radheef.info
ރަދީފު


ފެން
ނ (1) އޮކްސިޖަނާއި ހައިޑްރޯޖަން އެކުލެވިގެން އުފެދިފައިވާ އެއްޗެއް. މިއީ ފިނިވީމާ ގަނޑުވާ ހޫނުވީމާ އާތްވަށްވެގެން އަރާ ކުލައެއް ވަހެއް ނެތް ދިޔާ އެއްޗެކެވެ (2) ވާރޭ (3) ކަރުނަ (4) މަޖާޒު: މަނި (5) ނއ ފޯރިއެއް ރޫޙެއްނެތް
ގޯނިބަލި
ނ )ސ ( ގައިގެ ތަންތަން ދުޅަވެ ފެންއެރި ކަނޑަކަނޑައިގެން ދާ ބައްޔެއް ދިވެހިރާއްޖޭގައި މިބަލި އެންމަ ފުރަތަމަ ފާޅުވީދެވަނަ ބޮޑު ހަނގުރާމައިގެ ދުވަސްވަރު އައްޑު އަތޮޅުންނެވެ
ފާސް
ނ (1) ތަޢުލީމީ ފެންވަރު ހުރިވަރު އަންގައިދޭ ސަނަދު. (2) ތަނަކަށް ވަނުމުގެ ހުއްދަ ދިނުމުގެ ގޮތުން ދޭލިޔުން ނުވަތަ ނިޝާން. (3) ފޭލުގެ އިދިކޮޅު. (4) ވަކި ކަމަކަށް މީހަކު އެކަށީގެންވާ ކަމަށް ނުވަތަ ވަކި ބައެއްގެ ތެރެއަށް ހުށަހެޅޭ ގޮތްތަކަކަށް ނުވަތަ ގޮތަކާމެދު އެއްބަސްވާ އެއްބަސްވުމާއި ނިންމާ ނިންމުން. (5) ތާސްބައިން "ނީލަން" ކުޅޭއިރު އެމީހެއްގެ ފަހަރު އައުމުން ދޫކޮށްލާ ދޫކޮށްލުން. (6) އަންހެނުން ދެ ބަޔަކަށް ބެހިގެން ކުޅޭ ކުޅިވަރެއް. (7) އެއްޗެއް ނުވަތަ ކަމެއް ނުވަތަ ތަނެއް ހުރީ ޤަވާޢިދާ އެއްގޮތަށްތޯ ނުވަތަ ނޫންތޯ ބަލައި ނިންމާ ނިންމުން
ފާޑުކިއުން
މ މީހުން ކުރާ ކަންތަކާ ދޭތެރޭގައި އެމީހަކަށް ފެންނަގޮތެއް ކިޔުން
ފާޚާނާ
ނ ފެންވެރުމާއި ޤަޟާޙާޖަތް ކުރުމަށް ހަދައިފައި ހުންނަ ތަންތަން
ފާޚާނާކުރާ
ނ ތާހިރުވާން ފެންއަޅާ ކުރާ
ފާޚާނާވަޅުގަނޑު
ނ ފާޚާނާގެ ނަޖިހާއި ފެން އެޅެން ހުންނަ ވަޅުގަނޑު
ފިނިފެން
ނ (1) ރަހަމީރުކުރަން ބައެއްކަހަލަ ފޮނިއެއްޗިއްސަށް އަޅާށާއި ބޭހަށް ބޭނުންކުރަން ތައްޔާރުކޮށް ފުޅީގައި ބަންދުކޮށްފައި ހުންނަ ފެނެއް (2) ފިނިކޮށް ހުންނަ ފެން
ފިނިފެންރޯސް
ނ ފިނިފެން އަތަރަށްވުރެ ވަސްމަޑު އެއަށްވުރެ ދިޔާކޮށް ހުންނަ އަތަރެއް
ފިނިފެންއަތަރު
ނ ފިނިފެންމަލުން އުފައްދާ އަތަރު
ފިނިފެންމަލް
ނ )ޏ ( ފިނިފެންމާ
ފިނިފެންމާ
ނ (1) ވާކޮށް ހެދޭ ކަށި ހުންނަ ގަހެއްގައި އަޅާ ފަސްފިޔައިގެ ފިޔަބަރި ތަކެއް ހުންނަމަލެއް )މީގެ އެންމެ ޢާއްމު ވައްތަރަކީ މަޑު ފިޔާތޮށި ކުލައެވެ މިކުލައިގެ މަލުގައި މަޑުމަޑު މީރުވަހެއް ހުރެއެވެ ( (2) ފިނިފެންމަލާ އެއްގޮތަށް ހަދައިފައި ހުންނަމާ
ފިނިފެންޖަންބު
ނ ފިނިފެންރަހަލާ ޖަންބު
ފިނިފެންޖެހުން
މ މާލޫދު ދެބައިކުރަން ތެދުވީމާ ހުވަނދުދީފައި ގުލާބުދާނުން މީރުވަސް ދުއްވައިފައި ހުންނަފެން ވިއްސުން އެކިއެކި ކުޅިވަރުތައް ކުޅޭ އިރުވެސް މިގޮތަށް ފެންވިއްސައެވެ
ފިންމޫދުއޮއި
ނ )ސ.( އެތެރެ ވަރީގައި ރޭގަނޑު އަޅާ އޮޔެއް. ކަނޑު އޮޅިތަކުން އެތެރެވަރިއަށް މިއޮއި ވަނުމުން ފެންމަތި އޮމާންވެ އަނދިރިވެފައި ލޮނުގަނޑުގެ އަޑިން ރެދަން ފެނެއެވެ މިއޮއި އެޅުމުން އެތެރެވަރީގެ މަސްވެރިކަން ނުބައިވެއެވެ
ފިންޑާ
ނ )ގ ( ފެންޑާ
ފިއްތިފުޅި
ނ އިހުގައި ރަސްކަލުންނާއި އަމީރުންނާއި ވަޒީރުންގެ ސަންދޯންޕުޅު ގެންދާއިރު ފިނިފެން ޖަހަން ގެންގުޅޭ ފުޅިއެއް. މި ފުޅި ހުންނާނީ ފަތިކޮށް މެދަށް ފިއްތާލާފައެވެ މިއީ ނޫކުލައިގެ ފުޅިއެކެވެ މިފުޅި ފިނިފެން ޖަހަން ގެންދަނީ އުނަށްދިން ފޭއްޔެއް އޮޅާލައިގެންނެވެ
ފިއްގޮވާ ދޫނި
ނ ފެންފޯއް ދޫނި
ފިލައިއޮތުން
މ (1) ތަނަކަށް ވަދެ ނުފެންނާނެގޮތަށް އޮތުން (2) )ޏ ސ ( ބިސް ފީކުރުމަށްޓަކައި ބިހުގެ މަތީގައި އޮތުން
ފިލުން
މ (1) ފޮރުވިގަތުން މިސާލު: މީހަކަށް ނުފެންނަން ފިލުން (2) އެއްޗެއްގައި ހުރި ނިޝާނެއް ފޮހެވުން މިސާލު: ގަމީހުގައި ހުރި ލައްގަނޑު ފިލުން (3) ހަނދާނުގައި ހުރިކަމެއް ހަނދާނުން ކެހުން މިސާލު: ރަށުގެ ހަނދާންތައް ފިލުން
ފިލްމުދެއްކުން
މ ބަޔަކަށް ފެންނާނެހެން ބައިސްކޯފު ދެއްކުން