radheef.info
ރަދީފު


ރުނބާ
ނ ހިރިމީގެ ސިފައިގައި ހުންނަ މުށީގެ ކަންވާރެއް. މިއީ ބޭރުގައި އޮފުލައިފައި ހުންނަ ޖާޑިއަށްވުރެކުޑަ ވިހި އަޑުބަޔާއި ސާޅީސް އަޑުބަޔާއި ދެމެދުގެ މިންވަރެއް އެޅޭވަރުގެ ކަންވާރެކެވެ
ކިހައް
ނ (1) މިރިޔާއި ކިހަކާއި އަދި ކުރުނބާގެ ކުރީ ކޮޅުގައި އޮންނަ ކެވޭ ޅަތަން (2) ކިހާއް (3) ކިހަވައް (4) ނއ ކޭމާ އަނގަ ކުރަކިވެފައި ކަރުތެރެ ބައްދާގޮތް ހުންނަ
ކިހައްގަނޑު
ނ ކިހަކާއި ކުރުނބާގެ ކުރީގައި އޮންނަ ކެވޭތަން
ކުރަފަތް
ނ (1) އިސްތަށި ބާލަން ގެންގުޅޭ އާލާތެއް މިއީ މިޔަ ތޫނުކޮށް ކެފޭގޮތަށް ހުންނަ އެއްޗެކެވެ (2) ދޯނިފަހަރުގެ ދިރުނބާކޮޅުން ދެފަރާތުގެ މަތިކަނުގައި ކިއްސަރުލާފައި ހުންނަ ފަށްބުރިއެއް
ކުރަފަތްބުރި
ނ (1) ސަތަރު ކުރަހާ ގުޑީގެ ފިންދުނީގެ ކޮޅުގައި ޖަހާ ފަތެއް (2) ދޯނިފަހަރުގެ ދިރުނބާކޮޅުން ދެފަރާތުގެ މަތިކަނުގައި ކިއްސަރުލާފައި ހުންނަ ފަށްބުރި
ކުރުނބާފުޅާދިއުން
މ ދޮށުން ތިބި ޒަމާނުގައި ރަމަޞާންމަހު ކޮންމެ ދުވަހަކު ހަވީރު ގަނޑު ވަރުތެރޭގެ ބޭފުޅުން ތިއްބަވާ ތަންތަނަށް ކުރުނބާފުޅު ހިފައިގެން އެމީހުން ރަސްމީ ހެދުމުގައި ދިއުން މިއީ ދައުލަތުގެ ފަރާތުން އެ ބޭފުޅުންނަށް ކަނޑައަޅައިފައިވާ ކަންތަކުގެ ތެރެއިންކަމެކެވެ
ކުރުބާ
ނ )ގ ޏ ( ކުރުނބާ
ކުއްލާބުތެލި
ނ އިހުގައި ރޯދަމަހު ކޮންމެ ދުވަހަކު އިރު އޮއްސޭއިރަށް ގަނޑުވަރުތެރޭ ކުއްލާބުގެއަށް ފޮނުވާ ކަލިޔާ ބިރިންޖީތެލި. މިތެލީގައި ވިހިނާޅި ހަނޑުލުގެ ބަތާއި އެޔާވާނެ ގުޅަމަހާއި ހަކުރާއި ލޮނުލުނބޯ ހުންނާނެއެވެ. މިއީ އަތޮޅު އަތޮޅު ދެއްވައިފައި ތިއްބަވާ ބޭކަލުންނާއި ބޮޑެތި ފަޅު ރަށްރަށް ދެއްވައިފައި ތިއްބަވާ ބޭކަލުން ފޮނުވަންޖެހޭ ކެއުމެކެވެ. މިފޮނުވާނީ އެކިދުވަހު އެކި ބޭކަލުންނެވެ. މިއީ ގަނޑުވަރުތެރޭގައި އުޅޭ މީހުންނަށް ދޭ ކެއުމެކެވެ މިކެއުން ގެންދާއިރު ލިބުނު އެންމެ ބޮޑު ކުރުނބާ އިހަލެއް ގެންދާނެއެވެ މިކުރުނބާއިހާ ދަނޑި މާރުލައިގެން ގެންދަނިކޮށް ފަގީރުކުދިން މިއިހާ ކަނޑައިލައިގެން ބަހައިލުމީ ހުއްދަކަމަކަށްވާތީ ވަރަށް މަދު އިހަލެއްނޫނީ ގަނޑުވަރުތެރެޔަށް ގެންދެވޭ ކަމަކަށް ނުވެއެވެ
