radheef.info
ރަދީފު


އައިސް
ނ ގަނޑުފެން
ބުޅާކޯޅުން
މ (1) ދެބުޅާރުޅިއައިސްގެން އަރައިރުންވުން (2) ދެބުޅާ ޖޯޑުވުމުގައި ހޭރިގަނެ ވަކި އަޅައިގަތުން
ބުއްރާސް
ނ (1) ކުކުޅުހައު ކުއްލިއަކަށް އަޑުގޮއްވަމުން އުދުހިގެންދާ ދިއުން (2) މަޖާޒު: ރުޅިގަދަ އަންހެނުން ރުޅިއައިސްގެން ހަޅޭލަވައިގަންނަ ގަތުން
ބުއްރާސްޖެހުން
މ (1) ކުކުޅު ހައު ކުއްލިއަކަށް އުދުހިގެން ދިއުން (2) މަޖާޒު: ރުޅިގަދަ އަންހެނުން ރުޅިއައިސްގެން ހަޅޭލައިގަތުން
ބޭވަރު
ނ އަންހެނުންކުދިންނާ އަޅައިގަނެގެން އުޅޭ މުސްކުޅި ފިރހެނުންނާ ދިމާޔަށް އެކުދިން ރުޅިއައިސްގެން ބުނެއުޅޭގޮތެއް
ބޮޑުބިސްކޯދު
ނ (1) ކެބިން ބިސްކޯދު (2) ދޫނިޖެހި ބިސްކޫދު މިއީ ގާތްގަނޑަކަށް 3 ސޫތުހާ ބޯމިނުގައި ފަރާތެއްގައި 3 އިންޗި ހުންނަވަރުގެ ހަތަރެސްކަނަށާއި ވައްކޮށް ހުންނަ ބިސްކޯދެކެވެ މިހުންނަނީ ކުޑަވަރެއްގެ ޑަބިޔާއެއްގައެވެ ފަހަކަށް އައިސް ފާރޮށިގޭގޭގައިވެސް މިބިސްކޯދު ހަދައި އުޅުނެވެ
ބޮޑުފޮތިކެނޑުން
މ (1) ހިލާތަކެތި ވަރުވެގެންއައިސް ދޭފަތް އުފުލާލީމާ ފޮތިފޮއްޗަށް ވެއްޓޭ ވަރުވުން (2) އޮލަވުން (3) ހިލާތަކެތި ކުނިނުވާ ވަރުވުން
ބޯންދިނުން
މ (1) ބޮއްވުން (2) ކުޑަކުދިންނަށް ކިރުދިނުން (3) މަޖާޒު: ރުޅިއައިސްގެން ޒުވާބު ކުރާއިރު "ހުތުރުއެއްޗެއްބޯށޭ" ބުނުން
ޅިޔަބެދުން
މ ކައްކާ އެއްޗެއް އޮލަވަމުން އައިސް އެތިކޮޅެއްނެގީމާ އެނެގިތަން އެނގެން ހުންނަވަރަށް އޮލަވުން
ކަނދުބުޑު
ނ ރުކެއްފަޅައިގެން ހެދެމުންއައިސް އޭގެ ރުއްގަނޑަށް ވާންފަށާ ހިސާބު
ކަނޑުވަނުން
މ (1) ތޮށިނެތިފަޅު ތެރެއަށް ކަނޑުއައިސްވަދެފައިވުން (2) މަޖާޒު: ވަކިމިންވަރެއްނެތި އެއްޗެހިލިބޭގޮތް މެދުވެރިވުން
ކަންހުދުކުރުން
މ ކަންހުދުރުމާލުގެ ހަތަރު ކަނުގައި ހުންނަ ހަތަރެސް ކަން ހަތަރު ގޮޅިން. )ރުމާއޮޅީމާ( ފެންނަން ހުންނަ ތަންތަން އުނގުޅައި ސާފުކޮށް ހުދުކުރުން. މިކަންކުރާގޮތަކީ މިކަމަށް ތައްޔާރުކޮށްފައި އޮންނަ ފިލާ ފޮއްޗެއްގައި ގިނަ ފަށް ހުންނާނެހެން ހުދު ފޮތިކޮޅެއް ފަތްޖަހައި އޮޅައިލައިފައި ކަންގަނޑުގެ ދަށަށް ލައްވައިގެން ބޮނބިން ހަދައިފައި އޮންނަ "ދަނޑި" ކޮޅަކުން ފެންލައިގެން އުނގުޅައި ސާފުކޮށްފައި އަސުރުމާ އޮށުގެ އެތެރޭގައި އޮންނަ ފުށްކޮޅުނަގައިގެން ފެންޖަހައި ފިއްތައި ގަށައިފައި ކަން ތަކުގައި ހާކައި އެއްވަރުކުރަނީ އެވެ. މިފުށް ހާކާނީ ހަރުލަކުޑީގެ އޮމާން ދަނޑި ކޮޅަކުންނެވެ. ފަހަކަށް އައިސް މިގޮތަށްކަން ހުދު ކުރުމުގެ ބަދަލުގައި ހުދުކުރަނީ ކަރުދާސް ތަތްކޮށް ގެންނެވެ ކަންހުދު ރުމާ ލަކީ ފަސްރޮނގު ރުމާލެވެ
ކަލަ
