radheef.info
ރަދީފު


ނަ
އކ (1) ނަފީކުރަން ބޭނުންކުރާ އަކުރެއް މިއަކުރު އާއްމުކޮށް އަންނާނީ ބަހުގެ ކުރިޔަށެވެ މިސާލު ނަހަމަ (2) ނޫން
ހިތިފިލުވުން
މ ބައެއް ތަރުކާރީގައި ހުންނަ ހިތިރަހަ އެއިން ވަކިކޮށް ސާފުކުރުން
ހިތިދަނޑި
ނ ބޭހަށް ގެންގުޅޭ ހިތިރަހަލާ ހިމަދަނޑިއެއް މިއީ ރާއްޖެއިން ބޭރުން ގެންނައެއްޗެކެވެ މީގެ ގަސްހެދެނީ އޮނު ހުންނަ ގޮތަށް ބަދަބަދަލައިފައި ބަދަތައް ވަރަށް އޮމާން ކޮށެވެ ބަދަތައް ހުންނަނީ ހިމަކޮށެވެ ގާތްގަޑަކަށް ކުޑަވާއިނގިއްޔެއްހާ ފަލަމިނެއްގައެވެ ފަތްތައްވެސް ހުންނަނީ އޮނުފަތާ ވައްތަރުކޮށް އެއަށްވުރެ ކުދިކޮށެވެ މިގަސް ހެދެނީ ގާތްގަނޑަކަށް 5 ފޫޓެއްހާވަރަށެވެ އިނގިރޭސިބަހުން މިގަހަށް ކިޔަނީ ސިންކޯނާއެވެ
ހިތިދުވަސް
ނ ރަމަޟާންމަހު 22، 24، 26، 28 މި ހަތަރު ދުވަސް. މިއީ ރަސްމީ ގޮތުން ރަސްކަލަކު ބައެއް ވަލީވެރިންގެ ޒިޔާރަތަށް ފާތިޙާ ވިދާޅުވުމަށް ވަޑައިގަންނަވާ ދުވަސް ދުވަހެވެ. (1) ހެންވޭރު ބޮޑު ހިތީގައި ޙަބްޝީގެފާނުގެ މަޤާމްފުޅަށް. (2) މާފަންނު ބޮޑު ހިތީގައި އަލި ރަސްގެފާނު ޒިޔާރަތަށް. (3) ހެންވޭރު ކުޑަހިތީގައި މެދުޒިޔާރަތަށް. (4) މާފަންނު ކުޑަހިތީގައި ފަޤީހު ސުލައިމާނު ޒިޔާރަތަށެވެ. ފަހުން މިކަމުގެ ރަސްމިއްޔާތު ރޭގަނޑަށް ބަދަލުވީމާ އޮންނަނީ 23، 25، 27، 29 މިރޭ ތަކުގައެވެ
ހިތިތެޔޮ
ނ ވަރަށް އޮލަކޮށް ހުންނަ ބޭސްތެލެއް މިތެޔޮ ހުންނާނީ ކަޅުނޫ ކުލައެއްގައެވެ މިތެޔޮހަދަނީ ހިތިގަހުގެ ފަތާ މަލާ ދަނޑީގެ ތޮއްޓާ ހުރިހާ އެއްޗެއް އެއްކޮށްގެންނެވެ
ހިތިގަސް
ނ އުސްކޮށް ބޮޑުތާނގައި ފެތުރިގެންހެދޭ ލަކުޑިމޮޅުގަހެއް. މިގަހުގެ ލަކުޑި ހުންނާނީ މަޑުމުށިކުލައިގައެވެ. މިގަހުގެ ދަނޑިޔާއި ފަތަކީ އެކިކަންކަމަށް ފައިދާހުރިބޭހެކެވެ. ފަތްހުންނާނީ ކުރިޔަށް ހިމަކޮށް ބުޑުދޮށަށް ފަލަކޮށް އަރިޔަށް ލެނބިލައިފައެވެ ފަތުގެކައިރިފަށް ހުންނާނީ ތުނޑުތުނޑުލައިފައެވެ ފަތުގައި ވަރަށް ގިނަ ގަދަ ހިތިރަހައެއް ހުންނާނެއެވެ
ހިތިގެ
ނ ބޮޑު ދެ ހިތީގައި ރަދުން ހިއްޗަށް ވަޑައިގެން ހުންނަވާން އަޅާ ވަގުތީ ގެކޮޅެއް
ހިތީބޯޓް
ނ (1) ހިތިދުވަހަށް ހިތީ ކުޅިވަރަށް ހަދާ ވައްތަރުގެ ނައުޒޯނގު (2) މަޖާޒު: އަޞްލުގައި ނެތްއެއްޗެއް ކަމުން ދެއްކުން މިސާލު: ފޮތްތެރިއަކަށް ނުވާ މީހަކު ފޮތްތަކެއް އެއްކޮށްގެން ފޮތްތެރިއަކަށް ހެދިގެން އުޅުން
ހިތީކިޔެވުން