ކުޑައޮނިފަރާތް
އޮޑިދޯނިފަހަރުގެ ދިރުނބާކޮޅަށް އެބުރިހުންނައިރު ވާތްފަރާތް
ކެހުން
ނ (1) ނ. ގައިގެ ހަމުގައި އުފެދޭ ހިރުވުމެއް. (2) ހިރުވުން ފިލުވުމަށް އިނގިލިތަކުގެ ކޮޅުން ނުވަތަ އެހެންވެސް އެއްޗަކުން ގައިގެ ހަމުގައި ކޭއްތުން (3) ރާޅު އެއްޗަކުން ތަނެއްގައި ކޭއްތުން. (4) ތޫނު އެއްޗަކުން އެއްޗެއްގައި ކާއްތައިގެން ކުނޑި ނެގުން ނުވަތަ އުނިކުރުން. މިސާލު: )ހ( ކެލާކެހުން. )ށ( އުނބުކެހުން. (5) ފާރުގައި ސިމެންތި ޖަހާއިރުގައްޔާއި ތަޅުން އަޅަމުންދާއިރު އެއްވަރު ކުރުމަށް ސިމެންތިގަނޑު ފަތިގަނޑަކުން ކާއްތައި ހަމަކުރުން (6) އިލޮށި ފައްޗާއި ފިހިގަނޑު ފަދަތަކެތީން ކުނި އެއްކޮށް ސާފުކުރުން މިސާލު: ކުނިކެހުން. (7) ލޮލުގައި ހުންނަ ވަކި ވައްތަރެއްގެ ބައްޔެއް ބޭސްއަޅައިގެން ފިލުވުން. މިސާލު: ފުސްކެހުން. (8) އުޔާއި ބަރަންޏާއި ނަނު ފަދަ ތަކެތި އަތަށް ނުވަތަ އެއްޗަކަށް ދޫދޫކޮށް އޮޅުން. (9) ތަނެއްގައި ހުރި އެއްޗެހިތަކެއް އެއްފަހަރާ ގިނައިން ގެންދެވޭގޮތަށް އަތުން ނުވަތަ އެއްޗަކުން ފަރާތަކަށް ޖައްސައިލުން. )01( ދަމާފޮތިގަނޑެއް ނުވަތަ ފަރުދާއެއްފަދަ އެއްޗެއް މައްޗާއެކު އެއްފަރާތްކޮށްލުން. (11) އެއްޗެއްގެ މަތީ ތޮށި ތޫނު އެއްޗެއް ކާއްތައިގެން ފިލުވުން މިސާލު: ކަނޑޫކެހުން. (21) ނަގިލި ހިލިގެން ދެމެމުން ދިޔުން. މިސާލު: ނަގިލިކެހުން. )31( ހިފައިފައި ހުންނަންވާ އެއްޗެއް ނުހިފައި ކެހެމުން ދިއުން. މިސާލު: )ހ( ފުރޮޅުކެހުން. )ށ.