radheef.info
ރަދީފު


ދުން
ނ (1) ބައެއް އެއްޗެހި އަނދާއިރު ހުޅުގަނޑުގެ މަތިން ވައިގެ ތެރެއަށް އަރައިގެންދާ ގަދައަޅިކުލައިގެ ނުވަތަ ކަޅުކުލައިގެ ގޭސް (2) ދުން އެޅުމަށްޓަކައި ތައްޔާރުކޮށްފައި ހުންނަ މީރުވަސް ދުވާތަކެތި (3) )ބދ ( ބުޅާ
އިރުވައިބަތް
ނ އިހުގައި ދެއްވާ ރަސްމީ ބޮނޑިބަތެއް. މިކަން އޮންނަނީ އިރުވައި ފެށުނީމައެވެ. މިކަން ކުރާނީ ފުރަތަމަ ރޭ އިސްދެވަރަށް ދޮށިމޭނާ ބޭކަލަކު ދެވަނަ ރޭ ހަކުރާދެވަރަށް ހަކުރާ ބޭކަލަކު ތިންވަނަރޭ ވެލާނާ ދެވަރަށް ވެލާނާ ބޭކަލަކު ހަތަރުވަނަރޭ އިސްދެވަރަށް މާފަތް ބޭކަލަކު ފަސްވަނަ ރޭ ހަކުރާ ދެވަރަށް ފާމުދޭރި ބޭކަލަކު ހަވަނަރޭ ވެލާނާ ދެވަރަށް ދަހަރާ ބޭކަލަކު މިޤަވާއިދުންނެވެ. ބަތެއްގައި ހުންނާނީ ނުވަ ގައު ބައެވެ. ހުންނާނީ ހަތަރުމަލާފަތުގައި މަލާފަތެއްގައި ފަންސަވީސް ބަތެވެ. ބަތް ބަލާދާ ކަލާސީއަކަށް ބަތެއް ބުރުޒު ބަނޑޭރިއަކަށް ދެބަތް އޮންނާނެއެވެ. އެގެންދާ ބަތުގެ ތެރެއިން އެކިއެކި ބޭފުޅުންނަށާއި ދައުލަތުގެ މަތީ މަޤާމުތަކުގައި ތިއްބަވާ ބޭބޭކަލުންނަށް ފޮނުވާނެއެވެ. މިބަތް ކައްކާނީ ބޮޑު ބޭކަލުންގެ ގޭގޭގައެވެ. ބޮޑުބޭކަލަކު ނެތްނަމަ ބަނޑޭރިގޭގައެވެ. އަދި މިބަތް ކައްކާނީ ވަރަށް މޮޅަށް ކިރާ ހަނޑުލުގައި ފޮނިތޮށި ކާފޫރުތޮޅި އަޅައިގެންނެވެ
އިރުވައިކޮލި
ނ ކޮންމެ އަހަރަކު މުލަ ނަކަތް ލައިގަތީމާ ހެޔޮ އިރުވަރެއް ބަލައި ބަޑިހެލުމަށްފަހު ރަދުން ގަނޑުވަރަށް ވަދެވަޑައިގަތީމާ ލައި އުޅުނު ކޮލި. މިއީ ދެބަނޑޮސް ދޭތެރެއިން އޮޑިއެއް ދޯންޏެއް ނުވަނުމަށާއި ފާރުދޮށްކޮށައޮ ދަމަށް އަރާން ކުރާ އަމުރުގެ ކޮއްޔެވެ
އިރުވައިމައުލޫދު
ނ އިރުވަޔަށް ބަޑިހެލީމާ ބޮޑުދުންދޭ ފަންސަވީސް ޒިޔާރަތްދޮށުގައި ފަންސަވީސްރޭ ވާދެން ރެޔަކު ޒިޔާރަތެއް ދޮށުގައި ފޭލިގެ ޖަހައިހެން ކިޔައި އުޅުނު މައުލޫދު. މައުލޫދު ކިޔާނީ ޒިކުރުވެރީންނެވެ. މިމައުލޫދު ފަށައި މައުލޫދު ބުނެހަދާނީ ފަނޑިޔާރުގޭ ނައިބު ބޭކަލެކެވެ. މައުލޫދު ހުއްޓޭއިރަށް ބޮޑު ބަދިގެއިން ފާރުދޮށު ކޭމުގެ ދެކޭން ގެންނާނެއެވެ. މިކަން ކުރާނީ ސިއްކަގޭ ހަނގު ބޭކަލުންނެވެ. ބަޑިހެލީމާ މާބަނޑޭރި ބޭކަލަކު ސިއްކަގެއަށާއި ޒިކުރުވެރީންގެ މުރީދުގެއަށް އިރުވައި މައުލޫދު ކިޔުމުގެ ޚަބަރާ ފޮނުއްވާނެއެވެ
އިއްވުން
މ (1) އަޑުފޯރުވުން (2) އިވޭގޮތްހެދުން
އިއްޒަތަށްވަޑައިގަތުން
