radheef.info
ރަދީފު


ތައް
ނ (1) ތައްކަށިންޖަހާ ފާހަގަ މިފާހަގަ ޖަހަނީ ރުއްގަހުގެ ވެރިފަރާތް ފާހަގަކުރުމަށްޓަކައެވެ ފާހަގަހުންނަނީ ވަށްކޮށް ކަނޑައި ނަގައިފައެވެ (2) ނަން ގިނަކުރުމަށް ބޭނުންކުރާ އަކުރެއް މިސާލު: މޭޒުތައް (3) )ބދ ( އަނގަ މިސާލު: އޭނާއިނީ ތައް ބައްދައިގެންނެވެ
ކުރަފަތްފިލާ
ނ ފަތްޕިލާ ވެލީގެ ބާވަތެއް މީގެ ފަތާއި ތޮޅި ހުންނަނީ ކުރަފަތް ތިލައެއް ހެންނެވެ މީގެ މަލުގެ ކުލައަކީ ރީނދޫކުލައެވެ މަލުގެ ފިޔަތައް ހުންނަނީ އެއްފަޅިއަކަށެވެ
ކުރަފިހިލުން
ނ ކުރަފިތައް ނުކުމެގެން އުދުހިގަތުން
ކުރިކުރުން
މ (1) ދިވެހި ރުކުގެ ކުރިގަނޑު ކަނޑާލައިގެން ކެވޭނެގޮތަށް ސާފުކުރުން (2) ހެދިހެދި ހުރި ރުކެއްގެ ފަންތަކާއި އިހާތައް ކޮށައިލުން (3) މީހެއްގެ ދަރަޖަ މަތިކުރުން
ކުރިމަތިލުން
މ (1) މޫނާ މޫނު ސީދާކުރުން (2) އެއްޗަކާ ނުވަތަ މީހަކާ ދިމާއަށް ސީދާ ބެލުން (3) އެއްޗެއް ހޯދުމަށް ނުވަތަ ކަމެއްކުރުމަށް ނުވަތަ ކަމެއް ކާމިޔާބުކުރުމަށް ތައްޔާރުވެ މަސައްކަތް ފަށައިގަތުން (4) ދިމާކުރުން (5) ކަމެއް އުފުލައިގަތުމަށް ޢަޒުމު ކަނޑައެޅުން
ކުރުއްޕަތްރުއް
ނ ފަންވަތްތައް ވަކިވަކިނުވާ ވަރުގެ ޅަރުއް
ކުރުމަސް
ނ (1) ދިގުމަސް (2) ފަރުމަހުގެ ބާވަތެއް މިއީ ބޮނޑިމަސްކޮށް ހުންނަ ހިމަދިގު މަހެކެވެ މަހުގެ ކުލައަކީ ގަދަނޫކުލައަކަށްދާ ފެހިކުލައެކެވެ މަހުގެ ދެފަރާތުގައި ހުރަހަށް ކަޅުކުލައިގެ ރޮނގުތަކެއް ހުރެއެވެ މިއީ އެއްބަރިއަކަށް ދަތްތައް ހުންނަ އަނގަބޮޑު މަހެކެވެ
ކުރެހުން
ނ (1) ހަމައެއްގެ މަތީން އެއްޗަކަށް ވާނޭހެން އަޅައިފައި ހުންނަ ރޮނގުތައް މ (2) ވަކި ޤަވާއިދެއްގެ މަތިން ރޮނގުއެޅުން (3) ވަކިޤަވާއިދެއްގެ މަތިން ބިންވަޅު ނެގުމާއި ފޫވެއްޓުން (4) ތަސްވީރުފަދަ ތަކެތި ފެވުން (5) އެއްވެސް އެއްޗަކަށް ނުވާނޭގޮތަށް ރޮނގުތަކެއް އެޅުން (6) ގައިގެ ހަމުގައި ކޮންމެވެސް އެއްޗަކުން އެޅިގެން ކިރިޔާ ތެޔޮހަން ކެޑުން (7) ފޮޓޯނެގުން
ކުރެހުންގަނޑު
ނ މަންޒަރަކަށް ނުވާގޮތަށް އެއްޑިޒައިނެއް ނުވަތަ އެތައްޑިޒައިނެއް ތަކުރާރުވާ ގޮތަށް ލާމެހޭނެހެން ކުރެހިފައި ހުންނަ ކުރެހުންތައް
ކުބަރަ
ނ )ބދ ( ގަސްތައް ހެއްދުމަށް އެކަށޭނަ ބިން
ކުޅި
