radheef.info
ރަދީފު


ކޮލި
ނ (1) ބޯޅައެއްހެން ބަނޑު ފުފިފައި ހުންނަ މަހެއް މިމަހުގެ ހަމުގައި ތޫނު ނުވަތަ ރާޅު އުންތަކެއް ހުރެއެވެ (2) އެއްޗެހީގެ އަރިމަތިންނާއި މެދުތެރޭން ފުފިފައި އޮންނަ ފުފުން ނުވަތަ ފުފިފައި އޮންނަ ތަން (3) އިހުގައި ރަސްމީ ބައެއް ލަގަބު އިއުލާނުކުރުމަށްޓަކައި ކުރާ ރަސްމީ ކަމެއްގެ ނަން
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
އޮގަރުލޮންސިކޮޅު
ނ ރަދުންގެ ޚާއްޞަ ލޮންސިކޮޅު މިގެންދާނީ ރަސްކަމަށް ކޮލިލާ ދުވަސްވަރު ފަދަ ޚާއްޞަ ދުވަސް ދުވަހަށެވެ
ވިހަމަސް
ނ އެމަހެއް ކެއުމުން ވިހަވާ މަސް މިސާލު: ރާގޮނޑި ކޮލި
ވެދުންކުރުން
މ (1) އިހުގައި ރަދުން ދެއްވާ ޢިއްޒަތަށް ނުވަތަ ބައެއް ޚާއްޞަ ވަޒީފާއަށްޓަކައި ރަދުންގެ ހިރިޔާ ފާތުރާ ދަށުން އެކަމެއް ހަމަޖެހުމާ ގުޅިގެން އެމީހަކު ރަސްމީގޮތުން ރަދުންގެ އަރިއަހަށް ހަދިޔާކުރުން (2) ރަސްކަމަށް ކޮލިލުން ފަދަ ކަންކަމާ ގުޅިގެންއެކިއެކި ޖަމާޢަތްތަކުންނާއި ފަރާތް ފަރާތުން ބަންޑާރައިންގެ އަރިއަހަށް ހަދިޔާކުރުން (3) ނާބަ އާއި ދަންބެރު ޖަހަންވާ ގަޑިއަށް ނުޖެހުމުން ކީރިތި މަހާރަދުންގެ ފަރާތްޕުޅުން ނާބަޖަހާ ބެރާއި ދަނޑިގަނޑު ދެގެ ދޭތެރެއަށް ގެނައުމުން އަލުން ބެރުޖެހުމަށްޓަކައި ދޭންޖެހޭ އާދަ ދިނުން
މާރާދަކަން
ނ ކަންގަތި ކޮއްޔެއްގެ ނަން. މިކޮލި ލެވިފައިވާ ބޭކަލުން ކުރައްވަން ޖެހޭކަމަކީ ދައުލަތުގެ އެންމެމަތީ ވެރިޔަކަށް ހުންނަވާ ބޭފުޅަކަށް ލަފާދެއްވުމާއި ބޮޑެތި ޢިއްޒަތުގެ ރަސްމިއްޔާތު ތަކުގައި އެރަސްމިއްޔާތުތައް ފުރިހަމަ ކުރެއްވުމުގެ ގޮތުން ބައިވެރިވެ ވަޑައިގަތުމެވެ
މާފަތް
ނ ކޮލިލެވޭ ދަރަޖައެއް
މާފަތްކަން
ނ (1) ކޮލިލެވޭ ދަރަޖައެއްގެ ނަން މިކޮލިލެއްވީމާ މަނިކު ކިޔާ މީހެއްނަމަ ކިޔާނީ މިދަރަޖައިގެ ފަހަތަށް ތަކުރުފާނު އިތުރުކޮށްގެންނެވެ ފުޅު ނުވަތަ އެއަށްވުރެ ދަށްމީހެއްނަމަ ކަލޭގެފާނު އިތުރުކޮށް ގެންނެވެ (2) ބޮޑުމުސްކުޅިން
މުއްދަތިލާގާގަނޑު
ނ މެދުމާ ދޮރޯށީން ނުކުމެގެން އިރު މައްޗަށް ދާއިރު އެސްޖެހިގަނޑުވަރުގެ އުތުރު ހުޅަގުގައްޔާއި ވެޔޮދޮށު ގަނޑުވަރުގެ އިރުދެކުނުގައި އޮންނަ ބޮޑު ދެގާގަނޑު ރަސްކަމަށް ކޮލިލުމުގެ ރަސްމިއްޔާތުގައި އަޅާ ހަތްގެކޮޅުން އެންމެ މުހިއްމު ކަންތައް ހިނގާގެކޮޅު ހުންނަނީ ދެކުނުގާގަނޑު އޮންނަ ތާނގައެވެ
