޓެކެވެ މިއީ އިހުގައި ގަނޑުވަރުތެރޭގައި ވަރަށް ޢިއްޒަތް ހުރި އެއްޗެކެވެ (2) ހަތަރުފައިޖަހާފައި ހުންނަ ކޮންމެ ގޮނޑިއެއް
ހަތަރުފޮތް
ނ ބާވައިލެއްވި މަޝްހޫރު ހަތަރުފޮތް. އެއީ ތައުރާތު ޒަބޫރު އިންޖީލު ޤުރްއާން
ހަތްހެއްތި
ނ )ސ ( ހަތްއަމުރު މިއީ އިހުޒަމާނުގައި ކޮންމެ ހުކުރު ދުވަހަކު ހުކުރުން ފޭބުމަށްފަހު ވެރީންގެ ފަރާތުން ރައްޔިތުންނަށް ކުރާ ހަތް އަމުރެވެ (1) މާތްކަލާގެއަށް ކިޔަމަންތެރިވާހެއްތި (2) ޒިނޭނުކުރާ ހެއްތި (3) ވައްކަން ނުކުރާ ހެއްތި (4) ދޮގުނުހަދާހެއްތި (5) ނަމާދުކުރާހެއްތި (6) ރޯދަހިފާހެއްތި (7) ވެރިންނަށް ކިޔަމަންގަންނަހެއްތި
ހަތްނަރަކަ
ނ ނަރަކައިގެ ހަތް ވަތްގަނޑު އެއީ ޖަހައްނަމު ޖަޙީމު ސަޤަރު ސަޢީރު ލަޡާ ޙުޠަމާ ހާވިޔާ
ހަތްރީތި
ނ އަންހެނުންގެ ރީތި ސިފަކިޔަން ބޭނުންކުރާ ހަތްނަމެއް. އެއީ (1) ކުރަނގިދެލޯ (2) އިހިކަނދުރާ (3) ހިތިފަތުބުމަ (4) ގިއުޅުއަތުކުރި (5) ޝިކާރަމަތީ ކުއްތާގެ ބަނޑު ކަހަލަ ބަނޑު (6) ތުނިޔަނިޔަފަތި (7) އަންނާރުއޮށުދަތްޕިލާ މިއެވެ
ހަތްކޮޅު
ނ ބޮޑުކުޑައަކާ ވައްތަރު ގޮތަކަށް ވަށައި ކައިރީގައި ވިހޭފަށެއްލައިފައި ހަދައިފައި ހުންނަ އެއްޗެއް މިއީ އިހުގައި ރަސްކަމުގެ ޢިއްޒަތަށް ނުކުމެވަޑައިގަތުން ހުއްދަ ބޭފުޅުން ބައެއްކަހަލަ ރަސްމީ ޢިއްޒަތުގައި ކަންކަމަށް ނުކުމެވަޑައިގަންނަވާއިރު އެބޭފުޅުންގެ އިސްތަށިފުޅަށް ނަގާ އުޅުނު އެއްޗެކެވެ
ހަތްދަންނަބޭކަލުން
ނ ފަންޑިތަވެރީން ގެންގުޅޭ ހަތްނަމެއް. އެއީ ޢުބައިދުﷲ ޢުރްވަތު ޤާސިމް ސަޢީދު އަބޫބަކުރު ސުލައިމާނު ޚާރިޖަތު
ހަތްދެސްމަތި
ނ ބދ. ފަންޑިތަވެރިކަމުގައި ފާހަގަކުރާ ދިމާތަކެއް. އެއީ ރަށެއްގެ އެކިދިމާއަށް ކިޔާހަތްނަން. އެނަންތަކަކީ އިރު ހުޅަނގު އުތުރު ދެކުނު ވަރިންމަ ނޮރިންމަ ފެހުން
ހަތްދޮށުކޮލި
ނ ކިލެގެކަމަށް ލާ ކޮލި. މިއީ ރަސްކޮލިފިޔަވައި ދެންއޮތް އެންމެމަތީ ދަރަޖައިގެ ކޮއްޔެވެ