radheef.info
ރަދީފު


ބަތް
ނ ފެންއަޅައިގެން ރޯފިލުވި ހަނޑޫ
ބިސްބަތް
ނ ވެލާ ބިހާ ކާށިހުންޏާ އަޅައިގެން ކައްކާ ބަތް
ބީނިބަތް
ނ ވާބަތް
ބޮނޑިބަތް
ނ ހަނޑުލާއި ގޮދަނާއި ސާގާއި ބަނބުކެޔޮ ފަދަ ތަކެތިން ކައްކާ ފޮނިކާއެއްޗެއް ބަނބުކޭލުގައި ކައްކަނީ ކުދިކޮށް ކޮށައިގެންނެވެ ގޮވާމުގެ ބާވަތްތަކުގައި ކައްކަނީ ހުރިގޮތަށެވެ މިކެކުނީމާ ހުންނާނީ ތަތްކޮންނެވެ
ބޮނޑިބަތްހިރި
ނ ވަށްކޮށް ރީތިކޮށް ހުންނަ ކުދިހިރި
ބޮނޑިބަތްހިތި
ނ ބޮޑުހިތި
ބޮނޑިބަތްބޮލި
ނ ބޮލީގެ ބާވަތެއް. މިއީ ދޮޅު އިންޗިއެއްހާ ބޮޑުމިނުގެ ތޮށިގަނޑު ވަރަށް ބޯކޮށް ހުންނަ ބޮއްޔެކެވެ މިބޮލީގެ ބުރިކަށިމަތި ހުންނަނީ ދޮންކުލައިގެ ތިކިތަކަކުން މާތަކެއް ޖަހައިފައި ހުންނަ ކަހަލަ ގޮތަކަށެވެ މިތިކިތައް ހުންނަގޮތުން ވައްތަރުވާނީ ކުދިބަތު ބޮނޑިބަތް ތައްޓަށް އަޅައިފައި ހުންނައިރު ފެންނަ ގޮތާއެވެ
ބޮނޑިބަތްގަނޑު
ނ ކަނަމަދާ ހިކިމޭބިސްކަދުރާ އަންނާރު އޮށުން ކުރަހައިފައި ހުންނަ ބޮޑެތި ބޮނޑިބަތްތަށި
ބޮނޑިބަތްޖެހުން
މ (1) ތަތްވެލި ނާއްޓަކަށް އަޅައި އެ ބަންޑުން ޖަހައިފައި ނާށީގެ ސިފައިގައި ވެލިތައް ހުންނާނޭހެން ނާށި ނެގުން މީ ކުޑަކުދިން ކުޅޭއިރު ކުރާ ކަމެކެވެ (2) ތަތް ބޮނޑިބަތް ފަތުގައި ޖެހުން
ޅަބޮނޑިބަތް
ނ ވިހައިގެން އުޅޭމީހުންނަށް ހިލިބޭސްދިނުމުގެ ކުރީގައި ދޭން ބޭސްލައިގެން ކައްކާ ބޮނޑިބަތެއް
ކާވެނިބަތް
ނ ކާވެނިވީ ފިރިހެންމީހާ އެކަމުގެ އުފަލުގައި ގާތްމީހުންނާއި ރަޙުމަތްތެރީންނަށް ކާންދޭ ކެއުން
ކިރުރިހަބަތް
ނ އިހު ޒަމާނުގައި މުލަ ރޯދަ ދުވަހު ޣާޒީ ބަންޑާރައިންގެ އަހަރުމަތިފުޅަށް ކައްކައިއުޅުނު ކޭމެއް މިކޭމުގައި ހުންނަނީ ބަރަބޮލު ރިހައާ ބަތާއި ކިރެވެ
ކުރިބަތް
ނ ކުރިޖެހިބަތް
ކުރިޖެހިބަތް