ނ (1) އެއްގަމުގައި ހެދިފައި ހުންނަ ފެންގަނޑު. (2) ހެވިކަން ފަރިތަ ކުރުމަށް ކުރާކަންތައް މީގެ ކިތަންމެ ބާވަތެއް ހުރެއެވެ. (3) ބައެއްކުޅިވަރު ތަކުގައި ވަކި ހަމަތަކެއްގެ މަތިން ބަދަލުކުރަމުން ގެންދާ ފިޔަވަޅުތަކުގެ ތެރެއިން ފިޔަވަޅެއް މިސާލު: ލަނގިރި ޖެހުމުގައި މާފަތިން ކުޅިހަދައި ނިމިގެން ކުރުދަނޑިއަށް ބަދަލުކުރުން. (4) ރާޒުވާއާއި ފަޗިސްފަދަ ކުޅިވަރުކުޅޭން ހަދައިފައި ހުންނަ އެއްޗެހީގެ ތެރެއިން އެކަތި (5) އެކި ބާވަތުގެ ބަޑިކުޅި ހަދާން ތައްޔާރުކޮށްފައި ހުންނަ ބޭސްގަނޑު (6) ނއ މިރުހުގައި ހުންނަ ރަހަ
ކުޅިބައި
ނ ރާޒުވާގެ ކުޅިތައް
ކުޅިކޮށި
ނ (1) ކޭއެއްޗެހީގެ ރަހަޔާއެކު އަންނަ ވަޔަކުން އަރާކޮށްޓެއް މިކޮށިއެރުމުން ބައެއް ފަހަރަށް ކޭއެއްޗެހިވެސް އާދެއެވެ (2) ކަނޑިއާއި އައްޑަނައާއި ލޮންސިފަދަ ތަކެތީގެ ހެވިކަން ދަސްކޮށްދީ ފަރިތަކުރާތަނާއި މިކަމުގެ ޙަރަކާތްތައް
ކުޅިވަރު
ނ މުނިފޫހި ފިލުވުމަށް ނުވަތަ ހަށިގަނޑަށް ކަސްރަތު ހޯދުމަށް ވަކި ހަމައެއްގެ މަތިން ކުރާ ބައެއް ކަހަލަ ކަންތައްތައް މިސާލު: މިޔުޒިކްކުޅުން ފުޓްބޯޅަކުޅުން
ކުޅިގަނޑު
ނ (1) ރާޒުވައާއި ތިންހަމައާއި އޮށްވަޅުފަދަ ކުޅިވަރުގައި ކުޅޭން އަތުރާ ކުޅުންގަނޑު (2) މަޖާޒު: ނުބައެއް އުފައްދާން ރާވާރޭވުން (3) ބޭޒާރުނުވެ ހިނގާ ނޭދެވޭ ކަންތައް
ކުޅޭތާލަވަ
ނ ގުޅަކުޅޭ ފަސްގަނޑުގައި ކުޅިޖަހައި އުޅުނުއިރު ބެރުގައި ޖަހައި އުޅުނު ލަވަޔާއި ފުމޭލަވަތައް
ކުކުން ދަވާދު
ނ ފަންޑިތަވެރިން ތަށިލިޔަން ތައްޔާރުކުރާ ދަވާދެއް މިހަދައިފައި ހުންނަނީ ފިނިފެނާ ކުކުން އަޅައިގެންނެވެ
ކުއްޅަފިލާ
ނ ބިމުން ފަޅައިގެން ބޮނޑިބޮނޑިއަށް ހެދޭ ވިނައެއް މީގެ ފަތްތައް ހުންނާނީ ކޮޅަށެވެ މިއީ ކާންބޭނުން ކުރާ ފަތެކެވެ
ކުއްލާބުގެ
ނ ގަނޑުވަރުތެރޭ ބޭފުޅުން ޚިތާނުފުޅު ކުރެއްވުމާއި ރަސްމީ ފެހުންތައް ފަހައި ފޯއްކޮށައި ބިލެތް ކަފައި ހެދުމަށް ގަނޑުވަރު ތެރޭގައި ހުންނަ ގެއެއް ކުއްލާބުތެލި ބަހައި ހަދަނީވެސް މިގޭގައެވެ
ކުދިރުވާލި
ނ ފީނިކޮށް ދަނޑިތައް ވަކިވަކިން ވާކޮށްހެދޭ ގަހެއް މީގެ ދަނޑިވަރަށް ވަރުގަދަވާނެއެވެ މިގަހުގެފަތުގައި ވަރަށްނުބައި ހިތިވަހެއް ހުންނާނެއެވެ މާހުންނާނީ އުނިއޮށެއްގެ ބޮޑުމިނުގައި އެތެރެހުސްކޮށެވެ މަލުގެ ސިފައަކީ އާފަލެއްގެ ސިފައެވެ ކުލައަކީ ފެހިކުލައެވެ މީގެވަކި ލަބަރިބަންނަން ބޭނުންކުރެއެވެ މީގެފަތަކީ ބޭހަށް ބޭނުންކުރާ އެއްޗެކެވެ
ކުދިބޭކަލުން
ނ ރަސްމީ ޢިއްޒަތުގެ ކަންތަކުގައި ރަސްގެފާނާ އެންމެ އަރިހަށްތިބޭ ޚާދިމުން މިއީ އެތެރެކޮއިލުގެ އެތައްކަމެއް ކުރާން ބަތާ ދެއްވާފައިތިބޭ ރަސްމީ ބައެކެވެ