މ ހިތިދުވަހު އަޞްރު ނަމާދުން ފައިބައިގެން ބޮޑު ކިއެވެނީންނާއި ކަމުވޮށިނުވޮށީން އެދުވަހު ހިއްޗަށް ވަޑައިގަންނަވާ ޒިޔާރަތެއްގެ ކައިރީގައި ފޮތް ފޮއްޓެއް ކިއެވުން
ހިތީކޭން
ނ ހިތީކިޔަވާން ދުރުވާ ހަނގުބޭކަލުންނާއި އަވަށު މީހުން ރޯދަވީއްލުމަށް ކައްކައިގެން ގެންދާކޭން މިކޭން ކައްކަނީ މަޖިލީހަށް އަރާ ބޭކަލުންގެ ގޭގެއިންނެވެ މި ކޭމާއި ފާރުދޮށުކޭމާ ހުންނަ ތަފާތަކީ މިކޭމުގައި ހިތި ހުންނަކަމެވެ
ހިތީކޮލި
ނ ހިތިދުވަހު ހެނދުނު އެދުވަހު ހިތީ ކިއެވުމަށާއި ކިއަވާންވީ ތަނަށް ދާން އެނގުމަށް ލާ ކޮލި
ހިތުނެތްގޮތް
ނ (1) ހިތަށްވެސް ނާރާ ފަދަ ކަންތައް (2) ތަނަވަސްކަމުގެ ކޮޅުނެތް ކޮޅު މިސާލު: އައްޔަށް އެ މާވަހަރު ހޮވުނުފަހުން އެ އާއިލާ ހިތުނެތްގޮތަށް ދިރިއުޅެމުން ގެންދެއެވެ
ހިތުން
ނ (1) ހިތަށް ފެންނަ ގޮތް މިސާލު: މަހިތުން މިހާރު އިރު އޮއްސިދާނެ (2) މީހަކާ މެދު ކަންކުރާގޮތް މިސާލު: ހެޔޮކޮށް ހިތާ ހިތުން ނުބައިކޮށް ހތިާ ހިތުން (3) މ ހީކުރުން
ހިތުންފިލުވުން
މ (1) ހަނދާން ނައްތައިލުން (2) ކަމަކާ ނުވަތަ އެއްޗަކާމެދު ހިތުގައި އުފެދިފައިވާ ޝައުޤުވެރިކަން ނައްތައިލުން
ހިތުފާހަގަ
ނ (1) ހިތަށް ފެންނަ ދިމާ (2) ކަމަކަށް ބޭނުންވެގެންވާ ސާމާނާއި ނުލައި އެކަމަށް ހިތުން ކުރާލަފާ
ހިތުލަފާ
ނ (1) ހިތުން ހިމަނާ ހިމެނުން (2) މީހެއްގެ ހިތަށް ފެންނަގޮތް
ހިތުލީބޮލިނެގުން
ނ (1) ބޮލިއަތުރައިގެން ކުޅޭ ކުޅިވަރެއް މިކުޅިވަރުގައި އެކެއްގެ ހިތުން ގަސްތުކުރާ ބޮލި ދެވަނަ ފަހަރު އެތުރުމުގެ ގޮތުން އަނެކަކު ވިސްނައިގަނެއެވެ (2) މަޖާޒު: މީހަކާ ހިތާވެގެން އެކަން ފާޅުނުކޮށް ހުރެހުރެފައި އެމީހަކާ އިންނަ އިނުން
ހިތުގައި ގާގަނޑެއްހެން އޮތުން
(މިސާލުބަހެއް) ތިމާޔަށް ހަސަރުކުރާގޮތަށް އަނެކަކު ކުރާކަންތައް ނުވަތަ ބުނާބަސްތައް ހިތުން ފިލައިގެން ނުގޮސް ހުންނަ ހުރުމަށް ބުނެއުޅޭބަހެއް
ހިތުގިލަން
ނ (1) ހިތުގެބަލި (2) ނުފިލާހުންނަގަދަމޮޅި
ހިތް
ނ (1) އެތެރެހަށީގައިވާ ވެރިގުނަވަން ތަކުގެ ތެރޭގެ ގުނަވަނެއް މީގެ މަސައްކަތަކީ ލޭހިންގުމެވެ (2) އެދުން (3) ބޭނުން
ހިތްހަލާލު ހޯދުން
މ (1) ހިތުގެ ރުހުން ހޯދުން (2) ހިތުގެ ސާފު ރުހުން ލިބިގަތުން މިކަމަކީ ފިރިމީހާގެ ކިބައިން އަނބިމީހާ މައިންބަފައިންގެ ކިބައިން ދަރިން އެދުރުންގެ ކިބައިން ދަރިވަރުން ލިބިގަންނަ ކަމެކެވެ