މޭނާކަން
ނ ކަންގަތި ކޮއްޔެއްގެ ނަން. މިކޮލި ލެވިފައިވާ ބޭކަލުން ކުރައްވަން ޖެހޭ ކަމަކީ ދައުލަތުގެ އެންމެމަތީ ވެރިޔަކަށް ލަފާ ދެއްވުމާއި ބޮޑެތި ޢިއްޒަތުގެ ރަސްމިއްޔާތު ފުރިހަމަ ކުރެއްވުމުގެ ގޮތުން ބައިވެރިވަޑައިގަތުމެވެ
ސަމާ
ނ ރަސްކަމަށް ކޮލިލުން ނުވތަ ގަނޑުވަރުތެރޭ ބޭފުޅުން ރައްކައުވުން ނުވަތަ ޚިތާނުފުޅު ކުރުން މިކަންކަމުގައި ރަސްމީގޮތުން ގުޅަކުޅޭ ފަސްގަނޑުގައި ކުޅޭ ކުޅިވަރެއް މި ކުޅިވަރު ކުޅޭނީ ބެރު ދުންމާރި ތާޅަފިލި ފުމެފައި ފަސްގަނޑުގައި ކުޅިޖަހައިފައެވެ
(2) އިރުވައިކޮލި ބަލާ! ފާރުދޮށްކޮށައިދަމަށްއެރުން
މ (1) އިހުގައި އިރުވައި ކޮލިލާފައި އަންގާ އެންގުމެއް. މިއީ ބޮޑުފާރު ދޮށާއި ބުރުޒުތަކުގެ ކައިރިން ގަސްތައް ކޮށައި ވިނަ ނޮޅައި ސާފުކޮށް ބުރުޒުތަކުގައި ފާރަޔަށް )ދަމަށް( ތިބުމަށް އަންގާ އެންގުމެކެވެ
ތޮށީކޮލި
ނ ތޮށިލާންވީމާ އެކަން ޢާންމުންނަށް އެންގުމަށްޓަކައި ލާ ކޮލި
ފިތުރުކޮލި
ނ އިހުގައި ފިތުރު ޒަކާތްދޭން އެންގުމަށް ލައި އުޅުނު ކޮލި
ފުއްޕުން
މ (1) ބޯޅައާއި ހަންފަދަ އެއްޗިއްސަށް ވައި ވެއްދުން (2) އެތެރެއަށް ވައިވަދެގެން އުފުލުން (3) ހަކުރު މަޅުކުރުން (4) ބަތަށް ހަކުރުލައި މަޅުކުރުން (5) ހަމަ އެއްޗެއްވަކި ބައްޓަމަކަށް އުފުލުން (6) ބައެއް ދިރޭ އެއްޗެހި ރުޅިއައިސްގެން ހަށިގަނޑު ބޮޑުކޮށްލުން މިސާލު: ކޮލިފުއްޕުން (7) މަޖާޒު: ވަރުގެ ކޮޅަށް ނަލަހެދި ފަރިވުން
ފެންނާމަނިކުފާނު
ނ ދީދި ކިޔާ މީހަކަށް ފެންނާ ކަމަށް ކޮލިލީމާ ކިޔާގޮތް
ފޮއްޕު
ނ )ލ ( މޫދުގައި އުޅޭކޮލި
ދަހަރާކަން
ނ ކޮލީނަމެއް މިކޮލިލެވެނީ ދިފާޢީ ކަންތައްތަކާ ބެހޭވެރިއަކަށެވެ
ދިވެތި
ނ ރަސްކޮލީގެ ތެރެއިން ރަދުން ދެއްވާ ރަންރިހީގެ މިންވަރެއް )ރަސްކަމަށް ކޮލިލީމާ ރަދުންގެ ފަރާތްޕުޅުން ދެއްވަންޖެހޭ އާދައެއް
ތައޯފަންމަސް
ނ )ތ ( ކަށިކޮލި
ތާޅަފިއްޔާދިއުން
މ އިހުގައި ކޮންމެ ހުކުރުވިލޭރެއަކު ފަތިހު ހަތަރެއްޖެހީމާ ތާޅަފިލިވެރިއަކު މާލޭގެ ކޮލި ހިނގާމަގުގައި ތާޅަފިލި ފުމެމުންހިނގުން