radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ފަންގިވިނުން
މ ތިން އިލީގައި ތިން ފަށް ރޯނު ގުޅައިގެން ވަކި ދުރުމިނެއްގައި ބަހައްޓައިގެން ފަންވަތްތަކެއް ވަކިގޮތަކަށް އެމުނުން
ފަންގިވިދުން
މ ފަންގިވިނުން
ފަންގިމެޅުން
މ ނިވާކުރުމަށް ނުވަތަ ނިވާވުމަށް ފަންގެ އެޅުން
ފަންގިފިލާ
ނ (1) ގޭގޭގެ ހުރަސް ވަކަރުމަތީ ފިލާއަޅައި އެއްޗެހި ބެހެއްޓޭގޮތަށް ހަދައިފައިވާ ތަން. (2) މަތީބުރީގައި އުޅެވޭގޮތަށް އުސްކޮށް ރާނައިފައި ހުންނަ ގޭގޭގެ މަތީބުރީގައި އުޅޭ މީހުން ހިނގާ ބިނގާވާތަން. (3) ދެވަނަ ނަމްބަރުގައި ބުނެފައިވާ ތަންތަނުގެ ދަށުގައްޔާއި ފުރާޅު ނިވާކުރުމަށް ފުރާޅުދަށުގައި ލަކުޑިން ނުވަތަ ސިމެންތި ފިލައިން ނުވަތަ އެނޫންވެސް އެއްޗަކުން ޖަހާނިވައި
ފަންގިލީބަތް
ނ އިހުޒަމާނުގައި ގެއެއް ހިޔާކޮށް ނިމުނީމައި އެމަސައްކަތުގައި އުޅުނު މީހުނަށްދޭ ކެއުން
ފަންގިލުން
މ ވިދެފައި ހުންނަ ފަން ބޭނުންކޮށްގެން ފުރާޅެއް ހިޔާކުރުން
ފަންގެ
ނ (1) ފަންގި (2) ފަނުން އަޅައިފައި ހުންނަ ގެ
ފަންގެބޮނޑި
ނ ވިދެފައި ހުންނަ ފަނުގެ ބޮނޑިއެއް
ފަންގެއެރުވުން
މ ފުރާޅެއްގައި ފަންގިލާއިރު ގިނަ ފަންގަނޑުތައް ގުޅުވައި އޭގެކޮޅު ފުރާޅުމަތީ ތިބޭ މީހުންގެ އަތަށް ދިނުން
ފަންޏަށްލުން
މ (1) ދުވަސް ނުފުރާ ވިހާ ކުއްޖާއަށް ނުވަތަ ވިހާއިރު ވަރުދެރަ ކުދިންނަށް ހޭހަން ކުރުމަށް ހަކުރު ފަނީގައި ބޭއްވުން (2) ޣުލާބުޖާނު ފަދަ ފޮނިކާއެއްޗެހި ފަނީގައި ބެހެއްޓުން
ފަންޏާދިއުން
މ ބޮޑުމާލޫދަށް ދަޢުވަތު ދީގެން ރަށްރަށުން އަންނަ މީހުނަށް ދިނުމަށްޓަކައި އަތިރިމައްޗަށް ފަނިރުނބާތައް ގެންދިއުން
ފަންސަވަންނަ
ނ (1) ގުނުމުގެ ފަންސާސް ފަސްވަނަ އަދަދު (2) ފަސްދިހަފަހެއް (3) ފަންސާސްފަހެއް
ފަންސަވީސް
ނ (1) ގުނުމުގެ ފަންސަވީސް ވަނަ އަދަދު (2) ދެދިހަފަހެއް
ފަންސަތިރީސް
ނ (1) ގުނުމުގެ ތިރީސް ފަސްވަސަ އަދަދު (2) ތިންދިހަ ފަހެއް (3) ތިރީސްފަހެއް
ފަންސަޔާހި
ނ (1) ގުނުމުގެ އަށްޑިހަ ފަސް ވަނަ އަދަދު (2) އަށްޑިހަފަހެއް
ފަންސަޔާނަވައި
ނ (1) ގުނުމުގެ ނުވަދިހަ ފަސްވަނަ އަދަދު (2) ނުވަދިހަފަހެއް
ފަންސަޔާޅީސް
ނ (1) ގުނުމުގެ ސާޅީސް ފަސްވަނަ އަދަދު (2) ހަތަރުދިހަފަހެއް (3) ސާޅީސްފަހެއް
ފަންސާސް
ނ (1) ގުނުމުގެ ފަންސާސް ވަނަ އަދަދު (2) ފަސްދިހަ
ފަންސުރު
ނ ހިމަދިގުކޮށް އޮންނަ ލަކުޑި ކޮޅެއްގެ ތެރޭގައި ހަރުދެލި ކަހަލަ އެއްޗެއް އޮންނަ ލިޔުމަށާއި ކުރެހުމަށް ބޭނުންކުރާ އެއްޗެއް
ފަންސުރުފޮށި
ނ ފަންސުރާއި ފަތިގަނޑުފަދަ ލިޔެކިޔުމުގެ ސާމާނުލުމަށް ހަދައިފައި ހުންނަ ފޮށި