މ (1) ރަދުން ނުވަތަ ހަތްކޮޅު ނަގާ ބޭފުޅަކު ހަތްކޮޅު ނެގުމާއެކު ބެރުދުންމާރި ތާޅަފިލީގައި ވަޑައިގަތުން މިގޮތުގައި ވަޑައިގަންނަވާއިރު ކުރީގައި އަމާން ދިދަ ހުންނާނެއެވެ (2) ރަދުން ނުވަތަ ހަތްކޮޅު ނަގާ ބޭފުޅަކު އެކިއެކި ކަންތަކަށް ރަސްމީގޮތުން ވަޑައިގަތުން
އިއްޒަތުގެ ހެދުންކޮޅު
ނ ރަދުންނާއި ހަތްކޮޅު ނަގާ ބޭފުޅުންގެ ރަސްމީ ހެދުންކޮޅު
އިދުގެރިހިއްޕެވުން
މ ޙައްޖުމަހު 6 ވަނަ ދުވަހު ހަވަރު ނުކުންނަވައިގެން ހަވަރު އަޟުޙިއްޔާ ކަތިލެއްވުމަށް ރަދުން ދެއްވާގެރި ރަސްމީގޮތުގައި ހިއްޕެވުން
(4) "އިލި" ބަލާ! އިލިކޮށުން
މ (1) އިލިހެދުން (2) އިލިމެށުން (3) އެއްޗެއްގައި ޖަހައިފައިހުރި އިލިތަކަކުން ބައެއް އިލި ބިނދުން
އިލިއެރުވުން
މ ތޮރުފާފައިހުރި ތަނަކަށް އިލިވެއްދުން
އިސާރަތްނުކުރުން
މ (1) އަޅައިނުލުން (2) ދެނަހުރި ކަމަށް ނުހެދުން
އިސްކަންދަރު
ނ (1) 8501 ހ ވަނަ އަހަރު ރާއްޖޭގެ ތަޚުތަށް އިސްވެވަޑައިގެން އައްސުލްޠާން އިބްރާހީމް އިސްކަންދަރު ސިރީކުލަ ރަންބީމަ ކައްތިރިބަވަނަ މަހާރަދުންނާއި އޭގެ ފަހުގައި އިސްވެވަޑައިގެންނެވި ބައެއްރަސްކަލުންގެ ނަންފުޅުގެ ފަހަތަށް ގެންނަ ލަޤަބެއް (2) ލާރި
އިސްކަންދަރުހަރުބި
ނ ހަތްކޮޅު ނަގާބޭފުޅުން އިއްޒަތަށް ވަޑައިގަންނަވާއިރު ގަނޑުވަރުން ފެށިގެން އެވަޑައިގަންނަވާ ތާކަށް ވަޑައިގަންނަވާންދެން ދުންމާރީގައި ފުމޭ ހަރުބި
އިސްކުރުކެނޑުން
މ (1) އިސްކުރަކަށް ވާނޭހެން ހެދުން (2) މައިޒާން ވާނޭހެން ކެނޑުން
އިސްޕަންޖުކޭކު
ނ (1) ކޭކުގެ ބާވަތެއް (2) ބަޓަރު ނުވަތަ މާޖިރީން ފަދަ އެއްޗެއް ނާޅައި ނުވަތަ މިއިން ބާވަތެއް ވަރަށް މަދުން އަޅައިގެން ހަދާ އިސްޕަންޖު ގޮތަށް ހުންނަ ލުއިލުއި ކޭކޭއް
އިސްޕިރިޓްކުރާ
ނ ބިގަރާއި އިންޖީނު އުނދުން ފަދަ އެއްޗިއްސަށް އިސްޕިރިޓްއަޅަން ގެންގުޅޭ ކުރާ
އިޔާސްވުން
މ (1) އުއްމީދުކެނޑުން (2) މުސްކުޅިވުމުގެ ސަބަބުން އެދުން ކެނޑިދިއުން
އީދުހެދުން
ނ (1) ޢީދުދުވަހުލާ ހެދުން މަޖާޒު: (2) އާހެދުން (3) ނަލަހެދުން
އީޖާދު
ނ ކަމެއް ނުވަތަ އެއްޗެއް އަލަށް އުފައްދާ އުފެއްދުން މިއުފައްދާ އެއްޗަކަށް ވެސް އީޖާދު ކިޔައެވެ
އުނދުންޖެހުން
މ (1) ކަންވާރު އުދޭނޭގޮތަށް އަޅިން އުދުނެއްހެދުން (2) ނުވަތަ ތިންބުރި ނުވަތަ ހަތަރުބުރި ދަގަނޑު މިގޮތަށް ބިމަށް ހެރުން
އުނަގަނޑުމަތި
ނ (1) ބުރިކައްޓާއި ޅިނދުމަށްޗާއި ބެދުނު ހިސާބު (2) ގުޑީގެ މައިގަނޑާއި ފިންދުންޏާއި ބެދުނުތަން (3) ދޫނިސޫފާ ސޫފީގެ ފިނދުފަތާއި ހަށިގަނޑާއި ބެދުނުތަން