( ރޯލުކެހުން. )41( އެމަށް ފައްތައިފައި އޮތް ދަލެއް އަތްމައްޗަށް ދެމުން މިސާލު: ދާކެހުން )51( ވިލާތައް ފަރާތްފަރާތަށް ޖެހުން މިސާލު: ވިލާކެހުން )61( ކުރުނބާއިން ހެވާ ނެގުން )71( އުސްކޮށް ހުންނަ ފަސްތައް ފަތުރައި އެއްވަރުކުރުން މިސާލު: ފަސްކެހުން )81( ރިޔާ ފަރުމާނު މައްޗަށް ބޮނޑިކުރުން މިސާލު: ރިޔާ ކެހުން )91( )ޏ ސ( ފުނާ އެޅުން މިސާލު: ބޯކެހުން )02( މަޖާޒު: ތުނބުޅި ބޭލުން
ކޮޅުންއެޅުން
މ (1) ކަނޑުގަދަވެގެން ދިރުނބާކޮޅުން ރާޅުއެރުވުން (2) މަސްދޯނިފަހަރުގައި އެން ހުސްކޮށް ދިޔަހިއްކައި ކަހާލުމަށްފަހު ފަށަން މަތި ސާފުކުރުމަށްޓަކައި ދިރުނބާކޮޅު ކޮޅުވަތަށް ދިޔަހިއްކާ ފައިން ފެންއެޅުން
ކޮޅުކަނދު
ނ އޮޑިދޯނިފަހަރުގެ ހުރަސްފިލާގެ ދިރުނބާކޮޅުން ދެފަރާތުގައި ޖަހައިފައި ހުންނަ ފަށްބުރި
ކޮޅުއުނގުރި
ނ ދިރުނބާކޮޅުން ފަށަނުގައި ތޮރުފައިފައި ހުންނަ އުނގުރި
ކޮޅުވަތް
ނ (1) އޮޑިދޯނި ފަހަރުގެ އެންމެ ދިރުނބާކޮޅުވަތް (2) ކޮޅުއޮޑިވަތް
ކޮޅުމައްޔަލުންޖެހުން
މ އޮޑިދޯނިފަހަރު އޭގެ ދުވެލީގައި ގޮސް ދިރުނބާ މައްޔަލުގެ ކޮޅުން އެއްޗެއްގައި ޖެހުން
ކޮޅުމާ
ނ (1) އޮޑި ދޯނިފަހަރުގެ ހެރި ކުރާއިރު ދިރުނބާކޮޅުން ނުކުންނާން އޮންނަތަނާއި އެތަން ނިވާކުރާން އެލުވާފަން (2) އޮޑިހަރުގޭގެ ވައިމައްޗަށް ހުންނަކޮޅު ބައްދާންޖަހާ ބިތްގަނޑު
ކޮޅުފަލި
ނ އެންމެ ދިރުނބާކޮޅު ފަލި
ކޮލިމަތި
ނ (1) އޮޑިދޯނިފަހަރު ކިއްސަރުލައިގެން ބަނދެފައި ހުންނައިރު ދޯނީގެ އަރިމަތިން ފުއްޕުންލައިފައި ހުންނަތަން (2) ބަނޑުގެ ދެއަރިމަތިން ފުފިފައި ހުންނަތަން (3) ގުޅި ރުނބާ ފަދަ ތަކެތީގެ ފުއްޕުންލައިފައި ހުންނަ ތަން
އަނބުރައިލުން
މ (1) ގޮސްގޮސްފައި އެހެންފަރާތަކަށް އެނބުރުން (2) ދޯނިފަހަރުފަދަތަކެތި ދުއްވާ ކޮޅުނޫން އެހެންފަރާތަކަށް ދިރުނބާކޮޅު ފިރައިލުން (3) މީހަކު ހައްލައިގެން ތިމާގެ މަޤްޞަދަށް އެމީހަކު ތަބާކުރުން
އައްތެލިއެރުވުން
މ އައްތެލީގެ ފޫ ދިރުނބާކޮޅަށް ޖެއްސުން
އަތްގިރުނބާ
ނ އަތުން ވައިއަޅުވާ ކުދިގިރުނބާ