ނ ޅަކޮށް ކައްކައިގެން ކެޔޮފަތު ހޮޅިޔަށް އަޅައިފައި ހުންނަ ބޮނޑިބަތް. މިހޮޅީގެ ދެކޮޅު ފަތްގަނޑު ހުންނާނީ ބޮނޑިބަތް ރޯލުގެ ކޮޅަށް ވައްދާ ލައިފައެވެ. މީގައި ހުންނާނީ އަށެއް ނުވައެއް އިންޗީގެ ދިގުމިނެވެ. ފަލަ މިނަކީ މެދުމިނު މީހެއްގެ އަތުކުރީގެ ފަލަމިނެވެ. މިއީ އޮލީފަދަ ރަސްމީ ކަންތަކުގައްޔާއި ރަށްރަށުގެ މައުލޫދުގައި ޅެންކިޔާ މީހުންނަށް ހުންނަ ބަތެކެވެ
ކުދިބަތް
ނ ގޮވާމުގެ ބާވަތެއް. މިގަންނަނީ ނާބަންނަހުއީގެ މާގަނޑުކަހަލަ ރީތި އެއްކޮޅަކަށް ހިމަކުރާ ގަނޑެއް ގައެވެ
ކުދުބަތް
ނ )ލ ( ކުދިބަތް
ކެތްކުރިމީހާއަށް ހޫނުބޮނޑިބަތް
)މިސާލުބަހެއް( ކެތްކުރާ މީހާޔަށް ފަހުން މާ ރަނގަޅު ގޮތްގޮތް ވާނެކަން އަންގައި ދިނުމުގެގޮތުން ބުނެއުޅޭބަހެއް
އިރުވައިބަތް
ނ އިހުގައި ދެއްވާ ރަސްމީ ބޮނޑިބަތެއް. މިކަން އޮންނަނީ އިރުވައި ފެށުނީމައެވެ. މިކަން ކުރާނީ ފުރަތަމަ ރޭ އިސްދެވަރަށް ދޮށިމޭނާ ބޭކަލަކު ދެވަނަ ރޭ ހަކުރާދެވަރަށް ހަކުރާ ބޭކަލަކު ތިންވަނަރޭ ވެލާނާ ދެވަރަށް ވެލާނާ ބޭކަލަކު ހަތަރުވަނަރޭ އިސްދެވަރަށް މާފަތް ބޭކަލަކު ފަސްވަނަ ރޭ ހަކުރާ ދެވަރަށް ފާމުދޭރި ބޭކަލަކު ހަވަނަރޭ ވެލާނާ ދެވަރަށް ދަހަރާ ބޭކަލަކު މިޤަވާއިދުންނެވެ. ބަތެއްގައި ހުންނާނީ ނުވަ ގައު ބައެވެ. ހުންނާނީ ހަތަރުމަލާފަތުގައި މަލާފަތެއްގައި ފަންސަވީސް ބަތެވެ. ބަތް ބަލާދާ ކަލާސީއަކަށް ބަތެއް ބުރުޒު ބަނޑޭރިއަކަށް ދެބަތް އޮންނާނެއެވެ. އެގެންދާ ބަތުގެ ތެރެއިން އެކިއެކި ބޭފުޅުންނަށާއި ދައުލަތުގެ މަތީ މަޤާމުތަކުގައި ތިއްބަވާ ބޭބޭކަލުންނަށް ފޮނުވާނެއެވެ. މިބަތް ކައްކާނީ ބޮޑު ބޭކަލުންގެ ގޭގޭގައެވެ. ބޮޑުބޭކަލަކު ނެތްނަމަ ބަނޑޭރިގޭގައެވެ. އަދި މިބަތް ކައްކާނީ ވަރަށް މޮޅަށް ކިރާ ހަނޑުލުގައި ފޮނިތޮށި ކާފޫރުތޮޅި އަޅައިގެންނެވެ
އީދުބަތް
ނ ޢީދުޞަލަވާތް ފުޅަށް ކައްކާ ބަތް
އެޅަބަތް
ނ )ސ ( ބޮނޑިބަތްކައްކާގޮތަށް ގަބުޅިހުނި އަޅައިގެން ކައްކާ ބަތް
އޯބަތުބަތްޕެން
ނ އޯބަތްލައިގެން ކައްކާ ބަތްޕެނެއް