ނ (1) ޒަމާން. މިސާލު: މިކަލަކަށް އައިސް. (2) ތިމާ އަނެކަކަށް ކޮށްދީފައި ހުންނަ ހެޔޮކަންތަކުގެ ވާހަކަ ހިތާނުވެގެން އެމީހާއަށް އިއްވާން ދައްކާ ދެއްކުން (3) )ސ ( ފަހަރު
ކާއްބަ
ނ (1) ބޮޑެތި އުނދަގޫ (2) ތިމާޔަށް ނުނެއްޓެވޭނެހެން އައިސް ދިމާވާ ބޮޑެތި ދަތިކަން
ކުރިމަތިވުން
މ (1) ކުރިމައްޗަށް އައުން (2) އައިސް ދިމާވުން
ކުދިންގެބިރު
ނ ޅަކުދިންނަށްޖެހޭ ހޭނެތޭ ބައްޔެއް މިބަލި ގިނައިން ޖެހެނީ ހުންއައިސްފައެވެ
ކުލަސުންދުރަ
ނއ ބދ މާތް ދަރިކޮޅަކުން އައިސްފައިވާ ރީތި މިއީ ރަސްކަލުންގެ ނަންފުޅުގެ ކުރިޔަށް ގެންނަ ނަން އިތުރެކެވެ
ކެކުން
މ (1) ކައްކާތަކެތި ރޯފިލުން (2) ބޭނުންވަރަށް ކައްކާނިމުން (3) ހޫނުވެގެން ބޮކިޖެހުން (4) ބޮކިޖަހައި އުތުރުން (5) މަޖާޒު: ޖޯޝް އައިސްގެން ނުވަތަ ރުޅިއައިސްގެން ތެޅިތެޅިހުރުން
ކޮރުނެގުން
މ (1) ކޮންނަ ރޮންދާއަކުން ލަކުޑިގަނޑެއްގެ ހަނިއަރީގެ މެދުތެރޭން ހަނިދިގުކޮށް ކޮނުން. މިއީ ދޮރުފަތްފަދަ އެއްޗެހި ޖެހުމުގައި ފިލާ ލެއްވުމަށް ކުރާ ކަމެކެވެ. (2) ކުޅި ޖެހުމުގައި އެއްފައިތިލަ އަނެއް ފައިގެ ކުޑަކަޅުވާމަހުގައި ކާއްތަމުން ދޯނތްގާ ހަމައަށް ނަގައިފައި މައްޗަށް ފުންމައިގަތުން (3) ރުޅި އައިސްގެން އެއްޗެހިގޮވުމުގެ ތެރޭގައި ވައްތަރު ޖައްސަމުން އެގޮތް މިގޮތަށް ފުމުން (4) ބާވަތެއްގެ ފުމުމެއް މިއީ ފަންޑިތަ ހެދުމުގައި އަޖިދައަށް ޖައްސާ ވައްތަރެކެވެ މިވައްތަރަށް އަޖިދައަށް ކޮރުނެގުން ވެސް ކިޔައެވެ
އަނދިރިއަނދިރީން
ނ ދިވެހިރާއްޖެ ޕޯޗްގީޒުން ހިފައިގެން އުޅުނު ދުވަސްވަރު ރަސްކަމުގައި ހުރި މަޝްހޫރު ގޯވާ ކަޅުފަރަންޖީ. އެއީޚާންޒީދިކަމަނާގެ ބޮޑުމުޙައްމަދެވެ. މީނާވިހައި ބޮޑުވީ ގާފަރު ކަޅުފާށިނާ ތަކުރުފާނުންގެ ބެލުންދަށުގައި ހުވަދޫ އަތޮޅުގައެވެ. އެދުވަސްވަރު ރަސްކަމުގައި އިންނެވީ މަޝްހޫރު ބުރަކިރަނީންނެވެ. ބޮޑުވިފަހުން މާލެއަންނަމުން ފިލައިގެން ގޯވާ އަށްގޮސް އިސްލާމްދީން ދޫކޮށް ޣައިރުދީނުގައިހުރެ ދިވެހިރާއްޖެއާތޮޅޭން ތިންފަހަރުމަތީން އައިސް އެއިރު ރާއްޖޭގެ ރަސްކަމުގައި ހުންނެވި އައްސުލްޠާން ޢަލީ )6 ވަނަ( އިބުނު އަލްވަޒީރުލް އައުޒަމް ޢަބްދުއްރަޙުމާން ސިރީ އައުދަސިޔާކަ ކައްތިރިމަހާރަދުން ޝަހީދުކޮށް ރަސްކަމަށް ވެރިވީއެވެ މީނާމަރުއްވައި ރާއްޖެ އިސްލާމް ކުރެއްވީ އައްސުލްޠާނުލްޣާޒީ މުޙައްމަދު ތަކުރުފާނުލް އަޢުޡަމް ސިރީ ސަވާދީއްތަ މަހާރަދުންނެވެ މީނާ ރަސްކަންކުރީ 569ހ އިން 189ހ އަށެވެ އެއީ ގާތްތަނޑަކަށް ސޯޅައަހަރުވާދެނެވެ
އަނގަފެޅުން
މ ކަމަކާ ދެރަވެގެން ނުވަތަ ރުޅިއައިސްގެން އަނގައިން ނުބުނެހުރެފައި ވާހަކަ ދައްކާން ފެށުން